إِبْرَانِيَاوَا 11 - أَتَّوْرَتْ دَ أَنَّبَاوَا

مَعَنَرْ بَنْ‌غَسْكِيَ

¹ بَنْ‌غَسْكِيَ عِتَثٜىٰ كَسَنْثٜىٰوَ دَ تَبَّثِ عَكَنْ أَبِنْدَ مُكَ سَا ذُوثِيَا عَكَيْ، ذَمَنْ تَبَّثِ كُمَ غَمٜىٰدَ أَبِنْدَ بَاعَ عِيَ غَنِ؞

² تَوُرِنْ بَنْ‌غَسْكِيَ نٜىٰ مُتَنٜىٰنْ دَا سُكَ سَامِ يَبُواْ دَغَ وُرِنْ اللَّهْ؞

³ تَوُرِنْ بَنْ‌غَسْكِيَ مُنْ غَانٜىٰ ثٜىٰوَ بِسَغَ كَلْمَرْ اللَّهْ نٜىٰ عَكَ حَلِثِّ دُكَنْ دُونِيَا، حَرْ أَبِنْدَ عَكٜىٰ غَنِ يَڢِتُواْ نٜىٰ دَغَ أَبِنْدَ بَعَ عِيَ غَنِ؞

جَرُمَوَنْ بَنْ‌غَسْكِيَ

⁴ تَوُرِنْ بَنْ‌غَسْكِيَ نٜىٰ هَبِيلَ يَمِيڧَوَ اللَّهْ هَدَايَرْدَ تَڢِ تَ كَيِنُ ݣَوْ؞ تَيِنْ حَكَ يَسَامِ يَبُواْ دَغَ وُرِنْ اللَّهْ ثٜىٰوَ شِے مَيْ أَدَلْثِنٜىٰ، سَعَدَّ اللَّهْ يَكَرْٻِ بَايَرْوَرْسَ؞ هَبِيلَ كُوَ يَمُتُ، عَمَّا سَبُواْدَ بَنْ‌غَسْكِيَرْسَ يَنَ مَغَنَ حَرْ يَنْذُ؞

⁵ تَوُرِنْ بَنْ‌غَسْكِيَ نٜىٰ عَكَ طَوْكِ إِدْرِيسْ، دُواْمِنْ كَدَ يَغَ مُتُوَ؞ بَعَكُوَ سَامٜىٰشِ بَ، سَبُواْدَ اللَّهْ يَارِغَا يَطَوْكٜىٰشِ؞ كَاڢِنْ أَطَوْكٜىٰشِ أَنْبَادَ شَيْدَ ثٜىٰوَ يَڢَرَنْتَ وَ اللَّهْ رَيْ؞

⁶ إِنْ بَاتَرٜىٰدَ بَنْ‌غَسْكِيَابَ، بَايَ يِوُوَ أَ ڢَرَنْتَاوَا اللَّهْ رَيْ، غَمَا دُكْ مَيْ مَڟُواْوَ كُسَدَ اللَّهْ دُواْلٜىٰنٜىٰ يَبَادَ غَسْكِيَ ثٜىٰوَ أَݣَويْ اللَّهْ كُمَ يَنَ بَادَ لَادَ غَ دُكْ وَطَنْدَ سُكٜىٰ نٜىٰمَنْسَ؞

⁷ تَوُرِنْ بَنْ‌غَسْكِيَ نٜىٰ نُوحُ، بَايَنْدَ اللَّهْ يَيِ مَسَ غَرْغَطِے عَكَنْ أَبُبُوَنْ دَ بَاعَغَنِبَ تُكُنَ، يَيِ بِيَيَّ، يَشِرْيَ جِضْغٍ ضُوَ دُواْمِنْ عَثٜىٰثِ عِيَلِنْسَ؞ تَهَكَ، يَسَا أَنْحُكُنْتَ دُونِيَا، شِيكُوَ يَذَمَ مَيْ غَادُوانْ أَدَلْثِے وَنْدَ عَكٜىٰ سَامُ تَبَنْ‌غَسْكِيَ؞

⁸ تَوُرِنْ بَنْ‌غَسْكِيَ نٜىٰ إِبْرَٰهِيمْ يَيِ بِيَيَّ يَكَامَ حَنْيَ ذُوَا وَتَ ڧَسَا وَدَّ عَكَيِ مَسَ أَلْڧَوَرِ ثٜىٰوَ ذَيْ كَرْٻِ غَادُوانْتَ؞ شِے كُوَ يَكَامَ حَنْيَ كُواْدَيَكٜىٰ بَيْ سَنْ عِنْدَ ذَا شِبَ؞

⁹ تَوُرِنْ بَنْ‌غَسْكِيَ يَذَوْنَ كَمَرْ بَڧُواْ عَڧَسَرْ نَنْ دَ اللَّهْ يَيِ مَسَ أَلْڧَوَرِ؞ يَنَ ذَمَ عَثِكِنْ تٜىٰنْتُنَ، شِ دَ إِسْحَٰڧَ دَ يَعْڧُوبَ، وَطَنْدَ سُكَ غَاجِ أَلْڧَوَرِنَّنْ تَرٜىٰ دَشِ؞

¹⁰ يَيِ إِرِنْ وَنَّنْ ذَمَنْ نٜىٰ دُواْمِنْ يَا سَا ذُوثِيَا عَكَنْ بِرْنِنَّنْ وَنْدَ يَكٜىٰدَ تُوشٜىٰ، وَنْدَ اللَّهْ نٜىٰ مَيْشِرْيَاوَ، شِينٜىٰ كُمَ مَيْ غِنَا شِ؞

¹¹ تَوُرِنْ بَنْ‌غَسْكِيَ نٜىٰ إِبْرَٰهِيمْ يَحَيْڢِ طَا، كُواْدَيَكٜىٰ يَڟُوڢَ سُواْسَيْ أَ لُواْكَثِنْ، سَارَةُ كُوَ بَاتَحَيْڢُوَ؞ يَبَادَ غَسْكِيَ ثٜىٰوَ اللَّهْ مَيْ أَمِنْثِنٜىٰ ثِكِنْ أَلْڧَوَرِنْسَ؞

¹² سَبُواْدَ حَكَ دَغَ مُتُمْ طَيَ، وَنْدَ يَڟُوڢَ حَرْ يَكَيْ غَ بَاكِنْ مُتُوَ، عَكَ حَيْڢِ ذُرِيَ مَاسُيَوَ كَمَرْ تَوْرَرِنْ سَمَ، كَمَرْ يَشِ عَبَاكِنْ تٜىٰكُ وَطَنْدَ بَعَ عِيَ ڧِرْغَوَ؞

¹³ دُكْ وَطَنَّنْ سُنْ مُتُ عَثِكِنْ بَنْ‌غَسْكِيَرْسُ؞ بَسُ كَرْٻِ أَبُبُوَنْ دَ اللَّهْ يَيِ أَلْڧَوَرِبَ، عَمَّا سُكَ حَنْ‌غِ أَبُبُوَنَّنْ دَغَ نٜىٰسَ، سُكَيِ مُرْنَ دَ غَنِنْسُ، سُكَ كُمَ بَادَ شَيْدَ أَ ڢِيلِ ثٜىٰوَ سُو بَڧِينٜىٰ، بَ یَنْ ڧَسَابَ، عَدُونِيَا؞

¹⁴ وَطَنْدَ سُكٜىٰ بَادَ إِرِنْ وَنَّنْ شَيْدَ سُنَ نُونَ أَ ڢِيلِ كٜىٰنَنْ ثٜىٰوَ سُنَ نٜىٰمَنْ ڧَسَا تَكَنْسُ؞

¹⁵ دَاعَثٜىٰ سُنَ تَتُنَانِنٜىٰ عَكَنْ ڧَسَرْدَ سُكَ بَرِ عَبَايَ، أَيْ دَ سُنْ سَامِ ظَرَڢِنْ كُواْمَاوَا؞

¹⁶ عَمَّا سُنْسَا ذُوثِيَا عَكَنْ ڧَسَا مَڢِے ݣَوْ، وَتُواْ تَسَمَ؞ شِيَسَا اللَّهْ بَيْجِ كُنْيَا عَثٜىٰ دَشِ اللَّهْ نْسُ بَ؞ حَڧِيڧَ، يَا شِرْيَ بِرْنِ سَبُواْدَسُو؞

¹⁷ تَوُرِنْ بَنْ‌غَسْكِيَ نٜىٰ إِبْرَٰهِيمْ، أَ لُواْكَثِنْ دَ عَكَ ڠُودَاشِ، يَمِيڧَ إِسْحَٰڧَ هَدَايَ؞ وَتُواْ، شِ دَ يَكَرْٻِ أَلْڧَوَرِنَّنْ يَنَ أَشِرْيٜىٰ يَمِيڧَ مَكَطَيْثِنْ طَنْسَ،

¹⁸ كُواْدَيَكٜىٰ اللَّهْ يَڢَطَا مَسَ ثٜىٰوَ ‏«‏تَوُرِنْ إِسْحَٰڧَ نٜىٰ ذَاعَ لِسَّڢْتَا سُونَنْكَ؞»‏

¹⁹ إِبْرَٰهِيمْ كُوَ يَيِ تُنَانِ ثٜىٰوَ لَلَّيْ نٜىٰ اللَّهْ يَنَ عِيَ تَادَ مَتَتُّو؞ حَرْ مَا بِسَغَ مِصَالِ، أَنَ عِيَ ثٜىٰوَ يَا كَرْٻِ إِسْحَٰڧَ دَغَ مَتَتُّو نٜىٰ؞

²⁰ تَوُرِنْ بَنْ‌غَسْكِيَ نٜىٰ إِسْحَٰڧَ يَ أَلْبَرْكَثِ يَعْڧُوبَ دَ إِسُوَ غَمٜىٰدَ أَبُبُوَ مَاسُ ذُوَا؞

²¹ تَوُرِنْ بَنْ‌غَسْكِيَانٜىٰ يَعْڧُوبَ، أَ لُواْكَثِنْ دَ ذَيْ مُتُ، يَسَا وَكُواْوَنٜىٰ يَرُوانْ يُوسُڢَ أَلْبَرْكَ، يَكُمَيِ سُجَّدَ غَ اللَّهْ يَايِنْ دَيَكٜىٰ جِنْ‌غِنٜىٰ عَكَنْ سَنْدَنْسَ؞

²² تَوُرِنْ بَنْ‌غَسْكِيَانٜىٰ يُوسُڢَ، أَ لُواْكَثِنْدَ يَكُسَ مُتُوَ، يَيِ مَغَنَ غَمٜىٰدَ ڢِتُواْوَرْ إِسْرَٰٓءِيلَاوَا دَغَ ڧَسَرْ مَصَرْ، يَكُمَ بَادَ عُمَرْنِ غَمٜىٰدَ ڧَسُسُوَنْسَ؞

²³ تَوُرِنْ بَنْ‌غَسْكِيَانٜىٰ إِيَايٜىٰنْ مُوسَٰى سُكَ ٻُواْيٜىٰشِ حَرْ وَتَا عُكُ بَايَنْ حَيْڢُوَرْسَ؞ سُنْيِ حَكَ دُواْمِنْ سُنْ غَ ثٜىٰوَ يَرُوانْ ݣَكْݣَاوَا نٜىٰ، بَسُ كُمَجِڟُواْرُواْ غَمٜىٰدَ عُمَرْنِنْ سَرْكِے بَ؞

²⁴ تَوُرِنْ بَنْ‌غَسْكِيَانٜىٰ مُوسَٰى، سَعَدَّ يَيِ غِرْمَ، يَڧِ عَثٜىٰ دَشِ طَنْ یَرْ ڢِرْعَوْنَ؞

²⁵ يَذَاٻِ يَشَا وَهَلَ تَرٜىٰدَ مُتَنٜىٰنْ اللَّهْ أَمَيْمَكُوانْ يَجِ دَاطِنْ رُواْمُوانْ ذُنُوبِ نَطَنْ لُواْكَثِ؞

²⁶ سَبُواْدَ يَا كَڢَ عِدُواْ غَ لَادَنْ دَيَكٜىٰ أَغَبَ، يَطَوْكَ ثٜىٰوَ وُلَڧَنْثِنْ دَ عَكَيِ مَسَ سَبُواْدَ أَلْمَسِيحُ أَبُ مَيْݣَوْ نٜىٰ ڢِيٜىٰدَ دُوكِيَرْ مَصَرْ؞

²⁷ تَوُرِنْ بَنْ‌غَسْكِيَ نٜىٰ يَبَرْ ڧَسَرْ مَصَرْ، بَاتَرٜىٰدَ جِنْ ڟُواْرُوانْ ڢُشِنْ سَرْكِے بَ؞ يَجِمْرٜىٰ سَبُواْدَ يَنَ غَنِنْ وَنْدَ عِدُواْ بَايَ عِيَ غَنِ؞

²⁸ تَوُرِنْ بَنْ‌غَسْكِيَ نٜىٰ مُوسَٰى يَكِيَايٜىٰ بِكٍ ڧٜىٰتَرٜىٰوَ، يَكُمَ يَيَّڢَا جِنِ دُواْمِنْ كَدَ مَيْ هَلَّكَرْ دَ یَیَنْ ڢَارِنَّنْ يَتَٻَ یَیَنْ ڢَارِ نَ إِسْرَٰٓءِيلَ؞

²⁹ تَوُرِنْ بَنْ‌غَسْكِيَ نٜىٰ إِسْرَٰٓءِيلَاوَا سُكَبِے تَثِكِنْ تٜىٰكُنْ ثِيَوَرْ إِوَ، عَكَنْ بُوسَشِّيَرْ ڧَسَا؞ عَمَّا دَ مَصَرَاوَا سُكَيِ ڧُواْڧَرِ سُبِيسُ، سَيْ ضُوَ يَݣُوشٜىٰسُ؞

³⁰ تَوُرِنْ بَنْ‌غَسْكِيَ نٜىٰ كَتَنْ‌غَرْ بِرْنِنْ يٜىٰرِكُواْ تَڢَاطِ بَايَنْدَ عَكَيِ تَكٜىٰوَيٜىٰتَ حَرْ ݣُونَ بَݣَويْ؞

³¹ تَوُرِنْ بَنْ‌غَسْكِيَ نٜىٰ رَهَبْ كَارُوَرْ نَنْ، بَتَ هَلَّكَ تَرٜىٰدَ مَرَسَ بِيَيَّبَ، دُواْمِنْ تَكَرْٻِ یَنْ لٜىٰڧٜىٰنْ أَسِيرِنْ ڧَسَرْ نَنْ ثِكِنْ سَلَمَ؞

³² مٜىٰ كُمَ ذَنْ ڧَارَ ثٜىٰوَ؟ بَانِ دَ ظَرَڢِ إِنْيِ ذَنْثٜىٰ عَكَنْ جِدْعَوْنَ دَ بَرَكْ دَ شَمْشُونَ دَ يٜىٰڢْتَادَ دَاوُدَ دَ سَمَٰعِيلَ دَ كُمَ أَنَّبَاوَا؞

³³ تَوُرِنْ بَنْ‌غَسْكِيَ نٜىٰ وَطَنَّنْ سُكَثِ نَصَرَا عَكَنْ مُلْكُواْكِ، سُكَ عَيْكَتَ أَدَلْثِے، سُكَ كَرْٻِ أَبُبُوَنْ دَ عَكَيِ أَلْڧَوَرِ، سُكَ رُرُّڢٜىٰ بَكُنَنْ ذَاكُواْكِ،

³⁴ سُكَ ڟَيْ دَ إِيكُوانْ وُتَا، سُكَ ڟٜىٰرٜىٰ كَيْڢِنْ تَكُبَ؞ سُكَ مَيْدَ رَشِنْ ڧَرْڢِے يَذَمَ دَ ڧَرْڢِے أَغَرٜىٰسُ؞ سُكَ كُواْرِ سُواْجُواْجِنْ ڧَسَاشٜىٰ دَبَمْ دَبَمْ؞

³⁵ مَتَا سُكَ كَرْٻِ مَتَتُّنْسُ وَطَنْدَ عَكَ تَادَسُو دَ رَيْ؞ عَكَ ڠُودَاوَا وَطَنْسُ عَذَابَ، سُو كُوَ سُكَڧِ أَ سَكٜىٰسُ، دُواْمِنْ سُنَ نٜىٰمَ سُتَاشِ دَغَ مَتَتُّو ثِكِنْ رَايُوَا مَڢِے ݣَوْ؞

³⁶ وَطَنْسُ سُكَشَا بَعَ دَبُلَلَ، وَطَنْسُ كُوَ سُكَشَا طَوْرِ دَ سَرْڧَ، وَطَنْسُ عَكَ جٜىٰڢَسُ عَكُرْكُكُ؞

³⁷ عَكَ جٜىٰجّٜىٰڢٜىٰسُ دَ دُوَڟُو، عَكَ يَنْكَ سُ كَشِ بِيُ دَ زَرْتُواْ، عَكَ كُمَ كَكَّشٜىٰسُ دَ تَكُواْبِے؞ سُكَيِ تَيَٰوُاْ سَنْيٜىٰ دَ ڢَتُنَنْ رَغُنَ دَ نَأَوَكِ؞ سُكَيِ ذَمَ ثِكِنْ رَشِ دَ ڟَنَنِ دَ وُلَڧَنْثِ؞

³⁸ حَرْ مَا دُونِيَا بَتَ إِسَ سُذَوْنَ عَثِكِنْتَبَ؞ سُنْيِ تَيَٰوُاْ أَ هَمَادَ دَ كُمَ كَنْ تُدَّيْ؞ سُنَ ݣُونَ عَثِكِنْ كُواْڠُونِّنْ دُوَڟُو دَ كُمَ ثِكِنْ رَامُكَنْ عَڧَسَا؞

³⁹ دُكْ وَطَنَّنْ اللَّهْ يَبَادَ شَيْدَرْ يَبُواْ غَمٜىٰدَ بَنْ‌غَسْكِيَرْسُ، عَمَّا دُكْدَهَكَ بَسُكَرْٻِ أَبِنْدَ عَكَيِ أَلْڧَوَرِبَ؞

⁴⁰ اللَّهْ دَيْ يَشِرْيَ أَبُ مَڢِے ݣَوْ دُواْمِنْمُ؞ نُڢِنْسَ كُوَ شِينٜىٰ كَدَ عَكَيْسُ غَ ظَمَا ثِكَكُّ عِدَنْ بَاتَرٜىٰدَ مُبَ؞