إِبْرَانِيَاوَا 1 - أَتَّوْرَتْ دَ أَنَّبَاوَا

عِيسَىٰ شِينٜىٰ يَبَيَّنَ اللَّهْ

¹ أَ زَامَانِنْ دَا، اللَّهْ يَيِ وَكَاكَنِّنْمُ مَغَنَ تَهَنْيُواْيِ إِرِ إِرِ دَ كُمَ أَلُواْكَتَيْ دَبَمْ دَبَمْ تَوُرِنْ أَنَّبَاوَا؞

² عَمَّا أَوَطَنَّنْ ݣُونَكِنْ ڧَرْشٜىٰ يَيِ مَنَ مَغَنَ تَوُرِنْ طَنْسَ؞ تَوُرِنْ طَنْ نٜىٰ اللَّهْ يَحَلِثِّ كُواْمٜىٰ دَكُواْمٜىٰ؞ شِينٜىٰ كُمَ يَذَمَ مَغَاجِنْ كُواْمٜىٰ؞

³ شِينٜىٰ حَصْكٜىٰنْ طَوْكَكَرْ اللَّهْ دَ كُمَ عَيْنِحِنْ كَمَنِّنْ اللَّهْ؞ دَيْدَيْ يَكٜىٰ كُمَ دَ اللَّهْ؞ يَنَ رِڧٜىٰ دَ دُكَنْ كُواْمٜىٰ تَوُرِنْ كَلْمَرْسَ مَيْ إِيكُواْ؞ بَايَنْ يَاڟَبْتَثٜىٰمُ دَغَ ذُنُبَنْمُ، سَيْ يَذَوْنَ أَ سَمَ أَ حَنُّنْ دَامَنْ مَيْ طَوْكَكَ دُكَ؞

يَدَّ عِيسَىٰ يَڢِ مَلاَىِٕكُ

⁴ تَهَكَنَنْ كُمَ يَسَامِ مَڟَيِنْدَ يَڢِ نَمَلاَىِٕكُ كَمَرْ يَدَّ سُونَنْ دَ عَكَ بَاشِ يَڢِ نَاسُ غِرْمَ؞

⁵ غَمَا بَابُوَنِ مَلاَىِٕكَنْ دَ اللَّهْ يَتَٻَ ثٜىٰمَسَ، ‏«‏كَيْ طَانَنٜىٰ، يَوْ نَذَمَ عُبَنْكَ؞»‏ كُواْ كُوَ وَنِ دَ عَكَثٜىٰمَسَ، ‏«‏ذَنْ ذَمَ عُبَنْسَ، شِيكُوَ يَذَمَ طَانَ؞»‏

⁶ عَمَّا دَ يَعَيْكِ طَنْسَ نَڢَارِ ثِكِنْ دُونِيَا، يَثٜىٰ، ‏«‏بَرِ دُكَنْ مَلاَىِٕكُنْ اللَّهْ سُيِ مَسَ سُجَّدَ؞»‏

⁷ غَمٜىٰ دَ مَلاَىِٕكُ، اللَّهْ يَثٜىٰ، ‏«‏اللَّهْ يَكَنْسَا مَلاَىِٕكُنْسَ سُذَمَ كَمَرْ إِسْكَ، مَاسُ حِدِمَرْسَ كُمَ كَمَرْ هَرْشٜىٰنْ وُتَا؞»‏

⁸ عَمَّا غَمٜىٰدَ طَنْ يَثٜىٰ، ‏«‏كُجٜىٰرَرْ مُلْكِنْكَ، يَا اللَّهْ، نَهَرْ أَبَدَا أَبَدِنّٜىٰ، سَنْدَنْ مُلْكِنْكَ نَأَدَلْثِنٜىٰ؞

⁹ عَيْكِنْ أَدَلْثِنٜىٰ كَكٜىٰسُواْ، مُغُنْتَا كُمَ كَڧِ سَمْ!‏ شِيَسَا اللَّهْ، وَتُواْ اللَّهْ نْكَ، يَكٜىٰٻٜىٰكَ، يَشَاڢٜىٰكَ دَ مَنْ ڢَضٍ ثِكِ، يَغِرْمَمَكَ ڢِيٜىٰدَ أَبُواْكَنْكَ؞»‏

¹⁰ يَكُمَثٜىٰ، ‏«‏تُنْدَغَ ڢَرْكُواْ، يَا عُبَنْ‌غِجِ، كَيْ كَا كَڢَ تُوشٜىٰنْ دُونِيَا، سَمَّيْ كُمَ عَيْكِنْ حَنُّنْكَنٜىٰ؞

¹¹ ذَاسُ شُوطٜىٰ، عَمَّا كَيْ كَنَنَنْ، دُكَنْسُ كَمَرْ رِغَا ذَاسُ ڟُوڢَ؞

¹² ذَاكَ نَطٜىٰسُ كَمَرْ يَدِ، ذَاعَ ثَنْجَسُ يَدَّ عَكٜىٰ ثَنْجَ ذَنٜىٰ؞ عَمَّا كَيْ بَاكَا ثَنْجَاوَا، شٜىٰكَرُنْكَ مَرَرْ ڧَارٜىٰوَنٜىٰ؞»‏

¹³ بَا وَنِ عَثِكِنْ مَلاَىِٕكُنْسَ دَ اللَّهْ يَتَٻَ ثٜىٰمَسَ، ‏«‏ذَوْنَ أَ حَنُّنْ دَامَنَ سَيْ نَا سَا أَبُواْكَنْ غَابَنْكَ عَڧَرْڧَشِنْ ڧَڢَاڢُنْكَ؞»‏

¹⁴ حَڧِيڧَ، دُكَنْ مَلاَىِٕكُ رُوحُواْحِنْ حِدِمَ نٜىٰ؞ اللَّهْ يَكَنْ عَيْكٜىٰسُ دُواْمِنْ سُتَيْمَكِ وَطَنْدَ ذَاسُثِ غَادُوانْ ثٜىٰتُواْ؞