حَبَكُّكْ 3 - أَتَّوْرَتْ دَ أَنَّبَاوَا

أَدُّعَرْ حَبَكُّكْ

¹ أَدُّعَرْ أَنَّبِے حَبَكُّكْ، أَنَ يِنْتَ بِسَغَ مُرْيَرْ شِغِيُواْنُواتْ؞

² يَا يَهْوٜىٰهْ، نَجِ لَابَرِنْكَ، عَيْكِنْكَ، يَا يَهْوٜىٰهْ، يَبَانِ ڟُواْرُواْ؞ أَ زَامَانِنْمُ، بَرِ كَسَابُنْتَ أَيُّكَنْكَ، أَ زَامَانِنْمُ، بَرِ كَسَا أَ سَنْ شِ؞ كُواْ عَثِكِنْ ڢُشِنْكَ، كَيِ مَنَ جِنْڧَيْ؞

ڢِتُواْوَرْ يَهْوٜىٰهْ

³ دَغَ تٜىٰمَنْ أَ عٜىٰدُوامْ، اللَّهْ يَذُواْ، دَغَ بَبَّنْ تُدُنْ ڢَرَنْ، مَيْ ڟَرْكِنَّنْ يَذُواْ طَوْكَكَرْسَ تَرُڢٜىٰ سَمَّيْ، دُونِيَا دُكَ تَنَ يَبُوانْسَ؞

⁴ وَلْڧِيَرْسَ كَمَرْ حَصْكٜىٰنْ رَانَثٜىٰ، حَصْكٜىٰ يَنَ حَصْكَكَاوَا دَغَ حَنُّنْسَ، عِنْدَ إِيكُوانْسَ يَكٜىٰ عَٻُواْيٜىٰ؞

⁵ أَغَبَنْسَ، يَعَيْكَرْ دَ بَلَعِ، يَعُمَرْثِ بَلَعِنْ مُتُوَ يَبِے بَايَنْسَ؞

⁶ يَڟَيَ، يَجِجِّغَ دُونِيَا، يَدُوبَ، يَغِرْغِظَ أَلْعُمَّيْ؞ عَكَ ڢَرْڢَشٜىٰ مَنْيَنْ تُدَّيْ نَدَا، تُدَّيْ نَتُنْتُنِ سُكَ نُڟٜىٰ ڧَسَا، حَكَ هَنْيُواْيِنْسَ نَتُنْدَا دَا سُكٜىٰ؞

⁷ نَغَ تٜىٰنْتُنَنْ كُشَنْ عَثِكِنْ عَذَابَ، مُتَنٜىٰنْ ڧَسَرْ مَدْيَنَ سُنَ ضَوَرْ جِكِے؞

يَاڧِنْ يَهْوٜىٰهْ

⁸ يَا يَهْوٜىٰهْ، كَنَ ڢُشِے دَ كُواْغِ نٜىٰ؟ ذَاڢِنْ رَنْكَ عَكَنْ كُواْغُنَ نٜىٰ؟ ذَاڢِنْ ڢُشِنْكَ عَكَنْ تٜىٰكُ نٜىٰ؟ كُواْ شِے يَسَا كَهَوْ دَوَكِنْكَ، كٜىٰكٜىٰنْ دُواْكِنْكَ دُواْمِنْ كَكَٰوُاْ نَصَرَا؟

⁹ كَڢِتَرْدَ بَكَنْكَ أَ ڢِيلِ، كَسَا كِبِيُواْيِ عَكَنْ إِغِيَ؞ كَڟَٰغَ ڧَسَا، كُواْغُنَ سُكَ رَبُ؞

¹⁰ مَنْيَنْ تُدَّيْ سُنْ غَنْكَ، سُكَيِ ضَوَرْ جِكِے؞ ضُوَ مَيْ ڧَنْڧَرَ يَظُبَ، ظُرْڢَڢَّنْ تٜىٰكُ سُكَيِ رُورِ، سُكَ طَغَ رَاڧُمَنْ ضُوَنْسُ سَمَ؞

¹¹ رَانَ دَ وَتَ سُكَ ڟَيَ ثِكْ أَ عِنْدَ سُكٜىٰ دَ ذَمَ، سَبُواْدَ حَصْكٜىٰنْ كِبِيُواْيِنْكَ يَوُثٜىٰ تَرٜىٰدَ حَصْكٜىٰنْ مَاشِنْكَ مَيْ وَلْڧِيَ؞

¹² عَثِكِنْ ذَاڢِنْ رَنْكَ كَتَاكَ دُونِيَا، ثِكِنْ ڢُشِنْكَ كَتَتَّكٜىٰ أَلْعُمَّيْ؞

¹³ كَڢِتُواْ دُواْمِنْ ثٜىٰتُوانْ مُتَنٜىٰنْكَ، دُواْمِنْ ثٜىٰتُوانْ وَنْدَ كَكٜىٰٻٜىٰ؞ كَمُرْڧُشٜىٰ كَنْمُوغُ، كَݣُونْتَرْ دَشِ ڟِرَرَ دَغَ ثِنْيَ حَرْ وُيَ؞

¹⁴ دَ كِبِيُواْيِنْسَ كَسُواْكِ كَنْ شُوغَبَنْ يَاڧِنْسَ، سَعَدَّ سُكَذُواْ كَمَرْ غُوغُوَ دُواْمِنْ سُوَرْوَاڟَرْ دَمُو؞ ڢَضٍ ثِكِنْسُ نٜىٰ سُثِنْيٜىٰ تَلَكَاوَنْ دَسُكٜىٰ عَٻُواْيٜىٰ؞

¹⁵ كَتَتَّكٜىٰ تٜىٰكُ دَ دَوَكِنْكَ، كَنَ مُواْڟَ رَاڧُمَنْ ضُوَ؞

ڧَرْشٜىٰنْ مَغَنَرْ عِتَثٜىٰ بَادَ غَسْكِيَ

¹⁶ دَنَجِ، سَيْ جِكِينَ يَيِ ضَوَ، لٜىٰٻُنَ سُكَيِ ضَوَ دَ ڟُواْرُواْ؞ غَٻُواْٻِنْ جِكِينَ سُكَ مُتُ، إِنَ تَڢِيَ ڧَڢَاڢُنَ سُنَ ضَوَ؞ دُكْدَهَكَ، ذَنْيِ شِضُ إِنَ جِرَا رَانَرْ عَذَابَ، عَذَابَرْ دَ ذَاتَ ڢَاطُواْ عَكَنْ مُتَنٜىٰنْ دَسُكٜىٰ كَٰوُاْ مَنَ يَاڧِ؞

¹⁷ كُواْدَيَكٜىٰ إِتَاثٜىٰنْ ٻَوْرٜىٰ بَيْيِ ڢُلَوَبَ، كُمَبَا یَیَ عَكَنْ إِتَاثٜىٰنْ إِنَبِے، كُواْدَيَكٜىٰ إِتَاثٜىٰنْ ظَيْتُنْ بَيْ بَادَ أَمْڢَانِبَ، كُمَ غُواْنَكِ بَسُ بَادَ أَمْڢَانِبَ، كُواْدَيَكٜىٰ بَابُ تُمَكِ أَغَرْكٜىٰنْسُ، كُمَ بَابُ شَانُو أَوُرِنْ ذَمَنْسُ،

¹⁸ دُكْدَهَكَ، ذَنْيِ ڢَضٍ ثِكِ عَثِكِنْ يَهْوٜىٰهْ، ذَنْيِ مُرْنَ عَثِكِنْ اللَّهْ مَيْ ثٜىٰتُواْنَ؞

¹⁹ عُبَنْ‌غِجِ يَهْوٜىٰهْ شِينٜىٰ ڧَرْڢِينَ، يَمَيْدَ ڧَڢَاڢُنَ سُكَامَ ڧَسَا، نَيِتَڢِيَ عَكَنْ دُوَڟُو كَمَرْ بَرٜىٰوَ؞