حَبَكُّكْ 2 - أَتَّوْرَتْ دَ أَنَّبَاوَا

¹ ‏«‏ذَنْ هَوْرَ دُواْمِنْ إِنْ دُوبَ، إِنْ ڟَيَ عَكَنْ حَصُومِيَا، إِنْ دُوبَ، إِنْ غَ أَبِنْدَ يَهْوٜىٰهْ ذَيْ ڢَطَا مِنِ، دَ أَمْسَرْ دَ ذَيْ بَايَرْ غَمٜىٰدَ كُوكَنَ؞»‏

يَهْوٜىٰهْ يَأَمْسَا وَ حَبَكُّكْ

² يَهْوٜىٰهْ كُوَ يَأَمْسَ مِنِ، يَثٜىٰ، ‏«‏رُبُوتَ رُعُيَرْ، كَرُبُوتَتَ تَڢِتَ دَلَّ دَلَّ عَكَنْ أَلُّنَ، مَيْ كَرَنْتَاوَا يَ عِيَيِ دَ سَوْرِ؞

³ غَمَا حَرْ يَنْذُ رُعُيَرْ تَنَ جِضَانْ لُواْكَثِنْتَ تَنَ سَوْرِنْ ذُوَاغَ ثِكَاوَا، بَذَاتَ ذَمَ ڧَضْيَابَ؞ كُواْ دَمَا تَدَطٜىٰ، كَجِرَتَ، لَلَّيْ ذَاتَ ذُواْ، بَذَاتَيِ لَتِّبَ؞

⁴ غَاشِ، وَطَنْدَ ذُوثِيَارْسُ بَ دَيْدَيْبَ، بَذَاسُ رَايُبَ؞ عَمَّا مَاسُ أَدَلْثِے، تَوُرِنْ بَنْ‌غَسْكِيَرْسُ، ذَاسُ رَايُ؞»‏

مَرَسَ غَسْكِيَ تَاسُ تَا ڧَارٜىٰ

⁵ بَنْدَ حَكَ، أَرْزِڧِ مَيْ رُوطُ نٜىٰ؞ مَيْ طَغَ كَيْ ذَيْ شُوطٜىٰ؞ مَڧُواْڠُورُوانْ بُورِنْسَ يَنَدَ ڢَاطِ كَمَرْ وُرِنْ مَتَتُّو، كَمَرْ مُتُوَ، بَايَ ڧُواْشِ؞ يَكَنْ تَتَّارَ وَكَنْسَ أَلْعُمَّيْ دُكَ، يَكَنْ ݣُوسُواْ وَكَنْسَ ڧَبِيلُ؞

⁶ دُكَنْ ڧَبِيلُنَّنْ ذَاسُيِ غَابَادَشِ، سُنَ مَسَ دَارِيَا دَ رٜىٰنِ ثٜىٰوَ ‏«‏كَيْتُوانْكَ، مَيْ تَتَّارَ أَبِنْدَ بَنَكَبَ!‏ حَرْ يَوْشٜىٰ، ذَاكَ تَارَ وَكَنْكَ أَرْزِڧِ تَوُرِنْ عَيْكِنْ ثُوتَا؟»‏

⁷ بَا لَابَرِ، مَاسُبِنْكَ بَاشِ ذَاسُ تَاسَرْ مَكَ، أَيْ، ذَاسُ ڢَرْكَ سُسَاكَ ضَوَرْ جِكِے؞ ذَاكَ ذَمَ مُسُ كَايَنْ دَ عَكَ ڨُوثٜىٰ عَيَاڧِ؞

⁸ دَ ڧَرْڢِے كَڨُوثٜىٰ كَايَنْ أَلْعُمَّيْ دَيَوَ، يَنْذُ دُكَنْ ضَغُواْوَرْ ڧَبِيلُ ذَاسُ ڨُوثٜىٰ نَاكَ، سَبُواْدَ جِنِنْ مُتَنٜىٰ دَ ٻَرْنَرْدَ كَيِ وَدُونِيَا، دَ بِرَنٜىٰ دَ دُكَنْ مَاسُ ذَمَ عَثِكِنْسُ؞

⁹ كَيْتُوانْكَ، مَيْ ثِنْ مُوغُوَرْ رِيبَ دُواْمِنْ غِدَنْكَ!‏ كَيْ مَيْ غِنَا غِدَا عَكَنْ تُدُ دُواْمِنْ كَكُٻُتَ دَغَ مَسِيڢَ!‏

¹⁰ كَجَٰوُاْوَ غِدَنْكَ كُنْيَا؞ عَبَاكِنْ رَنْكَ كَكَكَّشٜىٰ ڧَبِيلُ دَيَوَ؞

¹¹ دُووَڟُنْ كَتَنْ‌غَرْ ذَاسُيِ إِيهُ، بِمْ نَكَتَكَيْ سُأَمْسَ؞

¹² كَيْتُوانْكَ، مَيْ غِنَا غَرِ دَ جِنِ مَيْ كَڢَ بِرْنِ عَكَنْ مُغُنْتَا!‏

¹³ كُسَوْرَرَ، بَ نُڢِنْ يَهْوٜىٰهْ مَيْ ضُنْدُنَا نٜىٰ ڧَبِيلُ سُيِ عَيْكِ دُواْمِنْ وُتَا تَلَشٜىٰ كَوَيْبَ؟ أَلْعُمَّيْ كُمَ سُغَجِيَرْ دَ كَنْسُ عَبَنْظَبَ؟

¹⁴ عَمَّا دُونِيَا ذَاتَ ثِكَ دَ سَنِنْ طَوْكَكَرْ يَهْوٜىٰهْ، كَمَرْ يَدَّ ضُوَيٜىٰ سُنْثِكَ تٜىٰكُ؞

¹⁵ كَيْتُوانْكَ، مَيْسَا مَڨُوبْتَنْكَ سُشَا، كَنَ ظُبَ مُسُ دَڢِنْ ڢُشِنْكَ حَرْ سُبُغُ، دُواْمِنْ كَدُوبِے ڟِرَيْثِنْسُ!‏

¹⁶ مَيْمَكُوانْ دَرَجَ ذَاكَ ثِكَ دَ كُنْيَا؞ كَيْ ذَاكَ شَا كَبُغُ!‏ ݣُوڢْ وَنْدَ يَكٜىٰ أَ حَنُّنْ دَامَنْ يَهْوٜىٰهْ ذَيْ جُويَا عَكَنْكَ، كُنْيَا ذَاتَ رُڢٜىٰ دَرَجَرْكَ!‏

¹⁷ ٻَرْنَرْدَ كَيِ وَ لٜىٰبَنُوانْ، ذَاتَ كُواْمُواْ كَنْكَ؞ هَلَّكَرْوَرْ نَمُواْمِنْ دَاجِنْتَ دَ كَيِ، ذَاتَ ڟُواْرَتَرْ دَكَيْ، سَبُواْدَ جِنِنْ مُتَنٜىٰنْدَ كَظُبَرْ دَ ٻَرْنَرْدَ كَيِ وَڧَسَا، دَ وَدَّ كَيِ وَبِرَنٜىٰ دَ دُكَنْ وَطَنْدَ سُكٜىٰ ذَمَ عَثِكِنْسُ؞

¹⁸ إِنَا أَمْڢَانِنْ غُنْكِ تُنْدَيَكٜىٰ مُتُمْ نٜىٰ يَسَسَّڧَشِ؟ صِڢَّرْ ڧَرْڢٜىٰ نٜىٰ كُمَ مَيْكُواْيَرْ دَ ڧَضْيَا؞ إِنَا أَمْڢَانِ مَيْيِنْسَ يَدُواْغَرَ غَ أَبِنْدَ يَيِ؟ غَمَا يَدُواْغَرَ غَ غُنْكِنْ دَ بَايَجِ بَلّٜىٰ يَيِ مَغَنَ؞

¹⁹ كَيْتُوانْكَ، مَيْ ثٜىٰوَ كَتَكُواْ ‏«‏ڢَرْكَ!‏»‏ غَ دُوڟٜىٰ مَرَرْجِ كُمَ ‏«‏تَاشِ!‏»‏ وَنَّنْ ذَيْ عِيَ بَيَّنَ أَسِيرِ؟ غَاشِ، أَنْرُڢٜىٰشِ دَ ظِينَارِيَ دَ أَظُرْڢَا، كُمَ بَابُ نُمْڢَشِ كُواْ كَطَنْ عَثِكِنْسَ؞

²⁰ عَمَّا يَهْوٜىٰهْ يَنَ ثِكِنْ هَيْكَلِنْسَ مَيْ ڟَرْكِے، بَرِ دُكَنْ دُونِيَا تَيِ شِضُ أَغَبَنْسَ!‏