حَبَكُّكْ 1 - أَتَّوْرَتْ دَ أَنَّبَاوَا

¹ غَا سَڧُوانْ يَهْوٜىٰهْ وَنْدَ أَنَّبِے حَبَكُّكْ يَغَنِ عَثِكِنْ رُعُيَ؞

حَبَكُّكْ يَيِ كُوكَا سَبُواْدَ رَشِنْ أَدَلْثِے

² حَرْ يَوْشٜىٰ، يَا يَهْوٜىٰهْ، ذَنْيِ تَكُوكَنْ نٜىٰمَنْ تَيْمَكُواْ، كَيْ كُوَ كَڧِ كَجِ؟ إِنَ تَكُوكَا غَرٜىٰكَ سَبُواْدَ تَاشِنْ حَنْكَلِ، كَيْ كُوَ كَڧِيِنْ ثٜىٰتُواْ؞

³ مٜىٰيَسَا كَسَا نَغَ مُغُنْتَا نَكُمَغَ وَهَلَ؟ هَلَّكَ دَ تَاشِنْ حَنْكَلِ سُنَ غَبَنَ؞ جَيَيَّ دَ غَرْدَمَ سُنْ تَاسُواْ؞

⁴ دُواْمِنْ حَكَ بَعَبِنْ دُواْكَا، غَسْكِيَ كُمَ بَاتَ عَيْكِ؞ مُوغَيٜىٰ سُنْ كٜىٰوَيٜىٰ مَاسُ أَدَلْثِے، دُواْمِنْ حَكَ شَرِيعَرْ غَسْكِيَ تَكَنْ ڢِتُواْ أَ جُجُّويٜىٰ؞ يَهْوٜىٰهْ يَأَمْسَ يَثٜىٰ،

أَمْسَرْ يَهْوٜىٰهْ غَ أَنَّبِنْ

⁵ دُوبَ ثِكِنْ أَلْعُمَّيْ، كَغَنِ!‏ كَيِ مَامَاكِ سُواْسَيْ!‏ غَمَا إِنَ وَنِ عَيْكِ عَثِكِنْ ݣُونَكِنْكَ، وَنْدَ بَذَاكَ غَسْكَتَبَ، كُواْ أَنْ‌غَيَ مَكَ؞

⁶ غَاشِ، إِنَ تَادَ كَلْدِيَاوَا، أَلْعُمَّرْ نَنْ مَيْ ذَاڢِنْ رَيْ مَيْ ڢِتِنَ كُمَ، وَطَنْدَ سُكٜىٰ تَڢِيَ كُواْعِنَ أَ ڢَاطِنْ دُونِيَا سُڨُوثٜىٰ وُرَارٜىٰنْ ذَمَنْ دَ بَنَاسُبَ؞

⁷ مَاسُ بَنْ ڟُواْرُواْ دَ بَرَظَنَنٜىٰ سُو، سُنَيِنْ شَرِيعَرْسُ دَ أَيُّكَنْسُ يَدَّ سُكَغَ دَامَ؞

⁸ دَوَكِنْسُ سُنْڢِے دَامِسَ سَوْرِ، ذَاڢِنْ رَنْسُ يَڢِ نَكَرْنُكَنْ دَاجِ مَاسُ ڟَنَنِنْ يُنْوَ؞ سُواْجُواْجِنْسُ سُنَ ذُوَا دَ تَاڧَمَ؞ عِ، سُواْجُواْجِنْسُ دَغَ نٜىٰسَ سُكٜىٰ ڢِتُواْوَ، سُكَنْ تَاشِ كَمَرْ غَغَّڢَ مَيْ سَوْرِنْ ثِنْيٜىٰوَ؞

⁹ دُكَنْسُ سُكَنْ ذُواْ نٜىٰ دَ نُڢِنْ تَادَ حَنْكَلِ، أَنَ جِنْ ڟُواْرُوانْسُ تُنْ مَا بَسُ إِسُواْبَ؞ سُكَنْ تَتَّارَ بَايِ مَاسُيَوَ كَمَرْ يَشِ؞

¹⁰ غَ سَرَاكُنَ، سُكَنْيِ مُسُ بَعَ، غَ مَاسُ مُلْكِ، سُكَنْ مَيْدَسُو أَبِنْ دَارِيَا؞ غَ كُواْوَنٜىٰ بِرْنِ مَيْ كَتَنْ‌غَ، سُكَنْ رٜىٰنَشِ، سُكَنْ تَارَ ڧَسَا سُهَوْ سُثِنْيٜىٰتَ؞

¹¹ سُكَنْ وُثٜىٰ دَ سَوْرِ كَمَرْ إِسْكَ، سُثِيغَبَ؞ مَاسُ لَيْڢِينٜىٰ سُو، ڧَرْڢِنْسُ اللَّهْ‌نْسُنٜىٰ؞

حَبَكُّكْ يَڧَارَ يِنْكُوكَا غَ يَهْوٜىٰهْ

¹² يَا يَهْوٜىٰهْ، دَغَ حَرْ أَبَدَانٜىٰ كَيْ!‏ يَهْوٜىٰهْ اللَّهْ نَا، مَيْ ڟَرْكِنَ، بَاكَ مُتُوَ!‏ يَا يَهْوٜىٰهْ، كَيْ كَاسَا كَلْدِيَاوَا سُحُكُنْتَمُ؞ يَا دُوڟٜىٰ، كَيْ كَاكَڢَسُ سُيِ مَنَ حُواْرُواْ؞

¹³ كَيْ وَنْدَ عِدَنُونْكَ مَاسُ ڟَرْكِے نٜىٰ، سُنْڢِے ڧَرْڢِنْ غَنِنْ مُغُنْتَا، بَاكَاسُواْ كَكَلِّ لَيْڢِے؞ مٜىٰيَسَا كَكٜىٰ دُوبَنْ مَاسُثِنْ أَمَانَ؟ مٜىٰيَسَا كَنَ شِضُ سَعَدَّ مُوغُ يَنَ حَطِيٜىٰ مُتُمِنْدَ يَڢِيشِ أَدَلْثِے؟

¹⁴ كَيْ كَايِ مُتَنٜىٰ كَمَرْ كِيڢَيٜىٰنْ تٜىٰكُ، كَمَرْ حَلِتُّو مَاسُ رَرَّڢٜىٰ وَطَنْدَ بَاسُدَ شُوغَبَا؞

¹⁵ كَلْدِيَاوَا سُكَنْ كَامَ مُتَنٜىٰ دَ ڧُوغِيَ، سُكَنْ جَٰوُاْسُ وَجٜىٰ دَ رَاغَرْ كَامُنْ كِيڢِنْسُ، سُكَنْ تَتَّرَاسُ عَثِكِنْ جَكَرْسُ؞ سَعَنً سُيِ مُرْنَ دَ ڢَضٍ ثِكِ!‏

¹⁶ دُواْمِنْ حَكَ سُكَنْيِ هَدَايُ غَ رَاغَرْ كَامُنْ كِيڢِنْسُ، سُكُمَ ڧُواْنَ تُرَارٜىٰ غَ جَكَرْسُ؞ غَمَا تَوُرِنْسُ نٜىٰ سُنَ رَايُوَا عَيَلْوَثٜىٰ، عَبِنْثِنْسُ كُمَ نَمَيْ أَرْزِڧِ نٜىٰ؞

¹⁷ ذَاسُ ثِيغَبَدَ ݣُوشٜىٰوَا دَ رَاغَرْ كَامُنْ كِيڢِنْسُ كٜىٰنَنْ؟ ذَاسُيِ تَكَكَّشٜىٰ أَلْعُمَّنْ دُونِيَا بَا تَوْسَيِ حَرْ أَبَدَا كٜىٰنَنْ؟