ڢَارَوَ 9 - أَتَّوْرَتْ دَ أَنَّبَاوَا

يَهْوٜىٰهْ يَا يِيَرْجٜىٰجٜىٰنِيَ دَ نُوحُ

¹ سَيْ اللَّهْ يَسَا وَ نُوحُ دَ یَیَنْسَ مَظَا أَلْبَرْكَ، يَثٜىٰ ‏«‏كُيِ تَحَيْڢُوَ سُواْسَيْ، كُيَلْوَتَ، كُثِثِّكَ دُونِيَا؞

² كُواْوَثٜىٰ دَبَّ تَڧَسَا دَ كُواْوَنٜىٰ ڟُنْڟُ نَسَرَرِنْ سَمَ دَ كُواْوَنٜىٰ أَبُ مَيْ رَرَّڢٜىٰ عَڧَسَا دَ دُكَنْ كِيڢَيٜىٰنْ تٜىٰكُ ذَاسُ جِڟُواْرُوانْكُ سُنَ ڢِرْغِتَ، غَمَا نَا بَادَسُو دُكَ أَ حَنُّنْكُ؞

³ كُواْوَنٜىٰ أَبُ مَيْ رَيْ دَيَكٜىٰ مُواْڟِ ذَيْ ذَمَ عَبِنْثِ أَغَرٜىٰكُ، كَمَرْ يَدَّ نَارِغَا نَابَاكُ كُواْوَنٜىٰ إِرِنْ غَنْيٜىٰ دُواْمِنْ عَبِنْثِ؞ يَنْذُ ڢَا نَابَاكُ كُواْمٜىٰ يَذَمَ مُكُ عَبِنْثِ؞

⁴ عَمَّا ڢَا كَدَ كُثِ نَامَ تَرٜىٰدَ جِنِنْ دَبَّ عَثِكِنْسَ، غَمَا جِنِ رَيْ نٜىٰ؞

⁵ غَمٜىٰ دَ جِنِنْكُ وَنْدَ شِينٜىٰ رَنْكُ، لَلَّيْ ذَنْبُڧَثِ أَلْحَكِنْسَ دَغَ حَنُّنْ وَنْدَ يَظُبْ دَشِ؞ دَغَ كُواْوَنٜىٰ دَبَّ ذَنْ بُڧَاثِ أَلْحَكِنْ ظُبْدَ جِنِنْكُ، حَكَمَا دَغَ یَنْ أَدَمْ؞ ذَنْ بُڧَاثِ أَلْحَكِنْ ظُبْدَ جِنِنْ طَنْ أَدَمْ عَكَنْ كُواْوَنٜىٰ طَنْ أَدَمْ؞

⁶ ‏«‏دُكْ وَنْدَ يَا ظُبْدَ جِنِنْ طَنْ أَدَمْ، تَهَنُّنْ طَنْ أَدَمْ ذَاعَ ظُبْدَ جِنِنْسَ؞ غَمَا ثِكِنْ صِڢَّرْ اللَّهْ، اللَّهْ يَيِ طَنْ أَدَمْ؞

⁷ ‏«‏عَمَّا كُو دَيْ، كُيِ تَحَيْڢُوَ سُواْسَيْ، كُيَلْوَتَ، كُثِثِّكَ دُونِيَا، كُڧَارُ عَثِكِنْتَ؞»‏

⁸ سَيْ اللَّهْ يَثٜىٰ وَ نُوحُ دَ یَیَنْسَ مَظَا دَسُكٜىٰ تَرٜىٰ دَشِ،

⁹ ‏«‏غَاشِ إِنَ كَڢَ يَرْجٜىٰجٜىٰنِيَ دَكُو، كُو دَ ذُرِيَرْكُ مَاسُ ذُوَا بَايَنْكُ،

¹⁰ كُمَ دَ كُواْوَثٜىٰ حَلِتَّ مَيْ رَيْ دَيَكٜىٰ تَرٜىٰدَكُو، ڟُنْڟَيٜىٰ دَ دَبُّواْبِنْ غِدَا دَ دُكَنْ دَبُّواْبِنْ دُونِيَا، وَتُواْ كُواْوَنٜىٰ أَبِنْدَ يَڢِتَ دَغَ جِضْغٍ تَرٜىٰدَكُو؞

¹¹ نَا كَڢَ يَرْجٜىٰجٜىٰنِيَ دَكُو ثٜىٰوَ بَذَاعَ سَاكٜىٰ كَوَرْدَ دُكَنْ حَلِتُّو مَاسُ رَيْ دَ ضُوَيٜىٰنْ بَبَّرْ أَمْبَلِيَ بَ، بَ كُوَ ذَاعَ سَاكٜىٰيِنْ بَبَّرْ أَمْبَلِيَرْ ضُوً دَ ذَاتَ هَلَّكَ دُونِيَا بَ؞»‏

¹² اللَّهْ يَاثٜىٰ ‏«‏وَنَّنْ عِتَثٜىٰ عَلَمَرْ يَرْجٜىٰجٜىٰنِيَرْدَ نَكَڢَ ڟَكَانِينَ دَكُو دَ كُواْوَنٜىٰ أَبُ مَيْ رَيْ وَنْدَ يَكٜىٰ تَرٜىٰدَكُو، حَرْ دُكَنْ ذَامَانَيْ مَاسُ ذُوَا،

¹³ نَسَا بَكَنْ غِظُواْنَ أَغِرْغِجٜىٰ، كُمَ ذَيْ كَسَنْثٜىٰ عَلَمَرْ يَرْجٜىٰجٜىٰنِيَ ڟَكَانِينَ دَ دُونِيَا؞

¹⁴ سَعَدَّ نَكَٰوُاْ غِرْغِجٜىٰ أَسَرَرِنْ سَمَ، عَكَ كُمَ غَا بَكَنْ غِذُواْ،

¹⁵ ذَنْتُنَ دَ يَرْجٜىٰجٜىٰنِيَرْ دَتَكٜىٰ ڟَكَانِينَ دَكُو دَ كُمَ كُواْوَثٜىٰ حَلِتَّ مَيْ رَيْ؞ ضُوَيٜىٰ كُوَ بَذَاسُ سَاكٜىٰ كَٰوُاْ بَبَّرْ أَمْبَلِيَرْ دَ ذَاتَ هَلَّكَ كُواْوَثٜىٰ حَلِتَّ مَيْ رَيْ بَ؞

¹⁶ دُكْ سَعَدَّ بَكَنْ غِذُواْ يَبَيَّنَ أَغِرْغِجٜىٰ، ذَنْ‌غَنْشِ إِنْتُنَ دَ يَرْجٜىٰجٜىٰنِيَ تَهَرْ أَبَدَا ڟَكَانِنْ نِے اللَّهْ دَ كُواْوَثٜىٰ حَلِتَّ مَيْ رَيْ وَدَّ تَكٜىٰ عَدُونِيَا؞»‏

¹⁷ سَيْ اللَّهْ يَثٜىٰ وَ نُوحُ ‏«‏وَنَّنْ عِتَثٜىٰ عَلَمَرْ يَرْجٜىٰجٜىٰنِيَرْدَ نَكَڢَ ڟَكَانِينَ دَ كُواْوَثٜىٰ حَلِتَّ مَيْ رَيْ وَدَّ تَكٜىٰ عَدُونِيَا؞»‏

نُوحُ دَ یَیَنْسَ مَظَا

¹⁸ یَیَ مَظَا نَ نُوحُ دَ سُكَ ڢِتَ دَغَ جِضْغٍ سُونٜىٰ شٜىٰمْ دَ هَمْ دَ يَڢٜىٰتْ؞ هَمْ نٜىٰ بَابَنْ كَنْعَنَ؞

¹⁹ دَغَ وَطَنَّنْ یَیَ مَظَا عُكُ نَ نُوحُ نٜىٰ، مُتَنٜىٰ سُكَ يَطُ كُواْعِنَ عَدُونِيَا؞

²⁰ نُوحُ مَنُواْمِ نٜىٰ، كُمَ شِينٜىٰ نَڢَرْكُوانْ دَ يَيِ غُواْنَرْ إِنَبِے؞

²¹ وَتَرَانَ دَ يَشَا ضُوً إِنَبِے، سَيْ يَبُغُ يَݣُونْتَ ڟِرَرَ عَثِكِنْ تٜىٰنْتِنْسَ؞

²² سَيْ هَمْ، بَابَنْ كَنْعَنَ، يَا غَنْ شِ ڟِرَرَ، يَا ڢِتَ يَا ڢَطَا وَیَنْعُوَنْسَ بِيُ وَطَنْدَ سُكٜىٰ أَوَجٜىٰ؞

²³ عَمَّا شٜىٰمْ دَ يَڢٜىٰتْ، سُكَ طَوْكِ مَيَاڢِ سُكَ رِڧٜىٰتَ عَكَڢَطَرْسُ سُكَيِ تَتَڢِيَ دَ بَايَ سُكَ رُڢٜىٰ ڟِرَيْثِنْ بَابَنْسُ؞ سُنْ كُوَ كَوَرْدَ ڢُسْكُواْكِنْسُ دُواْمِنْ كَدَسُغَا ڟِرَيْثِنْسَ؞

²⁴ لُواْكَثِنْ دَ نُوحُ يَكُواْمَ ثِكِنْ حَنْكَلِنْسَ، يَكُمَجِ أَبِنْدَ طَنْ أَوْتَنْسَ يَيِمَسَ،

²⁵ سَيْيَثٜىٰ، ‏«‏لَعَنَنّٜىٰ نٜىٰ كَنْعَنَ!‏ بَاوَنْ بَايِ غَ یَنْعُوَنْسَ ذَيْ ذَمَ؞»‏

²⁶ نُوحُ يَكُمَثٜىٰ، ‏«‏أَلْبَرْكَ تَا تَبَّتَا غَ يَهْوٜىٰهْ اللَّهْ نَ شٜىٰمْ!‏ بَرِ كَنْعَنَ يَبَوْتَا وَ شٜىٰمْ؞

²⁷ بَرِ اللَّهْ يَسَا يَڢٜىٰتْ يَيَلْوَتَ!‏ بَرِ ذُرِيَرْ يَڢٜىٰتْ سُيِ رَايُوَا تَرٜىٰدَ تَ شٜىٰمْ، بَرِ كُمَ كَنْعَنَ يَبَوْتَا وَ يَڢٜىٰتْ؞»‏

²⁸ بَايَنْ بَبَّرْ أَمْبَلِيَرْ ضُوًنَنْ، نُوحُ يَيِ شٜىٰكَرَا طَرِے عُكُ دَ حَمْسِنْ؞

²⁹ دُكَنْ ݣُونَكِنْ نُوحُ شٜىٰكَرَا ثٜىٰ طَرِے تَرَ دَ حَمْسِنْ، سَيْ يَمُتُ؞