ڢَارَوَ 7 - أَتَّوْرَتْ دَ أَنَّبَاوَا

¹ سَيْ يَهْوٜىٰهْ يَثٜىٰ وَ نُوحُ ‏«‏كَشِغَ ثِكِنْ جِضْغٍ دَكَيْ دَ دُكَنْ عِيَلِنْكَ، غَمَا نَا غَ ثٜىٰوَ أَغَرٜىٰنِ كَيْ كَطَيْ نٜىٰ مَيْ أَدَلْثِے أَ زَامَانِنَّنْ؞

² دَغَ كُواْوَنٜىٰ إِرِنْ دَبُّواْبِے مَرَسَ ڧَظَنْتَا، كَطَوْكَ تَرٜىٰدَكَيْ بِيُ بِيُنْسُ سَوْ بَݣَويْ، نَمِجِ دَ تَمَثٜىٰ؞ دَغَ كُواْوَنٜىٰ إِرِنْ دَبُّواْبِے مَاسُ ڧَظَنْتَا، كَطَوْكَ تَرٜىٰدَكَيْ نَمِجِ دَ تَمَثٜىٰ؞

³ دَغَ ڟُنْڟَيٜىٰنْ سَرَرِنْ سَمَ كُمَ كَطَوْكِ بِيُ بِيُنْسُ سَوْ بَݣَويْ، نَمِجِ دَ تَمَثٜىٰ، دُواْمِنْ عَتَبَّتَا إِرِنْسُ سُنْ رَايُ أَ ڢُسْكَرْ دُونِيَا دُكَ؞

⁴ غَمَا دَ سَوْرَنْ ݣُونَ بَݣَويْ ذَنْعَيْكَ دَ ضُوً سَمَ عَدُونِيَا وَنْدَ ذَيْ يِتَيِ حَرْ يِنِ أَرْبَعِنْ دَ دَرٜىٰ أَرْبَعِنْ؞ ذَنْ كُمَ كَوَرْ دَغَ ڢُسْكَرْ دُونِيَا كُواْوَنٜىٰ أَبُ مَيْ رَيْ وَنْدَ نَيِ؞»‏

⁵ نُوحُ كُوَ يَيِ كُواْمٜىٰ دَيْدَيْ يَدَّ يَهْوٜىٰهْ يَعُمَرْثٜىٰشِ؞

⁶ نُوحُ يَنَدَ شٜىٰكَرَا طَرِے شِدَ سَعَدَّ بَبَّرْ أَمْبَلِيَرْ ضُوَ تَڢَاطُواْ عَدُونِيَا؞

⁷ سَيْ نُوحُ دَ یَیَنْسَ مَظَا دَ مَاتَرْسَ دَ مَاتَانْ یَیَنْسَ مَظَا سُكَ شِغَ جِضْغٍ دُواْمِنْ سُكُٻُتَ دَغَ ضُوَيٜىٰنْ بَبَّرْ أَمْبَلِيَرْ؞

⁸ دَغَ دَبُّواْبِے مَرَسَ ڧَظَنْتَادَغَ كُمَ مَاسُ ڧَظَنْتَادَغَ ڟُنْڟَيٜىٰ دَ دُكَنْ حَلِتُّو مَاسُ رَرَّڢٜىٰ عَڧَسَا،

⁹ بِيُ بِيُ نَمِجِ دَ تَمَثٜىٰ، دُكَ سُكَ شِغَ جِضْغٍ تَرٜىٰدَ نُوحُ كَمَرْ يَدَّ اللَّهْ يَعُمَرْثِ نُوحُ يَيِ؞

¹⁰ بَايَنْ ݣُونَ بَݣَويْ سَيْ ضُوَيٜىٰنْ بَبَّرْ أَمْبَلِيَ سُكَذُواْ سُكَ رُڢٜىٰ دُونِيَا؞

بَبَّرْ أَمْبَلِيَرْ ضُوَ

¹¹ أَ رَانَ تَغُواْمَشَا بَݣَويْ، غَ وَتَ نَبِيُ أَ شٜىٰكَرَا تَطَرِے شِدَ بَايَنْ حَيْڢُوَرْ نُوحُ، أَ رَانَرْ نَنْ سَيْ مَٻُٻُّغَنْ ظُرْڢَڢَّنْ تٜىٰكُنَ سُكَ ٻَرْكٜىٰ دَ ضُوَيٜىٰ، كُمَ تَغُواْغِنْ سَمَ سُكَ بُوطٜىٰ، ضُوَ يَيِ تَسَوْكَ كَمَرْ دَ بَاكِنْ ڨُورْيَ؞

¹² ضُوً سَمَنْ يَيِ تَظُبُواْوَ دَرٜىٰ دَ رَانَ حَرْ ݣُونَكِے أَرْبَعِنْ؞

¹³ أَوَنَّنْ رَانَرْ كُوَ نُوحُ دَ مَاتَرْسَ، تَرٜىٰدَ یَیَنْسَ مَظَا، وَتُواْ شٜىٰمْ دَ هَمْ دَ يَڢٜىٰتْ دَ مَاتَا عُكُ نَیَیَنْسَ مَظَا سُكَ شِغَ جِضْغٍ؞

¹⁴ تَرٜىٰدَسُو كُوَ أَݣَويْ كُواْوَنٜىٰ إِرِنْ دَبَّرْ دَاجِ بِسَغَ إِرِنْسَ دَ كُواْوَنٜىٰ إِرِنْ دَبَّرْ غِدَا بِسَغَ إِرِنْسَ دَ كُواْوَنٜىٰ إِرِنْ أَبُ مَيْ رَرَّڢٜىٰ عَڧَسَا بِسَغَ إِرِنْسَ دَ كُواْوَنٜىٰ إِرِنْ ڟُنْڟُ بِسَغَ إِرِنْسَ دَ كُواْوَنٜىٰ إِرِنْ دَبَّ مَيْ ڢِكَڢِكَيْ؞

¹⁵ دُكَنْسُ سُكَ شِغَ جِضْغٍ تَرٜىٰدَ نُوحُ، كُواْوَثٜىٰ حَلِتَّ مَيْ رَيْ، بِيُ بِيُ؞

¹⁶ وَطَنْدَ سُكَ شِغَ كُوَ، نَمِجِ دَ تَمَثٜىٰ نَكُواْوَثٜىٰ حَلِتَّ مَيْرَيْ نٜىٰ، سُكَ شِغَ بِسَغَ عُمَرْنِنْ دَ اللَّهْ يَبَا نُوحُ؞ سَعَنً يَهْوٜىٰهْ يَرُڢٜىٰ ڧُواْڢَرْ؞

¹⁷ ݣُونَ أَرْبَعِنْ بَبَّرْ أَمْبَلِيَرْ ضُوً يَيِ تَڧَارُوَ عَدُونِيَا؞ ضُوً كُوَ يَيِ تَڧَارُوَ حَرْ يَا طَغَ جِضْغٍ دَغَ ڧَسَا، ضُوَ يَيِ تَتَادَ جِضْغٍ نٜىٰسَ دَ ڧَسَا؞

¹⁸ ضُوً يَيِ تَڧَارُوَ يَنَ هَوْرُواْوَ سَمَ سَمَ دَغَ ڧَسَا، جِضْغٍ كُمَ يَيِ تَيَٰوُاْ عَكَنْ ڢُسْكَرْ ضُوً؞

¹⁹ ضُوً يَيِ تَڧَارُوَ سُواْسَيْ عَبِسَ دُونِيَا، حَرْ سَيْ دَ يَرُڢٜىٰ دُكَنْ كَوُنَنْ مَنْيَنْ تُدَّيْ عَڧَرْڧَشِنْ سَمَ؞

²⁰ ضُوً يَيِ تَڧَارُوَ حَرْ يَرُڢٜىٰ كَوُنَنْ مَنْيَنْ تُدَّيْ دَ ظُرْڢِنْ دَ يَڢِ ڧَڢَا عَشِرِنْ؞

²¹ كُواْوَثٜىٰ حَلِتَّ مَيْرَيْ عَدُونِيَا تَا مُتُ، سُو دَبُّواْبِنْ غِدَا دَ دَبُّواْبِنْ دَاجِ دَ تُلِنْ حَلِتُّو مَاسُرَيْ عَدُونِيَا دَ دُكَنْ یَنْ أَدَمْ،

²² دَ كُواْوَنٜىٰ أَبُ مَيْ نُمْڢَشِنْ رَيْ عَكَنْ بُوسَشِّيَرْ ڧَسَا يَا مُتُ؞

²³ كُواْوَنٜىٰ أَبُ مَيْرَيْ أَ ڢُسْكَرْ ڧَسَا أَنْكَوَرْ دَشِ، وَتُواْ یَنْ أَدَمْ دَ دَبُّواْبِے دَ دُكَنْ حَلِتُّو مَاسُ رَرَّڢٜىٰ عَڧَسَا دَ ڟُنْڟَيٜىٰنْ سَرَرِنْ سَمَ، دُكَنْسُ أَنْكَوَرْ دَسُو دَغَ دُونِيَا؞ نُوحُ نٜىٰ كَطَيْ تَرٜىٰدَ وَطَنْدَ سُكٜىٰ تَرٜىٰ دَشِ أَجِضْغٍ عَكَبَرِ دَرَيْ؞

²⁴ أَمْبَلِيَرْ ضُوً كُوَ تَرُڢٜىٰ ڢُسْكَرْ دُونِيَا حَرْ ݣُونَكِے طَرِے دَ حَمْسِنْ؞