ڢَارَوَ 6 - أَتَّوْرَتْ دَ أَنَّبَاوَا

مُغُنْتَارْ یَنْ ءَادَمُ

¹ سَعَدَّ یَنْ أَدَمْ سُكَ ڢَارَ يِنْ يَوَ عَدُونِيَا، عَكَ كُمَ حَيْڢَ مُسُ یَیَ مَاتَا،

² دَ یَیَنْ اللَّهْ سُكَغَ یَنْ مَاتَنَّنْ ݣَوَوَ نٜىٰ، سَيْ سُكَ ݣُونَ دَ دُكْ وَدَّ سُكَ ذَاٻَا؞

³ سَيْ يَهْوٜىٰهْ يَثٜىٰ ‏«‏رُوحُنَ مَيْ بَادَ رَيْ بَذَيْ كَسَنْثٜىٰ ثِكِنْ یَنْ أَدَمْ حَرْ أَبَدَا بَ، غَمَا سُو نَامَ دَ جِنِ نٜىٰ؞ ݣُونَكِنْسُ بَذَاسُ وُثٜىٰ شٜىٰكَرَا طَرِے دَ عَشِرِنْ بَ؞»‏

⁴ أَوَطَنَّنْ ݣُونَكِے دَ كُمَ ݣُونَكِنْ دَسُكَبِے بَايَ كُوَ، أَݣَويْ ڧَتِّنْ مُتَنٜىٰ عَدُونِيَا، غَمَا یَیَنْ اللَّهْ سُكَ شِغَ وُرِنْ یَنْ مَاتَا نَیَنْ أَدَمْ، عَكَ حَيْڢَ مُسُ یَیَ؞ وَطَنَّنْ یَیَ نٜىٰ سُكَ ذَمَ ڠُونَيٜىٰ نَدَا كُمَ مَاسُ سُونَ؞

⁵ يَهْوٜىٰهْ كُوَ يَا لُورَ ثٜىٰوَ مُغُنْتَارْ یَنْ أَدَمْ تَايِيَوَ عَدُونِيَا، كُمَ كُواْوَنٜىٰ تُنَانِنْ ذُوثِيَارْسُ ظَلَّرْ مُغُنْتَا ثٜىٰ كُلُّمْ؞

⁶ يَهْوٜىٰهْ كُوَ يَيِ بَڧِنْ ثِكِ دَ يَيِ یَنْ أَدَمْ عَدُونِيَا، كُمَ ذُوثِيَارْسَ تَا ٻَثِ ڨُورَيْ؞

⁷ سَبُواْدَ حَكَ يَهْوٜىٰهْ يَثٜىٰ ‏«‏غَبَاطَيَ ذَنْكَوَرْدَ دُكَنْ یَنْ أَدَمْ وَطَنْدَ نَحَلِتَّ دَغَ ڢُسْكَرْ دُونِيَا؞ دَغَ یَنْ أَدَمْ ذُوَا دَبُّواْبِے دَغَ حَلِتُّو مَاسُ رَرَّڢٜىٰ عَڧَسَا ذُوَا ڟُنْڟَيٜىٰنْ سَرَرِنْ سَمَ، غَمَا إِنَ بَڧِنْ ثِكِ دَ نَحَلِثّٜىٰسُ؞»‏

⁸ عَمَّا نُوحُ يَاسَامِ ڢَضٍ جِنِ أَعِدُوانْ يَهْوٜىٰهْ؞

⁹ غَا تَارِيحِنْ ذُرِيَرْ نُوحُ؞ نُوحُ مُتُمْ نٜىٰ مَيْ أَدَلْثِے، مَيْ غَسْكِيَ كُمَ أَ زَامَانِنْسَ؞ نُوحُ يَيِ تَڢِيَ ثِكِنْ زُمُنْثِ دَ اللَّهْ؞

¹⁰ نُوحُ يَنَدَ یَیَ مَظَا عُكُ مَاسُ سُونَيٜىٰ شٜىٰمْ دَ هَمْ دَ يَڢٜىٰتْ؞

¹¹ سَيْ اللَّهْ كُوَ يَاغَ دُونِيَا دُكَ تَا ٻَثِ، تَا كُمَ ثِكَ دَ تَاشِنْ حَنْكَلِ؞

¹² اللَّهْ يَا دُوبِے دُونِيَا، غَاشِ كُوَ دُكَنْ دُونِيَا تَا ٻَثِ، غَمَا دُكَنْ یَنْ أَدَمْ سُنْ ٻَاتَ رَايُوَرْسُ عَدُونِيَا؞

شِرْيٜىٰ شِرْيٜىٰ دُواْمِنْ بَبَّرْ أَمْبَلِيَرْ ضُوَ

¹³ سَيْ اللَّهْ يَثٜىٰ وَ نُوحُ ‏«‏نَايِ نِيَّرْ كَوَرْدَ دُكَنْ حَلِتَّ مَيْ رَيْ، غَمَا دُونِيَا تَا ثِكَ دَ تَاشِنْ حَنْكَلِ سَبُواْدَسُو؞ يَنْذُ كَمْ ذَنْهَلَكَاسُ تَرٜىٰدَ ڧَسَرْ؞

¹⁴ كَيِ وَكَنْكَ دَ عِيَلِنْكَ جِضْغِ نَكَتَكُوانْ إِتَاثٜىٰ مَيْݣَوْ، كَسَا طَكُنَ عَثِكِ، كَشَاڢٜىٰ ثِكِنْسَ دَ بَايَنْسَ دَ مَنْݣُولْتَ، دُواْمِنْ كَدَ يَيِ يُواْيُواْ؞

¹⁵ غَا يَدَّ ذَاكَيِشِ؞ كَسَا ڟَوُانْسَ ڧَڢَا طَرِے حُطُ دَ حَمْسِنْ، ڢَاطِنْسَ ڧَڢَا سَبَعِنْ دَ بِيَرْ، ڟَيِنْسَ ڧَڢَا أَرْبَعِنْ دَ بِيَرْ؞

¹⁶ كَسَا مَسَ رُڢِ، كَكُمَ بَادَ ڢِيلِ مَيْڧَڢَ طَيَ دَ رَبِے ڟَكَانِنْ رُڢِنْ دَ غٜىٰڢٜىٰنْ جِضْغٍ؞ كَغِنَاشِ هَوَ عُكُ، كَكُمَسَا ڧُواْڢَ أَغٜىٰڢٜىٰ؞

¹⁷ غَاشِ، نِے ذَنْعَيْكَ دَ بَبَّرْ أَمْبَلِيَرْ ضُوَ عَدُونِيَا، وَدَّ ذَاتَ هَلَّكَ كُواْوَثٜىٰ حَلِتَّ مَيْ رَيْ عَڧَرْڧَشِنْ سَمَ؞ كُواْوَنٜىٰ أَبُ عَدُونِيَا ذَيْ مُتُ؞

¹⁸ عَمَّا إِنَ كَڢَ يَرْجٜىٰجٜىٰنِيَ دَكَيْ ثٜىٰوَ ذَاكَ شِغَ جِضْغٍ دَكَيْ دَ مَاتَرْكَ دَ یَیَنْكَ دَ مَاتَانْ یَیَنْكَ؞

¹⁹ دَغَ كُواْوَثٜىٰ حَلِتَّ مَيْ رَيْ دَغَ كُواْوَنٜىٰ إِرِنْ دَبَّ ذَاكَ شِغَرْ دَسُو بِيُ بِيُ ثِكِنْ جِضْغٍ، كُواْوَنّٜىٰنْسُ نَمِجِ دَ تَمَثٜىٰ، دُواْمِنْ عَبَرْسُدَ رَيْ تَرٜىٰدَكَيْ؞

²⁰ دَغَ كُواْوَنٜىٰ إِرِنْ ڟُنْڟُ دَغَ كُواْوَنٜىٰ إِرِنْ دَبَّ دَغَ كُمَ كُواْوَنٜىٰ إِرِنْ أَبُ مَيْ رَرَّڢٜىٰ عَڧَسَا، بِيُ بِيُ ذَاسُذُواْ سُشِغَ تَرٜىٰدَكَيْ دُواْمِنْ عَبَرْسُدَ رَيْ؞

²¹ كَتَتَّارَ كَأَجِيٜىٰ كُواْوَنٜىٰ إِرِنْ عَبِنْثِنْ دَ عَكٜىٰ بُڧَاتَ عَثِكِنْ جِضْغٍ، دُواْمِنْ كَنْكَ دَ سَوْرَنْ حَلِتُّو مَاسُ رَيْ؞»‏

²² نُوحُ كُوَ يَيِ كُواْمٜىٰ دَيْدَيْ يَدَّ اللَّهْ يَعُمَرْثٜىٰشِ؞