ڢَارَوَ 5 - أَتَّوْرَتْ دَ أَنَّبَاوَا

ذُرِيَرْ ءَادَمُ ذُوَا یَیَ مَظَا نَ نُوحُ

¹ غَا لِتَّڢِنْ تَارِيحِنْ ذُرِيَرْ ءَادَمُ؞ سَعَدَّ اللَّهْ يَحَلِثِّ یَنْ أَدَمْ يَيِسُ عَكَمَنِّنْسَ؞

² يَايِسُ نَمِجِ دَ تَمَثٜىٰ، سَيْ يَسَا مُسُ أَلْبَرْكَ، يَكُمَسَا مُسُ سُونَ یَنْ أَدَمْ؞

³ لُواْكَثِنْ دَ ءَادَمُ يَيِ شٜىٰكَرَا طَرِے دَ تَلَاتِنْ، يَا حَيْڢِ طَا مَيْ كَمَنِّنْسَ دَ صِڢَّرْسَ؞ ءَادَمُ يَا سَا مَسَ سُونَ شِيتُ؞

⁴ بَايَنْ حَيْڢُوَرْ شِيتُ، ءَادَمُ يَيِ شٜىٰكَرَا طَرِے تَݣُوسْ، يَا كُمَ حَيْڢِ یَیَ مَظَا دَ مَاتَا؞

⁵ حَكَ نَنْ كُوَ دُكَنْ ݣُونَكِنْ ءَادَمُ شٜىٰكَرَا ثٜىٰ طَرِے تَرَ دَ تَلَاتِنْ، سَيْ يَمُتُ؞

⁶ لُواْكَثِنْ دَ شِيتُ يَيِ شٜىٰكَرَا طَرِے دَ بِيَرْ، سَيْ يَحَيْڢِ طَا مَيْ سُونَ عٜىٰنُواشْ؞

⁷ بَايَنْ حَيْڢُوَرْ عٜىٰنُواشْ، شِيتُ يَيِ شٜىٰكَرَا طَرِے تَݣُوسْ دَ بَݣَويْ، يَا كُمَ حَيْڢِ یَیَ مَظَا دَ مَاتَا؞

⁸ حَكَ نَنْ كُوَ دُكَنْ ݣُونَكِنْ شِيتُ شٜىٰكَرَثٜىٰ طَرِے تَرَ دَ غُواْمَشَا بِيُ، سَيْ يَمُتُ؞

⁹ لُواْكَثِنْ دَ عٜىٰنُواشْ يَيِ شٜىٰكَرَا ثَسَعِنْ، سَيْ يَحَيْڢِ طَا مَيْ سُونَ كٜىٰنَنْ؞

¹⁰ بَايَنْ حَيْڢُوَرْ كٜىٰنَنْ، عٜىٰنُواشْ يَيِ شٜىٰكَرَا طَرِے تَݣُوسْ دَ شَا بِيَرْ، يَا كُمَ حَيْڢِ یَیَ مَظَا دَ مَاتَا؞

¹¹ حَكَ نَنْ كُوَ دُكَنْ ݣُونَكِنْ عٜىٰنُواشْ شٜىٰكَرَا ثٜىٰ طَرِے تَرَ دَ بِيَرْ، سَيْ يَمُتُ؞

¹² لُواْكَثِنْ دَ كٜىٰنَنْ يَيِ شٜىٰكَرَا سَبَعِنْ، سَيْ يَحَيْڢِ مَهَلَلٜىٰلْ؞

¹³ بَايَنْ حَيْڢُوَرْ مَهَلَلٜىٰلْ، كٜىٰنَنْ يَيِ شٜىٰكَرَا طَرِے تَݣُوسْ دَ أَرْبَعِنْ، يَا كُمَ حَيْڢِ یَیَ مَظَا دَ مَاتَا؞

¹⁴ حَكَ نَنْ كُوَ دُكَنْ ݣُونَكِنْ كٜىٰنَنْ شٜىٰكَرَثٜىٰ طَرِے تَرَ دَ غُواْمَ، سَيْ يَمُتُ؞

¹⁵ لُواْكَثِنْ دَ مَهَلَلٜىٰلْ يَيِ شٜىٰكَرَا سِتِّنْ دَ بِيَرْ، سَيْ يَحَيْڢِ يَرٜىٰدْ؞

¹⁶ بَايَنْ حَيْڢُوَرْ يَرٜىٰدْ، مَهَلَلٜىٰلْ يَيِ شٜىٰكَرَا طَرِے تَݣُوسْ دَ تَلَاتِنْ، يَا كُمَ حَيْڢِ یَیَ مَظَا دَ مَاتَا؞

¹⁷ حَكَ نَنْ كُوَ دُكَنْ ݣُونَكِنْ مَهَلَلٜىٰلْ شٜىٰكَرَا ثٜىٰ طَرِے تَݣُوسْ دَ ثَسَعِنْ دَ بِيَرْ، سَيْ يَمُتُ؞

¹⁸ لُواْكَثِنْ دَ يَرٜىٰدْ يَيِ شٜىٰكَرَا طَرِے دَ سِتِّنْ دَ بِيُ، سَيْ يَحَيْڢِ إِدْرِيسْ؞

¹⁹ بَايَنْ حَيْڢُوَرْ إِدْرِيسْ، يَرٜىٰدْ يَيِ شٜىٰكَرَا طَرِے تَݣُوسْ، يَا كُمَ حَيْڢِ یَیَ مَظَا دَ مَاتَا؞

²⁰ حَكَ نَنْ كُوَ دُكَنْ ݣُونَكِنْ يَرٜىٰدْ شٜىٰكَرَثٜىٰ طَرِے تَرَ دَ سِتِّنْ دَ بِيُ، سَيْ يَمُتُ؞

²¹ لُواْكَثِنْ دَ إِدْرِيسْ يَيِ شٜىٰكَرَا سِتِّنْ دَ بِيَرْ، سَيْ يَحَيْڢِ مٜىٰتُسٜىٰلَ؞

²² بَايَنْ حَيْڢُوَرْ مٜىٰتُسٜىٰلَ، إِدْرِيسْ يَيِ شٜىٰكَرَا طَرِے عُكُ يَنَ تَڢِيَ ثِكِنْ زُمُنْثِ دَ اللَّهْ، يَا كُمَ حَيْڢِ یَیَ مَظَا دَ مَاتَا؞

²³ حَكَ نَنْ كُوَ دُكَنْ ݣُونَكِنْ إِدْرِيسْ شٜىٰكَرَثٜىٰ طَرِے عُكُ دَ سِتِّنْ دَ بِيَرْ؞

²⁴ يَايِ تَڢِيَ ثِكِنْ زُمُنْثِ دَ اللَّهْ؞ أَنَانً بَعَسَاكٜىٰ غَنِنْسَبَ، غَمَا اللَّهْ يَا طَوْكٜىٰشِ؞

²⁵ لُواْكَثِنْ دَ مٜىٰتُسٜىٰلَ يَيِ شٜىٰكَرَا طَرِے دَ تَمَٰنِنْ دَ بَݣَويْ، سَيْ يَحَيْڢِ لَمٜىٰكْ؞

²⁶ بَايَنْ حَيْڢُوَرْ لَمٜىٰكْ، مٜىٰتُسٜىٰلَ يَيِ شٜىٰكَرَا طَرِے بَݣَويْ دَ تَمَٰنِنْ دَ بِيُ، يَا كُمَ حَيْڢِ یَیَ مَظَا دَ مَاتَا؞

²⁷ حَكَ نَنْ كُوَ دُكَنْ ݣُونَكِنْ مٜىٰتُسٜىٰلَ شٜىٰكَرَا ثٜىٰ طَرِے تَرَ دَ سِتِّنْ دَ تَرَ، سَيْ يَمُتُ؞

²⁸ لُواْكَثِنْ دَ لَمٜىٰكْ يَيِ شٜىٰكَرَا طَرِے دَ تَمَٰنِنْ دَ بِيُ، سَيْ يَحَيْڢِ طَا؞

²⁹ يَا سَا مَسَ سُونَ نُوحُ دَ ثٜىٰوَ ‏«‏بَرِ وَنَّنْ يَكَٰوُاْ مَنَ هُوتُ دَغَ عَيْكِنْمُ دَ كُمَ عَذَابَرْ حَنُّوَنْمُ دَغَ ڧَسَرْدَ يَهْوٜىٰهْ يَلَعَنْتَ؞»‏

³⁰ بَايَنْ حَيْڢُوَرْ نُوحُ، لَمٜىٰكْ يَيِ شٜىٰكَرَا طَرِے بِيَرْدَ ثَسَعِنْ دَ بِيَرْ، يَا كُمَ حَيْڢِ یَیَ مَظَا دَ مَاتَا؞

³¹ حَكَ نَنْ كُوَ دُكَنْ ݣُونَكِنْ لَمٜىٰكْ شٜىٰكَرَا ثٜىٰ طَرِے بَݣَويْ دَ سَبَعِنْ دَ بَݣَويْ، سَيْ يَمُتُ؞

³² لُواْكَثِنْ دَ نُوحُ يَيِ شٜىٰكَرَا طَرِے بِيَرْ، سَيْ يَحَيْڢِ شٜىٰمْ دَ هَمْ دَ يَڢٜىٰتْ؞