ڢَارَوَ 4 - أَتَّوْرَتْ دَ أَنَّبَاوَا

كَيِنُ دَ هَبِيلَ

¹ مُتُمِنْ كُوَ يَاݣُونَ دَ مَاتَرْسَ هَوَّآءُ، سَيْ تَيِثِكِ تَحَيْڢِ كَيِنُ؞ سَيْ تَثٜىٰ ‏«‏كَيْ، نِے مَا دَ تَيْمَكُوانْ يَهْوٜىٰهْ نَايِ مُتُمْ!‏»‏

² سَعَنً كُمَ تَحَيْڢِ طَنْعُوَنْسَ، تَسَ مَسَ سُونَ هَبِيلَ؞ هَبِيلَ مَكِيَايِنْ دَبُّواْبِے نٜىٰ، كَيِنُ كُمَ مَيْ نُواْمَ نٜىٰ؞

³ أَنَانً سَيْ كَيِنُ يَكَٰوُاْ أَمْڢَانِنْ غُواْنَ دُواْمِنْ يَمِيڧَ شِ بَايَرْوَ غَ يَهْوٜىٰهْ؞

⁴ هَبِيلَ كُمَ يَكَٰوُاْ وَطَنْسُ یَیَنْ ڢَارِ نَدَبُّواْبِنْسَ تَرٜىٰدَ كِڟٜىٰنْسُ؞ يَهْوٜىٰهْ كُوَ يَا كَرْٻِ بَايَرْوَ تَ هَبِيلَ،

⁵ عَمَّا بَيْكَرْٻِ بَايَرْوَ تَ كَيِنُ بَ؞ وَنَّنْ يَا سَا كَيِنُ يَيِ ڢُشِے سُواْسَيْ حَرْ يَطَوْرٜىٰ ڢُسْكَرْسَ؞

⁶ يَهْوٜىٰهْ يَاثٜىٰ وَ كَيِنُ ‏«‏دُوانْمٜىٰ كَكٜىٰ ڢُشِے؟ دُوانْمٜىٰ كَكٜىٰ طَوْرٜىٰ ڢُسْكَ؟

⁷ عِدَنْ كَيِ أَبِنْدَ يَكٜىٰ دَيْدَيْ، بَذَاكَ سَكِ ڢُسْكَرْكَ بَ؟ عَمَّا عِدَنْ بَكَيِ أَبِنْدَ يَكٜىٰ دَيْدَيْبَ، تُواْ ذُنُوبِ يَنَ عَٻُواْيٜىٰ عَبَاكِنْ ڧُواْڢَ يَنَ مَرْمَرِ يَكَامَكَ، عَمَّا دُواْلٜىٰنٜىٰ كَيِ مُلْكِ عَكَنْسَ؞»‏

⁸ أَنَانً سَيْ كَيِنُ يَثٜىٰ وَطَنْعُوَنْسَ هَبِيلَ ‏«‏كَذُواْ مُڢِتَ ذُوَا دَاجِ؞»‏ عَمَّا يَايِنْ دَسُكٜىٰ أَدَاجِ تَرٜىٰ، سَيْ كَيِنُ يَتَاسَرْ وَ هَبِيلَ يَبُغٜىٰشِ يَكَشٜىٰ؞

⁹ ثَنْ أَنْجِمَ، سَيْ يَهْوٜىٰهْ يَتَمْبَيِ كَيِنُ يَثٜىٰ ‏«‏إِنَا طَنْعُوَنْكَ هَبِيلَ يَكٜىٰ؟»‏ كَيِنُ يَأَمْسَ يَثٜىٰ ‏«‏بَنْسَنِبَ؞ يَوْشٜىٰ نَذَمَ مَيْ لُورَ دَ طَنْعُوَنَ؟»‏

¹⁰ يَهْوٜىٰهْ يَاثٜىٰ ‏«‏مٜىٰ كٜىٰنَنْ كَيِ؟ مُرْيَرْ جِنِنْ طَنْعُوَنْكَ تَنَيِ مِنِ كُوكَا دَغَ ڧَسَا!‏

¹¹ يَنْذُ ڢَا، كَيْ لَعَنَنّٜىٰ نٜىٰ دَغَ ڧَسَا وَدَّ تَبُوطٜىٰ بَاكِ، تَكَرْٻِ جِنِنْ طَنْعُوَنْكَ دَغَ حَنُّنْكَ؞

¹² كُواْ يَيَ كَنُواْمٜىٰتَ، ڧَسَرْ بَذَاتَ ڧَارَ بَاكَ ثِكَكّٜىٰنْ أَمْڢَانِنْتَبَ؞ ذَاكَ ذَمَ مَيْ كَيْ دَ كَٰوُاْوَ، مَيْ يَٰوُاْ بَرْكَتَيْ عَدُونِيَا؞»‏

¹³ سَيْ كَيِنُ يَثٜىٰ وَ يَهْوٜىٰهْ ‏«‏حُكُنْثِنَ يَاڢِ ڧَرْڢِينَ!‏

¹⁴ غَاشِ كَكُواْرٜىٰنِ دَغَ ڧَسَرْ، وَنَّنْ كُوَ ذَيْ ٻُواْيٜىٰنِ دَغَ ڢُسْكَرْكَ؞ كَكُمَ مَيْدَنِ مَيْ كَيْ دَ كَٰوُاْوَ، مَيْ يَٰوُاْ بَرْكَتَيْ عَدُونِيَا؞ أَيْ، دُكْ وَنْدَ يَسَامٜىٰنِ ذَيْ كَشٜىٰنِ!‏»‏

¹⁵ عَمَّا يَهْوٜىٰهْ يَاثٜىٰمَسَ ‏«‏بَهَكَ بَنٜىٰ!‏ ذَنْيِ رَامُوَا حَرْ سَوْ بَݣَويْ عَكَنْ دُكْ وَنْدَ يَيِ حَكَ؞»‏ سَيْ يَهْوٜىٰهْ يَسَاوَ كَيِنُ وَتَ عَلَمَ دُواْمِنْ دُكْ وَنْدَ يَسَامٜىٰشِ كَدَ يَكَشٜىٰشِ؞

¹⁶ كَيِنُ كُوَ يَتَاشِ دَغَ غَبَنْ يَهْوٜىٰهْ، يَتَڢِے يَذَوْنَ أَوَنِ يَنْكِ غَبَسْ دَ غُواْنَرْ عَيْدَنْ مَيْ سُونَ نُوادْ؞

ذُرِيَرْ كَيِنُ

¹⁷ كَيِنُ يَاݣُونَ دَ مَاتَرْسَ سَيْ تَيِثِكِ تَحَيْڢِ طَا، سُكَسَا مَسَ سُونَ إِدْرِيسْ؞ لُواْكَثِنْ كُوَ كَيِنُ يَنَ غِنَا وَنِ بِرْنِ، سَيْ يَسَا وَبِرْنِنْ سُونَنْ طَنْسَ إِدْرِيسْ؞

¹⁸ عَكَ حَيْڢَ وَ إِدْرِيسْ طَا مَيْ سُونَ إِرَدْ؞ إِرَدْ يَا حَيْڢِ مٜىٰهُجَيٜىٰلْ، مٜىٰهُجَيٜىٰلْ يَا حَيْڢِ مٜىٰتُشَيٜىٰلْ، مٜىٰتُشَيٜىٰلْ يَا حَيْڢِ لَمٜىٰكْ؞

¹⁹ لَمٜىٰكْ يَا عَوْرِ مَاتَا بِيُ؞ تَڢَارِنْ سُونَنْتَ أَدَ، تَبِيُنْ سُونَنْتَ ظِلَّ؞

²⁰ أَدَ تَا حَيْڢِ يَبَلْ، وَنْدَ يَذَمَ تُوشٜىٰنْ دُكَنْ مَكِيَايَنْ دَبُّواْبِے؞

²¹ سُونَنْ طَنْعُوَنْسَ يُبَلْ، وَنْدَ يَذَمَ تُوشٜىٰنْ دُكَنْ مَاسُ كَطٜىٰ كَطٜىٰ دَ بُوشٜىٰ بُوشٜىٰنْ مُواْلُواْ دَ سَرٜىٰوَ؞

²² ظِلَّ، وَدَّ تَكٜىٰ مَاتَ تَبِيُنْ، تَحَيْڢِ تُبَلْ كَيِنُ، وَنْدَ يَذَمَ تُوشٜىٰنْ دُكَنْ مَاسُ ڧٜىٰرَ كَايَنْ تَغُلَّ دَ نَبَڧِنْ ڧَرْڢٜىٰ؞ یَرْعُوَرْ تُبَلْ كَيِنُ سُونَنْتَ نَعَمَ؞

²³ وَتَرَانَ لَمٜىٰكْ يَثٜىٰ وَمَاتَنْسَ بِيُ، ‏«‏أَدَ دَ ظِلَّ، كُكَسَ كُنّٜىٰ غَرٜىٰنِ، مَاتَانْ لَمٜىٰكْ، كُجِ أَبِنْدَ نَكٜىٰ ڢَطَا، نَا كَشٜىٰ وَنِ، غَمَا يَيِ مِنِ رَوْنِ، وَنِ طَنْ سَوْرَيِ نٜىٰ، غَمَا يَا مَرٜىٰنِ؞

²⁴ عِدَنْ ذَاعَ ڧَارَ حُكُنْثِنْ مَيْ كَشٜىٰ كَيِنُ سَوْ بَݣَويْ، تُواْ حُكُنْثِنْ مَيْ كَشٜىٰ لَمٜىٰكْ ذَيْ ذَمَ سَوْ سَبَعِنْ دَ بَݣَويْ؞»‏

ذُرِيَرْ شِيتُ

²⁵ ءَادَمُ يَا سَاكٜىٰ ݣُونَ دَ مَاتَرْسَ، سَيْ تَحَيْڢِ طَا تَبَا شِ سُونَ شِيتُ؞ غَمَا تَاثٜىٰ ‏«‏اللَّهْ يَسَاكٜىٰ بَانِ يَرُواْ أَمَدَدِنْ هَبِيلَ وَنْدَ كَيِنُ يَكَشٜىٰ؞»‏

²⁶ عَكَ حَيْڢَ وَ شِيتُ طَا مَيْ سُونَ عٜىٰنُواشْ؞ أَ زَامَانِنَّنْ نٜىٰ مُتَنٜىٰ سُكَ ڢَارَ كِرَا يَهْوٜىٰهْ دَ سُونَنْسَ ثِكِنْ سُجَّدَ؞