ڢَارَوَ 32 - أَتَّوْرَتْ دَ أَنَّبَاوَا

يَعْڧُوبَ يَا يِشِرِنْ سَدُوَ دَ إِسُوَ

¹ سَعَدَّ يَعْڧُوبَ يَنَ عَكَنْ حَنْيَرْسَ، سَيْ مَلاَىِٕكُنْ اللَّهْ سُكَذُواْ وُرِنْسَ؞

² دَ يَعْڧُوبَ يَغَنْسُ سَيْيَثٜىٰ ‏«‏وَنَّنْ سَنْسَنِنْ ضُنْدُنَارْ اللَّهْ نٜىٰ!‏»‏ سَيْ يَكِرَا سُونَنْ وُرِنْ مَهَنَيِمْ؞

³ يَعْڧُوبَ يَا عَيْكَ دَ یَنْ عَيْكَ سُرِغَاشِ ذُوَا وُرِنْ إِسُوَ طَنْعُوَنْسَ عَيَنْكِنْ سٜىٰيِرْ عَڧَسَرْ عٜىٰدُوامْ؞

⁴ يَا عُمَرْثٜىٰسُ ثٜىٰوَ ‏«‏غَا أَبِنْدَ ذَاكُثٜىٰ وَ إِسُوَ؞ ‏‹‏رَنْكَيَدَطٜىٰ!‏ بَاوَنْكَ يَعْڧُوبَ وَنْدَ يَذَوْنَ دَ لَبَنْ كَمَرْ بَڧُواْ حَرْ ذُوَا يَنْذُ، يَا دَاوُاْ؞

⁵ يَنَ دَ شَانُنْ نُواْمَ دَ جَاكُنَ دَ غَرْكُنَنْ دَبُّواْبِے دَ بَايِ مَظَا دَ مَاتَا؞ رَنْكَيَدَطٜىٰ، يَيِ عَيْكَ نٜىٰ يَنَ نٜىٰمَنْ سَامُنْ ڢَضٍ جِنِ دَغَ غَرٜىٰكَ؞›‏ »‏

⁶ یَنْ عَيْكَنْ سُكَ تَڢِے سُكَ كُواْمَ، سُكَثٜىٰ وَ يَعْڧُوبَ ‏«‏مُنْ تَڢِے وُرِنْ طَنْعُوَنْكَ إِسُوَ، يَنَ كُوَ ذُوَا دُواْمِنْ يَمَرَبْثٜىٰكَ تَرٜىٰدَ مُتَنٜىٰنْسَ طَرِے حُطُ؞»‏

⁷ يَعْڧُوبَ كُوَ يَا جِڟُواْرُواْ سُواْسَيْ يَا كُمَ دَامُ، سَيْ يَرَرَّبَ دُكَنْ مُتَنٜىٰنْ دَسُكٜىٰ تَرٜىٰدَشِ دَ غَرْكُنَنْ تُمَكِ دَ أَوَكِ دَ نَشَانُو دَ نَرَاڧُمَ ڧُنْ‌غِيَ بِيُ؞

⁸ يَنَ تُنَانِ ثٜىٰوَ ‏«‏عِدَنْ إِسُوَ يَا هَلَّكَ ڧُنْ‌غِيَ طَيَ، تُواْ، طَيَنْ ڧُنْ‌غِيَرْدَ تَرَغُ ذَاتَ ڟِيرَا؞»‏

⁹ يَعْڧُوبَ يَيِ أَدُّعَ يَثٜىٰ ‏«‏يَا اللَّهْ نَكَكَنَ إِبْرَٰهِيمْ، اللَّهْ نَبَابَنَ إِسْحَٰڧَ، كَيْ يَهْوٜىٰهْ كَثٜىٰ مِنِ إِنْ كُواْمَ ڧَسَاتَ وُرِنْ یَنْعُوَنَ، ذَاكَ كُوَيِ مِنِ أَلْحٜىٰرِ؞

¹⁰ نِے بَنْ عِسَابَ كَنُونَ مِنِ كُواْ طَنْ كَطَنْ دَغَ يَوَنْ ڧَوْنَرْكَ مَرَرْ ثَنْجَاوَا دَ كُمَ دُكَنْ أَمِنْثِنْكَ وَنْدَ كَنُونَوَ نِے بَاوَنْكَ؞ غَمَا دَ سَنْدَنْ تَڢِيَاتَ كَطَيْ نَڧٜىٰتَرٜىٰ كُواْغِنْ يُواْدَنْ، عَمَّا غَاشِ، نَذَمَ ڧُنْ‌غِيَ بِيُ؞

¹¹ إِنَ ضُواْڧُواْ كَثٜىٰثٜىٰنِ دَغَ حَنُّنْ طَنْعُوَنَ إِسُوَ، غَمَا إِنَ جِنْ ڟُواْرُوانْسَ؞ كَدَ يَذُواْ يَكَكَّشٜىٰمُ دُكَ، یَیَنْ دَ مَامَرْسُ؞

¹² دُكْدَهَكَ، كَيْ كَاثٜىٰ مِنِ لَلَّيْ ذَاكَيِ مِنِ أَلْحٜىٰرِ، ذَاكَسَا ظُرِيَاتَ سُيِيَوَ كَمَرْ يَشِنْ بَاكِنْ تٜىٰكُ وَنْدَ بَعَ عِيَ ڧِرْغَوَ سَبُواْدَ يَوَنْسُ؞»‏

¹³ أَ دَرٜىٰنَّنْ يَݣُونَ أَوُرِنْ؞ وَشٜىٰغَرِ سَيْ يَطَوْكَ دَغَ أَبِنْدَ يَكٜىٰدَشِ دُواْمِنْ يَيِ وَطَنْعُوَنْسَ إِسُوَ ݣَوْتَا؞

¹⁴ يَطٜىٰبِے أَوَكِ طَرِے بِيُ دَ بُنْسُرَيْ عَشِرِنْ دَ تُمَكِ طَرِے بِيُ دَ رَغُنَ عَشِرِنْ،

¹⁵ دَ رَاڧُمَ مَاسُ حَيْڢُوَ تَلَاتِنْ تَرٜىٰدَ یَیَنْسُ دَ شَانُو أَرْبَعِنْ دَ بِجِمَيْ غُواْمَ دَ جَاكُنَ مَاتَا عَشِرِنْ دَ جَاكُنَ مَظَا غُواْمَ؞

¹⁶ يَرَرَّبَ وَطَنَّنْ غَ بَايِنْسَ، كُواْوَنٜىٰ كَشِ يَكَسَنْثٜىٰ دَبَمْ؞ سَعَنً يَثٜىٰمُسُ ‏«‏كُوُثٜىٰ غَبَنَ، كُبَادَ ڢِيلِ ڟَكَانِنْ كُواْوَنٜىٰ كَشِ نَدَبُّواْبِنْ؞»‏

¹⁷ سَيْ يَثٜىٰ وَمَكِيَايِ نَكَشِنْ دَيَكٜىٰ جَنْ غَبَ ‏«‏سَعَدَّ طَنْعُوَنَ إِسُوَ يَسَدُ دَكَيْ حَرْ يَتَمْبَيٜىٰكَ ثٜىٰوَ ‏‹‏كَيْ مُتُمِنْ وَنٜىٰنٜىٰ؟ إِنَا ذَاكَ؟ غَرْكٜىٰنَّنْ نَوَنٜىٰنٜىٰ؟›‏

¹⁸ سَيْ كَثٜىٰمَسَ، ‏‹‏رَنْكَيَدَطٜىٰ!‏ غَرْكٜىٰ نَبَاوَنْكَ يَعْڧُوبَ نٜىٰ، يَعَيْكَسُ ݣَوْتَا ذُوَا غَرٜىٰكَ؞ غَاشِمَا يَنَ بِنْمُ عَبَايَ؞›‏ »‏

¹⁹ يَعْڧُوبَ يَا كُوَ عُمَرْثِ نَبِيٜىٰ دَ كُمَ نَعُكُنْ دَ دُكَنْ مَكِيَايَ وَطَنْدَ سُكٜىٰبِنْسُ، سُڢَطَا دَيْدَيْ أَبِنْدَ نَڢَارِنْ يَڢَطَا وَ إِسُوَ؞

²⁰ ‏«‏دُكَنْكُ ذَاكُثٜىٰ، ‏‹‏بَاوَنْكَ يَعْڧُوبَ يَنَ بِنْمُ عَبَايَ؞›‏ »‏ غَمَا يَعْڧُوبَ يَنَ تُنَانِ ثٜىٰوَ ‏«‏ذَنْ ݣُونْتَرْدَ رَنْ إِسُوَ دَ وَطَنَّنْ ݣَوْتَيْ كَاڢِنْ مُسَدُ ڢُسْكَ دَ ڢُسْكَ؞ وَتَڧِيلَ إِسُوَ ذَيْ كَرْٻٜىٰنِ؞»‏

²¹ سَيْ ݣَوْتَنْ يَعْڧُوبَ سُكَ وُثٜىٰ غَبَنْسَ، عَمَّا شِے كَنْسَ يَاݣُونَ أَ ذَنْ‌غُواْ أَدَرٜىٰنْ؞

يَعْڧُوبَ يَا يِكُواْكَوَ أَ ڢٜىٰنِيٜىٰلْ

²² عَثِكِنْ دَرٜىٰنَّنْ يَعْڧُوبَ يَتَاشِ يَطَوْكِ مَاتَنْسَ بِيُ دَ بَايِنْسَ مَاتَا بِيُنَّنْ دَ یَیَنْسَ غُواْمَشَا طَيَ، يَڧٜىٰتَرٜىٰ كُواْغِنْ يَبُّواكْ؞

²³ يَݣُوشٜىٰسُ دُكَ يَتُورَسُ سُڧٜىٰتَرٜىٰ رَاڢِنْ تَرٜىٰدَ دُكَنْ أَبِنْدَ يَكٜىٰدَشِ؞

²⁴ عَكَ بَرْ يَعْڧُوبَ شِ كَطَيْ؞ سَيْغَا وَنِ مُتُمْ يَا ذُواْ يَيِ تَكُواْكَوَ دَشِ حَرْ وَايٜىٰوَرْ غَرِ؞

²⁵ سَعَدَّ مُتُمِنْ يَغَ ثٜىٰوَ بَيْيِ نَصَرَا عَكَنْ يَعْڧُوبَ بَ سَيْ يَبُغِ غَٻَرْ كَنْ ڧَشِنْ ثِنْيَرْ يَعْڧُوبَ، سَيْ كَنْ ڧَشِنْ يَغُسَ دَغَ مَظَوْنِنْسَ؞

²⁶ سَعَنً يَثٜىٰ وَ يَعْڧُوبَ ‏«‏كَبَرْنِ إِنْتَڢِے غَمَا رَانَ تَنَ تَاسُواْوَ؞»‏ عَمَّا يَعْڧُوبَ يَثٜىٰمَسَ ‏«‏بَذَنْ بَرْكَ كَتَڢِبَ، سَيْكَسَا مِنِ أَلْبَرْكَ؞»‏

²⁷ سَيْ مُتُمِنْ يَثٜىٰمَسَ ‏«‏مٜىٰنٜىٰنٜىٰ سُونَنْكَ؟»‏ يَأَمْسَ ‏«‏سُونَنَ يَعْڧُوبَ؞»‏

²⁸ سَيْ مُتُمِنْ يَثٜىٰ مَسَ ‏«‏دَغَ يَوْ، سُونَنْكَ بَذَيْ سَاكٜىٰ ذَمَ يَعْڧُوبَ بَ؞ ذَاعَكِرَا سُونَنْكَ إِسْرَٰٓءِيلَ، غَمَا كَايِ كُواْكَوَ دَ اللَّهْ دَ كُمَ مُتَنٜىٰ حَرْ كَا عِيَ؞»‏

²⁹ يَعْڧُوبَ يَثٜىٰ وَمُتُمِنْ ‏«‏إِنَ ضُواْڧُوانْكَ كَڢَطَا مِنِ سُونَنْكَ؞»‏ عَمَّا مُتُمِنْ يَثٜىٰ ‏«‏دُوانْمٜىٰنٜىٰ نٜىٰ كَتَمْبَيِ سُونَنَ؟»‏ أَوُرِنْ، مُتُمِنْ يَسَاوَ يَعْڧُوبَ أَلْبَرْكَ؞

³⁰ سَبُواْدَ حَكَ يَعْڧُوبَ يَكِرَا سُونَنْ وُرِنْ ڢٜىٰنِيٜىٰلْ؞ غَمَا يَاثٜىٰ ‏«‏غَاشِ، نَغَ اللَّهْ ڢُسْكَ دَ ڢُسْكَ، عَمَّا بَنْ رَسَ رَيْنَبَ؞»‏

³¹ رَانَ كُوَ تَا تَاشِ يَايِنْ دَ يَعْڧُوبَ يَنَ بَرِنْ ڢٜىٰنِيٜىٰلْ، يَنَ تَڢِيَ يَنَ طِنْ‌غِشِ سَبُواْدَ كَنْ ڧَشِنْ ثِنْيَرْسَ يَا غُسَ؞

³² هَرْوَيَوْ، ذُرِيَرْ إِسْرَٰٓءِيلَ بَاسَثِنْ جِجِيَرْ دَتَكٜىٰ عَڧَشِنْ ثِنْيَ، سَبُواْدَ أَوَنَّنْ جِجِيَرْ ثٜىٰ عَكَبُغِ يَعْڧُوبَ؞