ڢَارَوَ 30 - أَتَّوْرَتْ دَ أَنَّبَاوَا

¹ سَعَدَّ رَحِيلَةُ تَغَ ثٜىٰوَ بَتَحَيْڢَ وَ يَعْڧُوبَ یَیَ بَ، سَيْ تَيِ كِيشِنْ یَرْعُوَرْتَ؞ تَثٜىٰ وَ يَعْڧُوبَ ‏«‏كَبَانِ یَیَ كُواْ كُوَ إِنْمُتُ!‏»‏

² يَعْڧُوبَ يَيِ ڢُشِے دَ رَحِيلَةُ يَثٜىٰ ‏«‏إِنَ أَمَڟَيِنْ اللَّهْ نٜىٰ، وَنْدَ يَهَنَكِ سَامُنْ حَيْڢُوَ؟»‏

³ سَيْ تَثٜىٰمَسَ ‏«‏تُواْ، غَا بَيْوَتَ بِلْهَ، كَشِغَ وُرِنْتَ، دُواْمِنْ تَحَيْڢَ مِنِ طَا أَڠُوِوُاْيِنَ؞ تَوُرِنْتَ كُمَ نِے مَا ذَنْسَامِ یَیَ؞»‏

⁴ دُواْمِنْ حَكَ تَا بَاشِ بَيْوَرْتَ بِلْهَ، تَذَمَ مَاتَرْسَ، يَعْڧُوبَ كُوَ يَݣُونَ دَ عِتَ؞

⁵ بِلْهَ تَايِ ثِكِ تَا حَيْڢَ وَ يَعْڧُوبَ طَا؞

⁶ سَيْ رَحِيلَةُ تَثٜىٰ ‏«اللَّهْ يَايِ مِنِ شَرِيعَرْ غَسْكِيَ، يَاكُمَجِ مُرْيَتَ يَابَانِ طَا؞»‏ سَيْ تَكِرَا سُونَنْسَ دَنْ؞

⁷ بِلْهَ بَيْوَرْ رَحِيلَةُ تَسَاكٜىٰيِنْ ثِكِ تَحَيْڢَا وَ يَعْڧُوبَ طَا نَبِيُ؞

⁸ سَيْ رَحِيلَةُ تَثٜىٰ ‏«‏نَيِ بَبَّرْ كُواْكَوَ دَ یَرْعُوَتَ، نَكُمَيِ نَصَرَا؞»‏ دُواْمِنْ حَكَ تَاكِرَا سُونَنْسَ نَڢْتَلِ؞

⁹ سَعَدَّ لَيْعَتُ تَغَ ثٜىٰوَ تَادَكَتَ دَغَ حَيْڢُوَ، سَيْ تَطَوْكِ بَيْوَرْتَ ظِلْڢَ تَبَا يَعْڧُوبَ تَذَمَ مَاتَرْسَ؞

¹⁰ سَعَنً ظِلْڢَ بَيْوَرْ لَيْعَتُ تَحَيْڢَا وَ يَعْڧُوبَ طَا؞

¹¹ سَيْ لَيْعَتُ تَثٜىٰ ‏«‏نَيِسَعَ!‏»‏ سَيْ تَكِرَا سُونَنْسَ غَدْ؞

¹² ظِلْڢَ بَيْوَرْ لَيْعَتُ تَا حَيْڢَ وَ يَعْڧُوبَ طَا نَبِيُ؞

¹³ سَيْ لَيْعَتُ تَثٜىٰ ‏«‏إِنَدَ مُرْنَ!‏ غَمَا مَاتَا ذَاسُ كِرَنِ مَيْ مُرْنَ؞»‏ سَيْ تَكِرَا سُونَنْسَ أَشٜىٰرْ؞

¹⁴ عَݣُونَكِنْ غِرْبِنْ أَلْكَمَ، سَيْ رَعُبَيْنُ يَتَڢِے يَسَامِ سَيْوَرْ طَوْكَرْ ثِكِ دَغَ دَاجِ، يَكَٰوُاْوَ مَامَرْسَ لَيْعَتُ أَغِدَا؞ سَيْ رَحِيلَةُ تَثٜىٰ وَ لَيْعَتُ ‏«‏إِنَ ضُواْڧُوانْكِ كِطِبَ مِنِ دَغَ ثِكِنْ سَيْوَرْ طَوْكَرْ ثِكِ وَنْدَ طَنْكِ يَكَٰوُاْ؞»‏

¹⁵ لَيْعَتُ تَاثٜىٰ مَتَ ‏«‏بَيْ إِشٜىٰكِبَ دَ كِكَ ڨُوثٜىٰ مِجِنَ؟ يَنْذُ كِنَ سُواْ كِڨُوثٜىٰ سَيْوَرْ طَوْكَرْ ثِكِ وَنْدَ طَانَ يَكَٰوُاْ؟»‏ سَيْ رَحِيلَةُ تَثٜىٰ ‏«‏تُواْ، مِجِنْمُ ذَيْ ݣُونَ دَكٜىٰ يَوْ عِدَنْ ذَاكِبَانِ سَيْوَرْ طَوْكَرْ ثِكِ وَنْدَ طَنْكِ يَكَٰوُاْ؞»‏

¹⁶ لُواْكَثِنْ دَ يَعْڧُوبَ يَدَاوُاْ دَغَ دَاجِ دَ يَمَّ، لَيْعَتُ تَاڢِتَ دُواْمِنْ تَسَدُ دَشِ؞ تَثٜىٰمَسَ ‏«‏لَلَّيْ نٜىٰ ذَاكَ ݣُونَ دَنِے يَوْ، غَمَا كَاذَمَ سَكَمَكُواْ أَمَدَدِنْ سَيْوَرْ طَوْكَرْ ثِكِ وَطَنْدَ طَانَ يَكَٰوُاْ؞»‏ سَيْ كُوَ يَݣُونَ دَ عِتَ أَدَرٜىٰنَّنْ؞

¹⁷ اللَّهْ كُوَ يَاجِ أَدُّعَرْ لَيْعَتُ، تَايِ ثِكِ تَحَيْڢَ وَ يَعْڧُوبَ طَا نَبِيَرْ؞

¹⁸ سَيْ لَيْعَتُ تَثٜىٰ ‏«‏اللَّهْ يَيِ مِنِ سَكَمَكُواْ، غَمَا نَا بَادَ بَيْوَتَ غَ مِجِنَ؞»‏ سَيْ تَكِرَا سُونَنْسَ إِسَّكَرْ؞

¹⁹ لَيْعَتُ تَسَاكٜىٰيِنْ ثِكِ تَحَيْڢَ وَ يَعْڧُوبَ طَا نَشِدَ؞

²⁰ سَيْ لَيْعَتُ تَثٜىٰ ‏«‏‏اللَّهْ يَا بَانِ ݣَوْتَا مَيْݣَوْ؞ يَنْذُ مِجِنَ ذَيْ غِرْمَمَنِ، غَمَا نَحَيْڢَ مَسَ یَیَ مَظَا شِدَ؞»‏ سَيْ تَكِرَا سُونَنْسَ ظٜىٰبُلُنْ؞

²¹ بَايَنْ حَكَ تَاحَيْڢِ یَرْ مَثٜىٰ، تَكِرَا سُونَنْتَ دِنَتُ؞

²² دَغَ نَنْ سَيْ اللَّهْ يَتُنَ دَ رَحِيلَةُ، يَجِ أَدُّعَرْتَ، يَبُوطٜىٰ مَحَيْڢَرْتَ؞

²³ سَيْ تَيِثِكِ تَحَيْڢِ طَا؞ تَثٜىٰ ‏«‏يَنْذُ اللَّهْ يَا كَوَرْ مِنِ دَ كُنْيَا؞»‏

²⁴ تَكِرَا سُونَنْسَ يُوسُڢَ، دُواْمِنْ تَثٜىٰ أَ ذُوثِيَارْتَ ‏«‏بَرِ يَهْوٜىٰهْ يَڧَارَ مِنِ وَنِ طَا!‏»‏

أَرْزِڧِنْ يَعْڧُوبَ يَا ڧَارُ

²⁵ سَعَدَّ رَحِيلَةُ تَحَيْڢِ يُوسُڢَ، سَيْ يَعْڧُوبَ يَثٜىٰ وَ لَبَنْ ‏«‏كَسَلَّمٜىٰنِ دُواْمِنْ إِنْكُواْمَ غِدَانَ دَ ڧَسَاتَ؞

²⁶ كَبَانِ مَاتَانَ دَ یَیَنَ، وَطَنْدَ عَكَنْسُ نٜىٰ نَيِ مَكَ حِدِمَ؞ كَبَرْمُ مُتَڢِے دَيَكٜىٰ كَيْ مَا كَا سَنْ إِرِنْ حِدِمَرْدَ نَيِ مَكَ؞»‏

²⁷ لَبَنْ يَثٜىٰ مَسَ ‏«‏دَظَاكَ يَرْدَ مِنِ، سَيْ إِنْثٜىٰ، نَغَانٜىٰ تَوُرِنْ دُوبَا ثٜىٰوَ يَهْوٜىٰهْ يَا أَلْبَرْكَثٜىٰنِ سَبُواْدَكَيْ؞

²⁸ كَڢَطَا مِنِ لَادَنْكَ، ذَنْ كُوَ بَاكَ؞»‏

²⁹ يَعْڧُوبَ يَأَمْسَ مَسَ يَثٜىٰ ‏«‏كَيْ دَ كَنْكَ مَا كَا سَنْ إِرِنْ حِدِمَرْدَ نَيِ مَكَ دَ يَدَّ غَرْكُنَنْكَ سُكَ ڧَارُ أَ هَنُّونَ؞

³⁰ غَمَا كَاڢِنْ ذُوَانَ دَبُّواْبِنْكَ كَطَنْ نٜىٰ كَوَيْ، عَمَّا يَنْذُ سُنْيِيَوَ سُواْسَيْ؞ يَهْوٜىٰهْ يَيِ مَكَ أَلْبَرْكَ تَكُواْعِنَ عِنْدَ نَسَا حَنُّ؞ عَمَّا يَنْذُ، سَيْ يَوْشٜىٰ ذَنْ تَنَدَ وَغِدَانَ نِے مَا؟»‏

³¹ لَبَنْ يَثٜىٰ ‏«‏تُواْ، مٜىٰنٜىٰنٜىٰ ذَنْبَاكَ؟»‏ يَعْڧُوبَ يَأَمْسَ يَثٜىٰ ‏«‏بَانَ بُڧَاتَرْ لَادَنْكَ؞ ذَنْ ثِيغَبَدَ لُورَ دَ غَرْكُنَنْكَ، عِدَنْ ذَاكَيَرْدَ دَ وَنَّنْ شَوَرَرْ دَ ذَنْبَاكَ؞

³² وَتُواْ، يَوْ بَرِ إِنْبِے ثِكِنْ دُكَنْ غَرْكُنَنْكَ إِنْوَارٜىٰ دُكَنْ تُمَكِ دَ رَغُنَ مَاسُ كَلَرْ طِغُواْ طِغُواْ دَ كُواْوَنٜىٰ بَڧِنْ طَنْ ضَغُواْ دَ كُمَ أَوَكِ مَاسُ كَلَرْ طِغُواْ طِغُواْ؞ بَرِ إِرِنْ وَطَنَّنْ سُذَمَ لَادَنَ؞

³³ نَنْ غَبَ ذَيْ يِمَكَ سَوْڧِنْ غَانٜىٰوَ كُواْ نَيِ غَسْكِيَ؞ سَعَدَّ ذَاكَ دَاوُاْ دُواْمِنْ كَبِنْثِكَ أَبِنْدَ نَتَارَ، عِدَنْ إِنَدَ عَكُيَرْ دَ بَاتَدَ كَلَرْ طِغُواْ طِغُواْ، كُواْ طَنْ ضَغُواْ وَنْدَ بَ كُمَ بَڧِبَ، كَسَنِ ثٜىٰوَ أَنْسَاتَا نٜىٰ؞»‏

³⁴ لَبَنْ يَثٜىٰ ‏«‏دَݣَوْ، بَرِ يَكَسَنْثٜىٰ كَمَرْ يَدَّ كَڢَطَا؞»‏

³⁵ عَمَّا أَ رَانَرْ نَنْ لَبَنْ يَوَارٜىٰ دُكَنْ بُنْسُرَيْ مَاسُ ذَانِ ذَانِ كُواْ طِغُواْ طِغُواْ؞ يَوَارٜىٰ دُكَنْ أَوَكِ مَاسُ طِغُواْ طِغُواْ، كُواْوَثٜىٰنْ دَ تَكٜىٰدَ طَنْ ڢَضٍ كَلَ دَ كُمَ كُواْوَنٜىٰ بَڧِنْ طَنْ ضَغُواْ، يَطٜىٰبٜىٰسُ يَبَا یَیَنْسَ مَظَا سُيِ كِيوُانْسُ؞

³⁶ سَيْ لَبَنْ يَشِرْيَ يَيِ تَڢِيَرْ ݣُونَكِے عُكُ دَ دَبُّواْبِنْ تَرٜىٰدَ یَیَنْسَ، يَيِ نٜىٰسَ دَ يَعْڧُوبَ؞ يَعْڧُوبَ دَيْ يَلُورَ دَ سَوْرَنْ دَبُّواْبِنْ لَبَنْ طِنْ؞

³⁷ يَعْڧُوبَ يَسَامُواْ طَنْيٜىٰنْ رَسَّنْ عِتَتُوَنْ دَرْغَظَ دَ نَأَلْمُوانْ دَ نَأَرْمُوانْ يَٻَٻَّرٜىٰ ٻَوُانْ أَوَطَنْسُ وُرَارٜىٰ دُواْمِنْ يَبَيَّنَ ڢَرَرٜىٰنْ ذَانِ ذَانِ أَجِكِنْسُ؞

³⁸ يَسَ رَسَّنَّنْ أَغَبَنْ غَرْكُنَ أَوُرِنْ دَ عَكٜىٰسَا وَدَبُّواْبِے ضُوَ؞ يَسَاسُ أَوُرِنْ دُواْمِنْ دَبُّواْبِے مَظَا دَ مَاتَا سُكَنْيِ بَرْبَرَ أَوُرِنْ يَايِنْ دَ سُكَذُواْ شَنْ ضُوَ؞

³⁹ سَبُواْدَ حَكَ سَعَدَّ أَوَكِ سُكَيِ بَرْبَرَ أَغَبَنْ رَسَّنَّنْ، سُكَنْ حَيْڢِ یَیَنْ دَسُكٜىٰ دَ ذَانِ ذَانِ دَ طِغُواْ طِغُواْ أَجِكِنْسُ؞

⁴⁰ يَعْڧُوبَ يَوَارٜىٰ تُمَكِنْ دَغَ أَوَكِنْ؞ يَسَ تُمَكِنْ دَسُكٜىٰ مَاتَا سُكَ ڢُسْكَنْثِ تُمَكِنْ لَبَنْ مَاسُ ذَانِ ذَانِ دَ كُمَ بَڧَڧٜىٰ؞ تَهَكَنٜىٰ يَتَارَ وَكَنْسَ غَرْكٜىٰ يَكُمَ كٜىٰٻٜىٰسُ دَبَمْ دَ نَ لَبَنْ؞

⁴¹ دُكْ سَعَدَّ دَبُّواْبِنْ مَاسُ ڧُواْشِنْ لَاڢِيَ سُنَ بَرْبَرَ، يَعْڧُوبَ يَكَنْ ݣُونْتَرْدَ رَسَّنْ أَغَبَنْ عِدَنُونْسُ ثِكِنْ وُرِنْ دَ عَكٜىٰبَاسُ ضُوً شَا، دُواْمِنْ سُيِ بَرْبَرَ أَغَبَنْ رَسَّنْ؞

⁴² عَمَّا غَ دَبُّواْبِے مَرَسَ ڧُواْسَشّٜىٰنْ لَاڢِيَ، بَيْ ݣُونْتَرْدَ رَسَّنْ أَوُرِنْبَ؞ سَبُواْدَ حَكَ، مَاسُ لَاڢِيَ سُنْذَمَ نَ يَعْڧُوبَ، وَتُواْ مَاسُ ذَانِ ذَانِ دَ مَاسُ طِغُواْ طِغُواْ؞ عَمَّا مَرَسَ ڧُواْسَشّٜىٰنْ لَاڢِيَ سُنْذَمَ نَ لَبَنْ؞

⁴³ تَهَكَنٜىٰ، يَعْڧُوبَ يَذَمَ مَيْ أَرْزِڧِ سُواْسَيْ، يَنَدَ غَرْكٜىٰنْ دَبُّواْبِے مَاسُيَوَ، تَرٜىٰدَ بَايِ مَظَا دَ مَاتَادَ رَاڧُمَ دَ جَاكُنَ؞