ڢَارَوَ 27 - أَتَّوْرَتْ دَ أَنَّبَاوَا

يَعْڧُوبَ يَا ڨُوثٜىٰ أَلْبَرْكَرْ إِسُوَ

¹ أَنَانً سَعَدَّ إِسْحَٰڧَ يَڟُوڢَ، عِدَنُونْسَ كُمَ بَاسَ عِيَ غَنِ سَبُواْدَ ڟُوڢَرْسَ، سَيْ يَكِرَا إِسُوَ طَنْسَ نَڢَارِ يَثٜىٰ مَسَ ‏«‏طَانَ!‏»‏ سَيْ إِسُوَ يَثٜىٰ ‏«‏غَا نِے نَنْ؞»‏

² إِسْحَٰڧَ يَا ثٜىٰ ‏«‏غَاشِ، نَڟُوڢَ، بَنْ سَنْ رَانَرْ مُتُوَتَبَ؞

³ تُواْ، سَيْ كَطَوْكِ كَايَنْ ڢَرَوْتَرْكَ، وَتُواْ بَكَنْكَ دَ كِبِيَرْكَ، كَتَڢِے دَاجِ، كَنٜىٰمُواْ مِنِ نَامَ؞

⁴ كَشِرْيَ مِنِ عَبِنْثِ مَيْ دَاطِے دَشِ، إِرِنْ وَنْدَ نَكٜىٰسُواْ، كَكَٰوُاْ مِنِ إِنْثِ، دُواْمِنْ إِنْسَا مَكَ أَلْبَرْكَ تَمُسَمَّنْ كَاڢِنْ إِنْمُتُ؞»‏

⁵ أَشٜىٰ رِڢْكَتُ تَنَجِ لُواْكَثِنْ دَ إِسْحَٰڧَ يَكٜىٰ مَغَنَ دَ إِسُوَ؞ دُواْمِنْ حَكَ، سَعَدَّ إِسُوَ يَتَڢِے دَاجِ نٜىٰمَنْ نَامَنْ،

⁶ سَيْ رِڢْكَتُ تَثٜىٰ وَطَنْتَ يَعْڧُوبَ ‏«‏نَجِ بَابَنْكَ يَنَ ثٜىٰوَ طَنْعُوَنْكَ إِسُوَ

⁷ يَتَڢِے يَكَٰوُاْ مَسَ نَامَنْ ڢَرَوْتَ، يَشِرْيَ مَسَ عَبِنْثِ مَيْ دَاطِنْ دَ ذَيْثِ، يَسَا مَسَ أَلْبَرْكَ أَغَبَنْ يَهْوٜىٰهْ كَاڢِنْ يَمُتُ؞

⁸ سَبُواْدَ حَكَ، كَيْ طَانَ، كَسَوْرَرَتَ دَݣَوْ كَيِ أَبِنْدَ ذَنْڢَطَا مَكَ؞

⁹ كَتَڢِے ثِكِنْ غَرْكٜىٰنْ أَوَكِ كَكَمُواْ مِنِ ڧأَنَانً أَوَكِ بِيُ مَاسُ ݣَوْ؞ ذَنْشِرْيَ عَبِنْثِ مَيْ دَاطِے دَسُو دُواْمِنْ بَابَنْكَ، إِرِنْ وَنْدَ يَكٜىٰسُواْ؞

¹⁰ كَيْ كُوَ ذَاكَطَوْكِ عَبِنْثِنْ كَكَيْ وَبَابَنْكَ يَثِ، دُواْمِنْ يَسَا مَكَ أَلْبَرْكَ كَاڢِنْ يَمُتُ؞»‏

¹¹ عَمَّا يَعْڧُوبَ يَثٜىٰ وَمَامَرْسَ رِڢْكَتُ؞ ‏«‏دُوبَ!‏ طَنْعُوَنَ يَنَدَ غَاشِنْ جِكِے، نِے كُمَ ڢَتَرْ جِكِينَ سُمُلْثٜىٰ؞

¹² وَتَڧِيلَ بَابَنَ ذَيْ تَتَّٻَنِ يَغَانٜىٰ، ذَيْ ڟَمَّنِ إِنَ رُوطِنْسَ نٜىٰ؞ مَيْمَكُواْ إِنْسَامِ أَلْبَرْكَ، سَيْ إِنْجَٰوُاْوَ كَيْنَ لَعَنَ؞»‏

¹³ سَيْ مَامَرْسَ رِڢْكَتُ تَثٜىٰمَسَ ‏«‏بَرِ لَعَنَرْكَ تَذُواْ كَيْنَ؞ كَيْ دَيْ كَسَوْرَرَ أَبِنْدَ نَكٜىٰ ڢَطَا مَكَ كَجٜىٰ كَكَٰوُاْ مِنِ؞»‏

¹⁴ يَاتَڢِے يَكَمُواْسُ يَكَٰوُاْوَ مَامَرْسَ؞ مَامَرْسَ كُوَ تَشِرْيَ عَبِنْثِ مَيْ دَاطِے دَيْدَيْ إِرِنْ وَنْدَ بَابَنْسَ يَكٜىٰسُواْ؞

¹⁵ سَعَنً رِڢْكَتُ تَاطَوْكِ رِيغُنَ مَڢِے ݣَوْ نَ إِسُوَ، طَنْتَ نَڢَارِ، وَطَنْدَ سُكٜىٰ أَ حَنُّنْتَ أَغِدَنْ، سَيْ تَسَاوَ يَعْڧُوبَ، طَنْتَ ڧَرَمِ؞

¹⁶ سَيْ تَمَنّٜىٰ غَاشِنْ عَكُيَ أَ حَنُّوَنْسَ دَ وُيَنْسَ عِنْدَ بَا غَاشِ؞

¹⁷ سَعَنً تَسَا عَبِنْثِ مَيْ دَاطِنَّنْ تَرٜىٰدَ غُرَاسَرْ دَ تَشِرْيَ أَ حَنُّنْ يَعْڧُوبَ؞

¹⁸ سَيْ يَتَڢِے وُرِنْ بَابَنْسَ يَثٜىٰ ‏«‏بَابَنَ!‏»‏ سَيْ إِسْحَٰڧَ يَأَمْسَ ‏«‏غَا نِنَنْ!‏ وَنّٜىٰ طَانَ نٜىٰ كَيْ؟»‏

¹⁹ يَعْڧُوبَ يَا أَمْسَ ‏«‏نِنٜىٰ إِسُوَ طَنْكَ نَڢَارِ؞ نَيِ يَدَّ كَڢَطَا مِنِ؞ يَنْذُ كَتَاشِ كَثِ نَامَنْدَ نَكَمُواْ دُواْمِنْ كَسَا مِنِ أَلْبَرْكَ تَمُسَمَّنْ؞»‏

²⁰ عَمَّا إِسْحَٰڧَ يَثٜىٰ وَطَنْسَ ‏«‏يَيَ عَكَيِ كَسَامُ دَ سَوْرِ حَكَ، طَانَ؟»‏ يَعْڧُوبَ يَأَمْسَ يَثٜىٰ ‏«‏أَيْ، سَبُواْدَ يَهْوٜىٰهْ اللَّهْ نْكَ يَا بَانِ نَصَرَا؞»‏

²¹ إِسْحَٰڧَ يَثٜىٰ وَ يَعْڧُوبَ ‏«‏ذُواْ كُسَ دُواْمِنْ إِنْتَٻَكَ، طَانَ، إِنْسَنِ كُواْ دَ غَسْكٜىٰ طَانَ إِسُوَ نٜىٰ كُواْ كُوَ بَشِيبَنٜىٰ؞»‏

²² سَيْ يَعْڧُوبَ يَمَاڟَ كُسَدَ بَابَنْسَ، إِسْحَٰڧَ؞ إِسْحَٰڧَ كُوَ يَاتَتَّٻَ شِ، سَعَنً يَثٜىٰ ‏«‏مُرْيَرْ، مُرْيَرْ يَعْڧُوبَ نٜىٰ، عَمَّا حَنُّوَنْ، حَنُّوَنْ إِسُوَ نٜىٰ؞»‏

²³ بَيْغَانٜىٰ دَ يَعْڧُوبَ بَ، سَبُواْدَ حَنُّوَنْسَ سُنَدَ غَاشِ كَمَرْ نَ إِسُوَ؞ سَبُواْدَ حَكَ دَ ذَيْسَا مَسَ أَلْبَرْكَ،

²⁴ يَسَاكٜىٰ تَمْبَيَرْسَ يَثٜىٰ ‏«‏دَغَسْكٜىٰ كَيْنٜىٰ طَانَ إِسُوَ؟»‏ سَيْ يَعْڧُوبَ يَأَمْسَ يَثٜىٰ ‏«‏عِ، نِنٜىٰ؞»‏

²⁵ سَعَنً إِسْحَٰڧَ يَثٜىٰ ‏«‏تُواْ، كَكَٰوُاْ نَامَنْدَ كَدَڢَ، دُواْمِنْ إِنْثِ نَامَنْ ڢَرَوْتَرْ طَانَ، إِنْسَامَكَ أَلْبَرْكَ تَمُسَمَّنْ؞»‏ سَيْ يَكَٰوُاْ مَسَ يَثِ؞ يَكُمَ كَٰوُاْ مَسَ ضُوً إِنَبِے يَشَا؞

²⁶ سَعَنً بَابَنْسَ إِسْحَٰڧَ يَثٜىٰ مَسَ ‏«‏ذُواْ كُسَ كَيِمِنِ سُمْبَ، يَا طَانَ؞»‏

²⁷ يَعْڧُوبَ يَمَڟُواْ كُسَ يَيِ مَسَ سُمْبَ؞ دَ إِسْحَٰڧَ يَسَنْسَنَ يَجِ ڧَنْشِنْ رِيغُنَنْسَ، سَيْ يَسَامَسَ أَلْبَرْكَ يَثٜىٰ، ‏«‏دُوبَ، ڧَنْشِنْ طَانَ يَنَ كَامَ دَ ڧَنْشِنْ ڢِيلِنْ دَاجِ، دَاجِنْ دَ يَهْوٜىٰهْ يَيِوَ أَلْبَرْكَ!‏

²⁸ بَرِ اللَّهْ يَبَاكَ رَٻَ دَغَ سَمَ، دَ أَرْزِڧِنْ ڧَسَا، تَرٜىٰدَ يَوَنْ حَڟِ دَ ضُوً إِنَبِے؞

²⁹ بَرِ ڧَبِيلُ سُيِ مَكَ حِدِمَ، أَلْعُمَّيْ كُمَ سُدُرْڧُسَ مَكَ؞ بَرِ كَذَمَ شُوغَبَنْ یَنْعُوَنْكَ، یَیَنْ مَامَرْكَ سُدُرْڧُسَ مَكَ؞ وَطَنْدَ سُكَ لَعَنْتَكَ، بَرِ أَلَعَنْتَسُ؞ وَطَنْدَ سُكَ أَلْبَرْكَثٜىٰكَ، بَرِ عَ أَلْبَرْكَثٜىٰسُ؞»‏

³⁰ دَظَرَرْ إِسْحَٰڧَ يَاغَمَسَا وَ يَعْڧُوبَ أَلْبَرْكَ، يَعْڧُوبَ كُوَ يَنَ ڢِتُواْوَ دَغَ غَبَنْ بَابَنْسَ كٜىٰنَنْ، سَيْغَا إِسُوَ طَنْعُوَنْسَ يَاكُواْمُواْ دَغَ ڢَرَوْتَ؞

³¹ شِمَا يَاشِرْيَ عَبِنْثِ مَيْ دَاطِے يَاكَيْوَ بَابَنْسَ؞ سَيْيَثٜىٰ وَبَابَنْسَ ‏«‏بَابَنَ تَاشِ كَثِ دَغَ ڢَرَوْتَتَ، دُواْمِنْ كَسَا مِنِ أَلْبَرْكَ تَمُسَمَّنْ؞»‏

³² سَيْ بَابَنْسَ إِسْحَٰڧَ يَثٜىٰ مَسَ ‏«‏وَنٜىٰنٜىٰ كَيْ؟»‏ يَأَمْسَ يَثٜىٰ ‏«‏نِنٜىٰ إِسُوَ، طَنْكَ نَڢَارِ؞»‏

³³ سَيْ ضَوَرْ جِكِے تَطٜىٰبِے إِسْحَٰڧَ سُواْسَيْ، يَثٜىٰ ‏«‏تُواْ، وَنٜىٰنٜىٰ وَنَّنْ دَ يَڢَرَوْتُواْ نَامَ يَكَٰوُاْ مِنِ كَاڢِنْ كَذُواْ، حَرْ نَثِنْيٜىٰ نَسَ مَسَ أَلْبَرْكَ؟ عِ، بَابُ شَكَّ ذَيْ ذَمَ مَيْ أَلْبَرْكَ!‏»‏

³⁴ دَ إِسُوَ يَجِ كَلْمُواْمِنْ بَابَنْسَ، سَيْ يَيِ إِيهُ دَ كُوكَا مَيْ ڟَنَنِ دَ بَڧِنْ ثِكِ مَيْ يَوَ؞ يَثٜىٰ وَبَابَنْسَ ‏«‏كَسَ مِنِ أَلْبَرْكَ!‏ نِے مَا، كَسَا مِنِ أَلْبَرْكَ، يَا بَابَنَ!‏»‏

³⁵ عَمَّا بَابَنْ يَثٜىٰ ‏«‏طَنْعُوَنْكَ يَاذُواْ دَمَكِرْثِ يَاڨُوثٜىٰ أَلْبَرْكَرْكَ؞»‏

³⁶ إِسُوَ يَثٜىٰ ‏«‏أَيْ دَيْدَيْنٜىٰ عَكٜىٰثٜىٰدَشِ يَعْڧُوبَ؞ غَمَا يَيِ مِنِ ڨُوثٜىٰ حَرْ سَوْ بِيُ؞ يَا ڨُوثٜىٰ مَڟَيِنَ نَذَمَنْ طَنْ ڢَارِ، غَاشِ كُمَ يَنْذُ يَاڨُوثٜىٰ أَلْبَرْكَتَ؞»‏ سَعَنً يَثٜىٰ وَبَابَنْ ‏«‏بَابُ سَوْرَنْ أَلْبَرْكَرْ دَ كَضَغٜىٰ دُواْمِنَ؟»‏

³⁷ إِسْحَٰڧَ يَثٜىٰ وَ إِسُوَ ‏«‏نَارِغَا نَامَيْدَشِ شُوغَبَنْكَ؞ نَكُمَ بَاشِ دُكَنْ یَنْعُوَنْسَ سُذَمَ مَاسُ حِدِمَرْسَ دَ حَڟِ دَ ضُوً إِنَبِے، وَتُواْ دُكَنْ أَبِنْ بِيَنْ بُڧَاتَرْ رَايُوَا؞ تُواْ، مٜىٰ كُمَ ذَنْيِمَكَ، طَانَ؟»‏

³⁸ إِسُوَ يَثٜىٰ ‏«‏بَابَنَ، أَلْبَرْكَ غُدَا كَطَيْ كَكٜىٰ دَ عِتَ؟ نِے مَا، كَسَا مِنِ أَلْبَرْكَ، يَا بَابَنَ!‏»‏ سَيْ إِسُوَ يَطَغَ مُرْيَرْسَ يَيِ كُوكَا؞

³⁹ سَعَنً بَابَنْسَ إِسْحَٰڧَ يَأَمْسَ يَثٜىٰ، ‏«‏غَاشِ، غِدَنْكَ ذَيْ يِنٜىٰسَ دَ أَرْزِڧِنْ ڧَسَا، أَمْڢَانِنْ رَٻَرْ سَمَ ذَاتَيِ نٜىٰسَ دَكَيْ؞

⁴⁰ تَوُرِنْ تَكُواْبِنْكَ ذَاكَرَايُ، ذَاكَ بَوْتَاوَ طَنْعُوَنْكَ؞ عَمَّا سَعَدَّ كَٻَلّٜىٰ، ذَاكَكَرْيَ غُنْ‌غُمٜىٰنْ دَنِّيَرْسَ دَغَ كَنْكَ؞»‏

⁴¹ إِسُوَ كُوَ يَاڧِ جِنِنْ يَعْڧُوبَ سَبُواْدَ أَلْبَرْكَرْ دَ بَابَنْسَ يَسَامَسَ؞ إِسُوَ يَيِ تُنَانِ ثٜىٰوَ ‏«‏ݣُونَكِنْ مَكُواْكِنْ مُتُوَرْ بَابَنَ سُنْيِ كُسَ؞ سَعَنً ذَنْكَشٜىٰ طَنْعُوَنَ يَعْڧُوبَ؞»‏

⁴² عَمَّا دَ عَكَ ڢَطَا وَ رِڢْكَتُ غَمٜىٰدَ شِرِنْ إِسُوَ، سَيْ تَعَيْكَ عَكِرَا يَعْڧُوبَ؞ تَاثٜىٰمَسَ ‏«‏طَنْعُوَنْكَ إِسُوَ، يَنَ ݣُونْتَرْدَ ذُوثِيَارْسَ دَ تُنَانِنْ يَكَشٜىٰكَ؞

⁴³ يَنْذُ، طَانَ كَجِ مَغَنَاتَ؞ تَاشِ نَنْ دَنَنْ كَغُدُ ذُوَا وُرِنْ لَبَنْ طَنْعُوَنَ أَ هَرَنْ؞

⁴⁴ كَذَوْنَ دَشِ تُكُنَ، سَيْ ذَاڢِنْ رَيْ نَطَنْعُوَنْكَ يَا ݣُونْتَ،

⁴⁵ حَرْ سَيْ ڢُشِنْسَ يَا ݣُونْتَ يَا كُمَ مَنْتَادَ أَبِنْدَ كَيِمَسَ؞ بَايَنْ حَكَ ذَنْعَيْكَ إِنْكِرَاكَ كَدَاوُاْ غِدَا؞ دُوانْمٜىٰ ذَنْرَسَ یَیَنَ بِيُ أَ رَانَ غُدَا؟»‏

⁴⁶ سَيْ رِڢْكَتُ تَثٜىٰ وَ إِسْحَٰڧَ ‏«‏نِے ڢَا نَاغَجِ دَ مَاتَا هِتِّيَاوَنَّنْ؞ عِدَنْ يَعْڧُوبَ شِيمَا يَا عَوْرِ طَيَ دَغَ ثِكِنْ وَطَنَّنْ، إِنَا أَمْڢَانِنْ رَيْنَ كُمَ أَغَرٜىٰنِ؟»‏