ڢَارَوَ 22 - أَتَّوْرَتْ دَ أَنَّبَاوَا

اللَّهْ يَا ڠُودَ بَنْ‌غَسْكِيَرْ إِبْرَٰهِيمْ

¹ بَايَنْدَ أَبُبُوَنَّنْ سُكَ ڢَرُ، سَيْ يَهْوٜىٰهْ يَڠُودَ إِبْرَٰهِيمْ؞ يَهْوٜىٰهْ يَا ثٜىٰ مَسَ ‏«‏إِبْرَٰهِيمْ!‏»‏ سَيْ إِبْرَٰهِيمْ يَثٜىٰ ‏«‏غَانِنَنْ؞»‏

² يَهْوٜىٰهْ يَا ثٜىٰمَسَ ‏«‏طَوْكِ طَنْكَ إِسْحَٰڧَ، مَكَطَيْثِنْ طَنْكَ، وَنْدَ كَكٜىٰ ڧَوْنَ، سَيْ كُتَڢِے يَنْكِنْ مُواْرِيَ، كَمِيڧَشِ هَدَايَ تَڧُواْنَاوَا عَكَنْ طَيَ دَغَ ثِكِنْ مَنْيَنْ تُدَّنْ دَ ذَنْ نُونَ مَكَ؞»‏

³ وَشٜىٰغَرِ دَ سَسَّڢٜىٰ إِبْرَٰهِيمْ يَا تَاشِ يَشِرْيَ جَاكِنْسَ، يَطَوْكِ مَاسُيِمَسَ حِدِمَ غُدَا بِيُ، تَرٜىٰدَ طَنْسَ إِسْحَٰڧَ؞ يَا ڢَسْكَرٜىٰ إِتَاثٜىٰنْ يِنْ هَدَايَ تَڧُواْنَاوَا، سَيْ سُكَ كَامَ حَنْيَ ذُوَا وُرِنْ دَ اللَّهْ يَڢَطَا مَسَ؞

⁴ أَ رَانَ تَ عُكُ، إِبْرَٰهِيمْ يَا طَغَ عِدَنُونْسَ سَيْ يَهَنْ‌غُواْ وُرِنْ دَغَ نٜىٰسَ؞

⁵ سَيْيَثٜىٰ وَمَاسُيِ مَسَ حِدِمَ ‏«‏كُڟَيَ أَنَنْ دَ جَاكِنْ؞ نِے دَ يَرُوانْ ذَامُ هَوْرَ ثَنْ، ذَامُيِ سُجَّدَ، سَعَنً مُكُواْمُواْ وُرِنْكُ؞»‏

⁶ إِبْرَٰهِيمْ يَا طَوْكِ إِتَاثٜىٰنْ هَدَايَرْ يَا أَظَوَ إِسْحَٰڧَ؞ شِ دَ كَنْسَ كُمَ يَا طَوْكِ وُتَا تَرٜىٰدَ وُڧَ؞ سَيْ سُو بِيُ سُكَ وُثٜىٰ غَبَ تَرٜىٰ؞

⁷ إِسْحَٰڧَ يَاثٜىٰ وَبَابَنْسَ ‏«‏بَابَ!‏»‏ سَيْ إِبْرَٰهِيمْ يَثٜىٰ ‏«‏غَانِ، طَانَ؞»‏ إِسْحَٰڧَ يَثٜىٰ ‏«‏غَا وُتَا، غَا إِتَاثٜىٰ، عَمَّا إِنَا طَنْ ضَغُواْ نَهَدَايَ تَڧُواْنَاوَا؟»‏

⁸ إِبْرَٰهِيمْ يَثٜىٰ ‏«‏‏اللَّهْ دَ كَنْسَ ذَيْ تَنَدَ طَنْ ضَغُواْ نَهَدَايَ، يَا طَانَ؞»‏ سَيْ سُو بِيُ سُكَ ثِيغَبَدَ تَڢِيَ تَرٜىٰ؞

⁹ دَ سُكَ كَيْ وُرِنْ دَ اللَّهْ يَيِمَسَ مَغَنَ، سَيْ إِبْرَٰهِيمْ يَا غِنَا بَغَدٜىٰ، يَا جٜىٰرَ إِتَاثٜىٰ عَكَيْ؞ يَا طَوْرَ طَنْسَ إِسْحَٰڧَ، يَا سَاشِ عَكَنْ إِتَاثٜىٰنْ بَغَدٜىٰنْ؞

¹⁰ سَيْ إِبْرَٰهِيمْ يَمِيڧَ حَنُّ يَطَوْكِ وُڧَرْ ذَيْ يَنْكَ طَنْسَ؞

¹¹ عَمَّا مَلاَىِٕكَنْ يَهْوٜىٰهْ يَا كِرَشِ دَغَ سَمَ يَثٜىٰ ‏«‏إِبْرَٰهِيمْ!‏ إِبْرَٰهِيمْ!‏»‏ سَيْ يَأَمْسَ ‏«‏غَانِنَنْ؞»‏

¹² سَيْ مَلاَىِٕكَنْ يَثٜىٰ ‏«‏كَدَ كَسَا حَنُّنْكَ عَكَنْ يَرُوانْ، كُواْ كَيِمَسَ وَنِ أَبُ؞ غَمَا يَوْ نَسَنِ ثٜىٰوَ كَنَ ڟُواْرُوانْ اللَّهْ دَيَكٜىٰ بَكَڧِ كَبَاشِ مَكَطَيْثِنْ طَنْكَبَ؞»‏

¹³ إِبْرَٰهِيمْ يَا طَغَ عِدَنُونْسَ يَا دُوبَ كٜىٰوَيٜىٰ دَشِ، سَيْ يَغَ ضَغُواْ دَ ڧَهُواْنِنْسَ عَكَڢٜىٰ ثِكِنْ طَنْ إِتَاثٜىٰنْ ڧَيَ؞ سَيْ إِبْرَٰهِيمْ يَتَڢِے يَكَامَ ضَغُوانْ يَمِيڧَشِ هَدَايَ تَڧُواْنَاوَا مَيْمَكُوانْ طَنْسَ؞

¹⁴ سَيْ إِبْرَٰهِيمْ يَكِرَا وُرِنْ دَ سُونَ ‏«‏يَهْوٜىٰهْ ذَيْ تَنَدَ»‏، كَمَرْ يَدَّ عَكٜىٰ ڢَطَا هَرْوَيَوْ ثٜىٰوَ ‏«‏عَكَنْ بَبَّنْ تُدُنْ يَهْوٜىٰهْ، ذَاعَ تَنَدَ؞»‏

¹⁵ مَلاَىِٕكَنْ يَهْوٜىٰهْ يَا سَاكٜىٰ كِرَنْ إِبْرَٰهِيمْ سَوْ نَبِيُ دَغَ سَمَ

¹⁶ ثٜىٰوَ ‏«‏يَهْوٜىٰهْ يَثٜىٰ، ‏‹‏نَا ضَنْڟٜىٰ دَ سُونَنَ ثٜىٰوَ تُنْدَيَكٜىٰ كَيْ إِبْرَٰهِيمْ كَيِ وَنَّنْ، بَكَكُمَڧِ كَبَانِ مَكَطَيْثِنْ طَنْكَبَ،

¹⁷ حَڧِيڧَ، ذَنْ أَلْبَرْكَثٜىٰكَ، ذَنْ مَيْدَ ذُرِيَرْكَ سُيِيَوَ كَمَرْ تَوْرَرِنْ سَرَرِنْ سَمَ، كُمَ كَمَرْ يَشِنْ بَاكِنْ تٜىٰكُ؞ ذُرِيَرْكَ ذَاسُثِ سُغَاجِ بِرَنٜىٰنْ أَبُواْكَنْ غَابَنْسُ؞

¹⁸ تَوُرِنْ ذُرِيَرْكَ، دُكَنْ ڧَبِيلُنْ دُونِيَا ذَاسُ ضُواْڧَا وَكَنْسُ أَلْبَرْكَ، سَبُواْدَ كَيِ بِيَيَّ غَا أَبِنْدَ نَثٜىٰمَكَ كَيِ؞›‏ »‏

¹⁹ سَيْ إِبْرَٰهِيمْ يَكُواْمَ وُرِنْ مَاسُيِمَسَ حِدِمَ، سُكَ كُواْمَ بٜىٰيٜىٰرْشٜىٰبَ تَرٜىٰ؞ أَ بٜىٰيٜىٰرْشٜىٰبَ إِبْرَٰهِيمْ يَا كَڢَ وُرِنْ ذَمَنْسَ؞

ذُرِيَرْ نَهُوارْ

²⁰ أَنَانً بَايَنْ وَطَنَّنْ أَبُبُوَ، سَيْ إِبْرَٰهِيمْ يَسَامِ لَابَرِ ثٜىٰوَ مِلْكَ مَاتَرْ طَنْعُوَنْسَ نَهُوارْ تَا حَيْڢَ مَسَ یَیَ؞

²¹ عُظْ نٜىٰ طَنْ ڢَارِ نَ نَهُوارْ، بُظْ يَكٜىٰبِيٜىٰ دَشِ، سَيْ كٜىٰمُوٜىٰلْ نَعُكُنْ، وَتُواْ بَابَنْ أَرَمْ؞

²² أَݣَويْ كُمَ كٜىٰسٜىٰدْ دَ حَزُواْ دَ ڢِلْدَشْ دَ يِدْلَڢْ دَ بٜىٰتُوٜىٰلْ؞

²³ بٜىٰتُوٜىٰلْ يَا حَيْڢِ رِڢْكَتُ؞ مِلْكَ ثٜىٰ تَا حَيْڢَ وَ نَهُوارْ طَنْعُوَنْ إِبْرَٰهِيمْ یَیَنَّنْ تَݣُوسْ؞

²⁴ نَهُوارْ كُمَ يَنَدَ مَثٜىٰنْدَ يَأَجِيٜىٰ مَيْ سُونَ رٜىٰيُمَ، وَدَّ تَحَيْڢَ مَسَ تٜىٰبَ دَ غَهَمْ دَ تَهَشْ دَ مَعَكَ؞