ڢَارَوَ 21 - أَتَّوْرَتْ دَ أَنَّبَاوَا

حَيْڢُوَرْ إِسْحَٰڧَ

¹ أَنَانً يَهْوٜىٰهْ يَا ظِيَرْثِ سَارَةُ كَمَرْ يَدَّ يَا ڢَطَا، يَا كُوَ ثِكَ أَلْڧَوَرِنْ دَ يَيِمَتَ؞

² سَارَةُ كُوَ تَايِ ثِكِ، تَا حَيْڢَ وَ إِبْرَٰهِيمْ طَا ثِكِنْ ڟُوڢَرْسَ، أَدَيْدَيْ لُواْكَثِنْ دَ اللَّهْ يَڢَطَا مَسَ؞

³ سَيْ إِبْرَٰهِيمْ يَا سَا وَطَنْسَ، وَنْدَ سَارَةُ تَحَيْڢَ مَسَ، سُنَ إِسْحَٰڧَ؞

⁴ إِبْرَٰهِيمْ يَيِ وَ طَنْسَ إِسْحَٰڧَ كَاثِيَ يَنَدَ ݣُونَ تَݣُوسْ، كَمَرْ يَدَّ اللَّهْ يَعُمَرْثٜىٰشِ؞

⁵ إِبْرَٰهِيمْ كُوَ يَنَدَ شٜىٰكَرَا طَرِے سَعَدَّ عَكَ حَيْڢَ مَسَ طَنْسَ إِسْحَٰڧَ؞

⁶ سَيْ سَارَةُ تَثٜىٰ، ‏«‏اللَّهْيَا سَا نَيِدَارِيَا؞ دُكْ وَنْدَ يَجِ، ذَيْ يِدَارِيَا تَرٜىٰدَنِ؞

⁷ دَا وَ ذَيْ عِيَثٜىٰ وَ إِبْرَٰهِيمْ سَارَةُ ذَاتَبَا یَیَ نُواْنُواْ؟ عَمَّا غَاشِ نَحَيْڢَ مَسَ طَا أَڟُوڢَرْسَ!‏»‏

⁸ يَرُوانْ كُوَ يَيِغِرْمَ؞ رَانَرْ دَ ذَاعَ يَيٜىٰشِ، إِبْرَٰهِيمْ يَيِ بَبَّنْ بِكِ سُواْسَيْ؞

أَنْكُواْرِ هَجٜىٰرَتُ دَ طَنْتَ إِسْمَٰعِيلُ

⁹ وَتَرَانَ سَارَةُ تَاغَ إِسْمَٰعِيلُ، طَنْ هَجٜىٰرَتُ یَرْ ڧَسَرْ مَصَرْ، يَنَ وَ طَنْتَ إِسْحَٰڧَ دَارِيَارْ رٜىٰنِ؞

¹⁰ سَيْ تَثٜىٰ وَ إِبْرَٰهِيمْ ‏«‏كَكُواْرِ وَنَّنْ بَيْوَ دَ طَنْتَ، غَمَا طَنْ بَيْوَرْ نَنْ بَذَيْ غَاجٜىٰكَ تَرٜىٰدَ طَانَبَ؞»‏

¹¹ وَنَّنْ أَبِنْ يَا دَمِ إِبْرَٰهِيمْ سُواْسَيْ، سَبُواْدَ إِسْمَٰعِيلُ مَا طَنْسَ نٜىٰ؞

¹² عَمَّا اللَّهْ يَاثٜىٰ وَ إِبْرَٰهِيمْ ‏«‏كَدَ كَدَامُ سَبُواْدَ يَرُوانْ دَ كُمَ بَيْوَرْكَ؞ كَسَوْرَرِ سَارَةُ، كَيِ دُكْ أَبِنْدَ تَڢَطَا مَكَ، غَمَا تَوُرِنْ إِسْحَٰڧَ نٜىٰ ذَاعَ لِسَّڢْتَا ذُرِيَرْكَ؞

¹³ غَمٜىٰ دَ يَرُوانْ بَيْوَرْكَ طِنَّنْ، ذَنْ كُمَ كَڢَ أَلْعُمَّ تَوُرِنْسَ، غَمَا شِيمَا ذُرِيَرْكَ نٜىٰ؞»‏

¹⁴ سَيْ إِبْرَٰهِيمْ يَتَاشِ دَ سَسَّڢٜىٰ، يَا طَوْكِ غُرَاسَ دَ سَلْكَرْ ضُوَ، يَا بَا هَجٜىٰرَتُ، يَا سَامَتَ عَكَڢَطَرْتَ؞ سَيْ يَبَاتَ طَنْتَ، يَسَلَّمٜىٰتَ؞ تَا تَڢِے تَايِتَيَٰوُاْ ثِكِنْ دَاجِنْ بٜىٰيٜىٰرْشٜىٰبَ؞

¹⁵ سَعَدَّ ضُوً سَلْكَرْ يَڧَارٜىٰ، سَيْ تَبَرْ يَرُوانْ عَڧَرْڧَشِنْ وَنِ ڧَرَمِنْ إِتَاثٜىٰ؞

¹⁶ سَيْ تَتَڢِے، تَذَوْنَ طَنْ نِيسَ دَ يَرُوانْ، مِصَالِنْ نِيسَنْ هَرْبِنْ كِبِيَرْ بَكَ، غَمَا تَاثٜىٰ أَ رَنْتَ بَاتَسُواْ تَغَ مُتُوَرْ يَرُوانْ؞ دَ تَذَوْنَ نٜىٰسَ دَ يَرُوانْ، سَيْ تَڢَشٜىٰ دَ كُوكَا تَنَ هَوَيٜىٰ؞

¹⁷ اللَّهْ كُوَ يَاجِ يَرُوانْ يَنَ كُوكَا، سَيْ مَلاَىِٕكَنْ اللَّهْ يَا كِرَا هَجٜىٰرَتُ دَغَ سَمَ يَثٜىٰ ‏«‏مٜىٰيَكٜىٰ دَامُنْكِ، هَجٜىٰرَتُ؟ كَدَ كِجِڟُواْرُواْ، غَمَا اللَّهْ يَا جِ مُرْيَرْ يَرُوانْ أَ عِنْدَ يَكٜىٰ؞

¹⁸ تَاشِ، كِطَوْكِ يَرُوانْ، كِضُنْ‌غُمٜىٰشِ دَ حَنُّوَنْكِ، غَمَا ذَنْسَا يَذَمَ بَبَّرْ أَلْعُمَّ؞»‏

¹⁹ سَعَنً اللَّهْ يَا بُوطٜىٰ مَتَ إِدَانُو، سَيْ تَغَ وَتَ رِجِيَ مَيْ ضُوَ؞ سَيْ تَتَڢِے تَثِكَ سَلْكَرْتَ دَ ضُوً، تَكُمَ بَا يَرُوانْ يَشَا؞

²⁰ اللَّهْ كُوَ يَنَ تَرٜىٰدَ يَرُوانْ؞ يَرُوانْ يَيِ غِرْمَ، يَا ذَوْنَ أَدَاجِنْدَ بَا كُواْوَ، يَا كُمَ ذَمَ ڠُونِنْ هَرْبِنْ بَكَ؞

²¹ يَا ذَوْنَ أَدَاجِنْ دَ بَا كُواْوَ نَ ڢَرَنْ؞ مَامَرْسَ كُمَ تَا عَوْرُواْ مَسَ مَاتَ دَغَ ڧَسَرْ مَصَرْ؞

يَرْجٜىٰجٜىٰنِيَرْ إِبْرَٰهِيمْ دَ أَبِمٜىٰلٜىٰكْ أَ بٜىٰيٜىٰرْشٜىٰبَ

²² أَ لُواْكَثِنْ، سَرْكِے أَبِمٜىٰلٜىٰكْ تَرٜىٰدَ ڢِيكُوالْ شُوغَبَنْ سُواْجُواْجِنْسَ يَا جٜىٰ وُرِنْ إِبْرَٰهِيمْ يَثٜىٰ مَسَ ‏«‏مُنْ لُورَ ثٜىٰوَ اللَّهْ يَنَ تَرٜىٰدَكَيْ عَثِكِنْ دُكَنْ كُواْمٜىٰ؞

²³ سَبُواْدَ حَكَ يَنْذُ، كَرَنْڟٜىٰ مِنِ دَ سُونَنْ اللَّهْ ثٜىٰوَ بَذَاكَ ثُوثٜىٰنِ، كُواْ یَیَنَ، كُواْ ذُرِيَتَابَ؞ كَيِمَنَ أَلْحٜىٰرِ دَنِے دَ ڧَسَاتَ عِنْدَ كَكٜىٰ ذَمَنْ بَڧُنْثِ، كَمَرْ يَدَّ نَ نُونَ مَكَ أَلْحٜىٰرِ؞»‏

²⁴ سَيْ إِبْرَٰهِيمْ يَثٜىٰ ‏«‏نَا ضَنْڟٜىٰ!‏»‏

²⁵ سَيْ إِبْرَٰهِيمْ يَكَٰوُاْ كُوكَا وُرِنْ أَبِمٜىٰلٜىٰكْ عَكَنْ رِجِيَ مَيْ ضُوَ وَنْدَ دَا مَاسُ حِدِمَرْ أَبِمٜىٰلٜىٰكْ سُكَ ڨُوثٜىٰ؞

²⁶ أَبِمٜىٰلٜىٰكْ كُوَ يَاثٜىٰ ‏«‏بَنْ سَنْ وَنْدَ يَيِ وَنَّنْ أَبُ بَ، بَكَڢَطَا مِنِبَ، بَنْ كُمَ تَٻَجِبَ سَيْ يَوْ؞»‏

²⁷ سَيْ إِبْرَٰهِيمْ يَا طَوْكِ تُمَكِ دَ شَانُنْ نُواْمَ يَا بَا أَبِمٜىٰلٜىٰكْ، سَيْ سُو بِيُنْ سُكَيِ يَرْجٜىٰجٜىٰنِيَ دَ جُونَ؞

²⁸ إِبْرَٰهِيمْ يَا وَارٜىٰ یَنْ تُمَكِ بَݣَويْ دَغَ ثِكِنْ غَرْكٜىٰ؞

²⁹ سَيْ أَبِمٜىٰلٜىٰكْ يَثٜىٰ وَ إِبْرَٰهِيمْ ‏«‏مٜىٰكَكٜىٰ نُڢِ دَ كَوَارٜىٰ یَنْ تُمَكِ بَݣَويْ طِنَّنْ؟»‏

³⁰ إِبْرَٰهِيمْ يَا ثٜىٰ ‏«‏كَكَرْٻِ وَطَنَّنْ یَنْ تُمَكِ بَݣَويْ، دُواْمِنْ سُذَمَ شَيْدَ أَغَرٜىٰنِ ثٜىٰوَ نِے نَاحَڧَ رِجِيَرْ نَنْ؞»‏

³¹ دُواْمِنْ حَكَ عَكَ كِرَا وَنَّنْ وُرِے بٜىٰيٜىٰرْشٜىٰبَ، دُواْمِنْ عَثَنْ نٜىٰ سُو بِيُ سُكَيِ ضَنْڟُوَا؞

³² سَعَدَّ سُكَ كَمَّلَ يِنْ ضَنْڟُوَارْ أَ بٜىٰيٜىٰرْشٜىٰبَ، سَيْ أَبِمٜىٰلٜىٰكْ دَ ڢِيكُوالْ شُوغَبَنْ سُواْجُواْجِنْسَ، سُكَتَاشِ سُكَ كُواْمَ ڧَسَرْ ڢِلِسْتِيَاوَا؞

³³ سَيْ إِبْرَٰهِيمْ يَشُوكَ إِتَاثٜىٰنْ ڟَاڢِ أَ بٜىٰيٜىٰرْشٜىٰبَ، أَوُرِنْ يَيِكِرَا غَ سُونَنْ يَهْوٜىٰهْ اللَّهْ مَدَوَّمِ ثِكِنْ سُجَّدَ؞

³⁴ إِبْرَٰهِيمْ كُوَ يَيِذَمَنْ بَڧُنْثِ عَيَنْكِنْ ڧَسَرْ ڢِلِسْتِيَاوَا نَدُواْغُوانْ لُواْكَثِ؞