ڢَارَوَ 20 - أَتَّوْرَتْ دَ أَنَّبَاوَا

إِبْرَٰهِيمْ يَا رُوطِ سَرْكِے أَبِمٜىٰلٜىٰكْ

¹ أَنَانً سَيْ إِبْرَٰهِيمْ يَتَاشِ دَغَ مَمْرٜىٰ، يَكَامَ حَنْيَ يَا نُڢِ تَيَنْكِنْ نٜىٰغٜىٰبْ، يَا ذَوْنَ ڟَكَانِنْ كَدٜىٰشْ دَ دَاجِنْ شُرْ؞ يَا كُوَيِ ذَمَنْ بَڧُنْثِ أَ غٜىٰرَرْ نَطَنْ لُواْكَثِ؞

² أَوُرِنْ نٜىٰ إِبْرَٰهِيمْ يَثٜىٰ غَمٜىٰدَ مَاتَرْسَ سَارَةُ ‏«‏یَرْعُوَتَ ثٜىٰ؞»‏ سَيْ سَرْكِے أَبِمٜىٰلٜىٰكْ نَ غٜىٰرَرْ يَعَيْكَ عَكَ طَوْكُواْتَ ذُوَا وُرِنْسَ؞

³ عَمَّا وَنِ دَرٜىٰ عَثِكِنْ مَڢَرْكِ اللَّهْ يَا ذُواْ وُرِنْ أَبِمٜىٰلٜىٰكْ يَثٜىٰ مَسَ ‏«‏مُتُوَ ذَاكَيِ سَبُواْدَ مَاتَرْدَ كَطَوْكُواْ، غَمَا عِتَ مَاتَرْ وَنِ ثٜىٰ؞»‏

⁴ دَيَكٜىٰ أَبِمٜىٰلٜىٰكْ بَيْ رِغَا يَاݣُونَ دَ عِتَ بَ، سَيْيَثٜىٰ ‏«‏عُبَنْ‌غِجِ، ذَاكَ هَلَّكَ أَلْعُمَّ مَرَرْ لَيْڢِے؟

⁵ بَ إِبْرَٰهِيمْ نٜىٰ يَثٜىٰ مِنِ عِتَ یَرْعُوَرْسَثٜىٰ بَ؟ أَيْ، بَ عِتَ دَكَنْتَ تَڢَطَا مِنِ ثٜىٰوَ شِے طَنْعُوَنْتَ نٜىٰبَ؟ دَ نِيَّ مَيْݣَوْ أَ ذُوثِيَاتَ، ثِكِنْ مُتُنْثِ كُمَ نَعَيْكَتَ وَنَّنْ!‏»‏

⁶ سَعَنً اللَّهْ يَثٜىٰمَسَ ثِكِنْ مَڢَرْكِنْ ‏«‏عِ، نَسَنِ كَيِ وَنَّنْ دَ نِيَّ مَيْݣَوْ أَ ذُوثِيَارْكَ؞ نِنٜىٰ كُوَ نَا هَنَكَ كَعَيْكَتَ ذُنُوبِ أَغَرٜىٰنِ؞ دُواْمِنْ حَكَ، نَا هَنَكَ كَتَٻَتَ؞

⁷ سَبُواْدَ حَكَ، كَمَيَرْدَ مَاتَرْ غَ مَيْغِدَنْتَ، غَمَا شِے أَنَّبِے نٜىٰ، ذَيْ كُمَيِمَكَ أَدُّعَ، ذَاكَ كُوَ رَايُ؞ عِدَنْ كُمَ كَڧِ مَيَرْدَ عِتَ، كَسَنِ ثٜىٰوَ لَلَّيْ ذَاكَمُتُ، كَيْ دَ دُكَنْ مُتَنٜىٰنْكَ؞»‏

⁸ وَشٜىٰغَرِ دَ سَسَّڢٜىٰ، سَيْ أَبِمٜىٰلٜىٰكْ يَكِرَا دُكَنْ دَتَّاوَنْسَ، يَڢَطَا مُسُ دُكْ أَبِنْدَ يَڢَرُ؞ سَيْ دُكَنْسُ ڟُواْرُواْ يَكَامَسُ؞

⁹ أَبِمٜىٰلٜىٰكْ يَا كِرَا إِبْرَٰهِيمْ وُرِنْسَ يَثٜىٰ ‏«‏دُوانْمٜىٰ كَايِمَنَ حَكَ؟ وَنٜىٰ لَيْڢِے نَيِمَكَ دَ كَجَٰوُاْ مِنِ بَبَّنْ لَيْڢِے حَكَ عَكَيْنَ دَ يَنْكِنْ مُلْكِنَ؟ كَيِمِنِ أَبِنْدَ بَيْ كَمَاتَ عَيِبَ؞

¹⁰ مٜىٰكَكٜىٰ تُنَانِ دَيَسَا كَيِ وَنَّنْ أَبُ؟»‏

¹¹ إِبْرَٰهِيمْ يَا أَمْسَ يَثٜىٰ ‏«‏نَيِ حَكَ دُواْمِنْ إِنَ تُنَانِ ثٜىٰوَ بَابُ ڟُواْرُوانْ اللَّهْ كُواْ كَطَنْ أَوَنَّنْ وُرِے، كُمَ ذَاسُ كَشٜىٰنِ سَبُواْدَ مَاتَتَ؞

¹² بَنْدَ حَكَمَا، أَيْ، عِتَ یَرْعُوَتَثٜىٰ، یَرْ بَابَنَ، عَمَّا بَ یَرْ مَامَاتَبَ؞ نَاكُوَ عَوْرٜىٰتَ؞

¹³ أَ لُواْكَثِنْ دَ اللَّهْ يَرَبَنِ دَ غِدَنْ بَابَنَ يَسَا نِے إِنَ تَيَٰوُاْ، سَيْ نَثٜىٰمَتَ، ‏‹‏أَلْحٜىٰرِنْ دَ ذَاكِيِ مِنِ شِينٜىٰ كِدِنْ‌غَ ثٜىٰوَ نِے طَنْعُوَنْكِنٜىٰ؞›‏ »‏

¹⁴ سَيْ أَبِمٜىٰلٜىٰكْ يَطَوْكِ سَارَةُ يَمَيَرْوَ إِبْرَٰهِيمْ؞ يَكُمَ بَا إِبْرَٰهِيمْ تُمَكِ دَ شَانُو دَ بَايِ مَظَا دَ مَاتَا؞

¹⁵ أَبِمٜىٰلٜىٰكْ يَثٜىٰ وَ إِبْرَٰهِيمْ ‏«‏غَا ڧَسَاتَ أَغَبَنْكَ، كَذَوْنَ دُكْ عِنْدَ يَغَمْشٜىٰكَ؞»‏

¹⁶ غَ سَارَةُ كُوَ يَاثٜىٰ ‏«‏غَاشِ، نَبَا طَنْعُوَنْكِ أَظُرْڢَا دُبُو؞ وَنَّنْ شَيْدَثٜىٰ تَتَبَّتَرْوَ أَعِدَانُنْ دُكَنْ وَطَنْدَ سُكٜىٰ تَرٜىٰدَكٜىٰ ثٜىٰوَ بَاكِدَ لَيْڢِے؞»‏

¹⁷ سَيْ إِبْرَٰهِيمْ يَيِ أَدُّعَ غَ اللَّهْ؞ اللَّهْ كُوَ يَوَرْكَرْدَ أَبِمٜىٰلٜىٰكْ دَ مَاتَرْسَ دَ بَايِنْسَ مَاتَا، حَرْ سُكَ سَامِ حَيْڢُوَ؞

¹⁸ غَمَا دَا يَهْوٜىٰهْ يَكُلّٜىٰ مَحَيْڢَرْ كُواْوَثٜىٰ مَثٜىٰ عَثِكِنْ غِدَنْ أَبِمٜىٰلٜىٰكْ سَبُواْدَ سَارَةُ مَاتَرْ إِبْرَٰهِيمْ؞