ڢَارَوَ 2 - أَتَّوْرَتْ دَ أَنَّبَاوَا

¹ تَهَكَ عَكَ غَمَ يِنْ سَمَ دَ دُونِيَا دَ دُكَنْ تُلِنْ أَبُبُوَنْ دَسُكٜىٰ ثِكِنْسُ؞

² كَاڢِنْ رَانَ تَبَݣَويْ اللَّهْ يَا غَمَ عَيْكِنْسَ، سَيْ يَدَيْنَ عَيْكِ أَ رَانَ تَبَݣَويْ؞

³ اللَّهْ يَا كُمَ سَا وَرَانَ تَبَݣَويْ أَلْبَرْكَ، يَا كٜىٰٻٜىٰتَ تَا ذَمَ رَانَ مَيْ ڟَرْكِے، غَمَا عِتَثٜىٰ رَانَرْدَ يَدَيْنَ عَيْكِنْسَ نَحَلِتَّ؞

⁴ وَنَّنْ نٜىٰ تَارِيحِنْ مَتَاكَيْ نَيَدَّ عَكَ حَلِثِّ سَمَ دَ دُونِيَا؞ لُواْكَثِنْ دَ يَهْوٜىٰهْ اللَّهْ يَيِ سَمَ دَ دُونِيَا،

مُتُمْ أَغُواْنَرْ عَيْدَنْ

⁵ بَابُ ڟِرٜىٰ ڟِرٜىٰنْ دَاجِ، كُمَ بَابُ غَنْيَيٜىٰنْ ثِ دَسُكَ ڟِرُواْ دَغَ ڧَسَا تُكُنَ، غَمَا يَهْوٜىٰهْ اللَّهْ بَيْ عَيْكُواْ دَ ضُوً سَمَ عَڧَسَابَ؞ بَابُ كُمَ وَنْدَ ذَيْ نُواْمٜىٰ ڧَسَا؞

⁶ عَمَّا دَيْ ضُوَ يَنَ ڢِتُواْوَ دَغَ ڧَسَا يَنَ جِڧَ دُكَنْ ڢُسْكَرْ ڧَسَا؞

⁷ سَعَنً يَهْوٜىٰهْ اللَّهْ يَا صِڢَّتَا مُتُمْ دَغَ تُرْٻَيَرْ ڧَسَا؞ يَا هُورَ مَسَ نُمْڢَشِنْ رَيْ أَهَنْثِنْسَ، سَيْ مُتُمْ يَذَمَ مَيْ رَيْ؞

⁸ سَيْ يَهْوٜىٰهْ اللَّهْ يَا شُوكَ غُواْنَ أَغَبَسْ مَيْ سُونَ عَيْدَنْ، يَا سَا مُتُمِنْ دَ يَا صِڢَّتَا عَثِكِنْتَ؞

⁹ يَهْوٜىٰهْ اللَّهْ يَا سَا كُواْوَنٜىٰ إِرِنْ إِتَاثٜىٰ مَيْ ݣَنْ غَنِ كُمَ مَيْ بَادَ أَمْڢَانِ دُواْمِنْ عَبِنْثِ يَڟِرُواْ دَغَ ڧَسَا، تَرٜىٰدَ إِتَاثٜىٰ مَيْ بَادَ رَيْ أَڟَكِيَرْ غُواْنَرْدَ كُمَ إِتَاثٜىٰ مَيْ كَٰوُاْ سَنِنْ نَغَرْتَادَمُغُنْتَا؞

¹⁰ أَݣَويْ وَنِ كُواْغِنْ دَ يَڢِتُواْ دَغَ غُواْنَرْ عَيْدَنْ يَنَ بَادَ ضُوَ غَ غُواْنَرْ دَغَ وُرِنْ يَرَرَّبُ يَذَمَ كُواْغِ حُطُ؞

¹¹ سُونَنْ كُواْغِ نَڢَرْكُواْ شِينٜىٰ ڢِشُوانْ، وَنْدَ يَكٜىٰوَيَ دُكَنْ يَنْكِنْ ڧَسَرْ هَوِلَ، عِنْدَ عَكٜىٰ سَامُنْ ظِينَارِيَ؞

¹² ظِينَارِيَرْ ڧَسَرْ نَنْ كُوَ ظِينَارِيَ ظَلَّثٜىٰ؞ أَݣَويْ كُمَ كَايَنْ ڧَنْشِ دَ دُوَڟُو مَاسُ دَرَجَ؞

¹³ سُونَنْ كُواْغِ نَبِيُ شِينٜىٰ غِهُوانْ، وَنْدَ يَكٜىٰوَيَ دُكَنْ يَنْكِنْ ڧَسَرْ كُشْ؞

¹⁴ سُونَنْ كُواْغِ نَعُكُ شِينٜىٰ تَيْغِرِسْ، وَنْدَ يَبِے تَغَبَشِنْ أَشُّرْ؞ سُونَنْ كُواْغِ نَهُطُ كُمَ، شِينٜىٰ يُڢِرٜىٰتِسْ؞

¹⁵ سَعَنً يَهْوٜىٰهْ اللَّهْ يَا طَوْكِ مُتُمِنْ يَا سَاشِ عَثِكِنْ غُواْنَرْ عَيْدَنْ دُواْمِنْ يَدِنْ‌غَ عَيْكِ عَثِكِنْتَ يَنَ لُورَ دَ عِتَ؞

¹⁶ سَيْ يَهْوٜىٰهْ اللَّهْ يَثٜىٰ مَسَ ‏«‏كَنَدَ یَنْثِ كَثِ دَغَ كُواْوَنٜىٰ إِتَاثٜىٰ نَغُواْنَرْ،

¹⁷ عَمَّا دَغَ إِتَاثٜىٰ مَيْ كَٰوُاْ سَنِنْ نَغَرْتَادَمُغُنْتَا بَذَاكَ ثِبَ، غَمَا أَ رَانَرْدَ كَثِ دَغَ إِتَاثٜىٰنَّنْ لَلَّيْ ذَاكَ مُتُ؞»‏

¹⁸ سَيْ يَهْوٜىٰهْ اللَّهْ يَثٜىٰ أَ رَنْسَ ‏«‏بَيْيِݣَوْ مُتُمِنْ يَكَسَنْثٜىٰ شِ كَطَيْبَ؞ ذَنْيِمَسَ مَيْ تَيْمَكُواْ وَدَّ تَدَاثٜىٰ دَشِ؞»‏

¹⁹ دَغَ ڧَسَا يَهْوٜىٰهْ اللَّهْ يَا صِڢَّتَا كُواْوَنٜىٰ إِرِنْ دَبَّ نَدَاجِ دَ كُواْوَنٜىٰ إِرِنْ ڟُنْڟُ نَسَرَرِنْ سَمَ؞ يَا كَٰوُاْسُ وُرِنْ مُتُمِنْ دُواْمِنْ يَغَ سُونَنْ دَ مُتُمِنْ ذَيْسَا وَكُواْوَنّٜىٰنْسُ؞ دُكْ أَبِنْدَ يَكِرَا كُواْوَثٜىٰ حَلِتَّ مَيْ رَيْ، حَكَ كُوَ سُونَنْ أَبِنْ يَكَسَنْثٜىٰ؞

²⁰ مُتُمِنْ يَا سَا وَدُكَنْ دَبُّواْبِنْ غِدَا سُونَيٜىٰ، دَ ڟُنْڟَيٜىٰنْ سَرَرِنْ سَمَ دَ كُواْوَنٜىٰ إِرِنْ نَمُواْمِنْ دَاجِ؞ عَمَّا غَ مُتُمِنْ، بَعَسَامِ مَيْ تَيْمَكُواْ وَنْدَ يَدَاثٜىٰ دَشِيبَ؞

²¹ سَيْ يَهْوٜىٰهْ اللَّهْ يَسَا مُتُمِنْ يَيِ بَرْثِ مَيْ ظُرْڢِ؞ سَعَدَّ يَكٜىٰ بَرْثِ، سَيْ يَهْوٜىٰهْ يَثِرٜىٰ هَڧَرْڧَرِنْسَ طَيَ، يَكُمَ رُڢٜىٰ وُرِنْ دَ نَامَ؞

²² هَڧَرْڧَرِنْ دَ يَهْوٜىٰهْ اللَّهْ يَثِرٜىٰ دَغَ وُرِنْ جِكِنْ مُتُمِنْ، يَا صِڢَّتَا مَثٜىٰ دَشِ يَا كُوَ كَٰوُاْ تَوُرِنْ مُتُمِنْ؞

²³ سَيْ مُتُمِنْ يَثٜىٰ، ‏«‏يَوَّ!‏ عَڧَرْشٜىٰ غَا كَمَنِّنَ، ڧَشِنٜىٰ دَغَ ڧَشِنَ، نَامَ نٜىٰ دَغَ نَامَنَ!‏ ذَاعَكِرَتَ مَثٜىٰ غَمَا دَغَ مُتُمْ نٜىٰ عَكَ ثِرُواْتَ؞»‏

²⁴ دَلِيلِنْ كٜىٰنَنْ دَ يَسَا مُتُمْ ذَيْ بَرْ بَابَنْسَ دَ مَامَرْسَ يَمَنّٜىٰ وَمَاتَرْسَ، سُو بِيُنْ سُذَمَ طَيَ؞

²⁵ مُتُمِنْ دَ مَاتَرْسَ دُكَنْسُ بِيُ سُنَانَنْ ڟِرَرَ، عَمَّا بَسُجِ كُنْيَرْ جُونَبَ؞