ڢَارَوَ 16 - أَتَّوْرَتْ دَ أَنَّبَاوَا

حَيْڢُوَرْ إِسْمَٰعِيلُ

¹ سَارَيَ مَاتَرْ إِبْرَمْ بَ تَحَيْڢَ مَسَ یَیَبَ؞ عَمَّا تَنَدَ بَيْوَ وَدَّ تَكٜىٰ یَرْ ڧَسَرْ مَصَرْ مَيْ سُونَ هَجٜىٰرَتُ؞

² سَيْ سَارَيَ تَثٜىٰ وَ إِبْرَمْ ‏«‏غَاشِ، يَهْوٜىٰهْ يَا هَنَنِ حَيْڢُوَ؞ كَشِغَ وُرِنْ بَيْوَتَ، كُواْ تَوُرِنْتَ نِے مَا إِنْ كَڢَ عِيَلِ؞»‏ إِبْرَمْ كُوَ يَا سَوْرَرِ مَغَنَرْتَ؞

³ بَايَنْدَ إِبْرَمْ يَا ثِكَ شٜىٰكَرَا غُواْمَ دَ ذَمَ أَ كَنْعَنَ، سَارَيَ تَا تُورَ بَيْوَرْتَ هَجٜىٰرَتُ یَرْ مَصَرْ تَذَمَ مَاتَرْسَ؞

⁴ سَيْ إِبْرَمْ يَݣُونَ دَ هَجٜىٰرَتُ، تَيِثِكِ؞ سَعَدَّ تَغَ ثٜىٰوَ تَنَدَ ثِكِ، سَيْ تَڢَارَيِ وَ سَارَيَ عُوَرْغِدَنْتَ كَلُّوانْ رٜىٰنِ؞

⁵ سَعَنً سَارَيَ تَثٜىٰ وَ إِبْرَمْ ‏«‏بَرِ ثُوتَرْ دَ عَكَ ثُوثٜىٰنِ دَ عِتَ تَكُواْمَ كَنْكَ!‏ نَا تُورَ بَيْوَتَ عَڧِرْجِنْكَ، عَمَّا دَ تَغَ تَنَدَ ثِكِ، سَيْ تَڢَارَيِ مِنِ كَلُّوانْ رٜىٰنِ؞ بَرِ يَهْوٜىٰهْ يَشَرْعَنْتَ ڟَكَانِينَ دَكَيْ!‏»‏

⁶ عَمَّا إِبْرَمْ يَثٜىٰ وَ سَارَيَ ‏«‏أَيْ، بَيْوَرْكِ تَنَ ڧَرْڧَشِنْكِ، سَيْ كِيِ دَ عِتَ يَدَّ كِكَغَ دَامَ؞»‏ سَعَنً سَارَيَ تَا بَاتَ وَهَلَ سُواْسَيْ حَرْ تَغُدُ؞

⁷ مَلاَىِٕكَنْ يَهْوٜىٰهْ كُوَ يَاسَامِ هَجٜىٰرَتُ أَغٜىٰڢٜىٰنْ وَتَ مَٻُٻُّغَرْ ضُوَ أَدَاجِنْ دَبَا كُواْمٜىٰ، وَتُواْ مَٻُٻُّغَرْ ضُوَ وَدَّ تَكٜىٰ عَكَنْ حَنْيَ ذُوَا شُرْ؞

⁸ سَيْ مَلاَىِٕكَنْ يَثٜىٰمَتَ ‏«‏هَجٜىٰرَتُ، بَيْوَرْ سَارَيَ دَغَ إِنَا كِكَ ڢِتُواْ، كُمَ إِنَا ذَاكِ؟»‏ تَا أَمْسَ تَثٜىٰ ‏«‏إِنَ غُدُ نٜىٰ دَغَ عُوَرْغِجِيَتَ سَارَيَ؞»‏

⁹ سَيْ مَلاَىِٕكَنْ يَهْوٜىٰهْ يَثٜىٰ مَتَ ‏«‏كِكُواْمَ وُرِنْ عُوَرْغِجِيَرْكِ، كِمِيڧَ كَنْكِ غَرٜىٰتَ؞

¹⁰ ذَنْسَا ذُرِيَرْكِ سُڧَارُ سُواْسَيْ، حَرْ بَذَاعَ عِيَ ڧِرْغَسُبَ؞»‏

¹¹ مَلاَىِٕكَنْ يَهْوٜىٰهْ يَا سَاكٜىٰثٜىٰ مَتَ، ‏«‏غَاشِ يَنْذُ كِنَدَ ثِكِ، ذَاكِ كُمَ حَيْڢِ طَا، ذَاكِ كِرَا سُونَنْسَ إِسْمَٰعِيلُ، غَمَا يَهْوٜىٰهْ يَاجِ كُوكَنْ وَهَلَرْكِ؞

¹² ذَيْ يِذَمَنْسَ دَ یَنْثِ كَمَرْ جَاكِنْ دَاجِ، حَنُّنْسَ ذَيْ يِغَابَادَ كُواْوَنٜىٰ مُتُمْ، حَنُّنْ كُواْوَنٜىٰ مُتُمْ كُمَ ذَيْ يِغَابَادَشِ؞ ذَيْ يِذَمَنْسَ نٜىٰسَ دَ یَنْعُوَنْسَ؞»‏

¹³ سَبُواْدَ حَكَ، تَا كِرَا سُونَنْ يَهْوٜىٰهْ وَنْدَ يَيِ مَغَنَ دَ عِتَ ‏«‏كَيْ اللَّهْ نٜىٰ مَيْ غَنِ؞»‏ غَمَا تَثٜىٰ ‏«‏حَرْ نِے نَغَ اللَّهْ نَرَايُ؟»‏

¹⁴ سَبُواْدَ حَكَ عَكَ كِرَا سُونَنْ رِجِيَرْ بٜىٰيٜىٰرْ لَهَيْ رُواْيِ، وَتُواْ رِجِيَرْ مَيْ رَيْ وَنْدَ يَغَنْ نِے؞ رِجِيَرْ تأَنَانً ڟَكَانِنْ كَدٜىٰشْ دَ بٜىٰرٜىٰدْ؞

¹⁵ هَجٜىٰرَتُ تَا حَيْڢَ وَ إِبْرَمْ طَا، يَا كُمَسَا مَسَ سُونَ إِسْمَٰعِيلُ؞

¹⁶ أَ لُواْكَثِنْ حَيْڢُوَرْ إِسْمَٰعِيلُ، إِبْرَمْ يَنَدَ شٜىٰكَرَا تَمَٰنِنْ دَ شِدَ؞