ڢَارَوَ 12 - أَتَّوْرَتْ دَ أَنَّبَاوَا

يَهْوٜىٰهْ يَا كِرَا إِبْرَمْ

¹ سَيْ يَهْوٜىٰهْ يَثٜىٰ وَ إِبْرَمْ ‏«‏تَاشِ دَغَ ڧَسَرْكَ دَغَ یَنْعُوَنْكَ دَغَ غِدَنْ بَابَنْكَ، كَتَڢِے ڧَسَرْدَ ذَنْ نُونَ مَكَ؞

² ‏«‏ذَنْسَا كَذَمَ بَبَّرْ أَلْعُمَّ، ذَنْ أَلْبَرْكَثٜىٰكَ، إِنْسَا كَيِسُونَ، دُواْمِنْ كَذَمَ حَنْيَرْ أَلْبَرْكَ غَ وَطَنْسُ؞

³ دُكْ وَنْدَ يَا أَلْبَرْكَثٜىٰكَ، نِے ذَنْ أَلْبَرْكَثٜىٰشِ؞ دُكْ وَنْدَ يَا رٜىٰنَكَ، نِے ذَنْ لَعَنْتَشِ؞ دُكَنْ ڧَبِيلُنْ دُونِيَا، ذَاكَ ذَمَ مُسُ حَنْيَرْ أَلْبَرْكَ؞»‏

⁴ سَيْ إِبْرَمْ يَتَڢِے كَمَرْ يَدَّ يَهْوٜىٰهْ يَڢَطَا مَسَ، لُوطُ كُمَ يَا تَڢِے تَرٜىٰ دَشِ؞ أَ لُواْكَثِنْ دَ إِبْرَمْ يَا بَرْ هَرَنْ، يَنَدَ شٜىٰكَرَا سَبَعِنْ دَ بِيَرْ؞

⁵ إِبْرَمْ كُوَ يَا طَوْكِ مَاتَرْسَ سَارَيَ دَ لُوطُ يَرُوانْ طَنْعُوَنْسَ دَ دُكَنْ كَايَنْسُ وَطَنْدَ سُكَ تَارَ أَوُرِنْ دَ مُتَنٜىٰنْ دَ سُكَ تَارَ أَ هَرَنْ، دُكَنْسُ سُكَ كَامَ حَنْيَرْ ڧَسَرْ كَنْعَنَ؞ سَعَدَّ سُكَ إِسُواْ ڧَسَرْ كَنْعَنَ،

⁶ إِبْرَمْ يَا رَڟٜىٰ تَڧَسَرْ ذُوَا وَنِ وُرِے مَيْ سُونَ شٜىٰكٜىٰمْ، أَوَجٜىٰنْ إِتَاثٜىٰنْ ڟَاڢِ أَ مُواْرٜىٰ؞ أَ لُواْكَثِنَّنْ كَنْعَنِيَاوَا سُنَ عَڧَسَرْ؞

⁷ سَعَنً يَهْوٜىٰهْ يَا بَيَّنَ غَ إِبْرَمْ، يَثٜىٰ ‏«‏غَ ذُرِيَرْكَ ذَنْبَادَ وَنَّنْ ڧَسَا؞»‏ أَوُرِنْ سَيْ يَغِنَ بَغَدٜىٰ غَ يَهْوٜىٰهْ وَنْدَ يَبَيَّنَ غَرٜىٰشِ؞

⁸ دَغَنَنْ يَا وُثٜىٰ ذُوَا يَنْكِنْ تُدَّنْ غَبَسْ دَ بٜىٰتٜىٰلْ، يَا كَڢَ تٜىٰنْتِنْسَ ڟَكَانِنْ غَرِنْ بٜىٰتٜىٰلْ أَغٜىٰڢٜىٰنْ يَمَّ دَ غَرِنْ أَيْ أَغٜىٰڢٜىٰنْ غَبَسْ؞ أَوُرِنْ نٜىٰ يَا غِنَا بَغَدٜىٰ غَ يَهْوٜىٰهْ يَا كُمَ كِرَا غَ سُونَنْ يَهْوٜىٰهْ ثِكِنْ سُجَّدَ؞

⁹ إِبْرَمْ يَاثِيغَبَدَ تَڢِيَ دَغَ ذَنْ‌غُواْ ذُوَا ذَنْ‌غُواْ يَا نُڢِ نٜىٰغٜىٰبْ عَكُدُ؞

إِبْرَمْ دَ سَارَيَ أَ مَصَرْ

¹⁰ أَنَانً سَيْ عَكَيِ يُنْوَ عَڧَسَرْ؞ سَبُواْدَ حَكَ إِبْرَمْ يَا غَنْ‌غَرَ ذُوَا مَصَرْ دُواْمِنْ ذَمَنْ بَڧُنْثِ أَوُرِنْ، غَمَا يُنْوَ تَايِ ڟَنَنِ عَڧَسَرْ؞

¹¹ دَ يَيِ كُسَنْ شِغَ مَصَرْ، سَيْيَثٜىٰ وَمَاتَرْسَ سَارَيَ ‏«‏نَا سَنِ كٜىٰ ݣَكْݣَوَرْ مَثٜىٰثٜىٰ،

¹² عِدَنْ كُوَ مَصَرَاوَا سُكَ غَنْكِ ذَاسُثٜىٰ، ‏‹‏أَيْ، غَا مَاتَرْسَ!‏›‏ سَعَنً ذَاسُ كَشٜىٰنِ، عَمَّا ذَاسُبَرْكِ دَ رَيْ؞

¹³ كِثٜىٰمُسُ كٜىٰ یَرْعُوَتَ ثٜىٰ، دُواْمِنْ تَدَلِيلِنْكِ إِنْ ذَوْنَ لَاڢِيَ، عَكُمَ ثٜىٰثِ رَيْنَ؞»‏

¹⁴ سَعَدَّ إِبْرَمْ يَشِغَ مَصَرْ كُوَ، سَيْ مَصَرَاوَنْ سُكَغَ ثٜىٰوَ سَارَيَ ݣَكْݣَاوَا ثٜىٰ سُواْسَيْ؞

¹⁵ دَ دَتَّاوَنْ سَرْكِے ڢِرْعَوْنَ نَ مَصَرْ سُكَ غَنْتَ، سَيْ سُكَ يَبٜىٰتَ أَغَبَنْسَ؞ سَيْ عَكَ طَوْكِ سَارَيَ ذُوَا غِدَنْ ڢِرْعَوْنَ؞

¹⁶ سَبُواْدَ عِتَ، سَيْ يَيِ وَ إِبْرَمْ أَلْحٜىٰرِ سُواْسَيْ؞ يَا بَاشِ تُمَكِ دَ شَانُو دَ جَاكُنَ مَظَا دَ مَاتَادَ بَايِ مَظَا دَ مَاتَادَ رَاڧُمَ؞

¹⁷ عَمَّا يَهْوٜىٰهْ يَا سَوْكَرْ دَ بَلَعِ مَيْ ڟَنَنِ وَ ڢِرْعَوْنَ دَ غِدَنْسَ سَبُواْدَ سَارَيَ، مَاتَرْ إِبْرَمْ؞

¹⁸ سَيْ ڢِرْعَوْنَ يَكِرَا إِبْرَمْ، يَثٜىٰ ‏«‏وَنٜىٰ إِرِنْ أَبُ كٜىٰنَنْ كَيِ مِنِ حَكَ؟ دُوانْمٜىٰنٜىٰ نٜىٰ بَكَڢَطَا مِنِ ثٜىٰوَ عِتَ مَاتَرْكَثٜىٰ بَ؟

¹⁹ دُوانْمٜىٰ كَثٜىٰ عِتَ یَرْعُوَرْكَثٜىٰ، حَرْ نَا طَوْكٜىٰتَ تَذَمَ مَاتَتَ؟ تُواْ، غَا مَاتَرْكَ، طَوْكٜىٰتَ كَتَڢِے؞»‏

²⁰ سَرْكِے ڢِرْعَوْنَ يَا بَادَ عُمَرْنِ غَمٜىٰدَشِ؞ عَكَ كُوَ بِدَشِ يَكَامَ حَنْيَ تَرٜىٰدَ مَاتَرْسَ دَ دُكَنْ أَبِنْدَ يَكٜىٰدَشِ؞