ڢَارَوَ 11 - أَتَّوْرَتْ دَ أَنَّبَاوَا

حَصُومِيَا تَ بَابِيلَ

¹ أَ دَا ثَنْ، مُتَنٜىٰنْ دُونِيَا سُنَدَ يَرٜىٰ طَيَ نٜىٰ تَكْ، كَلْمُواْمِنْسُ كُمَ إِرِ طَيَ نٜىٰ؞

² أَنَانً سَعَدَّ مُتَنٜىٰ سُكٜىٰ تَيَطُوَ دَغَ يَنْكِنْ غَبَسْ، سَيْ سُكَ سَامِ ڢِيلِ عَڧَسَرْ شِنَرْ، سُكَ ذَوْنَ عَثَنْ؞

³ سَيْ سُكَثٜىٰ وَجُونَ ‏«‏كُذُواْ، مُيِ بُلُواكْ، مُغَسَسُ سُواْسَيْ؞»‏ سُكَيِ عَيْكِ دَ بُلُواكْ نَلَاكَ مَيْمَكُوانْ دُوڟٜىٰ، مَنْݣُولْتَ كُمَ مَيْمَكُوانْ لَاكَ؞

⁴ سَيْ سُكَثٜىٰ ‏«‏ذُواْ مُغِنَ وَكَنْمُ بِرْنِ دَ حَصُومِيَا وَدَّ رُڢِنْتَ ذَاتَكَيْ ثَنْ ثِكِنْ سَمَ، دُواْمِنْ مُيِ وَكَنْمُ سُونَ، دُواْمِنْ كَدَ مُوَرْوَڟُ ذُوَا كُواْعِنَ أَ ڢُسْكَرْ دُونِيَا؞»‏

⁵ سَيْ يَهْوٜىٰهْ يَسَوْكُواْ دُواْمِنْ يَدُوبَ بِرْنِ دَ حَصُومِيَرْدَ یَنْ أَدَمْ سُكٜىٰ غِنَاوَا؞

⁶ سَعَنً يَهْوٜىٰهْ يَثٜىٰ ‏«‏غَاشِ، سُو جَمَعَ طَيَ نٜىٰ، دُكَنْسُ كُمَ يَرٜىٰ طَيَ نٜىٰ؞ وَنَّنْ كُوَ أَبُ نَڢَرْكُواْ نٜىٰ كَطَيْ نَ أَبُبُوَنْ دَ ذَاسُ عِيَيِ، بَابُ كُمَ أَبِنْدَ سُكَيِ نِيَّرْيِ دَ ذَيْ غَغَرٜىٰسُ؞

⁷ ذُواْ مُسَاكٜىٰ سَوْكَ، مُدَاغُلَ يَرٜىٰنْسُ أَوُرِنْ، دُواْمِنْ كَدَ سُغَانٜىٰ مَغَنَرْ جُونَ؞»‏

⁸ حَكَ كُوَ يَهْوٜىٰهْ يَا وَرْوَڟَاسُ كُواْعِنَ أَ ڢُسْكَرْ دُونِيَا، سُكَ كُمَ دَيْنَ غِنَا بِرْنِنْ؞

⁹ سَبُواْدَ حَكَ عَكَ كِرَا بِرْنِنْ بَابِيلَ، دُواْمِنْ أَوُرِنْ نٜىٰ يَهْوٜىٰهْ يَدَاغُلَ يَرٜىٰنْ دُكَنْ دُونِيَا؞ دَغَ وُرِنْ نٜىٰ يَهْوٜىٰهْ يَوَرْوَڟَاسُ كُواْعِنَ أَ ڢُسْكَرْ دُونِيَا؞

ذُرِيَرْ شٜىٰمْ

¹⁰ غَا تَارِيحِنْ ذُرِيَرْ شٜىٰمْ؞ لُواْكَثِنْ دَ شٜىٰمْ يَيِ شٜىٰكَرَا طَرِے، سَيْ يَحَيْڢِ أَرْڢَكْشَدْ، وَتُواْ شٜىٰكَرَا بِيُ بَايَنْ بَبَّرْ أَمْبَلِيَرْ ضُوًنَنْ؞

¹¹ بَايَنْ حَيْڢُوَرْ أَرْڢَكْشَدْ، شٜىٰمْ يَيِ شٜىٰكَرَا طَرِے بِيَرْ، يَا كُمَ حَيْڢِ یَیَ مَظَا دَ مَاتَا؞

¹² لُواْكَثِنْ دَ أَرْڢَكْشَدْ يَيِ شٜىٰكَرَا تَلَاتِنْ دَ بِيَرْ، سَيْ يَا حَيْڢِ شٜىٰلَ؞

¹³ بَايَنْ حَيْڢُوَرْ شٜىٰلَ، أَرْڢَكْشَدْ يَيِ شٜىٰكَرَا طَرِے حُطُ دَ عُكُ، يَا كُمَ حَيْڢِ یَیَ مَظَا دَ مَاتَا؞

¹⁴ لُواْكَثِنْ دَ شٜىٰلَ يَيِ شٜىٰكَرَا تَلَاتِنْ، سَيْ يَحَيْڢِ عٜىٰبٜىٰرْ؞

¹⁵ بَايَنْ حَيْڢُوَرْ عٜىٰبٜىٰرْ، شٜىٰلَ يَيِ شٜىٰكَرَا طَرِے حُطُ دَ عُكُ، يَا كُمَ حَيْڢِ یَیَ مَظَا دَ مَاتَا؞

¹⁶ لُواْكَثِنْ دَ عٜىٰبٜىٰرْ يَيِ شٜىٰكَرَا تَلَاتِنْ دَ حُطُ، سَيْ يَحَيْڢِ ڢٜىٰلٜىٰغْ؞

¹⁷ بَايَنْ حَيْڢُوَرْ ڢٜىٰلٜىٰغْ، عٜىٰبٜىٰرْ يَيِ شٜىٰكَرَا طَرِے حُطُ دَ تَلَاتِنْ، يَا كُمَ حَيْڢِ یَیَ مَظَا دَ مَاتَا؞

¹⁸ لُواْكَثِنْ دَ ڢٜىٰلٜىٰغْ يَيِ شٜىٰكَرَا تَلَاتِنْ، سَيْ يَحَيْڢِ رٜىٰيُ؞

¹⁹ بَايَنْ حَيْڢُوَرْ رٜىٰيُ، ڢٜىٰلٜىٰغْ يَيِ شٜىٰكَرَا طَرِے بِيُ دَ تَرَ، يَا كُمَ حَيْڢِ یَیَ مَظَا دَ مَاتَا؞

²⁰ لُواْكَثِنْ دَ رٜىٰيُ يَيِ شٜىٰكَرَا تَلَاتِنْ دَ بِيُ، سَيْ يَحَيْڢِ سٜىٰرُغْ؞

²¹ بَايَنْ حَيْڢُوَرْ سٜىٰرُغْ، رٜىٰيُ يَيِ شٜىٰكَرَا طَرِے بِيُ دَ بَݣَويْ، يَا كُمَ حَيْڢِ یَیَ مَظَا دَ مَاتَا؞

²² لُواْكَثِنْ دَ سٜىٰرُغْ يَيِ شٜىٰكَرَا تَلَاتِنْ، سَيْ يَحَيْڢِ نَهُوارْ؞

²³ بَايَنْ حَيْڢُوَرْ نَهُوارْ، سٜىٰرُغْ يَيِ شٜىٰكَرَا طَرِے بِيُ، يَا كُمَ حَيْڢِ یَیَ مَظَا دَ مَاتَا؞

²⁴ لُواْكَثِنْ دَ نَهُوارْ يَيِ شٜىٰكَرَا عَشِرِنْ دَ تَرَ، سَيْ يَحَيْڢِ تَيْرَا؞

²⁵ بَايَنْ حَيْڢُوَرْ تَيْرَا، نَهُوارْ يَيِ شٜىٰكَرَا طَرِے دَ غُواْمَشَا تَرَ، يَا كُمَ حَيْڢِ یَیَ مَظَا دَ مَاتَا؞

²⁶ لُواْكَثِنْ دَ تَيْرَا يَيِ شٜىٰكَرَا سَبَعِنْ، سَيْ يَحَيْڢِ إِبْرَمْ دَ نَهُوارْ دَ كُمَ هَرَنْ؞

ذُرِيَرْ تَيْرَا

²⁷ غَا تَارِيحِنْ ذُرِيَرْ تَيْرَا؞ تَيْرَا يَا حَيْڢِ إِبْرَمْ دَ نَهُوارْ دَ كُمَ هَرَنْ؞ هَرَنْ كُوَ يَا حَيْڢِ لُوطُ؞

²⁸ هَرَنْ يَا مُتُ تُنْ بَابَنْسُ تَيْرَا يَنَدَ رَيْ؞ يَا مُتُ عَڧَسَرْدَ عَكَ حَيْڢٜىٰشِ، وَتُواْ عُرْ تَ كَلْدِيَاوَا؞

²⁹ إِبْرَمْ دَ نَهُوارْ سُكَ عَوْرِ مَاتَا؞ مَاتَرْ إِبْرَمْ أَنَ كِرَنْتَ سَارَيَ؞ مَاتَرْ نَهُوارْ كُمَ أَنَ كِرَنْتَ مِلْكَ، عِتَ یَرْ هَرَنْ ثٜىٰ؞ هَرَنْ نٜىٰ يَا حَيْڢِ مِلْكَ دَ يِسْكَ؞

³⁰ سَارَيَ كُوَ بَاتَحَيْڢُوَ، وَتُواْ بَاتَدَ يَرُواْ؞

³¹ تَيْرَا يَا طَوْكِ طَنْسَ إِبْرَمْ دَ جِيكَنْسَ لُوطُ طَنْ هَرَنْ دَ سَارَيَ مَاتَرْ طَنْسَ إِبْرَمْ؞ دُكَنْسُ سُكَتَاشِ دَغَ ڧَسَرْ عُرْ تَ كَلْدِيَاوَا ذَاسُ ڧَسَرْ كَنْعَنَ؞ عَمَّا سَعَدَّ سُكَ إِسُواْ هَرَنْ، سَيْ سُكَ ذَوْنَ أَوُرِنْ؞

³² حَكَ نَنْ كُوَ دُكَنْ ݣُونَكِنْ تَيْرَا شٜىٰكَرَثٜىٰ طَرِے بِيُ دَبِيَرْ؞ سَيْ تَيْرَا يَمُتُ أَ هَرَنْ؞