ڢَارَوَ 10 - أَتَّوْرَتْ دَ أَنَّبَاوَا

أَصَلِنْ ڧَبِيلُنْ دُونِيَا دَغَ ذُرِيَرْ نُوحُ

¹ غَا تَارِيحِنْ ذُرِيَرْ یَیَ مَظَا نَ نُوحُ، وَتُواْ شٜىٰمْ دَ هَمْ دَ يَڢٜىٰتْ؞ أَنْ حَيْڢَ مُسُ یَیَ مَظَا بَايَنْ بَبَّرْ أَمْبَلِيَرْ ضُوًنَنْ؞

ذُرِيَرْ يَڢٜىٰتْ

² ذُرِيَرْ يَڢٜىٰتْ سُونٜىٰ، ڧَبِيلُنْ غُواْمٜىٰرْ دَ مَغُواغْ دَ مَدَيْ دَ يَبَنْ دَ تُبَلْ دَ مٜىٰشٜىٰكْ دَ تِرَسْ؞

³ ذُرِيَرْ غُواْمٜىٰرْ سُونٜىٰ ڧَبِيلُنْ أَشْكٜىٰنَزْ دَ رِڢَتْ دَ تُواْغَرْمَ؞

⁴ ذُرِيَرْ يَبَنْ سُونٜىٰ ڧَبِيلُنْ أَلْيَسَعَ دَ تَرْشِشْ دَ كِتِّمْ دَ دُواْدَنِمْ؞

⁵ دَغَ وَطَنَّنْ ظُرِيُواْيِ نٜىٰ مُتَنٜىٰ مَاسُ ذَمَ عَيَنْكِنْ بَاكِنْ تٜىٰكُ سُكَ ڢِتُواْ سُكَ يَطُ كُواْعِنَ؞ وَطَنَّنْ نٜىٰ ذُرِيَرْ يَڢٜىٰتْ، سُنَ ذَمَ عَڧَسَاشٜىٰنْسُ، بِسَغَ عِيَلَنْسُ دَ ڧَبِيلُنْسُ، كُواْوَنّٜىٰنْسُ دَ يَرٜىٰنْسُ؞

ذُرِيَرْ هَمْ

⁶ ذُرِيَرْ هَمْ سُونٜىٰ ڧَبِيلُنْ كُشْ دَ مَصَرْ دَ ڢُتْ دَ كَنْعَنَ؞

⁷ ذُرِيَرْ كُشْ سُونٜىٰ ڧَبِيلُنْ سٜىٰبَ دَ هَوِلَ دَ سَبْتَ دَ رَعَمَ دَ سَبْتٜىٰكَ؞ ذُرِيَرْ رَعَمَ سُونٜىٰ ڧَبِيلُنْ شٜىٰبَ دَ دٜىٰدَنْ؞

⁸ كُشْ يَا حَيْڢِ نِمْرُوادْ؞ نِمْرُوادْ نٜىٰ نَڢَرْكُواْ عَدُونِيَا وَنْدَ يَذَمَ ڠُونِنْ يَاڧِ؞

⁹ شِے ڠُونِنْ ڢَرَوْتَنٜىٰ أَغَبَنْ يَهْوٜىٰهْ؞ شِے يَاسَا عَكَنْثٜىٰ ‏«‏شِ كَمَرْ نِمْرُوادْ نٜىٰ ڠُونِنْ ڢَرَوْتَ أَغَبَنْ يَهْوٜىٰهْ؞»‏

¹⁰ يَا ڢَارَ كَڢَ مُلْكِنْسَ أَ بَابِيلَ نٜىٰ دَ عٜىٰرٜىٰكْ دَ عَكَّدْ، دُكَنْسُ كُوَ عَڧَسَرْ شِنَرْ سُكٜىٰ؞

¹¹ دَغَ وَنَّنْ ڧَسَا يَا تَڢِے أَسُّرِيَ يَغِنَ بِرَنٜىٰنْ نِنٜىٰبَ دَ رٜىٰهُواْبُواتْ إِرْ دَ كَلَ،

¹² دَ رٜىٰسٜىٰنْ وَدَّ تَكٜىٰ ڟَكَانِنْ نِنٜىٰبَ دَ بَبَّنْ بِرْنِنْ دَ عَكٜىٰ كِرَا كَلَ؞

¹³ ذُرِيَرْ مَصَرْ سُونٜىٰ ڧَبِيلُنْ لُدْ دَ أَنَمْ دَ لٜىٰهَبْ دَ نَڢْتُ،

¹⁴ ڢَتُرُسْ دَ كَسْلُ دَ كُمَ كِرِتْ، عِنْدَ ڢِلِسْتِيَاوَا سُكَ ڢِتُواْ؞

¹⁵ كَنْعَنَ يَا حَيْڢِ سِدُوانْ طَنْسَ نَڢَرْكُواْ دَ هٜىٰتْ؞

¹⁶ كَنْعَنَ كُمَ شِينٜىٰ بَابَنْ ظُرِيُواْيِنْ يٜىٰبُسِيَاوَا دَ أَمُواْرِيَاوَا دَ غِرْغَشِيَاوَا،

¹⁷ دَ هِوِيَاوَا دَ أَرْكِيَاوَا دَ سِنِيَاوَا،

¹⁸ دَ أَرْوَدِيَاوَا دَ ظٜىٰمَرِيَاوَا دَ هَمَتِيَاوَا؞ بَايَنْ حَكَ ذُرِيَرْ كَنْعَنَ سُكَ يَطُ كُواْعِنَ؞

¹⁹ يَنْكِنْ ڧَسَرْ كَنْعَنِيَاوَا كُوَ يَا مِيڧٜىٰ كُدُ دَغَ سِدُوانْ ذُوَا غٜىٰرَرْ كُسَدَ غَاظَ، يَا كُمَ مِيڧٜىٰ غَبَسْ ذُوَا سُواْدُوامْ دَ غُواْمُواْرَ دَ أَدْمَ دَ ظٜىٰبُواْيِمْ كُسَدَ لَشَ؞

²⁰ وَطَنَّنْ سُونٜىٰ ذُرِيَرْ هَمْ، سُنَ ذَمَ عَڧَسَاشٜىٰنْسُ، بِسَغَ عِيَلَنْسُ دَ ڧَبِيلُنْسُ، كُواْوَنّٜىٰنْسُ دَ يَرٜىٰنْسَ؞

ذُرِيَرْ شٜىٰمْ

²¹ شٜىٰمْ، وَنْدَ شِينٜىٰ بَبَّنْ طَنْعُوَنْ يَڢٜىٰتْ، أَنْحَيْڢَ مَسَ یَیَ مَظَا؞ شٜىٰمْ نٜىٰ كَكَنْ كَكَنْ ذُرِيَرْ عٜىٰبٜىٰرْ؞

²² ذُرِيَرْ شٜىٰمْ سُونٜىٰ ڧَبِيلُنْ عٜىٰلَمْ دَ أَشُّرْ دَ أَرْڢَكْشَدْ دَ لُدْ دَ كُمَ أَرَمْ؞

²³ ذُرِيَرْ أَرَمْ سُونٜىٰ ڧَبِيلُنْ عُظْ دَ هُلْ دَ غٜىٰتٜىٰرْ دَ كُمَ مَشْ؞

²⁴ أَرْڢَكْشَدْ يَا حَيْڢِ شٜىٰلَ، شٜىٰلَ كُمَ يَا حَيْڢِ عٜىٰبٜىٰرْ؞

²⁵ أَنْ حَيْڢَ وَ عٜىٰبٜىٰرْ یَیَ مَظَا بِيُ؞ أَنْ كِرَا طَنْ ڢَارِنْ ڢٜىٰلٜىٰغْ، غَمَا أَ لُواْكَثِنْسَ نٜىٰ عَكَ رَبَ دُونِيَا؞ سُونَنْ طَنْعُوَنْسَ كُمَ يُواكْتَنْ نٜىٰ؞

²⁶ يُواكْتَنْ نٜىٰ يَا حَيْڢِ أَلْمُواْدَدْ دَ شٜىٰلٜىٰڢْ دَ هَظَرْ مَوٜىٰتْ دَ يٜىٰرَ،

²⁷ دَ هَدُواْرَمْ دَ عُظَلْ دَ دِكْلَ،

²⁸ دَ عُواْبَلْ دَ أَبِمَيٜىٰلْ دَ شٜىٰبَ،

²⁹ دَ عُواْڢِرْ دَ هَوِلَ دَ يُواْبَبْ؞ دُكَنْ وَطَنَّنْ كُوَ ذُرِيَرْ يُواكْتَنْ نٜىٰ؞

³⁰ يَنْكِنْ ڧَسَرْدَ سُكٜىٰ ذَمَ يَا مِيڧٜىٰ دَغَ مٜىٰشَ حَرْ ذُوَا سٜىٰڢَرْ عَيَنْكِنْ تُدَّيْ نَغَبَسْ؞

³¹ وَطَنَّنْ نٜىٰ ذُرِيَرْ شٜىٰمْ، سُنَ ذَمَ عَڧَسَاشٜىٰنْسُ، بِسَغَ عِيَلَنْسُ دَ ڧَبِيلُنْسُ، كُواْوَنّٜىٰنْسُ دَ يَرٜىٰنْسَ؞

³² وَطَنَّنْ سُونٜىٰ ظُرِيُواْيِنْ یَیَنْ نُوحُ، بِسَغَ لِسَّڢِنْ أَصَلِنْسُ، بِسَغَ ڧَبِيلُنْسُ؞ دَغَ وَطَنَّنْ نٜىٰ أَلْعُمَّيْ سُكَ يَطُ كُواْعِنَ أَ ڢُسْكَرْ دُونِيَا بَايَنْ بَبَّرْ أَمْبَلِيَرْ ضُوً؞