غَلَاتِيَاوَا 5 - أَتَّوْرَتْ دَ أَنَّبَاوَا

یَنْثِ ثِكِنْ أَلْمَسِيحُ

¹ دُواْمِنْ ذَمَنْ یَنْثِ شِينٜىٰ دَلِيلِنْ دَ أَلْمَسِيحُ يَیَنْتَرْ دَمُو؞ سَبُواْدَ حَكَ سَيْ كُڟَيَ دَ ڧَرْڢِے، كَدَ كُسَاكٜىٰ مِيڧَ كَنْكُ غَ غُنْ‌غُمٜىٰنْ بَوْتَا؞

² تُواْ، كُجِنِ؞ نِے بُلُسْ إِنَ غَيَ مُكُ، إِنْ كُنْ يَرْدَ عَيِمُكُ كَاثِيَ، أَلْمَسِيحُ بَاشِ دَ أَمْڢَانِ غَرٜىٰكُ كٜىٰنَنْ؞

³ إِنَ سَاكٜىٰ تُنَ مُكُ ثٜىٰوَ دُكْ وَنْدَ يَيَرْدَ يَبِے دُواْكَرْ يِنْكَاثِيَ، تُواْ، يَذَمَ دُواْلٜىٰ يَبِے دُكَنْ كُواْيَرْوَرْ مُوسَٰى كٜىٰنَنْ؞

⁴ كُو دَ كُكٜىٰ ڧُواْڧَرِنْ سَامُنْ ذَمَ مَرَسَ لَيْڢِے أَغَبَنْ اللَّهْ تَوُرِنْ بِنْ كُواْيَرْوَرْ مُوسَٰى، كُنْ رِغَا كُنْ ڢِدَّ كَنْكُ دَغَ بِنْ أَلْمَسِيحُ كٜىٰنَنْ؞ كُنْ كَوْثٜىٰ وَ أَلْحٜىٰرِنْ اللَّهْ؞

⁵ غَمَا تَوُرِنْ رُوحُ دَ كُمَ تَوُرِنْ بَنْ‌غَسْكِيَ، مُنَ جِرَا تَرٜىٰدَ سَا ذُوثِيَا عَكَنْ سَامُنْ أَدَلْثِے؞

⁶ غَمَا إِنْ مُنَ ثِكِنْ أَلْمَسِيحُ عِيسَىٰ، كُواْ دَ كَاثِيَ، كُواْ دَ رَشِنْ كَاثِيَ بَوَنِ أَبُ بَنٜىٰ أَغَرٜىٰمُ؞ عَمَّا أَبِنْدَ مُكَڢِ كُلَ دَشِ، شِينٜىٰ بَنْ‌غَسْكِيَ وَدَّ تَكٜىٰ نُونَ كَنْتَ تَوُرِنْ ڧَوْنَ؞

⁷ دَ ڢَرْكُواْ كُنَ ثِيغَبَ سُواْسَيْ؞ وَنٜىٰنٜىٰ يَحَنَ كُيِنْ بِيَيَّ دَ غَسْكِيَ؟

⁸ لَلَّيْ رُوطِنْ دَ عَكَيِ مُكُ بَيْذُواْ دَغَ وُرِنْ اللَّهْ وَنْدَ يَكِرَكُبَ؞

⁹ كَمَرْ يَدَّ عَكَنْ ڢَطَا ‏«‏طَنْ ڧَنْڧَنِنْ يِسْتِنٜىٰ يَكَنْسَا بَبَّنْ غُرَاسَ يَكُمْبُرَ؞»‏

¹⁰ سَبُواْدَ زُمُنْثِنْمُ ثِكِنْ عَيْكِنْ عُبَنْ‌غِجِ، نَا تَبَّتَا بَذَاكُبِے وَنِ رَعَيِ دَبَمْ دَ نَوَبَ؞ كُمَ شِے وَنْدَ يَكٜىٰ تَادَ حَنْكَلِنْكُ ذَيْ شَا حُكُنْثِ، كُواْ شِے وَنٜىٰنٜىٰ؞

¹¹ یَنْعُوَ، عِدَنْ حَرْ يَنْذُ إِنَ وَعَظِنْ يِنْ كَاثِيَنٜىٰ، تُواْ، دُوانْمٜىٰ حَرْ يَنْذُ مُتَنٜىٰ سُكٜىٰ ڟَنَنْتَ مِنِ؟ عِدَنْ حَكَنٜىٰ، أَيْ، مَغَنَاتَ غَمٜىٰدَ مُتُوَرْ أَلْمَسِيحُ عَكَنْ غِثِّيٜىٰ بَذَاتَ ذَمَ أَبِنْ تُنْتُٻٜىٰ غَ كُواْوَبَ!‏

¹² أَيْ، مَاسُ تَادَ حَنْكَلِنْكُ طِنَّنْ، ڠُومَّ سُثِيغَبَ سُمَيْدَ كَنْسُ بَابَانِّ غَبَاطَيَ!‏

¹³ یَنْعُوَنَ، كُو دَيْ أَنْكِرَاكُ مُسَمَّنْ دُواْمِنْ یَنْثِ؞ عَمَّا كُو لُورَ كَدَ یَنْثِنَّنْ نَاكُ يَذَمَ حُجَّرْ بِنْ حَلِنْ مُتُنْتَكَ؞ مَيْمَكُوانْ حَكَ بَرِ یَنْثِنَّنْ يَكَيْكُ غَ يِوَجُونَ بَوْتَا ثِكِنْ ڧَوْنَ؞

¹⁴ غَمَا دُكَنْ كُواْيَرْوَرْ مُوسَٰى أَنْهَطَتَ عَكَلْمَ غُدَا، وَتُواْ ‏«‏كَڧَوْنَثِ مَڨُوبْثِنْكَ كَمَرْ كَنْكَ؞»‏

¹⁵ عَمَّا إِنْ كُنَ ڢَطَ دَ جُونَ، كُنَ ثِذُواْ، كُنَ ثِنْيٜىٰ جُونَ كَمَرْ نَمُواْمِنْ دَاجِ، كُمَيْدَ حَنْكَلِ ڢَا، كَدَ دُكَنْكُ غَبَاطَيَ كُهَلَّكَ!‏

بَمْبَنْثِ ڟَكَانِنْ رُوحٌ اللَّهْ دَ مُتُنْتَكَ

¹⁶ نُڢِينَ شِينٜىٰ، كُيِ رَايُوَا يَدَّ رُوحُ يَبِے دَكُو؞ عِدَنْ كُنْيِ حَكَ، بَذَاكُبِے حَلِنْ مُتُنْتَكَبَ؞

¹⁷ دُوانْ حَلِنْ مُتُنْتَكَ بَايَ يَرْدَ دَ رُوحُ، رُوحُ كُمَ بَايَ يَرْدَ دَ حَلِنْ مُتُنْتَكَ؞ وَطَنَّنْ هَلَيٜىٰنْ بِيُ سُنَ غَابَادَ جُونَ؞ شِينٜىٰ يَسَا بَكُ عِيَيِنْ أَبِنْدَ كُكٜىٰسُواْ كُيِ؞

¹⁸ إِنْ رُوحٌ اللَّهْ نٜىٰ يَكٜىٰبِدَكُو، تُواْ، بَ عَڧَرْڧَشِنْ كُواْيَرْوَرْ مُوسَٰى كُكٜىٰبَ؞

¹⁹ أَيُّكَنْ دَ حَلِنْ مُتُنْتَكَ يَكٜىٰ حَيْڢَرْوَ سُنَانَنْ أَ ڢِيلِ؞ سُونٜىٰ إِسْكَنْثِ دَ حَلِنْ لَلَتَ دَ حَلِنْ نٜىٰمَنْ جِنْ دَاطِے نَرَشِنْ كُنْيَا،

²⁰ دَ بَوْتَرْ غُمَكَ دَ مَيْتَنْثِ دَ ڧِنْ جُونَ دَ ڢَطَ دَ كِيشِنْ جُونَ دَ ڢُشِے دَ سُوانْكَيْ دَ رَبُوَ دَ يِنْ تَاوَيٜىٰ،

²¹ دَ كِيشِ دَ بُغُوَ دَ بُكُكُوَنْ شَيٜىٰ شَيٜىٰ دَ كُمَ سَوْرَنْ إِرِنْ أَبُبُوَ كَمَرْ حَكَ؞ إِنَ يِمُكُ غَرْغَطِے، كَمَرْ يَدَّ نَارِغَا نَايِ أَدَا، ثٜىٰوَ مَاسُ يِنْ إِرِنْ وَطَنَّنْ أَبُبُوَ بَذَاسُ سَامِ غَادُواْ أَمُلْكٍ اللَّهْ بَ؞

²² عَمَّا حَلِنْ دَ رُوحٌ اللَّهْ يَكٜىٰ حَيْڢَرْوَ شِينٜىٰ ڧَوْنَ دَ ڢَضٍ ثِكِ دَ سَلَمَ دَ حَڧُرِ دَ كِرْكِ دَ نَغَرْتَادَ أَمِنْثِ،

²³ دَ تَوَلِعُ دَ كُمَ شَنْ ڧَرْڢِنْ شَعَوَرْ جِكِے؞ أَيْ، بَابُ دُواْكَرْ دَ تَحَنَ وَطَنَّنْ أَبُبُوَ؞

²⁴ كُمَ دُكَنْ وَطَنْدَ سُكٜىٰ نَ أَلْمَسِيحُ عِيسَىٰ سُنْ غِثِّيٜىٰ حَلِنْ مُتُنْتَكَ دَ مُوغَيٜىٰنْ أَبُبُوَ إِرِ إِرِ دَ جِكِے يَكٜىٰ مَرْمَرِنْسُ؞

²⁵ تُنْدَيَكٜىٰ رُوحُ نٜىٰ يَبَامُ رَيْ، بَرِ رُوحُ يَبِے دَمُو كُمَ ثِكِنْ دُكَنْ ذَمَنْمُ؞

²⁶ كَدَ مُذَمَ مَاسُ غِرْمَنْ كَيْ كُواْ مَاسُ تَادَ حَنْكَلِنْ جُونَ، كُواْ مَاسُ جِنْ كِيشِنْ جُونَ؞