غَلَاتِيَاوَا 4 - أَتَّوْرَتْ دَ أَنَّبَاوَا

¹ وَتُواْ، مَغَاجِ لُواْكَثِنْ دَيَكٜىٰ طَنْ يَرُواْ، شِ دَ بَاوَ دُكْ طَيَ نٜىٰ، كُواْدَيَكٜىٰ دُكَنْ أَبِنْدَ يَكٜىٰ أَغِدَنْسُ نَاسَ نٜىٰ؞

² يَنَ حَنُّنْ إِيَايٜىٰنْ غُواْيُوانْسَ دَ وَكِلَيْ حَرْ ذُوَا لُواْكَثِنْ دَ عُبَنْسَ يَسَا؞

³ حَكَ يَكٜىٰ أَغَرٜىٰمُ كَاڢِنْ حَنْيَرْ أَلْمَسِيحُ تَبَيَّنَ؞ مُنَ نَنْ كَمَرْ يَارَا، مُو بَايِنٜىٰ غَ إِيكُواْكِنْ دَسُكٜىٰ مُلْكٍ وَنَّنْ دُونِيَا؞

⁴ عَمَّا سَعَدَّ لُواْكَثِنْ دَ اللَّهْ يَشِرْيَ يَثِكَ، سَيْ اللَّهْ يَعَيْكُواْ دَ طَنْسَ، تَوُرِنْ حَيْڢُوَرْ مَثٜىٰ؞ أَنْ سَا شِ ڧَرْڧَشِنْ إِيكُوانْ كُواْيَرْوَرْ مُوسَٰى تُنْدَغَ حَيْڢُوَ،

⁵ دُواْمِنْ يَڢَنْسُواْ وَطَنْدَ سُكٜىٰ ڧَرْڧَشِنْ كُواْيَرْوَرْ، يَكُمَ مَيْدَسُو أَمَڟَيِنْ یَیَنْ اللَّهْ؞

⁶ دُواْمِنْ أَ نُونَ كُو یَیَنْسَ نٜىٰ، اللَّهْ يَعَيْكُواْ دَ رُوحٌ طَنْسَ عَثِكِنْ ذُوثِيَارْكُ، يَنَ كِرَا غَ اللَّهْ ثٜىٰوَ ‏«‏أَبَّ!‏ عُبَا!‏»‏

⁷ دُواْمِنْ حَكَ كَيْ بَبَاوَ بَنٜىٰ كُمَ، كَيْ طَنٜىٰ؞ دَيَكٜىٰ كَيْ طَا نٜىٰ كُمَ، اللَّهْ يَمَيْدَكَيْ مَيْ ثِنْ غَادُواْنٜىٰ؞

بُلُسْ يَدَامُ عَكَنْ غَلَاتِيَاوَا

⁸ دَا بَكُسَنْ اللَّهْ بَ، كُنَ بَوْتَاوَ وَطَنْسُ أَلُّواْلِ وَطَنْدَ عَيْنِحِ بَكُواْمٜىٰ سُكٜىٰبَ؞

⁹ عَمَّا يَنْذُ كُنْ سَنْ اللَّهْ، كُواْ كُمَ عَثٜىٰ اللَّهْ يَسَنْكُ، يَيَ ذَاكُ سَاكٜىٰ كُواْمَاوَا ڧَرْڧَشِنْ مُلْكٍ إِيكُواْكِنْ دُونِيَرْ نَنْ مَرَسَ ڧَرْڢِے؟ أَبِنْ بَنْظَنٜىٰسُو؞ مٜىٰيَسَا كُكٜىٰسُواْ كُسَاكٜىٰ ذَمَ بَايِنْسُ كُمَ؟

¹⁰ غَاشِ كُكَنْ بَادَ كَنْكُ غَ كِيَايٜىٰوَرْ وَطَنْسُ رَانَكُو دَ وَتَنِّ دَ لُواْكَتَيْ دَ شٜىٰكَرُ؞

¹¹ أَبِنْ دَ كُكٜىٰيِ يَبَانِ ڟُواْرُواْ، غَمَا يَا ذَمَ كَمَرْ دُكْ وَهَلَرْدَ نَشَا عَكَنْكُ بَنْظَنٜىٰ!‏

¹² إِنَ ضُواْڧُوانْكُ یَنْعُوَنَ، كُذَمَ كَمَرْ يَدَّ نَكٜىٰ؞ غَمَا نِے مَا نَذَمَ كَمَرْكُ؞ بَكُيِ مِنِ وَنِ لَيْڢِے بَ؞

¹³ كُنْ سَنِ ثٜىٰوَ رَشِنْ لَاڢِيَرْدَ نَيِ، يَبُوطٜىٰ حَنْيَرْدَ نَكَٰوُاْ مُكُ لَابَرِ مَيْ دَاطِے دَ ڢَرْكُواْ؞

¹⁴ كُواْدَيَكٜىٰ رَشِنْ لَاڢِيَتَ تَذَمَ بَبَّرْ دَامُوَ أَوُرِنْكُ، دُكْدَهَكَ بَكُيِ مِنِ رٜىٰنِ كُواْ كُڧِ كُكُلَ دَنِے بَ؞ كُنْ دَيْ كَرْٻٜىٰنِ كَمَرْ مَلاَىِٕكَ دَغَ سَمَ، كُواْ كُوَ كَمَرْ يَدَّ كُكَ كَرْٻِ أَلْمَسِيحُ عِيسَىٰ دَ كَنْسَ؞

¹⁵ كُنْيِ مُرْنَ سُواْسَيْ أَ لُواْكَثِنْ!‏ تُواْ، يَنْذُ ڢَا، إِنَ ڢَضٍ ثِكِنْ دَ كُكَجِ سَبُواْدَنِ؟ نَتَبَّتَا، أَ لُواْكَثِنْ دَ مَيْيِوُوَ نٜىٰ دَ كُنْ ثِثِّرٜىٰ عِدَنُونْكُ كُنْ بَانِ!‏

¹⁶ أَشٜىٰ، يَنْذُ كُنْ مَيْدَنِ أَبُواْكِنْ غَابَنْكُ نٜىٰ سَبُواْدَ نَغَيَ مُكُ غَسْكِيَ؟

¹⁷ وَطَنَّنْ مُتَنٜىٰ سُنْ رِڧٜىٰكُ دَ أَنِيَ سُواْسَيْ، عَمَّا أَبِنْدَ سُكٜىٰ نُڢِ بَاشِ دَݣَوْ؞ سُنَسُواْ سُرَبَكُ دَنِے، دُوانْ دُكْ نِيَّرْكُ تَكُواْمَ غَرٜىٰسُ؞

¹⁸ أَيْ، يَنَدَݣَوْ عَكَسَنْثٜىٰ دَ إِرِنْ وَنَّنْ نِيَّ عِدَنْ دَ نُڢِ مَيْݣَوْنٜىٰ؞ وَنَّنْ يَكُمَ كَسَنْثٜىٰ حَكَ كُواْيَوْشٜىٰ، بَوَيْ سَيْ لُواْكَثِنْ دَ نَكٜىٰ تَرٜىٰ دَكُو كَوَيْبَ؞

¹⁹ يَا كُو یَیَنَ، يَنْذُ يَذَمَ سَوْ بِيُ كٜىٰنَنْ دَ نَكٜىٰ جِنْ ذَاڢِنْ حَيْڢُوَرْكُ؞ كُمَ ذَنْ ثِيغَبَدَ وَنَّنْ وَهَلَ سَيْ حَلِنْ أَلْمَسِيحُ يَكَڢُ أَ ظُكَاتَنْكُ؞

²⁰ أَيَّ!‏ دَا عَثٜىٰ إِنَ تَرٜىٰ دَكُو يَنْذُ دَا سَيْ إِنْ ثَنْجَ مُرْيَتَ؞ كَيْ، نَا دَامُ ڨُورَيْ سَبُواْدَكُو!‏

مِصَالِ عَكَنْ هَجٜىٰرَتُ دَ سَارَةُ

²¹ كُغَيَ مِنِ، كُو دَ كُكٜىٰسُواْ كُبِے كُواْيَرْوَرْ مُوسَٰى، كُنْ غَانٜىٰ دَ أَبِنْدَ كُواْيَرْوَرْ تَكٜىٰ نُڢِنٜىٰ؟

²² غَمَا أَرُبُوثٜىٰ يَكٜىٰثٜىٰ وَ إِبْرَٰهِيمْ يَنَدَ یَیَ بِيُ مَظَا، طَيَ طَنْ أَنْحَيْڢٜىٰشِ نٜىٰ تَوُرِنْ مَثٜىٰنْ دَتَكٜىٰ بَيْوَ، طَيَنْ كُمَ تَوُرِنْ مَثٜىٰنْ دَتَكٜىٰ مَيْ یَنْثِ؞

²³ طَنَّنْ نَبَيْوَ، إِبْرَٰهِيمْ يَسَامُ نٜىٰ تَهَنْيَرْ دَ عَكَ سَابَا سَامُنْ یَیَ؞ عَمَّا طَيَ طَنَّنْ نَمَثٜىٰ مَيْ یَنْثِ أَنْحَيْڢٜىٰشِ نٜىٰ تَوُرِنْ أَلْڧَوَرِنْ دَ اللَّهْ يَيِ مَسَ؞

²⁴ وَنَّنْ مِصَالِنٜىٰ، مَاتَنَّنْ بِيُ سُنْ ݣُوتَنْتَا يَرْجٜىٰجٜىٰنِيَ بِيُ؞ هَجٜىٰرَتُ عِتَثٜىٰ مَيْ حَيْڢُوَرْ بَايِ؞

²⁵ وَتُواْ، هَجٜىٰرَتُ تَذَمَ مِصَالِنْ بَبَّنْ تُدُنْ سِنَيْ وَنْدَ يَكٜىٰ عَڧَسَرْ أَرَبِيَ؞ عِتَ ثٜىٰ ݣُوتَنْثِنْ بِرْنِنْ عُرُوشَلِيمَ تَيَنْظُ، غَمَا عِتَ دَ یَیَنْتَ دُكْ بَايِ نٜىٰ؞

²⁶ عَمَّا عُرُوشَلِيمَ تَسَمَ تَنَدَ یَنْثِ، كُمَ عِتَثٜىٰ مَامَرْمُ؞

²⁷ أَ رُبُوثٜىٰ يَكٜىٰثٜىٰوَ ‏«‏كِيِ ڢَضٍ ثِكِ يَا كٜىٰ مَثٜىٰنْ دَ بَاكِدَ حَيْڢُوَ، كِيِ إِيهُ نَمُرْنَ كٜىٰ دَ بَكِتَٻَ جِنْ ذَاڢِنْ حَيْڢُوَبَ، غَمَا يَارَنْ مَثٜىٰنْ دَ مِجِنْتَ يَبَرْتَ سُنْيِيَوَ؞ سُنْڢِے يَارَنْ مَثٜىٰ مَيْ مِجِ؞»‏

²⁸ تُواْ، یَنْعُوَ، مُو مَا مُنْ ذَمَ یَیَنْ اللَّهْ تَوُرِنْ أَلْڧَوَرِ كَمَرْ إِسْحَٰڧَ؞

²⁹ أَوَنْثَنْ لُواْكَثِ كُوَ طَنَّنْ دَ عَكَ حَيْڢَ تَهَنْيَرْ دَ عَكَ سَابَا يَڟَنَنْتَا وَ طَنَّنْ دَ عَكَ حَيْڢَ تَوُرِنْ إِيكُوانْ رُوحٌ اللَّهْ؞ حَكَكُمَ يَكٜىٰ حَرْ يَنْذُ؞

³⁰ عَمَّا أَرُبُوثٜىٰ يَكٜىٰ ثِكِنْ رُبُوتَثِّيَرْ مَغَنَرْ اللَّهْ ثٜىٰوَ ‏«‏كُواْرِ بَيْوَرْ نَنْ دَ طَنْتَ، دُواْمِنْ طَنْ بَيْوَرْ نَنْ بَذَيْ رَبَ غَادُواْ تَرٜىٰدَ طَنَّنْ دَ مَثٜىٰ مَيْ یَنْثِ تَحَيْڢَبَ؞»‏

³¹ سَبُواْدَ حَكَ یَنْعُوَ، مُو بَ یَیَنْ بَيْوَ بَنٜىٰ، مُو دَيْ یَیَنْ مَثٜىٰنْ دَتَكٜىٰ مَيْ یَنْثِ نٜىٰ؞