غَلَاتِيَاوَا 3 - أَتَّوْرَتْ دَ أَنَّبَاوَا

بِنْ كُواْيَرْوَرْ مُوسَٰى كُواْ بَادَ غَسْكِيَ غَ أَلْمَسِيحُ

¹ يَا كُو غَلَاتِيَاوَا، كُنَ هَوْكَ نٜىٰ؟ كُواْ وَنِ يَيِ مُكُ مَاغَنِ نٜىٰ؟ غَاشِ، أَ ڢِيلِ نَا بَيَّنَ مُكُ عِيسَىٰ أَلْمَسِيحُ وَنْدَ يَمُتُ عَكَنْ غِثِّيٜىٰ؞

² يَنْذُ إِنَ سُواْ إِنْيِ مُكُ تَمْبَيَ طَيَ تَكْ؞ رُوحٌ اللَّهْ يَذُواْ مُكُ سَبُواْدَ كُنْبِے أَيُّكَنْ كُواْيَرْوَرْ مُوسَٰى نٜىٰ، كُواْ كُوَ سَبُواْدَ كُنْ غَسْكَتَادَ مَغَنَرْ دَ كُكَجِ نٜىٰ؟

³ يَنْذُ وَنٜىٰ إِرِنْ وَوَنْثِ كُكٜىٰ دَشِ حَكَ؟ غَاشِ، كُنْ ڢَارَ دَ رُوحٌ اللَّهْ، عَمَّا يَنْذُ كُنَسُواْ كُڧَارَسَ دَ ڧُواْڧَرِنْ كَنْكُ نَحَلِنْ مُتُنْتَكَ!‏

⁴ أَشٜىٰ، وَهَلُواْلِ دَبَمْ دَبَمْ دَ كُكَ شَا سُنْ ذَمَ بَنْظَ كٜىٰنَنْ؟ حَكَ ذَيْ يِوُ كُوَ؟

⁵ وَتُواْ، اللَّهْ وَنْدَ يَبَاكُ رُوحُنْسَ، يَنَ كُمَيِنْ أَبُبُوَ مَاسُ بَنْ مَامَاكِ عَثِكِنْكُ، كُنَ ڟَمَّنِ يَنَ يِنْ حَكَنٜىٰ سَبُواْدَ كُنَ بِنْ أَيُّكَنْ كُواْيَرْوَرْ مُوسَٰى، كُواْ كُوَ سَبُواْدَ كُنْجِ مَغَنَرْ أَلْمَسِيحُ كُنْ كُمَ غَسْكَتَ؟

⁶ كُدُوبِے رَايُوَرْ إِبْرَٰهِيمْ مَنَ؞ أَنْ رُبُوتَ ثِكِنْ مَغَنَرْ اللَّهْ ثٜىٰوَ ‏«‏سَبُواْدَ إِبْرَٰهِيمْ يَغَسْكَتَ اللَّهْ، سَيْ اللَّهْ يَلِسَّڢْتَا وَنَّنْ أَدَلْثِے نٜىٰ أَغَرٜىٰشِ؞»‏

⁷ تُواْ، سَيْ أَغَانٜىٰ ثٜىٰوَ مَاسُ بَنْ‌غَسْكِيَ سُونٜىٰ ذُرِيَرْ إِبْرَٰهِيمْ؞

⁸ رُبُوتَثِّيَرْ مَغَنَرْ اللَّهْ تَڢَطَا تُنْدَا ثٜىٰوَ وَطَنْدَ بَا يَهُودَاوَا بَذَاسُ عِيَ سَامُنْ مَڟَيِنْ أَدَلْثِے أَغَبَنْ اللَّهْ تَوُرِنْ بَنْ‌غَسْكِيَ؞ سَبُواْدَ تُنْدَا مَا أَنْسَنَرْوَ إِبْرَٰهِيمْ لَابَرِ مَيْ دَاطِے ثٜىٰوَ ‏«‏تَوُرِنْكَ نٜىٰ دُكَنْ أَلْعُمَّيْ ذَاسُ سَامِ أَلْبَرْكَ؞»‏

⁹ سَبُواْدَ حَكَ، مَاسُ بَنْ‌غَسْكِيَ ذَاعَ أَلْبَرْكَثٜىٰسُ تَرٜىٰدَ إِبْرَٰهِيمْ مَيْ بَنْ‌غَسْكِيَ؞

¹⁰ غَمَا دُكْ وَطَنْدَ سُكٜىٰ ڟَمَّنِ اللَّهْ ذَيْ كَرْٻٜىٰسُ دُوانْ سُنَ بِنْ كُواْيَرْوَرْ مُوسَٰى، لَعَنَنُّ كٜىٰنَنْ؞ غَمَا رُبُوتَثِّيَرْ مَغَنَرْ اللَّهْ تَثٜىٰ ‏«‏دُكْ وَنْدَ بَيْ عَيْكَتَ دُكَنْ أَبِنْدَ يَكٜىٰ أَرُبُوثٜىٰ أَ لِتَّڢِنْ كُواْيَرْوَرْ مُوسَٰى بَ، لَعَنَنّٜىٰ كٜىٰنَنْ؞»‏

¹¹ تُواْ، أَ ڢِيلِ يَكٜىٰ، بَابُوَنْدَ ذَيْ عِيَ ذَمَ مَيْ أَدَلْثِے أَغَبَنْ اللَّهْ تَوُرِنْ بِنْ كُواْيَرْوَرْ مُوسَٰى، دُواْمِنْ أَنْرُبُوتَ ثٜىٰوَ ‏«‏مَيْ أَدَلْثِے، تَوُرِنْ بَنْ‌غَسْكِيَ نٜىٰ، ذَيْ رَايُ؞»‏

¹² كُواْيَرْوَرْ مُوسَٰى بَ دَغَ ثِكِنْ بَنْ‌غَسْكِيَ تَكٜىٰبَ؞ كَمَرْ يَدَّ عَكَ رُبُوتَ ‏«‏وَنْدَ يَعَيْكَتَ دُكَنْ أَبِنْدَ عَكَ ڢَطَا ثِكِنْ كُواْيَرْوَرْ مُوسَٰى، أَغَرٜىٰتَ نٜىٰ ذَيْ رَايُ؞»‏

¹³ لَعَنَرْ نَنْ تَ كُواْيَرْوَرْ مُوسَٰى مُنْ كُٻُتَ دَغَ غَرٜىٰتَ، سَبُواْدَ أَلْمَسِيحُ يَڢَنْشٜىٰمُ دَغَ لَعَنَرْ نَنْ دَيَكٜىٰ أَنْمَيْدَشِ أَبِنْ لَعَنَ سَبُواْدَمُو نٜىٰ؞ غَمَا أَنْرُبُوتَ ‏«‏دُكْ وَنْدَ عَكَ رَاتَيٜىٰشِ عَكَنْ غُنْ‌غُمٜىٰنْ إِتَاثٜىٰ، لَعَنَنّٜىٰ نٜىٰ غَ اللَّهْ؞»‏

¹⁴ أَلْمَسِيحُ يَڢَنْشٜىٰمُ نٜىٰ دُواْمِنْ أَلْبَرْكَرْنَنْ دَ عَكَيِ وَ إِبْرَٰهِيمْ تَذُواْ وَ وَطَنْدَ بَا يَهُودَاوَا بَ كُمَ تَوُرِنْ أَلْمَسِيحُ عِيسَىٰ؞ تَهَكَ، مُو مَا، تَوُرِنْ بَنْ‌غَسْكِيَ، مُنْ عِيَ سَامُنْ رُوحٌ نَنْ دَ اللَّهْ يَيِ أَلْڧَوَرِ؞

بَمْبَنْثِ ڟَكَانِنْ كُواْيَرْوَرْ مُوسَٰى دَ أَلْڧَوَرِ

¹⁵ یَنْعُوَ، بَرِ إِنْبَاكُ مِصَالِنْ أَبِنْدَ كُكَ سَابَادَشِ؞ عِدَنْ مُتُمْ بِيُ سُنْيِ يَرْجٜىٰجٜىٰنِيَ سُنْ كُمَسَا حَنُّ دُواْمِنْ عَتَبَّتَرْ دَشِ، تُواْ، بَا مَيْ سُواْكٜىٰشِ، بَا كُمَ مَيْ ڧَارَ وَنِ أَبُ عَكَيْ؞

¹⁶ تُواْ، اللَّهْ يَيِ يَرْجٜىٰجٜىٰنِيَ دَ إِبْرَٰهِيمْ دَ كُمَ ذُرِيَرْسَ؞ بَعَرُبُوتَ ثٜىٰوَ ‏«‏دَ ظُرِيُواْيِ»‏ بَ، وَنْدَ ذَيْ نُونَ كَمَرْ سُنَدَ يَوَ؞ أَعَ، أَنْثٜىٰ ‏«‏ذُرِيَرْكَ،»‏ مُتُمْ طَيَ كٜىٰنَنْ، وَتُواْ أَلْمَسِيحُ؞

¹⁷ أَبِنْ دَ نَكٜىٰ نُڢِ شِينٜىٰ اللَّهْ يَيِ يَرْجٜىٰجٜىٰنِيَ دَ إِبْرَٰهِيمْ يَكُمَ تَبَّتَرْ دَ عِتَ؞ كُواْيَرْوَرْ نَنْ تَ مُوسَٰى وَدَّ عَكَ كَٰوُاْ بَايَنْ شٜىٰكَرَا طَرِے حُطُ دَ تَلَاتِنْ بَذَاتَ عِيَ مَيْدَ يَرْجٜىٰجٜىٰنِيَرْ نَنْ دَ اللَّهْ يَيِ تُنْدَا وُاْڢِبَ؞

¹⁸ غَمَا دَاعَثٜىٰ غَادُوانْ أَلْبَرْكَرْ نَنْ تَ اللَّهْ أَنَ سَامُوَ تَوُرِنْ بِنْ كُواْيَرْوَرْ نٜىٰ، أَشٜىٰ دَ بَذَاعَ سَامُ تَوُرِنْ أَلْڧَوَرِبَ؞ إِبْرَٰهِيمْ كُوَ، تَوُرِنْ أَلْڧَوَرِ نٜىٰ اللَّهْ يَبَاشِ أَلْبَرْكَرْ؞

¹⁹ تُواْ، إِنْ حَكَنٜىٰ، دُوانْمٜىٰ عَكَ كَٰوُاْ كُواْيَرْوَرْ مُوسَٰى؟ أَنْيِ ڧَارِ دَ كُواْيَرْوَرْ نٜىٰ دُواْمِنْ أَ نُونَ مَنَ ذُنُبَنْمُ أَ ڢِيلِ؞ أَنْ كَٰوُاْتَ دَ نُڢِ ثٜىٰوَ ذَاعَيِ عَيْكِ دَ عِتَ حَرْ رَانَرْ دَ ذُرِيَرْ نَنْ تَ إِبْرَٰهِيمْ ذَاتَ ذُواْ، وَدَّ دُواْمِنْسَ نٜىٰ عَكَيِ أَلْڧَوَرِنْ؞ غَاشِ كُوَ وَنَّنْ كُواْيَرْوَا، مَلاَىِٕكُ نٜىٰ سُكَ بَادَ عِتَ، تَهَنُّنْ مُتُمْ مَيْ ڟَيَاوَا ڟَكَانِنْ اللَّهْ دَ مُتَنٜىٰ؞

²⁰ كُمَ بَعَبُڧَاتَرْ مَيْ ڟَيَاوَا ڟَكَانِ عِدَنْ أَلْعَمَرِ يَشَاڢِ مُتُمْ طَيَ نٜىٰ، اللَّهْ كُوَ طَيَ نٜىٰ؞

مَنُڢَرْ كُواْيَرْوَرْ مُوسَٰى

²¹ أَشٜىٰ، وَنَّنْ يَنَ نُڢِنْ كُواْيَرْوَرْ تَنَ غَابَادَ أَلْڧَوَرِنْ اللَّهْ كٜىٰنَنْ؟ أَعَ، كُواْ كُسَ!‏ غَمَا دَا عَثٜىٰ أَنْكَٰوُاْ وَتَ كُواْيَرْوَا وَدَّ ذَاتَسَا مُرَايُ، وَنَّنْ ذَيْ نُونَ ذَاعَ سَامِ أَدَلْثِنْ اللَّهْ تَهَنْيَرْ بِنْ كُواْيَرْوَرْ كٜىٰنَنْ؞

²² مَيْمَكُوانْ حَكَ أَنْرُبُوتَ ثِكِنْ رُبُوتَثِّيَرْ مَغَنَرْ اللَّهْ ثٜىٰوَ دُكَنْ دُونِيَا تَنَ ڧَرْڧَشِنْ إِيكُوانْ ذُنُوبِ؞ دُوانْمٜىٰ؟ دُواْمِنْ أَلْڧَوَرِنَّنْ دَ عَكَيِ بِسَغَ بَنْ‌غَسْكِيَ غَ عِيسَىٰ أَلْمَسِيحُ، ذَاعَ بَادَشِ غَ وَطَنْدَ سُكَ بَادَ غَسْكِيَ؞

²³ كَاڢِنْ لُواْكَثِنْ بَنْ‌غَسْكِيَ يَذُواْ، كُواْيَرْوَرْ نَنْ تَكُلّٜىٰمُ كَمَرْ یَنْ كُرْكُكُ، سَيْ لُواْكَثِنْ دَ بَنْ‌غَسْكِيَ تَبَيَّنَ؞

²⁴ وَتُواْ، عَكَ دَنْڧَمُ أَ حَنُّنْ كُواْيَرْوَرْ مُوسَٰى دُواْمِنْ تَكَيْمُ غَ أَلْمَسِيحُ، دُواْمِنْ تَوُرِنْ بَنْ‌غَسْكِيَ نٜىٰ مُسَامِ ذَمَ مَرَسَ لَيْڢِے أَغَبَنْ اللَّهْ؞

²⁵ يَنْذُ كُوَ دَيَكٜىٰ بَنْ‌غَسْكِيَ تَاذُواْ، بَمُكَسَنْثٜىٰ عَڧَرْڧَشِنْ رٜىٰنُوانْ كُواْيَرْوَرْ مُوسَٰى بَ كُمَ؞

²⁶ غَمَا تَوُرِنْ بَنْ‌غَسْكِيَ غَ أَلْمَسِيحُ عِيسَىٰ، دُكَنْكُ كُنْ ذَمَ یَیَنْ اللَّهْ؞

²⁷ أَنْكُمَيِ مُكُ وَنْكَنْ بَڢْتِسْمَ وَدَّ تَنُونَ ثٜىٰوَ كُو نَ أَلْمَسِيحُ نٜىٰ، سَبُواْدَ حَكَ كُنْ كُمَ طَوْكِ حَلِنْ أَلْمَسِيحُ، يَذَمَ حَلِنْكُ؞

²⁸ سَبُواْدَ حَكَ، بَا بَمْبَنْثِ ڟَكَانِنْ يَهُودَاوَا دَ وَطَنْدَ بَا يَهُودَاوَا بَ؞ بَ كُمَ بَمْبَنْثِ ڟَكَانِنْ طَا دَ بَاوَ، كُواْ ڟَكَانِنْ مَثٜىٰ دَ نَمِجِ؞ أَيْ، دُكَنْكُ طَيَنٜىٰ ثِكِنْ أَلْمَسِيحُ عِيسَىٰ؞

²⁹ إِنْ كُوَ كُو نَ أَلْمَسِيحُ نٜىٰ، كُنْ ذَمَ ذُرِيَرْ إِبْرَٰهِيمْ كٜىٰنَنْ، كُمَ مَاسُثِنْ غَادُواْنَّنْ بِسَغَ أَلْڧَوَرِنْسَ؞