عُزَيْرُ 8 - أَتَّوْرَتْ دَ أَنَّبَاوَا

مُتَنٜىٰنْدَ سُكَ كُواْمُواْ دَغَ ڧَسَرْ بَوْتَا تَرٜىٰدَ عُزَيْرُ

¹ غَا سُونَيٜىٰنْ شُوغَبَنِّنْ دَنْ‌غِ دَ كُمَ لِسَّڢِنْ أَصَلِنْ سُونَيٜىٰنْ وَطَنْدَ سُكَ كُواْمُواْ دَغَ بَوْتَا عَڧَسَرْ بَابِيلَ تَرٜىٰدَ عُزَيْرُ ذُوَا عُرُوشَلِيمَ أَ زَامَانِنْ مُلْكٍ سَرْكِے أَرْتَظٜىٰكْظٜىٰسْ؞

² دَغَ دَنْ‌غِنْ ڢِنٜىٰهَسْ، غٜىٰرْشُوامْ نٜىٰ شُوغَبَا؞ دَغَ دَنْ‌غِنْ عِتَمَرْ، دَانِيٜىٰلْ نٜىٰ شُوغَبَا؞

³ دَغَ دَنْ‌غِنْ دَاوُدَ، هَتُّشْ طَنْ شٜىٰكَنِيَ نٜىٰ شُوغَبَا؞ دَغَ دَنْ‌غِنْ ڢَرُواشْ، زَكَرِيَّا نٜىٰ شُوغَبَا؞ يَكُواْمُواْ تَرٜىٰدَ مَظَا طَرِے دَ حَمْسِنْ دَغَ دَنْ‌غِنْسَ؞ أَنْ سَامِ سُونَيٜىٰنْسُ عَثِكِنْ تَارِيحِنْ أَصَلِنْ كَاكَنِّنْسُ؞

⁴ دَغَ دَنْ‌غِنْ ڢَهَتْ مُواْوَبْ، عٜىٰلِيٜىٰهُواْيٜىٰنَيْ طَنْ ظٜىٰرَهِيَ نٜىٰ شُوغَبَا؞ يَكُواْمُواْ تَرٜىٰدَ مَظَا طَرِے بِيُ؞

⁵ دَغَ دَنْ‌غِنْ ظَتُّ شٜىٰكَنِيَ طَنْ يَهَظِيٜىٰلْ نٜىٰ شُوغَبَا؞ يَكُواْمُواْ تَرٜىٰدَ مَظَا طَرِے عُكُ؞

⁶ دَغَ دَنْ‌غِنْ أَدِنْ، عٜىٰبٜىٰدْ طَنْ يُواْنَتَنْ نٜىٰ شُوغَبَا؞ يَكُواْمُواْ تَرٜىٰدَ مَظَا حَمْسِنْ؞

⁷ دَغَ دَنْ‌غِنْ عٜىٰلَمْ، يٜىٰشَيَ طَنْ أَتَلِيَ نٜىٰ شُوغَبَا؞ يَكُواْمُواْ تَرٜىٰدَ مَظَا سَبَعِنْ؞

⁸ دَغَ دَنْ‌غِنْ شٜىٰڢَتِيَ، ظٜىٰبَدِيَ طَنْ مِيكَآءِيلُ نٜىٰ شُوغَبَا؞ يَكُواْمُواْ تَرٜىٰدَ مَظَا تَمَٰنِنْ؞

⁹ دَغَ دَنْ‌غِنْ يُواْوَبْ، عُواْبَدِيَ طَنْ يٜىٰهِيٜىٰلْ نٜىٰ شُوغَبَا؞ يَكُواْمُواْ تَرٜىٰدَ مَظَا طَرِے بِيُ دَ غُواْمَشَا تَݣُوسْ؞

¹⁰ دَغَ دَنْ‌غِنْ بَنِ، شٜىٰلُواْمِتْ طَنْ يُواْسِڢِيَ نٜىٰ شُوغَبَا؞ يَكُواْمُواْ تَرٜىٰدَ مَظَا طَرِے طَيَ دَ سِتِّنْ؞

¹¹ دَغَ دَنْ‌غِنْ بٜىٰبَيْ، زَكَرِيَّا طَنْ بٜىٰبَيْ نٜىٰ شُوغَبَا؞ يَكُواْمُواْ تَرٜىٰدَ مَظَا عَشِرِنْ دَ تَݣُوسْ؞

¹² دَغَ دَنْ‌غِنْ أَظْغَدْ، يُواْهَنَنْ طَنْ هَكَّتَنْ نٜىٰ شُوغَبَا؞ يَكُواْمُواْ تَرٜىٰدَ مَظَا طَرِے طَيَ دَ غُواْمَ؞

¹³ دَغَ دَنْ‌غِنْ أَدُواْنِكَمْ، وَطَنْدَ سُكَذُواْ دَغَ بَايَ، عٜىٰلِڢٜىٰلٜىٰتْ دَ يٜىٰيِيٜىٰلْ دَ شٜىٰمَيَ سُونٜىٰ شُوغَبَنِّ؞ سُنْ كُواْمُواْ تَرٜىٰدَ مَظَا سِتِّنْ؞

¹⁴ دَغَ دَنْ‌غِنْ بِڠُوِ، عُتَيْ دَ ظَبُدْ سُونٜىٰ شُوغَبَنِّ؞ سُنْ كُواْمُواْ تَرٜىٰدَ مَظَا سَبَعِنْ؞

عُزَيْرُ يَسَامِ لَوِيَاوَا دُواْمِنْ حِدِمَرْ هَيْكَلِ

¹⁵ نَتَتَّارَ وَطَنَّنْ مُتَنٜىٰ دُكَ عَبَاكِنْ كُواْغِنْ دَيَكٜىٰ غُدُ ذُوَا غَرِنْ أَهَوَ؞ أَ نَنْ مُكَ طَنْ ذَوْنَ ݣُونَ عُكُ؞ سَيْ نَبِنْثِكٜىٰ مُتَنٜىٰنْ دَ كُمَ ڢِرِسْتُواْثِنْ، عَمَّا بَنْ سَامِ لَوِيَاوَا عَثِكِيبَ؞

¹⁶ سَيْنَسَا عَكِرَا مِنِ عٜىٰلِيٜىٰظٜىٰرْ دَ أَرِيٜىٰلْ دَ شٜىٰمَيَ دَ عٜىٰلْنَتَنْ دَ يَرِبْ دَ عٜىٰلْنَتَنْ دَ نَتَنْ دَ زَكَرِيَّا دَ مٜىٰشُلَّمْ، شُوغَبَنِّ كٜىٰنَنْ؞ نَكُمَسَا عَكِرَا يُواْيَرِبْ دَ عٜىٰلْنَتَنْ، غَمَا سُو مَاسُ حِكِمَ نٜىٰ؞

¹⁷ نَكُمَ عَيْكٜىٰسُ ذُوَا وُرِنْ إِدُّواْ شُوغَبَا أَ كَسِڢِيَ؞ نَڢَطَا مُسُ أَبِنْدَ ذَاسُ ڢَطَا وَ إِدُّواْ دَ سَوْرَنْ یَنْعُوَنْسَ مَاسُ يِنْ حِدِمَ أَ غِدَنْ يَهْوٜىٰهْ وَطَنْدَ سُكٜىٰ ذَمَ أَ كَسِڢِيَ، دُواْمِنْ سُأَيْكُواْ مَنَ مَاسُ يِنْ حِدِمَ أَ غِدَنْ اللَّهْ نْمُ أَ عُرُوشَلِيمَ؞

¹⁸ دَيَكٜىٰ حَنُّنْ اللَّهْ نْمُ مَيْ أَلْحٜىٰرِ يَنَ تَرٜىٰدَمُو، سَيْ عَكَ عَيْكُواْ مَنَ دَ شٜىٰرٜىٰبِيَ، مُتُمْ مَيْ غَانٜىٰوَ دَغَ دَنْ‌غِنْ مَلِ طَنْ لَوِ طَنْ إِسْرَٰٓءِيلَ؞ يَذُواْ تَرٜىٰدَ یَیَنْسَ مَظَا دَ یَنْعُوَنْسَ؞ سُو مَظَا غُواْمَشَا تَݣُوسْنٜىٰ؞

¹⁹ سُكَ كُمَ عَيْكُواْ مَنَ دَ هَشَبِيَ تَرٜىٰدَ يٜىٰشَيَ دَغَ دَنْ‌غِنْ مٜىٰرَرِ دَ یَنْعُوَنْسَ تَرٜىٰدَ یَیَنْسُ؞ سُو مَظَا عَشِرِنْنٜىٰ؞

²⁰ بَنْدَ حَكَكُمَ، عَكَ عَيْكُواْ مَنَ دَ مُتُمْ طَرِے بِيُ دَ عَشِرِنْ مَاسُ يِنْ حِدِمَ أَ غِدَنْ يَهْوٜىٰهْ، ڧُنْ‌غِيَرْ دَ سَرْكِے دَاوُدَ دَ دَتَّاوَا سُكَ كَڢَ دُواْمِنْ تَيْمَكُوانْ لَوِيَاوَا؞ عَكَ لِسَّڢْتَا دُكَنْسُ بِسَغَ سُونَيٜىٰنْسُ؞

عُزَيْرُ يَشُوغَبَنْثِ مُتَنٜىٰ ثِكِنْ أَظُمِ دَ أَدُّعَ

²¹ أَ نَنْ بَاكِنْ كُواْغِنْ أَهَوَ، نَايِ شٜىٰلَ عَيِ أَظُمِ دُواْمِنْ مُڧَسْڧَنْتَرْ دَكَنْمُ أَغَبَنْ اللَّهْ نْمُ، مُكُمَ ضُواْڧٜىٰشِ يَكِيَايٜىٰمُ عَكَنْ حَنْيَ، دَمُو دَیَیَنْمُ دَكَايَنْمُ؞

²² غَمَا نَاجِ كُنْيَا إِنْتَمْبَيِ سَرْكِے يَبَامُ سُواْجُواْجِنْ ڧَسَا دَ مَاسُ هَوَنْ دَوَكِ دُواْمِنْ سُڟَرٜىٰمُ دَغَ أَبُواْكَنْ غَابَا أَ حَنْيَ؞ سَبُواْدَ نَارِغَا نَا ڢَطَا وَسَرْكِے ثٜىٰوَ حَنُّنْ اللَّهْ نْمُ مَيْ أَلْحٜىٰرِ يَنَ تَرٜىٰدَ دُكَنْ وَنْدَ يَدُواْغَرَ غَرٜىٰشِ، عَمَّا ذَاڢِنْ ڢُشِنْسَ يَنَ عَكَنْ دُكَنْ وَنْدَ يَجُويَ مَسَ بَايَ؞

²³ سَبُواْدَ حَكَ مُكَيِ أَظُمِ، مُكَ ضُواْڧِ اللَّهْ نْمُ دُواْمِنْ يَكِيَايٜىٰمُ؞ يَكُوَ أَمْسَ أَدُّعُواْعِنْمُ؞

أَنْرَرَّبَ ݣَوْتَيْ نَغِدَنْ اللَّهْ

²⁴ سَعَنً نَكٜىٰٻٜىٰ مُتَنٜىٰ غُواْمَشَا بِيُ دَغَ ثِكِنْ شُوغَبَنِّنْ ڢِرِسْتُواْثِے، وَتُواْ شٜىٰرٜىٰبِيَ دَ هَشَبِيَ تَرٜىٰدَ یَنْعُوَنْسُ غُدَا غُواْمَ؞

²⁵ سَيْ نَأَوْنَ مُسُ أَظُرْڢَا دَ ظِينَارِيَ دَ كُمَ كَايَيَّكِ، وَتُواْ بَايَرْوَ دُواْمِنْ غِدَنْ اللَّهْ نْمُ وَنْدَ سَرْكِے دَ مَاسُ بَاشِ شَوَرَا دَ دَتَّاوَنْسَ دَ دُكَنْ مُتَنٜىٰنْ إِسْرَٰٓءِيلَ وَطَنْدَ سُكٜىٰ أَوُرِنْ سُكَ بَايَرْ؞

²⁶ غَا أَبُبُوَنْدَ نَأَوْنَ نَسَا وَڢِرِسْتُواْثِے أَهَنُّ؞ أَظُرْڢَا مَيْ نَوْيِنْ تُوانْ عَشِرِنْ دَ بِيُ؞ كَايَنْ أَظُرْڢَا طَرِے، مَاسُ نَوْيِنْ كِلُواْ سَبَعِنْ؞ ظِينَارِيَ، مَيْ نَوْيِنْ كِلُواْ دُبُو عُكُ دَ طَرِے حُطُ؞

²⁷ ݣُونُواْنِنْ ظِينَارِيَ عَشِرِنْ، مَاسُ نَوْيِنْ كِلُواْ تَݣُوسْ دَ غِرَمْ طَرِے حُطُ؞ ݣُونُواْنِ بِيُ نَتَغُلَّرْ دَ عَكَ غُواْغٜىٰ دَرَجَرْسُ دَيْدَيْ دَ تَظِنَرِيَ؞

²⁸ نَڢَطَا مُسُ ثٜىٰوَ ‏«‏كُو دَ كَايَيَّكِنَّنْ أَنْكٜىٰٻٜىٰكُ دَ ڟَرْكِے غَ يَهْوٜىٰهْ؞ أَظُرْڢَرْ دَ ظِينَارِيَ كُمَ بَيٜىٰ بَيٜىٰ نٜىٰ نَيَرْدَرْ رَيْ غَ يَهْوٜىٰهْ اللَّهْ نَكَاكَنِّنْكُ؞

²⁹ كُيِ غَادِنْسُ، كُكُمَ كُلَ دَسُو، حَرْ سَيْ كُنْكَيْسُ كُنْعَوْنَسُ عَثِكِنْ طَكُنَنْ غِدَنْ يَهْوٜىٰهْ أَغَبَنْ شُوغَبَنِّنْ ڢِرِسْتُواْثِے دَ لَوِيَاوَا دَ كُمَ شُوغَبَنِّنْ مُتَنٜىٰنْ إِسْرَٰٓءِيلَ أَ عُرُوشَلِيمَ؞»‏

³⁰ سَيْ ڢِرِسْتُواْثِے دَ لَوِيَاوَا سُكَ كَرْٻِ أَظُرْڢَا دَ ظِينَارِيَ دَ كَايَيَّكِنْ دَ عَكَ عَوْنَ نَوْيِنْسُ، دُواْمِنْ عَكَيْسُ عَثِكِنْ غِدَنْ اللَّهْ نْمُ أَ عُرُوشَلِيمَ؞

كُواْمَاوَا ذُوَا عُرُوشَلِيمَ

³¹ سَيْ مُكَتَاشِ دَغَ بَاكِنْ كُواْغِنْ أَهَوَ أَ رَانَ تَغُواْمَشَا بِيُ غَ وَتَ نَڢَرْكُواْ دُواْمِنْ مُتَڢِے عُرُوشَلِيمَ؞ حَنُّنْ اللَّهْ نْمُ يَنَ تَرٜىٰدَمُو، يَكُمَ ثٜىٰثٜىٰمُ دَغَ حَنُّنْ أَبُواْكَنْ غَابَنْمُ دَ كُمَ یَنْ ڢَشِ أَ حَنْيَ؞

³² تَهَكَ مُكَ إِسُواْ عُرُوشَلِيمَ، سَيْ مُكَ هُوتَ ݣُونَ عُكُ؞

³³ أَ رَانَ تَهُطُ مُكَ تَڢِے غِدَنْ اللَّهْ نْمُ، أَوُرِنْ مُكَ عَوْنَ أَظُرْڢَا دَ ظِينَارِيَ دَ كُمَ كَايَيَّكِ، مُكَ سَاسُ أَ حَنُّنْ ڢِرِسْتِ، وَتُواْ مٜىٰرٜىٰمُواتْ طَنْ عُرِيَ؞ تَرٜىٰدَشِ كُوَ أَݣَويْ عٜىٰلٜىٰيَظَرْ طَنْ ڢِنٜىٰهَسْ دَ كُمَ وَطَنْسُ لَوِيَاوَا، وَتُواْ يُواْظَبَدْ طَنْ يٜىٰشُوَ دَ نُواْوَدِيَ طَنْ بِنُّيِ؞

³⁴ عَكَ عَوْنَ كُواْمٜىٰ دَكُواْمٜىٰ، عَكَ تَبَّتَرْ دَ كُواْمٜىٰ بِسَغَ أَوُانْ دَ عَكَيِ؞ عَكَ كُمَ رُبُوتَ دُكَنْ أَبِنْدَ عَكَ ڧِرْغَ عَكَ كُمَ عَوْنَ أَ لُواْكَثِنْ؞

³⁵ دُكَنْ وَطَنْدَ سُكَ كُواْمُواْ دَغَ ڧَسَرْ بَوْتَا سُكَ مِيڧَ هَدَايُ نَڧُواْنَاوَا غَ اللَّهْ نَ إِسْرَٰٓءِيلَ؞ سُكَ مِيڧَ بِجِمَيْ غُواْمَشَا بِيُ دُواْمِنْ دُكَنْ إِسْرَٰٓءِيلَ دَ رَغُنَ ثَسَعِنْ دَ شِدَ دَ یَنْ تُمَكِ سَبَعِنْ دَ بَݣَويْ؞ سُكَ كُمَ مِيڧَ هَدَايَ تَوَنْكٜىٰ ذُنُوبِ دَ بُنْسُرَيْ غُواْمَشَا بِيُ؞ عَكَ مِيڧَ دُكَنْ وَطَنَّنْ هَدَايُ نَڧُواْنَاوَا غَ يَهْوٜىٰهْ؞

³⁶ سُكَ بَادَ وَنَّنْ تَكَرْدَرْ عُمَرْنِنْ سَرْكِے أَرْتَظٜىٰكْظٜىٰسْ غَ هَكِمَنْ مُلْكِ دَ ڠُومْنُواْنِنْ يَنْكُنَنْ ڧٜىٰتَرٜىٰنْ كُواْغِنْ يُڢِرٜىٰتِسْ؞ سُو كُوَ سُكَ بَادَ تَيْمَكُواْ غَ مُتَنٜىٰنْ دَ كُمَ غِدَنْ اللَّهْ؞