عُزَيْرُ 7 - أَتَّوْرَتْ دَ أَنَّبَاوَاعُزَيْرُ يَ إِسُواْ عُرُوشَلِيمَ 1 بَايَنْ وَطَنَّنْ أَبُبُوَ، عَثِكِنْ زَامَانِنْ مُلْكٍ سَرْكِے أَرْتَظٜىٰكْظٜىٰسْ نَ ڢَٰشِيَ، سَيْ عُزَيْرُ يَتَاسُواْ دَغَ بَابِيلَ؞ أَصَلِنْ عُزَيْرُ كُوَ يَنُونَ شِ دَغَ ذُرِيَرْ هَٰرُونَ بَبَّنْ ڢِرِسْتِنٜىٰ؞ عُزَيْرُ طَنْ سٜىٰرَيَ نٜىٰ دَغَ غِدَنْ أَظَرِيَ طَنْ هِلْكِيَ، 2 هِلْكِيَ طَنْ شَلُّمْ، شَلُّمْ طَنْ ظَدُواكْ، ظَدُواكْ طَنْ أَهِتُبْ، 3 أَهِتُبْ طَنْ أَمَرِيَ، أَمَرِيَ طَنْ أَظَرِيَ، أَظَرِيَ طَنْ مٜىٰرَيْيُواتْ، 4 مٜىٰرَيْيُواتْ طَنْ ظٜىٰرَهِيَ، ظٜىٰرَهِيَ طَنْ عُظِّ، عُظِّ طَنْ بُكِّ، 5 بُكِّ طَنْ أَبِشُوَ، أَبِشُوَ طَنْ ڢِنٜىٰهَسْ، ڢِنٜىٰهَسْ طَنْ عٜىٰلٜىٰيَظَرْ، طَنْ هَٰرُونَ بَبَّنْ ڢِرِسْتِ؞ 6 وَنَّنْ عُزَيْرُ نٜىٰ يَهَوْرُواْ دَغَ بَابِيلَ؞ شِ مَلَمِ نٜىٰ مَيْ ثِكَكّٜىٰنْ سَنِنْ كُواْيَرْوَرْ مُوسَٰى، وَدَّ يَهْوٜىٰهْ، اللَّهْ نَ إِسْرَٰٓءِيلَ، يَبَا أَنَّبِے مُوسَٰى؞ سَرْكِے كُوَ يَبَا شِ دُكَنْ أَبِنْدَ يَضُواْڧَا، غَمَا حَنُّنْ يَهْوٜىٰهْ اللَّهْ نْسَ يَنَ تَرٜىٰ دَشِ؞ 7 عَثِكِنْ شٜىٰكَرَا تَبَݣَويْ تَمُلْكٍ سَرْكِے أَرْتَظٜىٰكْظٜىٰسْ، عُزَيْرُ يَڢِتَ دَغَ ڧَسَرْ بَابِيلَ ذُوَا عُرُوشَلِيمَ تَرٜىٰدَ ڧُنْغِيَرْ مُتَنٜىٰنْ إِسْرَٰٓءِيلَ دَ وَطَنْسُ ڢِرِسْتُواْثِے دَ لَوِيَاوَا دَ مَوَاڧَ دَ مَاسُ غَادِ دَ كُمَ مَاسُ حِدِمَ أَ غِدَنْ يَهْوٜىٰهْ؞ 8 عُزَيْرُ كُوَ يَ إِسُواْ عُرُوشَلِيمَ أَوَتَنْ بِيَرْ ثِكِنْ شٜىٰكَرَا تَبَݣَويْ تَمُلْكٍ سَرْكِے أَرْتَظٜىٰكْظٜىٰسْ؞ 9 عَكَنْ رَانَ تَڢَرْكُواْ غَ وَتَنْ ڢَرْكُواْ يَتَاشِ دَغَ بَابِيلَ، سَعَنً أَ رَانَ تَڢَرْكُواْ غَ وَتَنْ بِيَرْ يَ إِسُواْ عُرُوشَلِيمَ، غَمَا حَنُّنْ اللَّهْ نْسَ مَيْ أَلْحٜىٰرِ يَنَ تَرٜىٰ دَشِ؞ 10 غَمَا عُزَيْرُ يَمِيڧَ كَنْسَ غَ بِنْثِكٜىٰنْ كُواْيَرْوَرْ يَهْوٜىٰهْ، غَ عَيْكَتَاتَ، غَ كُمَ كُواْيَرْ دَ دُواْكُواْكِنْتَ دَ عُمَرْنَنْتَ غَ مُتَنٜىٰنْ إِسْرَٰٓءِيلَ؞ وَسِيڧَرْ دَ سَرْكِے أَرْتَظٜىٰكْظٜىٰسْ يَبَا عُزَيْرُ 11 وَنَّنْ عِتَثٜىٰ وَسِيڧَرْ إِظْنِنْ دَ سَرْكِے أَرْتَظٜىٰكْظٜىٰسْ يَبَا عُزَيْرُ وَنْدَ يَكٜىٰ ڢِرِسْتِ دَ كُمَ مَلَمِ؞ شِے مَيْ ثِكَكّٜىٰنْ سَنِ نٜىٰ غَمٜىٰدَ دُواْكُواْكِ دَ عُمَرْنَنْ يَهْوٜىٰهْ ذُوَاغَ مُتَنٜىٰنْ إِسْرَٰٓءِيلَ؞ 12 تَاثٜىٰ، «دَغَ أَرْتَظٜىٰكْظٜىٰسْ، سَرْكِنْ سَرَاكُنَ، ذُوَاغَ عُزَيْرُ ڢِرِسْتِ، مَلَمِنْ كُواْيَرْوَرْ اللَّهْ نَ سَمَ؞ «سَلَمَ غَرٜىٰكَ؞ 13 «إِنَ بَادَ عُمَرْنِ ثٜىٰوَ كُواْوَنٜىٰ مُتُمِنْ إِسْرَٰٓءِيلَ كُواْ ڢِرِسْتُواْثِنْتَ كُواْ لَوِيَاوَنْتَ وَطَنْدَ سُكٜىٰ عَيَنْكِنْ مُلْكِنَ، دُكْ وَنْدَ يَكٜىٰدَ نِيَّ يَكُواْمَ عُرُوشَلِيمَ تَرٜىٰدَكَيْ، سَيْ يَتَڢِے؞ 14 غَمَا سَرْكِے نٜىٰ دَ مُتَنٜىٰ بَݣَويْ مَاسُ بَاشِ شَوَرَا سُكَ عَيْكٜىٰكَ كَجٜىٰ كَيِ بِنْثِكٜىٰ غَمٜىٰدَ إِرِنْ ذَمَنْ دَ مُتَنٜىٰنْ يَهُودَ دَ نَ عُرُوشَلِيمَ سُكٜىٰيِ بِسَغَ كُواْيَرْوَرْ اللَّهْ نْكَ، وَدَّ تَكٜىٰ أَ حَنُّنْكَ؞ 15 كَكُمَ طَوْكَ تَرٜىٰدَكَيْ أَظُرْڢَا دَ ظِينَارِيَ وَطَنْدَ سَرْكِے دَ مَاسُ بَاشِ شَوَرَا سُكَ بَايَرْدَ يَرْدَرْ رَنْسُ غَ اللَّهْ نَ إِسْرَٰٓءِيلَ وَنْدَ وُرِنْ ذَمَنْسَ يَنَ أَ عُرُوشَلِيمَ؞ 16 ذَاكَ كُمَ طَوْكِ دُكَنْ أَظُرْڢَا دَ ظِينَارِيَ وَنْدَ ذَاكَ تَارَ دَغَ دُكَنْ يَنْكُنَنْ بَابِيلَ، تَرٜىٰدَ بَايَرْوَ نَيَرْدَرْ رَيْ دَ مُتَنٜىٰنْ إِسْرَٰٓءِيلَ دَ ڢِرِسْتُواْثِے سُكَ بَايَرْ دُواْمِنْ غِدَنْ اللَّهْ نْسُ أَ عُرُوشَلِيمَ؞ 17 كَيِ أَمْڢَانِ دَ وَنَّنْ كُطِ مُسَمَّنْ دُواْمِنْ كَسَيِ بِجِمَيْ دَ رَغُنَ دَ یَنْ تُمَكِ، تَرٜىٰدَ هَدَايَرْسُ تَهَڟِ دَ تَأَبِنْشَا وَدَّ تَدَاثٜىٰ دَسُو، دُوانْ كَمِيڧَسُ عَكَنْ بَغَدٜىٰنْ غِدَنْ اللَّهْ نْكَ أَ عُرُوشَلِيمَ؞ 18 سَعَنً دُكْ سَوْرَنْ أَظُرْڢَا دَ ظِينَارِيَرْ دَسُكَ رَغُ، سَيْ كَيْ دَ یَنْعُوَنْكَ كُيِ دُكْ أَبِنْدَ كُكٜىٰسُواْ كُيِدَسُو بِسَغَ نُڢِنْ اللَّهْ نْكُ؞ 19 كَايَنْ دَ عَكَ دَنْڧَ مَكَ دُواْمِنْ حِدِمَ عَثِكِنْ غِدَنْ اللَّهْ نْكَ، سَيْ كَكَيْسُ وُرِنْ اللَّهْ أَ عُرُوشَلِيمَ؞ 20 دُكَنْ أَبِنْدَ عَكٜىٰ بُڧَاتَ كُمَ دُواْمِنْ عَيْكِنْ غِدَنْ اللَّهْ نْكَ، وَنْدَ كُمَ حَكِّنْكَ نٜىٰ كَبَايَرْ، سَيْ كَثِرٜىٰ دَغَ مَعَجِنْ سَرْكِے؞ 21 «نِے سَرْكِے أَرْتَظٜىٰكْظٜىٰسْ، نَبَادَ عُمَرْنِ غَ دُكَنْ مَعَجِنْ يَنْكُنَنْ ڧٜىٰتَرٜىٰنْ كُواْغِنْ يُڢِرٜىٰتِسْ ثٜىٰوَ دُكَنْ أَبِنْدَ عُزَيْرُ ڢِرِسْتِ، مَلَمِنْ كُواْيَرْوَرْ اللَّهْ نَ سَمَ، ذَيْ بُڧَاتَ دَغَ غَرٜىٰكُ، سَيْ كُيِشِ دُكَ دَ ڨُوذُواْ؞ 22 سَيْ كُبَاشِ حَرْ ذُوَا كِلُواْ دُبُو عُكُ دَ طَرِے حُطُ نَأَظُرْڢَا دَ بُهُ طَرِے نَأَلْكَمَ دَ لِتَ دُبُو بِيُ نَضُوً إِنَبِے دَ لِتَ دُبُو بِيُ نَمَنْ ظَيْتُنْ دَ كُمَ دُكْ يَوَنْ غِشِرِنْ دَ عَكٜىٰ بُڧَاتَ؞ 23 دُكَنْ أَبِنْدَ اللَّهْ نَ سَمَ يَعُمَرْتَ دُواْمِنْ غِدَنْسَ، سَيْ عَيِشِ دُكَ دَ ڨُوذُواْ، دُواْمِنْ كَدَ أَ جَا ڢُشِنْسَ عَكَنْ مُلْكٍ سَرْكِے دَ یَیَنْسَ؞ 24 مُنَ كُمَ سَنَرْ مُكُ ثٜىٰوَ كَدَ كُكَرْٻِ كُطِنْ هَرَاجِ، كُواْ كُطِنْ شِغَ دَ ڢِتَ، كُواْ كُطِنْ حَنْيَ دَغَ وُرِنْ ڢِرِسْتُواْثِے، كُواْ لَوِيَاوَا، كُواْ مَوَاڧَ، كُواْ مَاسُ غَادِ كُواْ سَوْرَنْ مَاسُ حِدِمَ أَوَنَّنْ غِدَنْ اللَّهْ؞ 25 «كَيْ كُمَ عُزَيْرُ، بِسَغَ حِكِمَرْ دَ اللَّهْ يَبَاكَ، كَنَطَ مَاسُ شَرِيعَ عَكُواْتُ دَ أَلْڧَلَيْ دُواْمِنْ سُبِيدَ دُكَنْ مُتَنٜىٰنْ دَسُكٜىٰ ڧٜىٰتَرٜىٰنْ كُواْغِنْ يُڢِرٜىٰتِسْ، وَتُواْ دُكَنْ وَطَنْدَ سُكَ سَنْ دُواْكُواْكِنْ اللَّهْ نْكَ؞ كَكُمَ كُواْيَرْ دَ وَطَنْدَ بَسُ سَنْ دُواْكُواْكِنْبَ؞ 26 دُكَنْ وَنْدَ يَڧِيِنْ بِيَيَّ دَ دُواْكَرْ اللَّهْ نْكَ، كُواْ دُواْكَرْ سَرْكِے، لَلَّيْ ذَاعَيِ مَسَ حُكُنْثِ، كُواْ نَمُتُوَ، كُواْ نَكُواْرَرْ دُواْلٜىٰ، كُواْ نَڨُوثٜىٰ دُوكِيَرْسَ، كُواْ نَسَاشِ عَكُرْكُكُ؞» عُزَيْرُ يَيَبِے اللَّهْ 27 سَيْ عُزَيْرُ يَثٜىٰ «أَلْبَرْكَ تَا تَبَّتَا غَ يَهْوٜىٰهْ اللَّهْ نَكَاكَنِّنْمُ! شِينٜىٰ وَنْدَ يَسَا إِرِنْ وَنَّنْ تُنَانِ أَ ذُوثِيَارْ سَرْكِے دُواْمِنْ يَغِرْمَمَ غِدَنْ يَهْوٜىٰهْ دَيَكٜىٰ أَ عُرُوشَلِيمَ تَوُرِنْ سَاكٜىٰ غِنَاشِ؞ 28 كُمَ تَوُرِنْ أَلْحٜىٰرِنْسَ نَسَامِ ڢَضٍ جِنِ أَوُرِنْ سَرْكِے دَ نَمَاسُ بَاشِ شَوَرَا دَ كُمَ نَدُكَنْ دَتَّاوَنْسَ مَاسُ إِيكُواْ؞ نَسَامِ ڧَرْڢِنْ ذُوثِيَا غَمَا حَنُّنْ يَهْوٜىٰهْ اللَّهْ نَا يَنَ تَرٜىٰدَنِ، حَرْ نَ عِيَ تَارَ شُوغَبَنِّنْ إِسْرَٰٓءِيلَ دُواْمِنْ سُكُواْمَ تَرٜىٰدَنِ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria