عُزَيْرُ 4 - أَتَّوْرَتْ دَ أَنَّبَاوَا

أَنْ حَنَ عَيْكِنْ غِنَ هَيْكَلِنْ يَهْوٜىٰهْ

¹ دَ أَبُواْكَنْ غَابَنْ مُتَنٜىٰنْ يَهُودَ دَ نَ بِلِيَامِنُ سُكَجِ ثٜىٰوَ وَطَنْدَ سُكَ كُواْمُواْ دَغَ بَوْتَا، سُنَ غِنَا هَيْكَلِ دُواْمِنْ يَهْوٜىٰهْ اللَّهْ نَ إِسْرَٰٓءِيلَ؞

² سَيْ سُكَجٜىٰ وُرِنْ ظٜىٰرُبَّبٜىٰلْ دَ كُمَ شُوغَبَنِّنْ دَنْ‌غِ دَنْ‌غِ سُكَثٜىٰ مُسُ ‏«‏بَرِ مُهَطَكَيْ مُيِ غِنِنْ تَرٜىٰ، غَمَا مُو مَا مُنَيِ وَ اللَّهْ نْكُ سُجَّدَ كَمَرْ يَدَّ كُكٜىٰيِ؞ مُنْ دَطٜىٰ مُنَ مِيڧَ مَسَ هَدَايُ تُنْ زَامَانِنْ سَرْكِے عٜىٰسَرْهَدُّوانْ نَ أَسُّرِيَ وَنْدَ يَكَٰوُاْمُ نَنْ دَ ذَمَ؞»‏

³ عَمَّا ظٜىٰرُبَّبٜىٰلْ دَ يٜىٰشُوَ دَ كُمَ سَوْرَنْ شُوغَبَنِّنْ دَنْ‌غِ دَنْ‌غِنْ إِسْرَٰٓءِيلَ سُكَثٜىٰ مُسُ ‏«‏بَ ضُوَنْكُ دَ تَيَمُ دَ وَنَّنْ عَيْكِنْ غِنِنْ غِدَنْ اللَّهْ نْمُ؞ مُو كَطَيْ ذَامُيِ وَ يَهْوٜىٰهْ اللَّهْ نَ إِسْرَٰٓءِيلَ غِنِ، كَمَرْ يَدَّ سَرْكِے سَيِرُسْ نَ ڢَٰشِيَ يَعُمَرْثٜىٰمُ؞»‏

⁴ سَعَنً سَوْرَنْ مُتَنٜىٰنْ ڧَسَرْ سُكَيِ ڧُواْڧَرِ سُحَنَ مُتَنٜىٰنْ يَهُودَ، سُكَ كُمَبَاسُ ڟُواْرُواْ دُواْمِنْ كَدَ سُيِ غِنِنْ؞

⁵ سُكَ بَادَ ثِنْ حَنْثِ غَ مَاسُ بَادَ شَوَرَا نَمُلْكٍ ڢَٰشِيَ دُواْمِنْ سُٻَاتَ نِيَّرْ مُتَنٜىٰنْ يَهُودَ أَدُكَنْ ݣُونَكِنْ دَ سَرْكِے سَيِرُسْ نَ ڢَٰشِيَ يَكٜىٰ مُلْكِ حَرْ ذُوَا زَامَانِنْ مُلْكٍ سَرْكِے دَرِيُسْ؞

وَسِيڧَرْ يِنْ غَابَادَ غِنِنْ عُرُوشَلِيمَ

⁶ أَ ڢَارَوَرْ مُلْكٍ سَرْكِے أَهَسُرُسْ، أَبُواْكَنْ غَابَنْ سُكَ رُبُوتَ تَكَرْدَرْ ڧَارَ غَمٜىٰدَ مَذَوْنَنْ يَهُودَ دَ عُرُوشَلِيمَ؞

⁷ بَايَنْ وَنَّنْ كُمَ عَثِكِنْ ݣُونَكِنْ مُلْكٍ سَرْكِے أَرْتَظٜىٰكْظٜىٰسْ نَ ڢَٰشِيَ، بِشْلَمْ دَ مِتِرٜىٰدَتْ دَ تَبٜىٰيٜىٰلْ دَ سَوْرَنْ أَبُواْكَنْسُ سُكَ رُبُوتَ وَ سَرْكِے أَرْتَظٜىٰكْظٜىٰسْ وَسِيڧَ؞ عَكَ رُبُوتَ وَسِيڧَرْ أَ حَنْيَرْ رُبُوتُنْ يَرٜىٰنْ أَرَمَيَ، عَكَ كُمَ جُويٜىٰتَ دُواْمِنْ سَرْكِے؞

⁸ رٜىٰهُمْ شُوغَبَنْ سُواْجُواْجِ دَ شِمْشَيْ مَرُبُوثِنْ يَنْكِ سُكَ رُبُوتَاوَ سَرْكِے أَرْتَظٜىٰكْظٜىٰسْ وَسِيڧَ غَمٜىٰدَ عُرُوشَلِيمَ، سُكَثٜىٰ:‏

⁹ ‏«‏دَغَ رٜىٰهُمْ شُوغَبَنْ سُواْجُواْجِ دَ شِمْشَيْ مَرُبُوثِنْ يَنْكِ دَ سَوْرَنْ أَبُواْكَنْسُ، أَلْڧَلَيْ دَ دَتَّاوَا دَ شُوغَبَنِّ مَاسُ لُورَ دَ يَنْكُنَ، وَتُواْ مُتَنٜىٰ دَغَ ڢَٰشِيَ دَ عٜىٰرٜىٰكْ دَ بَابِيلَ دَ كُمَ شُوشَنْ دَتَكٜىٰ عَڧَسَرْ عٜىٰلَمْ،

¹⁰ تَرٜىٰدَ سَوْرَنْ ڧَبِيلُ وَطَنْدَ أَسْنَڢَّرْ مَيْغِرْمَ دَ إِيكُواْ يَتَاسَرْ دَسُو، يَكَٰوُاْسُ يَسَاسُ سُذَوْنَ عَثِكِنْ بِرْنِنْ سَمَرِيَ دَ كُمَ أَ سَوْرَنْ يَنْكِنْ دَيَكٜىٰ عَڧٜىٰتَرٜىٰنْ كُواْغِنْ يُڢِرٜىٰتِسْ؞»‏

¹¹ غَا أَبِنْدَ سُكَ رُبُوتَ عَثِكِنْ وَسِيڧَرْ:‏ ‏«‏غَيْسُوَا ذُوَاغَ أَرْتَظٜىٰكْظٜىٰسْ دَغَ وُرِنْ مَاسُ يِمَكَ حِدِمَ، وَتُواْ مُتَنٜىٰنْ دَسُكٜىٰ عَيَنْكِنْ دَيَكٜىٰ عَڧٜىٰتَرٜىٰنْ كُواْغِنْ يُڢِرٜىٰتِسْ؞

¹² ‏«‏مُنَ سُواْ مَيْغِرْمَ سَرْكِے يَسَنِ ثٜىٰوَ يَهُودَاوَنَّنْ وَطَنْدَ سُكَ هَوْرُواْ دَغَ وُرِنْكَ ذُوَا عِنْدَ مُكٜىٰ سُنْ تَڢِے عُرُوشَلِيمَ؞ سُنَ سَاكٜىٰ غِنَا مُوغُنْ بِرْنِنَّنْ نَتَاوَيٜىٰ؞ سُنَ ڧَارَسَ غِنِنْ كَتَنْ‌غَرْ، سُنَ ڠَرٜىٰ ڠَرٜىٰنْ تُوشٜىٰنْ دَ سَوْرَنْ بِرْنِنْ؞

¹³ يَنْذُ ڢَا، بَرِ سَرْكِے يَسَنِ ثٜىٰوَ عِدَنْ عَكَ سَاكٜىٰ غِنَا وَنَّنْ بِرْنِنْ، عَكَ كُمَ غَمَ غِنَا كَتَنْ‌غَرْسَ، بَذَاسُ بِيَ هَرَاجِ، كُواْ كُطِنْ شِغَ دَ ڢِتَرْ كَايَ، كُواْ كُطِنْ حَنْيَبَ؞ عَڧَرْشٜىٰ كُطِنْ شِغَرْ مَعَجِنْ مُلْكِ ذَيْ رَغُ؞

¹⁴ يَنْذُ دَيَكٜىٰ مُنَ طَنْطَنَ رُواْمُوانْ غِدَنْ سَرْكِے، بَدَيْدَيْ بَنٜىٰ أَغَرٜىٰمُ مُغَ أَنَ ثِنْ مُتُنْثِنْ سَرْكِے؞ سَبُواْدَ حَكَ مُكٜىٰ رُبُوتَ وَسَرْكِے،

¹⁵ دُواْمِنْ عَيِ بِنْثِكٜىٰ ثِكِنْ لِتَّڢِنْ تَارِيحِ نَكَاكَنِّنْكَ؞ ذَاكَ تَرَرْ عَثِكِنْ لِتَّڢِنْ تَارِيحِنْ ثٜىٰوَ وَنَّنْ بِرْنِ نَتَاوَيٜىٰ نٜىٰ؞ تُنْدَغَ زَامَانِنْ دَا وَنَّنْ بِرْنِنْ يَنَ بَا سَرَاكُنَ دَ يَنْكُنَ دَامُوَ؞ كُلُّمْ مُتَنٜىٰنْ سُنَ تَادَ ضِكِثِ؞ وَنَّنْ دَلِيلِنْ نٜىٰ يَسَا عَكَ هَلَّكَرْ دَ بِرْنِنْ؞

¹⁶ سَبُواْدَ حَكَ مُنَ تَبَّتَرْ وَ سَرْكِے ثٜىٰوَ عِدَنْ عَكَ سَاكٜىٰ غِنَا وَنَّنْ بِرْنِنْ، عَكَ كُمَ غَمَ كَتَنْ‌غَرْسَ، ذَاكَ رَسَ مَلَّكَرْكَ عَيَنْكِنْ دَيَكٜىٰ عَڧٜىٰتَرٜىٰنْ كُواْغِنْ يُڢِرٜىٰتِسْ؞»‏

¹⁷ سَيْ سَرْكِے يَعَيْكَ مُسُ دَ أَمْسَ يَثٜىٰ، ‏«‏غَيْسُوَا ذُوَاغَ رٜىٰهُمْ شُوغَبَنْ سُواْجُواْجِ دَ شِمْشَيْ مَرُبُوثِنْ يَنْكِ دَ كُمَ سَوْرَنْ أَبُواْكَنْكُ وَطَنْدَ سُكٜىٰ ذَمَ أَ سَمَرِيَ دَ كُمَ سَوْرَنْ دَسُكٜىٰ عَيَنْكِنْ دَيَكٜىٰ عَڧٜىٰتَرٜىٰنْ كُواْغِنْ يُڢِرٜىٰتِسْ؞

¹⁸ ‏«‏وَسِيڧَرْ دَ كُكَ عَيْكَ مَنَ، أَنْكَرَنْتَتَ أَنْكُمَ ڢَسَّرَتَ دَلَّ دَلَّ أَغَبَنَ؞

¹⁹ نَا بَادَ عُمَرْنِ، عَكَيِ بِنْثِكٜىٰ، عَكَ تَرَرْ ثٜىٰوَ تُنْدَغَ زَامَانِنْ دَا وَنَّنْ بِرْنِ يَنَيِ وَسَرَاكُنَ تَاوَيٜىٰ، كُمَ أَنْثِكَ يِنْ تَاوَيٜىٰ دَ ضِكِثِے ضِكِثِے عَثِكِنْ بِرْنِنْ؞

²⁰ أَنْيِ مَنْيَنْ سَرَاكُنَنْ دَ سُكَيِ مُلْكِ أَ عُرُوشَلِيمَ دَ دُكَنْ يَنْكِنْ دَيَكٜىٰ عَڧٜىٰتَرٜىٰنْ كُواْغِنْ يُڢِرٜىٰتِسْ، سُنَ كَرْٻَرْ هَرَاجِ دَ كُطِنْ شِغَ دَ ڢِتَرْ كَايَ دَ كُطِنْ حَنْيَ؞

²¹ سَبُواْدَ حَكَ كُبَادَ عُمَرْنِنْ دَ ذَيْ حَنَ مُتَنٜىٰنْ ثِيغَبَدَ غِنِنْ بِرْنِنْ، سَيْ لُواْكَثِنْدَ نَبَادَ عُمَرْنِ؞

²² كُكُلَ ڢَا دَ وَنَّنْ ذَنْثٜىٰ بَابُ ٻَاتَ لُواْكَثِ دُواْمِنْ كَدَ عَڧَارَ يِنْ ٻَرْنَرْ دَ ذَاتَ كَٰوُاْ هَسَرَ غَ سَرْكِے؞»‏

²³ دَظَرَرْ عَكَ كَرَنْتَ وَسِيڧَ تَسَرْكِے أَرْتَظٜىٰكْظٜىٰسْ أَغَبَنْ رٜىٰهُمْ دَ شِمْشَيْ مَرُبُوثِ دَ سَوْرَنْ أَبُواْكَنْسُ، سَيْ سُكَيِ سَوْرِ ذُوَا وُرِنْ يَهُودَاوَا أَ عُرُوشَلِيمَ، سُكَ هَنَاسُ عَيْكِنْ ڧَرْڢِے دَ يَجِ؞

أَنْ سَاكٜىٰ كَامَ عَيْكِنْ غِنَ هَيْكَلِ

²⁴ تَهَكَ عَكَ ڟَيَرْ دَ عَيْكِنْ غِنَا غِدَنْ اللَّهْ أَ عُرُوشَلِيمَ، سَيْ شٜىٰكَرَا تَبِيُ تَمُلْكٍ سَرْكِے دَرِيُسْ نَ ڢَٰشِيَ؞