عُزَيْرُ 3 - أَتَّوْرَتْ دَ أَنَّبَاوَا

أَنْ سَاكٜىٰ ڢَرَ يِنْ سُجَّدَ

¹ سَعَدَّ وَتَنْ بَݣَويْ يَ إِسُواْ، مُتَنٜىٰنْ إِسْرَٰٓءِيلَ كُوَ سُنَ أَغَرُرُوَنْسُ، سَيْ سُكَ تَارُ غَبَاطَيَ عَثِكِنْ عُرُوشَلِيمَ؞

² سَيْ يٜىٰشُوَ طَنْ يُواْظَدَكْ تَرٜىٰدَ یَنْعُوَنْسَ ڢِرِسْتُواْثِے دَ ظٜىٰرُبَّبٜىٰلْ طَنْ شٜىٰيَلْتِيٜىٰلْ تَرٜىٰدَ یَنْعُوَنْسَ سُكَ ڢَارَ غِنَا بَغَدٜىٰنْ اللَّهْ نَ إِسْرَٰٓءِيلَ؞ سُكَ غِنَا بَغَدٜىٰنْ دُواْمِنْ سُمِيڧَ هَدَايُ نَڧُواْنَاوَا بِسَغَ يَدَّ عَكَ رُبُوتَ عَثِكِنْ كُواْيَرْوَرْ مُوسَٰى مُتُمِنْ اللَّهْ؞

³ كُواْدَيَكٜىٰ سُنَ ڟُواْرُوانْ سَوْرَنْ ڧَبِيلُنْ ڧَسَرْ، دُكْدَهَكَ سُكَسَاكٜىٰ غِنَا بَغَدٜىٰنْ أَوُرِنْ دَيَكٜىٰ أَدَا؞ سَعَنً سُكَ ڢَارَ مِيڧَ هَدَايُ نَڧُواْنَاوَا غَ يَهْوٜىٰهْ عَكَنْ بَغَدٜىٰنْ، وَتُواْ هَدَايُنَّنْ دَ عَكَنْ مِيڧَ دَ سَڢٜىٰ دَ كُمَ دَ يَمَّ؞

⁴ سُكَ كُمَ كِيَايٜىٰ بِكٍ بُكُّواْكِ كَمَرْ يَدَّ يَكٜىٰ أَرُبُوثٜىٰ؞ سُكَ مِيڧَ هَدَايُ نَڧُواْنَاوَا نَكُواْوَثٜىٰ رَانَ بِسَغَ لِسَّڢِنْسُ كَمَرْ يَدَّ عَكَ عُمَرْتَ؞

⁵ بَايَنْ وَنَّنْ سَيْ سُكَ ثِيغَبَدَ مِيڧَ هَدَايُ نَڧُواْنَاوَا نَيَوْ دَ كُلُّمْ دَ كُمَ هَدَايُ نَكُواْوَنٜىٰ بِكٍ سَابُوانْ وَتَ دَ نَكُواْوَنٜىٰ بِكٍ يَهْوٜىٰهْ وَنْدَ عَكَ ڟَارَا دَ نَبَيٜىٰ بَيٜىٰ نَيَرْدَرْ رَيْ غَ يَهْوٜىٰهْ وَطَنْدَ مُتَنٜىٰ سُكَنْ بَايَرْ؞

⁶ تُنْدَغَ رَانَ تَڢَرْكُواْ غَ وَتَنْ بَݣَويْ سُكَ ڢَارَ مِيڧَ هَدَايُ نَڧُواْنَاوَا غَ يَهْوٜىٰهْ، كُواْدَيَكٜىٰ بَعَكَڢَ تُوشٜىٰنْ هَيْكَلِنْ يَهْوٜىٰهْ بَ تُكُنَ؞

أَنْ سَاكٜىٰ ڢَرَ غِنَ هَيْكَلِنْ

⁷ سَيْ مُتَنٜىٰ سُكَ بَادَ كُطِ دُواْمِنْ عَبِيَ مَاسُ غِنِ دَ كُمَ كَاڢِنْتُواْثِ؞ عَكَ كُمَ بَا مُتَنٜىٰنْ سِدُوانْ دَ نَ تَيَ عَبِنْثِ دَ أَبِنْ شَا دَ كُمَ مَنْ ظَيْتُنْ، دُواْمِنْ سُكَٰوُاْ عِتَتُوَنْ سٜىٰدَ دَغَ ڧَسَرْ لٜىٰبَنُوانْ، وَطَنْدَ ذَاعَ كَٰوُاْ عَكَنْ تٜىٰكُ ذُوَا تَشَرْ جِضْغٍ ضُوَ أَ يُواْڢَّ؞ أَنْيِ دُكَنْ وَطَنَّنْ بِسَغَ إِظْنِنْ سَرْكِے سَيِرُسْ نَ ڢَٰشِيَ؞

⁸ عَثِكِنْ وَتَ نَبِيُ نَشٜىٰكَرَا تَبِيُ بَايَنْدَ سُكَ إِسُواْ أَ غِدَنْ اللَّهْ أَ عُرُوشَلِيمَ، سَيْ ظٜىٰرُبَّبٜىٰلْ طَنْ شٜىٰيَلْتِيٜىٰلْ دَ يٜىٰشُوَ طَنْ يُواْظَدَكْ، تَرٜىٰدَ سَوْرَنْ یَنْعُوَنْسُ ڢِرِسْتُواْثِے دَ لَوِيَاوَا دَ كُمَ دُكَنْ وَطَنْدَ سُكَ كُواْمُواْ عُرُوشَلِيمَ دَغَ ڧَسَرْ بَوْتَا سُكَ ڢَارَ عَيْكِنْ؞ عَكَسَا لَوِيَاوَا مَاسُ شٜىٰكَرَا عَشِرِنْ ذُوَا سَمَ سُلُورَ دَ عَيْكِنْ سَاكٜىٰ غِنِنْ غِدَنْ يَهْوٜىٰهْ؞

⁹ يٜىٰشُوَ تَرٜىٰدَ یَیَنْسَ مَظَا دَ كُمَ یَنْعُوَنْسَ دَ كَدْمِيٜىٰلْ دَ یَیَنْسَ مَظَا دَغَ دَنْ‌غِنْ هُواْدَوِيَ سُكَ حَطَكَيْ دُواْمِنْ سُلُورَ دَ مَاسُ عَيْكِنْ غِنِنْ غِدَنْ اللَّهْ؞ سُكَ سَامِ غُواْيُوانْ بَايَنْ لَوِيَاوَا نَدَنْ‌غِنْ هٜىٰنَدَدْ؞

¹⁰ سَعَدَّ مَاسُ غِنِ سُكَ كَڢَ تُوشٜىٰنْ هَيْكَلِنْ يَهْوٜىٰهْ، سَيْ ڢِرِسْتُواْثِے سُكَ ڢِتُواْ سُكَ ڟَيَ سَنْيٜىٰ دَ رِيغُنَنْسُ، كُواْوَنّٜىٰنْسُ يَنَ رِڧٜىٰ دَ كَكَكِ؞ حَكَكُمَ لَوِيَاوَا نَدَنْ‌غِنْ أَسَڢْ سُو مَا سُكَ ڢِتُواْ سُكَ ڟَيَ، كُواْوَنّٜىٰنْسُ يَنَ رِڧٜىٰ دَ كُغٜىٰ؞ سُنْ ڢِتُواْ نٜىٰ دُواْمِنْ سُيَبِے يَهْوٜىٰهْ بِسَغَ ڧَٰعِدَرْ دَ عَكَ كَڢَ تُنْدَغَ زَامَانِنْ سَرْكِے دَاوُدَ؞

¹¹ وَطَنْسُ سُكَ طَغَ وَاڧَرْ غُواْدِيَ دَ يَبُواْ غَ يَهْوٜىٰهْ، وَطَنْسُ سُنَ أَمْسَاوَا سُنَ ثٜىٰوَ ‏«‏غَمَا يَهْوٜىٰهْ مَيْ أَلْحٜىٰرِ نٜىٰ، ڧَوْنَرْسَ مَرَرْ ثَنْجَاوَا تَهَرْ أَبَدَا ثٜىٰ غَ إِسْرَٰٓءِيلَ؞»‏ سَيْ دُكَنْ مُتَنٜىٰ سُكَتَادَ مُرْيَ دَ ڧَرْڢِے سُكَ يَبِے يَهْوٜىٰهْ سَبُواْدَ أَنْكَڢَ تُوشٜىٰنْ غِدَنْ يَهْوٜىٰهْ؞

¹² عَمَّا دَيَوَ دَغَ ثِكِنْ ڟُواْڢَڢِّنْ مُتَنٜىٰ، ڢِرِسْتُواْثِے دَ لَوِيَاوَا دَ شُوغَبَنِّنْ دَنْ‌غِ دَنْ‌غِ، وَطَنْدَ دَا سُكَغَ غِدَنْ يَهْوٜىٰهْ نَڢَرْكُواْ، سُكَ ڢَشٜىٰ دَ كُوكَا مَيْ ذَاڢِ، سَعَدَّ سُكَغَ تُوشٜىٰنْ وَنَّنْ غِدَنْ؞ وَطَنْسُ كُوَ سُكَتَادَ مُرْيَ دُواْمِنْ ڢَضٍ ثِكِ،

¹³ حَرْ بَابُوَنِنْدَ يَ عِيَ بَمْبَنْتَ ڟَكَانِنْ مُرْيَرْ ڢَضٍ ثِكِ دَ مُرْيَرْ كُوكَا، غَمَا مُتَنٜىٰنْ سُنْ تَادَ مُرْيَرْسُ دَ ڧَرْڢِے سُواْسَيْ، حَرْ أَنَ جِنْسُ دَغَ نٜىٰسَ؞