عُزَيْرُ 10 - أَتَّوْرَتْ دَ أَنَّبَاوَا

أَنْ شِرْيَ رَبَ عَوْرٜىٰ دَ وَطَنْدَ بَا يَهُودَاوَا بَ

¹ يَايِنْ دَ عُزَيْرُ يَنَ أَدُّعَ أَغَبَنْ غِدَنْ اللَّهْ، يَنَ ڢُرْتَ ذُنُبَيْ، يَنَ كُوكَا، يَنَ رُسُنَاوَ، سَيْ بَبَّنْ تَارُوانْ جَمَعَرْ إِسْرَٰٓءِيلَ، مَظَا دَ مَاتَادَ يَارَا سُكَ كٜىٰوَيٜىٰشِ، سُو مَا سُنَ كُوكَا دَ ذَاڢِ؞

² سَيْ شٜىٰكَنِيَ طَنْ يٜىٰهِيٜىٰلْ نَدَنْ‌غِنْ عٜىٰلَمْ يَڢَطَا وَ عُزَيْرُ ثٜىٰوَ ‏«‏مُنْيِ وَ اللَّهْ نْمُ رَشِنْ أَمِنْثِ تَوُرِنْ عَوْرٜىٰنْ مَاتَانْ بَاڧِ دَغَ ڧَبِيلُنْ دَسُكٜىٰ عَڧَسَرْ؞ عَمَّا دُكْدَهَكَ أَݣَويْ سَوْرَنْ سَا ذُوثِيَا دُواْمِنْ إِسْرَٰٓءِيلَ؞

³ تُواْ، بَرِ مُيِ يَرْجٜىٰجٜىٰنِيَ دَ اللَّهْ نْمُ، مُكُواْرِ دُكَنْ مَاتَنَّنْ دَ یَیَنْسُ بِسَغَ أَبِنْدَ كَيْ دَ سَوْرَنْ شُوغَبَنِّنْ دَ كُكٜىٰ غِرْمَمَ عُمَرْنِنْ اللَّهْ كُكَ شَوَرْثٜىٰمُ؞ ذَامُيِ أَبِنْدَ كُواْيَرْوَرْ اللَّهْ تَعُمَرْتَ؞

⁴ سَيْ كَتَاشِ غَمَا وَنَّنْ ذَنْثٜىٰ يَنَ حَنُّنْكَ نٜىٰ؞ مُو كُوَ مُنَ غُواْيُوانْ بَايَنْكَ؞ سَبُواْدَ حَكَ كَيِ ڧَرْڢِنْ حَلِ كَعَيْكَتَشِ؞»‏

⁵ عُزَيْرُ كُوَ يَتَاشِ يَسَا شُوغَبَنِّنْ ڢِرِسْتُواْثِے دَ نَ لَوِيَاوَا دَ دُكَنْ مُتَنٜىٰنْ إِسْرَٰٓءِيلَ سُرَنْڟٜىٰ ثٜىٰوَ ذَاسُيِ أَبِنْدَ شٜىٰكَنِيَ يَڢَطَا؞ سُكَ كُوَ طَوْكِ ضَنْڟُوَارْ؞

⁶ سَيْ عُزَيْرُ يَتَاشِ دَغَ وُرِنْ دَيَكٜىٰ أَغَبَنْ غِدَنْ اللَّهْ، يَوُثٜىٰ ذُوَا ثِكِنْ طَاكِنْ يٜىٰهُواْهَنَنْ طَنْ عٜىٰلِيَشِبْ؞ أَوُرِنْ كُوَ بَيْثِبَ، بَيْشَابَ، غَمَا يَنَ ثِكِنْ بَڧِنْ ثِكِ سَبُواْدَ رَشِنْ أَمِنْثِنْ وَطَنْدَ سُكَ دَاوُاْ دَغَ ڧَسَرْ بَوْتَا؞

⁷ سَيْ عَكَيِ شٜىٰلَ عَكُواْعِنَ أَ عُرُوشَلِيمَ دَ يَنْكِنْ يَهُودَ ثٜىٰوَ دُكَنْ وَطَنْدَ سُكَ كُواْمُواْ دَغَ ڧَسَرْ بَوْتَا سُتَارُ أَ عُرُوشَلِيمَ؞

⁸ دُكْ وَنْدَ بَيْذُواْ عَثِكِنْ ݣُونَ عُكُ بَ، بِسَغَ عُمَرْنِنْ دَتَّاوَا دَ شُوغَبَنِّ، عَبَاكِنْ دُكَنْ كَايَنْسَ، ذَاعَ كُمَ وَارٜىٰشِ دَغَ ثِكِنْ تَارُوانْ جَمَعَرْ دَسُكَ كُواْمُواْ دَغَ بَوْتَا؞

⁹ كَاڢِنْ ݣُونَ عُكُنَّنْ دُكَنْ مَذَنْ دَسُكٜىٰ ذَمَ عَيَنْكِنْ يَهُودَ دَ نَ بِلِيَامِنُ سُكَ تَارُ أَ عُرُوشَلِيمَ؞ أَ رَانَ تَعَشِرِنْ غَ وَتَنْ تَرَ دُكَنْ مُتَنٜىٰ سُكَ ظَظْذَوْنَ عَثِكِنْ ڢِيلِنْ دَيَكٜىٰ أَغَبَنْ غِدَنْ اللَّهْ؞ سَبُواْدَ مُهِمَّنْثِنْ وَنَّنْ أَلْعَمَرِ دَ كُمَ ڟَنَنِنْ ضُوً سَمَنْ دَ عَكٜىٰيِ، كُواْوَ يَيِ تَرَوَرْ جِكِے؞

¹⁰ سَيْ عُزَيْرُ ڢِرِسْتِ يَتَاشِ ڟَيٜىٰ يَيِ مُسُ مَغَنَ يَثٜىٰ ‏«‏كُنْيِ رَشِنْ أَمِنْثِ تَوُرِنْ عَوْرٜىٰنْ مَاتَانْ بَاڧِ دَغَ ڧَبِيلُنْ دَ بَا يَهُودَاوَا بَ؞ تَهَكَ كُكَ ڧَارَ لَيْڢِنْ إِسْرَٰٓءِيلَ؞

¹¹ يَنْذُ سَيْ كُڢَطَا وَ يَهْوٜىٰهْ اللَّهْ نَكَاكَنِّنْكُ ذُنُبَنْكُ؞ كُكُمَيِ أَبِنْدَ يَغَمْشٜىٰشِ؞ كُوَارٜىٰ كَنْكُ دَغَ ڧَبِيلُنْ ڧَسَرْدَ كُمَ دَغَ مَاتَانْ بَڧِنْ دَ كُكَ عَوْرَ وَطَنْدَ بَا يَهُودَاوَا بَ؞»‏

¹² سَيْ دُكَنْ تَارُوانْ جَمَعَرْ سُكَ أَمْسَ دَ بَبَّرْ مُرْيَ سُكَثٜىٰ ‏«‏حَكَنٜىٰ!‏ دُواْلٜىٰنٜىٰ مُيِ يَدَّ كَڢَطَا؞

¹³ عَمَّا مُتَنٜىٰ سُنَدَ يَوَ، كُمَ وَنَّنْ لُواْكَثِنْ ضُوً سَمَ نٜىٰ سُواْسَيْ؞ سَبُواْدَ حَكَ بَذَامُ عِيَ ڟَيَاوَا أَ ڢِيلِبَ؞ عَيْكِنَّنْ كُوَ بَ نَݣُونَ طَيَ كُواْ بِيُ بَنٜىٰ، غَمَا دَيَوَ عَثِكِنْمُ مُنْيِ ذُنُوبِنْ غَنْ‌غَنْثِ عَثِكِنْ وَنَّنْ أَلْعَمَرِ؞

¹⁴ بَرِ شُوغَبَنِّنْمُ سُكَسَنْثٜىٰ أَ عُرُوشَلِيمَ سُدُوبِے أَلْعَمَرِنْ أَمَدَدِنْ دُكَنْ تَارُوانْ جَمَعَرْ؞ سَعَنً دُكَنْ مُتَنٜىٰنْ غَرُرُوَنْمُ وَطَنْدَ سُكَ عَوْرِ مَاتَانْ بَاڧِ دَغَ ڧَبِيلُنْ دَ بَا يَهُودَاوَا بَ، سُذُواْ أَدَيْدَيْ لُواْكَثِنْ دَ عَكَسَا مُسُ، تَرٜىٰدَ دَتَّاوَا دَ أَلْڧَلَيْ نَكُواْوَنٜىٰ غَرِ؞ ذَامُيِ حَكَ دُواْمِنْ اللَّهْ نْمُ يَهُوثٜىٰ دَغَ ڢُشِنْسَ مَيْ ذَاڢِ عَكَنْ وَنَّنْ أَلْعَمَرِ؞»‏

¹⁵ بَابُوَنِ وَنْدَ يَيِ غَابَادَ وَنَّنْ شِرِ، سَيْدَيْ يُواْنَتَنْ طَنْ أَسَهٜىٰلْ دَ يَظٜىٰيِيَ طَنْ تِݣُو؞ مٜىٰشُلَّمْ دَ شَبّٜىٰتَيْ مُتُمِنْ ذُرِيَرْ لَوِ سُكَ غُواْيِ بَايَنْسُ؞

¹⁶ سَعَنً وَطَنْدَ سُكَ كُواْمُواْ دَغَ ڧَسَرْ بَوْتَا سُكَيِ أَبِنْدَ عَكَثٜىٰ؞ عُزَيْرُ ڢِرِسْتِ يَذَاٻِ مَظَا وَطَنْدَ سُونٜىٰ شُوغَبَنِّنْ ذُرِيَرْسُ، بِسَغَ دَنْ‌غِنْسُ، كُواْوَنٜىٰ دَ سُونَنْسَ؞ سُكَ حَطُ أَ رَانَ تَڢَارِ غَ وَتَنْ غُواْمَ دُواْمِنْ سُبِنْثِكَ أَلْعَمَرِنْ؞

¹⁷ عَثِكِنْ وَتَا عُكُ، وَتُواْ كَاڢِنْ رَنْ ڢَارِ غَ وَتَنْ طَيَ، سُكَ غَمَ بِنْثِكٜىٰنْ دُكَنْ أَلْعَمَرِنْ مَذَنْ دَ سُكَ عَوْرِ مَاتَانْ بَاڧِ دَغَ ڧَبِيلُنْ ڧَسَرْ؞

مَظَا مَاسُ مَاتَانْدَ بَا يَهُودَاوَا بَ

¹⁸ غَا سُونَيٜىٰنْ ڢِرِسْتُواْثِنْ دَ سُنَ ثِكِنْ وَطَنْدَ سُكَ عَوْرِ مَاتَانْ بَاڧِ دَغَ ڧَبِيلُنْ دَ بَا يَهُودَاوَا بَ؞ دَغَ دَنْ‌غِنْ يٜىٰشُوَ طَنْ يُواْظَدَكْ دَ یَنْعُوَنْسَ، أَݣَويْ مَعَسٜىٰيَ دَ عٜىٰلِيٜىٰظٜىٰرْ دَ يَرِبْ دَ غٜىٰدَلِيَ؞

¹⁹ سُكَيِ ضَنْڟُوَا ذَاسُ كُواْرِ مَاتَنْسُ؞ كُواْوَنّٜىٰنْسُ كُوَ يَمِيڧَ ضَغُواْ دُواْمِنْ هَدَايَ تَوَنْكٜىٰ لَيْڢُواْڢِنْسَ؞

²⁰ دَغَ دَنْ‌غِنْ إِمّٜىٰرْ، أَݣَويْ هَنَنِ دَ ظٜىٰبَدِيَ؞

²¹ دَغَ دَنْ‌غِنْ هَرِمْ، أَݣَويْ مَعَسٜىٰيَ دَ إِلْيَاسُ دَ شٜىٰمَيَ دَ يٜىٰهِيٜىٰلْ دَ عُزِّيَ؞

²² دَغَ دَنْ‌غِنْ ڢَشُرْ، أَݣَويْ عٜىٰلِيُواْيٜىٰنَيْ دَ مَعَسٜىٰيَ دَ إِسْمَٰعِيلُ دَ نٜىٰتَنٜىٰلْ دَ يُواْظَبَدْ دَ عٜىٰلَسَ؞

²³ دَغَ لَوِيَاوَا، أَݣَويْ يُواْظَبَدْ دَ شِمٜىٰيِ دَ كٜىٰلَيَ، وَتُواْ كٜىٰلِتَ دَ ڢٜىٰتَهِيَ دَ يَهُودَ دَ عٜىٰلِيٜىٰظٜىٰرْ؞

²⁴ دَغَ ڧُنْ‌غِيَرْ مَوَاڧَ، أَݣَويْ عٜىٰلِيَشِبْ؞ دَغَ مَاسُ غَادِنْ ڧُواْڢُواْڢِنْ هَيْكَلِ، أَݣَويْ شَلُّمْ دَ تٜىٰلٜىٰمْ دَ عُرِ؞

²⁵ غَا سُونَيٜىٰنْ سَوْرَنْ مُتَنٜىٰنْ إِسْرَٰٓءِيلَ وَطَنْدَ سُكٜىٰ دَ وَنَّنْ لَيْڢِے؞ دَغَ دَنْ‌غِنْ ڢَرُواشْ، أَݣَويْ رَمِيَ دَ إِظِّيَ دَ مَلْكِيَ دَ مِيَمِنْ دَ عٜىٰلٜىٰيَظَرْ دَ مَلْكِيَ دَ بٜىٰنَيَ؞

²⁶ دَغَ دَنْ‌غِنْ عٜىٰلَمْ، أَݣَويْ مَتَّنِيَ دَ زَكَرِيَّا دَ يٜىٰهِيٜىٰلْ دَ أَبْدِ دَ يٜىٰرٜىٰمُواتْ دَ إِلْيَاسُ؞

²⁷ دَغَ دَنْ‌غِنْ ظَتُّ، أَݣَويْ عٜىٰلِيُواْيٜىٰنَيْ دَ عٜىٰلِيَشِبْ دَ مَتَّنِيَ دَ يٜىٰرٜىٰمُواتْ دَ ظَبَدْ دَ أَظِظَ؞

²⁸ دَغَ دَنْ‌غِنْ بٜىٰبَيْ، أَݣَويْ يٜىٰهُواْهَنَنْ دَ هَنَنِيَ دَ ظَبَّيْ دَ أَتْلَيْ؞

²⁹ دَغَ دَنْ‌غِنْ بَنِ، أَݣَويْ مٜىٰشُلَّمْ دَ مَلُّكْ دَ أَدَيَ دَ يَشُبْ دَ شٜىٰيَلْ دَ يٜىٰرٜىٰمُواتْ؞

³⁰ دَغَ دَنْ‌غِنْ ڢَهَتْ مُواْوَبْ، أَݣَويْ أَدْنَ دَ كٜىٰلَلْ دَ بٜىٰنَيَ، مَعَسٜىٰيَ دَ مَتَّنِيَ دَ بٜىٰظَلٜىٰلْ دَ بِنُّيِ دَ مَنَسّٜىٰ؞

³¹ دَغَ دَنْ‌غِنْ هَرِمْ، أَݣَويْ عٜىٰلِيٜىٰظٜىٰرْ دَ إِشِّيَ دَ مَلْكِيَ دَ شٜىٰمَيَ دَ شِمٜىٰيُوانْ،

³² دَ بِلِيَامِنُ دَ مَلُّكْ دَ شٜىٰمَرِيَ؞

³³ دَغَ دَنْ‌غِنْ هَشُمْ، أَݣَويْ مَتّٜىٰنَيْ دَ مَتَّتَّ دَ ظَبَدْ دَ عٜىٰلِڢٜىٰلٜىٰتْ دَ يٜىٰرٜىٰمَيْ دَ مَنَسّٜىٰ دَ شِمٜىٰيِ؞

³⁴ دَغَ دَنْ‌غِنْ بَنِ، أَݣَويْ مَعَدَيْ دَ أَمْرَمْ دَ عُوٜىٰلْ،

³⁵ دَ بٜىٰنَيَ دَ بٜىٰدٜىٰيِيَ دَ كٜىٰلُهِ،

³⁶ دَ بَنِيَ دَ مٜىٰرٜىٰمُواتْ دَ عٜىٰلِيَشِبْ،

³⁷ دَ مَتَّنِيَ دَ مَتّٜىٰنَيْ دَ يَعَسُ؞

³⁸ دَغَ دَنْ‌غِنْ بِنُّيِ، أَݣَويْ شِمٜىٰيِ،

³⁹ دَ شٜىٰلٜىٰمِيَ دَ نَتَنْ دَ أَدَيَ،

⁴⁰ دَ مَكْنَدٜىٰبَيْ دَ شَشَيْ دَ شَرَيْ،

⁴¹ دَ أَظَرٜىٰلْ دَ شٜىٰلٜىٰمِيَ دَ شٜىٰمَرِيَ،

⁴² دَ شَلُّمْ دَ أَمَرِيَ دَ يُوسُڢَ؞

⁴³ دَغَ دَنْ‌غِنْ نٜىٰبُواْ، أَݣَويْ يٜىٰيِيٜىٰلْ دَ مَتِّتِيَ دَ ظَبَدْ دَ ظٜىٰبِنَ دَ يَدَّيْ دَ يُواْوٜىٰلْ دَ بٜىٰنَيَ؞

⁴⁴ دُكَنْ وَطَنَّنْ سُنْ عَوْرِ مَاتَانْ بَاڧِ دَغَ ڧَبِيلُنْ ڧَسَرْ؞ سُكَ كُمَ كُواْرِ مَتَنْ دُكْ دَ یَیَنْسُ؞