هِظْڧِيَالْ 9 - أَتَّوْرَتْ دَ أَنَّبَاوَا

حُكُنْثِ عَكَنْ مَاسُ بَوْتَرْ غُمَكَ

¹ عَثِكِنْ رُعُيَرْ كُمَ، سَيْنَجِ يَهْوٜىٰهْ يَايِ كِرَا دَ بَبَّرْ مُرْيَ، يَثٜىٰ ‏«‏كُمَڟُواْ كُسَ، كُو مَاسُ حُكُنْتَ بِرْنِنْ، كُواْوَنٜىٰ مُتُمْ دَ مَكَامِنْسَ نَهَلَّكَرْوَ أَهَنُّ؞»‏

² غَا مُتُمْ شِدَ سُكَ ڢِتُواْ دَغَ وَجٜىٰنْ ڧُواْڢَرْ غِدَنْ اللَّهْ وَدَّ تَكٜىٰ أَوُرِے مَڢِے ڟَيِ تَنَ ڢُسْكَنْتَرْ أَرٜىٰوَ، كُواْوَنّٜىٰنْسُ دَ مَكَامِنْسَ نَهَلَّكَرْوَ أَ حَنُّ؞ عَڟَكِيَرْسُ أَݣَويْ وَنِ مُتُمْ سَنْيٜىٰ دَ رِغَرْ لِيلِنْ، يَنَ كُمَ رَاتَيٜىٰ دَ أَبِنْ رُبُوتُو أَغٜىٰڢٜىٰنْسَ؞ سَيْ سُكَ شِغَ، سُكَ ڟَيَ أَغٜىٰڢٜىٰنْ بَغَدٜىٰنْ تَغُلَّ؞

³ يَنْذُ ڧُنْشِنْ حَصْكٜىٰنْ طَوْكَكَرْ اللَّهْ نَ إِسْرَٰٓءِيلَ يَتَاشِ دَغَ كَنْ حَلِتُّو مَاسُ ڢِكَڢِكَيْ عِنْدَ دَا يَكٜىٰ ظَوْنٜىٰ، يَتَڢِے بَاكِنْ ڧُواْڢَرْ هَيْكَلِنْ؞ سَيْ يَهْوٜىٰهْ يَكِرَا مُتُمِنْ دَيَكٜىٰ سَنْيٜىٰ دَ رِغَرْ لِيلِنْ، وَنْدَ يَكٜىٰ رَاتَيٜىٰ دَ أَبِنْ رُبُوتُو أَغٜىٰڢٜىٰنْسَ؞

⁴ يَهْوٜىٰهْ كُوَ يَثٜىٰ مَسَ ‏«‏بِے تَثِكِنْ بِرْنِنْ، وَتُواْ عُرُوشَلِيمَ، كَسَا لَمْبَرْ شَيْدَ أَغُواْشِنْ مُتَنٜىٰنْ دَسُكٜىٰ نِشٜىٰ نِشٜىٰ سُنَ كُوكَا سَبُواْدَ دُكَنْ أَبُبُوَ مَاسُ بَنْ ڨَمَرْ دَ عَكٜىٰيِ عَثِكِنْ بِرْنِنْ؞»‏

⁵ دَ كُنّٜىٰنَ نَجِ يَنَ ثٜىٰ وَ وَطَنْسُ ‏«‏كُبِيشِ تَثِكِنْ بِرْنِنْ، كُكَشٜىٰ، كَدَ كُبَرِ، كَدَ كُمَ كُجِ تَوْسَيِ؞

⁶ كُكَكَّشٜىٰ ڟُواْڢَڢِّ دَ سَمَارِ دَ مَاتَادَ ڧأَنَانً يَارَا، عَمَّا كَدَ كُتَٻَ وَطَنْدَ سُكٜىٰ دَ لَمْبَرْ شَيْدَ؞ كُڢَارَ دَغَ وُرِينَ مَيْ ڟَرْكِے؞»‏ سُكَ كُوَ ڢَارَ دَ دَتَّاوَنْ دَسُكٜىٰ أَغَبَنْ غِدَنْ؞

⁷ يَكُمَثٜىٰ ‏«‏كُڧَظَنْتَرْ دَ غِدَنْ، كُثِكَ ڢِيلَيٜىٰنْ غِدَنْ دَ غَوَوَّكِ؞ سَعَنً كُتَڢِے وَجٜىٰ!‏»‏ سَيْ سُكَ ڢِتَ سُكَيِ تَكَشٜىٰ مُتَنٜىٰنْ دَسُكٜىٰ ثِكِنْ بِرْنِنْ؞

⁸ سَعَدَّ سُكٜىٰ كَشٜىٰ كَشٜىٰ، سَيْ عَكَبَرْنِ نِے كَطَيْ، نَڢَاطِ رُبْ دَ ثِكِ، نَيِ كُوكَا، نَثٜىٰ ‏«‏يَا عُبَنْ‌غِجِ يَهْوٜىٰهْ!‏ ذَاكَ هَلَّكَرْ دَ دُكَنْ ضَغُواْوَرْ إِسْرَٰٓءِيلَ ثِكِنْ ذَاڢِنْ ڢُشِنْ دَ كَكٜىٰ ظُبَاوَ عَكَنْ عُرُوشَلِيمَ؟»‏

⁹ يَثٜىٰ مِنِ ‏«‏لَيْڢِنْ جَمَعَرْ إِسْرَٰٓءِيلَ دَ تَ يَهُودَ يَيِيَوَ سُواْسَيْ؞ ڧَسَرْ تَثِكَ دَ أَلْحَكِنْ جِنِ، بِرْنِنْ كُمَ يَثِكَ دَ رَشِنْ أَدَلْثِے؞ غَمَا سُنْثٜىٰ، ‏‹‏يَهْوٜىٰهْ يَا رَبُ دَ ڧَسَرْ، بَايَ غَنِنْمُ؞›‏

¹⁰ نِے كَمْ، بَذَنْبَرْ وَنِبَ، بَكُوَ ذَنْجِے تَوْسَيِبَ، عَمَّا ذَنْ سَاكَ مُسُ بِسَغَ أَيُّكَنْسُ؞»‏

¹¹ سَيْ مُتُمِنْ دَيَكٜىٰ سَنْيٜىٰ دَ رِغَرْ لِيلِنْ، وَنْدَ كُمَ يَنَ رَاتَيٜىٰ دَ أَبِنْ رُبُوتُو أَغٜىٰڢٜىٰنْسَ، يَأَمْسَ دَ مَغَنَ ثٜىٰوَ ‏«‏نَيِ أَبِنْدَ كَاعُمَرْثٜىٰنِ إِنْيِ؞»‏