هِظْڧِيَالْ 6 - أَتَّوْرَتْ دَ أَنَّبَاوَا

حُكُنْثِ عَكَنْ إِسْرَٰٓءِيلَ

¹ سَيْ يَهْوٜىٰهْ يَيِ مَغَنَ دَنِے ثٜىٰوَ

² ‏«‏يَا كَيْ طَنْ مُتُمْ، سَيْ كَڢُسْكَنْثِ تُدَّنْ إِسْرَٰٓءِيلَ، كَيِ أَنَّبْثِ عَكَنْسُ؞

³ كَثٜىٰ، ‏‹‏يَا كُو مَنْيَنْ تُدَّنْ إِسْرَٰٓءِيلَ، كُجِ مَغَنَرْ عُبَنْ‌غِجِ يَهْوٜىٰهْ!‏ غَا أَبِنْدَ نِے عُبَنْ‌غِجِ يَهْوٜىٰهْ نَثٜىٰ عَكَنْ مَنْيَنْ تُدَّيْ دَ ڧأَنَانً تُدَّيْ دَ ڧأَنَانً ݣُورُرُوَ دَ مَنْيَنْ ݣُورُرُوَ؞ غَاشِ، نِے ذَنْ كَٰوُاْ تَكُواْبِے عَكَنْكُ، إِنْكُمَ هَلَّكَرْ دَ وُرَارٜىٰنْ سُجَّدَرْكُ؞

⁴ ذَاعَ رُرُّشٜىٰ بَغَدَنْكُ، ذَاعَ ڢَرْڢَشٜىٰ وُرَارٜىٰنْكُ نَڧُواْنَ تُرَارٜىٰ، ذَنْ كَكَّشٜىٰ وَطَنْسُنْكُ سُڢَاطِ أَغَبَنْ غُمَكَنْسُ؞

⁵ ذَنْ ظُبَرْدَ غَوَوَّكِنْ مُتَنٜىٰنْ إِسْرَٰٓءِيلَ أَغَبَنْ غُمَكَنْسُ؞ ذَنْ كُمَ وَاڟَرْدَ ڧَسُسُوَنْسُ كٜىٰوَيٜىٰ دَ بَغَدَنْسُ؞

⁶ دُكْ عِنْدَ كُكٜىٰ ظَوْنٜىٰ، بِرَنٜىٰنْكُ ذَاسُ ذَمَ كُڢَيْ، وُرَارٜىٰنْكُ نَسُجَّدَ دَ بَغَدَنْكُ ذَاعَ لَلَتَرْ دَسُو، ذَاعَ ڢَرْڢَشٜىٰ غُمَكَنْكُ دَ وُرَارٜىٰنْكُ نَڧُواْنَ تُرَارٜىٰ، عَكُمَ كَوَرْدَ دُكَنْ عَيْكِنْ حَنُّوَنْكُ؞

⁷ ذَاعَكَكَّشٜىٰ وَطَنْسُ دَغَ ثِكِنْكُ، سَعَنً ذَاكُسَنِ ثٜىٰوَ نِنٜىٰ يَهْوٜىٰهْ؞

⁸ ‏«‏ ‏‹‏دُكْدَهَكَ، ذَنْبَرْ وَطَنْسُ سُضَغٜىٰ؞ وَطَنْسُنْكُ ذَاسُ ڟِيرَا دَغَ بَاكِنْ تَكُواْبِے عَثِكِنْ أَلْعُمَّنْ دَ كُكٜىٰ عَثِكِنْسُ، ذَاعَ كُمَ وَرْوَاڟَرْ دَسُو عَثِكِنْ سَوْرَنْ ڧَسَاشٜىٰ؞

⁹ وَطَنْدَ سُكَ ڟِيرَا ذَاسُ تُنَ دَنِے عَثِكِنْ أَلْعُمَّيْ عِنْدَ عَكَ كَيْسُ بَوْتَا؞ ذَاسُ كُمَ تُنَ يَدَّ رَيْنَ يَٻَثٜىٰ سَبُواْدَ ذُوثِيَارْسُ تَ رَشِنْ أَمِنْثِ وَدَّ تَسَا سُكَ جُويَا دَغَ غَرٜىٰنِ دَ يَدَّ عِدَنُونْسُ نَشَعَوَ سُكَسَاسُ سُبِے غُمَكَنْسُ؞ ذَاسُ كُوَجِ ڨَمَرْ كَنْسُ سَبُواْدَ دُكَنْ مُغُنْتَارْ دَسُكَ عَيْكَتَ دَ كُمَ دُكَنْ أَيُّكَنْ ڧَظَنْتَرْسُ؞

¹⁰ سَعَنً ذَاسُ سَنِ ثٜىٰوَ نِنٜىٰ يَهْوٜىٰهْ، سُغَانٜىٰ بَعَبَنْظَ نٜىٰ نَثٜىٰ ذَنْ كَٰوُاْ وَنَّنْ مَسِيڢَ عَكَنْسُبَ؞

¹¹ ‏«‏ ‏‹‏إِنْجِنِ عُبَنْ‌غِجِ يَهْوٜىٰهْ، بُغَ حَنُّوَنْكَ، كَبُغَ ڧَڢَرْكَ، كَيِ إِيهٌ بَڧِنْ ثِكِ كَثٜىٰ ‏«‏كَيْتُواْ، كَيْتُواْ!‏»‏ كَيِ حَكَ سَبُواْدَ دُكَنْ مُوغَيٜىٰنْ أَبُبُوَنْ بَنْ ڨَمَ نَجَمَعَرْ إِسْرَٰٓءِيلَ؞ ذَاسُ مُتُ تَوُرِنْ تَكُواْبِے دَ يُنْوَ دَ كُمَ بَلَعِ؞

¹² وَنْدَ يَكٜىٰ نٜىٰسَ، ذَيْ مُتُ دَ بَلَعِ، وَنْدَ يَكٜىٰ كُسَ تَوُرِنْ تَكُواْبِے، وَنْدَ يَڟِيرَا دَغَ يَاڧِ كُمَ يُنْوَ ذَاتَ كَشٜىٰشِ؞ تَهَكَ ذَنْسَا ڢُشِنَ عَكَنْسُ يَهُوثٜىٰ؞

¹³ ذَاكُسَنِ ثٜىٰوَ نِنٜىٰ يَهْوٜىٰهْ، سَعَدَّ غَوَوَّكِنْسُ سُنْ ݣُونْتَ تَرٜىٰدَ غُمَكَنْسُ كٜىٰوَيٜىٰ دَ بَغَدَنْسُ دَ كَنْ كُواْوَنٜىٰ تُدُ مَيْ ڟَيِ دَ سَمَنْ دُكَنْ مَنْيَنْ تُدَّيْ دَ عَڧَرْڧَشِنْ كُواْوَنٜىٰ إِتَاثٜىٰ مَيْ بَادَ إِنُوَ دَ عَڧَرْڧَشِنْ كُواْوَنٜىٰ إِتَاثٜىٰنْ ڟَاڢِ مَيْ غَنْيٜىٰ دَ كُمَ دُكْ عِنْدَ سُكَ مِيڧَ تُرَارٜىٰ مَيْ ڧَنْشِ غَ دُكَنْ غُمَكَنْسُ؞

¹⁴ ذَنْ مِيڧَ هَنُّونَ عَكَنْسُ، إِنْمَيْدَ ڧَسَرْ كُڢَيْ دَ أَبِنْ بَنْظَ؞ تُنْدَغَ هَمَادَ ذُوَا دِبْلَ، ذَاسُ كُوَ سَنِ ثٜىٰوَ نِنٜىٰ يَهْوٜىٰهْ؞›‏ »‏