هِظْڧِيَالْ 5 - أَتَّوْرَتْ دَ أَنَّبَاوَا

عَلَمَرْ حُكُنْثِ عَكَنْ عُرُوشَلِيمَ

¹ ‏«‏كَيْ كُمَ، يَا كَيْ طَنْ مُتُمْ، كَطَوْكِ تَكُواْبِے مَيْثِ، كَيِ أَمْڢَانِ دَشِ كَمَرْ رٜىٰظَ كَاأَسْكٜىٰ كَنْكَ دَ غٜىٰمُنْكَ؞ كَاعَوْنَ غَاشِنْ عَثِكِنْ أَبِنْ أَوُاْ، كَرَبَشِ كَشِ عُكُ؞

² سَعَدَّ ݣُونَكِنْ دَ عَكَ كٜىٰوَيٜىٰ بِرْنِنْ دَ يَاڧِ سُنْثِكَ، ذَاكَ طَوْكِ كَشِ طَيَ نَغَاشِنْ كَڧُواْنٜىٰ دَ وُتَا أَڟَكِيَرْ بِرْنِنْ؞ كَشِ طَيَ كَايَيَّنْكَ دُكَ دَ تَكُواْبِے كَوَرْوَاڟَرْ دَشِ كٜىٰوَيٜىٰ دَ بِرْنِنْ؞ كَشِ طَيَ كُمَ ذَاكَ وَاڟَرْ عَ إِسْكَ؞ نِے كُوَ ذَنْبِے كَشِنَّنْ دَ تَكُواْبِے؞

³ ذَاكَ طِبَ كَطَنْ دَغَ ثِكِنْ غَاشِنْ كَطَوْرَ عَبَاكِنْ رِغَرْكَ؞

⁴ دَغَ ثِكِنْ غَاشِنَّنْ كُمَ، ذَاكَسَاكٜىٰ طِبَ كَطَنْ كَجٜىٰڢَسُ عَثِكِنْ وُتَا؞ دَغَ نَنْ نٜىٰ وُتَا ذَاتَ تَاشِ عَكَنْ دُكَنْ غِدَنْ إِسْرَٰٓءِيلَ؞»‏

⁵ ‏«‏إِنْجِنِ عُبَنْ‌غِجِ يَهْوٜىٰهْ، وَنَّنْ عِتَثٜىٰ عُرُوشَلِيمَ؞ نَكَڢَتَ أَڟَكِيَرْ أَلْعُمَّيْ دَ ڧَسَاشٜىٰ كُمَ كٜىٰوَيٜىٰ دَ عِتَ؞

⁶ عَمَّا تَتَيَرْوَ عُمَرْنَيْنَ دَ ڧَٰعِدُواْدِنَ دَ مُوغُوَرْ تَاوَيٜىٰ ڢِيٜىٰدَ مُتَنٜىٰنْ أَلْعُمَّيْ دَ ڧَسَاشٜىٰنْ دَسُكٜىٰ كٜىٰوَيٜىٰ دَ عِتَ؞ تَا ڧِ عُمَرْنَيْنَ، بَتَبِے ڧَٰعِدُواْدِنَبَ؞

⁷ سَبُواْدَ حَكَ، إِنْجِنِ عُبَنْ‌غِجِ يَهْوٜىٰهْ، تُنْدَيَكٜىٰ كِنْ ڢِسُواْ هَيَانِيَ ڢِيٜىٰدَ سَوْرَنْ أَلْعُمَّنْ دَسُكٜىٰ كٜىٰوَيٜىٰ دَكٜىٰ، كِكَڧِ ڧَٰعِدُواْدِنَ، بَاكِ كِيَايٜىٰ عُمَرْنَيْنَبَ، عَمَّا كِنْبِے عُمَرْنَيْ نَڧَبِيلُنْ دَسُكٜىٰ كٜىٰوَيٜىٰ دَكٜىٰ،

⁸ تُواْ، إِنْجِنِ عُبَنْ‌غِجِ يَهْوٜىٰهْ، نِے دَكَيْنَ إِنَ غَابَادَكٜىٰ؞ غَاشِ ذَنْ حُكُنْتَكِ أَعِدُوانْ أَلْعُمَّيْ؞

⁹ سَبُواْدَ يَوَنْ أَبُبُوَنْ بَنْ ڨَمَ وَطَنْدَ كِكَ عَيْكَتَ، ذَنْيِ مِكِ أَبِنْدَ بَنْتَٻَيِبَ، أَبِنْدَ كُمَ بَذَنْ سَاكٜىٰيِنْ إِرِنْسَبَ؞

¹⁰ إِنَ تَبَّتَرْ مِكِ، إِيَايٜىٰ ذَاسُثِ نَامَنْ یَیَنْسُ، یَیَ كُمَ ذَاسُثِ نَامَنْ إِيَايٜىٰنْسُ؞ ذَنْ حُكُنْتَكِ؞ وَطَنْدَ سُكَ ڟِيرَا ذَنْ وَاڟَرْ دَسُو كُواْعِنَ؞

¹¹ ‏«‏دُواْمِنْ وَنَّنْ، إِنْجِنِ عُبَنْ‌غِجِ يَهْوٜىٰهْ نَا ضَنْڟٜىٰ دَ رَيْنَ، حَڧِيڧَ تُنْدَ كِكَ ڧَظَنْتَرْدَ وُرِنْ ذَمَنَ مَيْ ڟَرْكِے تَوُرِنْ أَبُبُوَنْكِ نَڧَظَنْتَا، تَرٜىٰدَ أَبُبُوَ مَاسُ بَنْ ڨَمَرْ نَنْ، ذَنْ كَوَرْ دَكٜىٰ؞ بَذَنْ بَرْ كِبَ، بَكُوَ ذَنْجِے تَوْسَيِنْكِبَ كُواْ كَطَنْ؞

¹² كَشِ عُكُ نَيَوَنْكُ ذَاسُ مُتُ دَ بَلَعِ دَ يُنْوَ؞ كَشِ عُكُ كُمَ ذَاسُ مُتُ دَ تَكُواْبِے عَثِكِنْ بِرْنِ، سَعَنً كَشِ عُكُ كُمَ ذَاعَ وَاڟَرْ كُواْعِنَ، إِنْ ذَارٜىٰ تَكُواْبِے إِنْبِيسُ دَشِ؞

¹³ ‏«‏تَهَكَ ذَنْسَا ڢُشِنَ يَهُوثٜىٰ، ذَاڢِنْ ڢُشِنَ كُمَ ذَيْ سَوْكَ عَكَنْسُ، نِے كُمَ إِنْجِ سَوْكِ أَ رَيْنَ؞ سَعَدَّ ڢُشِنَ عَكَنْسُ يَڧَارٜىٰ، ذَاسُسَنِ ثٜىٰوَ نَيِ مَغَنَ سَبُواْدَ إِنَ بُڧَاتَرْ ثِكَكِّيَرْ ڧَوْنَ؞

¹⁴ بَنْدَ حَكَمَا، ذَنْ مَيْشٜىٰكِ كُڢَيْ دَ أَبِنْ رٜىٰنِ غَ أَلْعُمَّنْ دَسُكٜىٰ كٜىٰوَيٜىٰ دَكٜىٰ دَ كُمَ أَعِدُوانْ دُكَنْ وَطَنْدَ سُكٜىٰ وُثٜىٰوَ؞

¹⁵ ذَاكِ ذَمَ أَبِنْ رٜىٰنِ دَ أَبِنْ دَارِيَا دَ أَبِنْ كُواْيِ دَ أَبِنْ ڟُواْرُواْ غَ أَلْعُمَّنْ دَسُكٜىٰ كٜىٰوَيٜىٰ دَكٜىٰ سَعَدَّ نَيِ مِكِ حُكُنْثِ عَثِكِنْ ذَاڢِنْ ڢُشِے دَ ڟَاوَتَرْوَ مَيْ ذَاڢِ؞ نِے يَهْوٜىٰهْ نَا ڢَطَا؞

¹⁶ ‏«‏سَعَدَّ نَعَيْكَ دَ كِبِيُواْيِنَّنْ مَاسُ كَٰوُاْ مُتُوَ، كِبِيُواْيِ نَيُنْوَ نَهَلَّكَرْوَ، سَعَدَّ نَ عَيْكٜىٰسُ دُواْمِنْ سُهَلَكَاكِ، ذَنْڧَارَ مِكِ يُنْوَ مَيْ ڟَنَنِ، إِنْكُمَ يَنْكٜىٰ حَنْيَرْ سَامُنْ عَبِنْثِنْكِ؞

¹⁷ ذَنْ عَيْكَ دَ يُنْوَ دَ نَمُواْمِنْ دَاجِ مَاسُ ٻَرْنَ عَكَنْكِ، ذَاسُ كَكَّشٜىٰ یَیَنْكِ؞ بَلَعِ دَ ظُبْدَ جِنِ ذَاسُبِے تَثِكِنْ بِرْنِنْ، ذَنْ كُمَ كَٰوُاْ تَكُواْبِے عَكَنْكِ؞ نِے يَهْوٜىٰهْ نَا ڢَطَا؞»‏