هِظْڧِيَالْ 42 - أَتَّوْرَتْ دَ أَنَّبَاوَا

غِنِ بِيُ كُسَ دَ هَيْكَلِنْ

¹ سَعَنً مُتُمِنْ يَڢِتَرْ دَنِے وَجٜىٰ تَڧُواْڢَرْ ثِكِ تَأَرٜىٰوَ؞ مُنْ جُويَا هَغُ سَيْ مُكَغَ وَطَنْسُ طَكُنَ أَ جٜىٰرٜىٰ لَيِ بِيُ؞ لَيِ طَيَ، أَنْ‌غِنَ شِ أَجِكِنْ كَتَنْ‌غَرْ ڢِيلِ نَثِكِ، لَيِ نَبِيُ كُمَ، أَنْ‌غِنَ شِ يَدَّ بَايَنْسَ يَنَ أَجِكِنْ كَتَنْ‌غَرْ دَتَكٜىٰ غٜىٰڢٜىٰنْ أَرٜىٰوَ؞

² ڟَوُانْ غِنِ مَيْ طَكُنَنَّنْ، كَمُ طَرِے طَيَ نٜىٰ، ڢَاطِنْسَ كُمَ كَمُ حَمْسِنْ نٜىٰ؞ بَبَّرْ ڧُواْڢَرْسَ تَنَ ڢُسْكَنْتَرْ أَرٜىٰوَ؞

³ جٜىٰرٜىٰنْ غِنِ طَيَ نَطَكُنَ يَنَ ڢُسْكَنْتَرْ كَتَنْ‌غَرْ هَيْكَلِ تَڢِيلِنْ دَيَكٜىٰ ثِكِ؞ طَيَنْ جٜىٰرٜىٰنْ غِنِ نَطَكُنَ كُمَ يَنَ ڢُسْكَنْتَرْ ڢِيلِ نَوَجٜىٰ؞ جٜىٰرٜىٰنْ غِنِنَّنْ كُواْوَنّٜىٰنْسُ هَوَ عُكُنٜىٰ سُنَ بَا وَ جُونَ بَايَ؞ ڢِيلِنْ دَيَكٜىٰ ڟَكَانِنْ غِنِ طَيَ دَ هَيْكَلِ، كَمُ عَشِرِنْ نٜىٰ؞

⁴ أَغَبَنْ طَكُنَنَّنْ أَݣَويْ حَنْيَرْ دَ عَكٜىٰبِے، ڢَاطِنْتَ كَمُ غُواْمَ نٜىٰ، ڟَوُانْتَ كُمَ كَمُ طَرِے طَيَ نٜىٰ؞ ڧُواْڢُواْڢِنْ طَكُنَنْ سُنَ أَغٜىٰڢٜىٰنْ أَرٜىٰوَ؞

⁵ عَكُواْوَثٜىٰ هَوَ تَغِنِنْ، ڢَاطِنْ طَكُنَنْ بَيْ كَيْ نَطَكُنَنْ ڧَسَابَ، غَمَا هَنْيُواْيِنْ دَ ذَاعَ بِے أَ هَوَ تَسَمَ سُنْثِنْيٜىٰ ڢِيلِ؞

⁶ طَكُنَنْ أَ هَوَ تَ عُكُ كُوَ سُنْ ڟَيَ عَكَنْ هَوَ تَبِيُ دَ تَطَيَ؞ سَبُواْدَ حَكَ وَطَنَّنْ طَكُنَ بَاسُ دَ غِنْشِڧَيْ كَمَرْ سَوْرَنْ غِنٜىٰ غِنٜىٰ أَ ڢِيلِ نَثِكِيبَ؞

⁷ أَݣَويْ كَتَنْ‌غَ أَوَجٜىٰ وَدَّ تَرَبَ طَكُنَنْ دَغَ ڢِيلِ نَوَجٜىٰ؞ ڟَوُانْ كَتَنْ‌غَرْ، كَمُ حَمْسِنّٜىٰ؞

⁸ جٜىٰرٜىٰنْ طَكُنَنْ أَطَيَنْ غٜىٰڢٜىٰ كُسَدَ ڢِيلِ نَوَجٜىٰ كُوَ، ڟَوُانْسَ كَمُ حَمْسِنْ نٜىٰ؞ جٜىٰرٜىٰنْ طَكُنَنْ دَيَكٜىٰ مَڢِے كُسَدَ هَيْكَلِ، ڟَوُانْسَ كَمُ طَرِے طَيَنٜىٰ؞

⁹ عَڧَسَا دَ وَطَنَّنْ طَكُنَ، أَݣَويْ حَنْيَرْ دَتَبِے دَغَ غَبَسْ دُواْمِنْ أَ شِغَ طَكُنَنْ دَغَ ڢِيلِ نَوَجٜىٰ؞

¹⁰ أَغٜىٰڢٜىٰنْ كُدُ نَهَيْكَلِ كُمَ أَݣَويْ جٜىٰرٜىٰنْ غِنِنْ طَكُنَ لَيِ بِيُ أَغٜىٰڢٜىٰنْ كُدُ دَ ڢِيلِ نَثِكِ، ڟَكَانِنْ هَيْكَلِ دَ ڢِيلِ نَوَجٜىٰ؞ وَطَنَّنْ طَكُنَ كُمَ، أَنْجٜىٰرَسُ كَمَرْ طَكُنَنَّنْ دَسُكٜىٰ أَغٜىٰڢٜىٰنْ أَرٜىٰوَ؞

¹¹ أَوُرِنْ كُمَ أَݣَويْ حَنْيَرْ دَ عَكٜىٰبِے أَغَبَنْسُ؞ أَنْ غِنَا طَكُنَنَّنْ كَمَرْ طَكُنَنْ دَسُكٜىٰ أَغٜىٰڢٜىٰنْ أَرٜىٰوَ؞ ڟَوُانْسُ دَ ڢَاطِنْسُ، أَبُ طَيَ نٜىٰ؞

¹² أَݣَويْ كَتَنْ‌غَ أَغٜىٰڢٜىٰنْ غَبَسْ نَجٜىٰرٜىٰنْ غِنِنْ طَكُنَنَّنْ، أَݣَويْ كُمَ ڧُواْڢَ عَثِكِنْ كَتَنْ‌غَرْ دُواْمِنْ مُتَنٜىٰ سُشِغَ ثِكِنْ طَكُنَنْ؞

¹³ سَعَنً مُتُمِنْ يَثٜىٰ مِنِ ‏«‏طَكُنَنْ دَسُكٜىٰ وَجٜىٰنْ أَرٜىٰوَ دَ وَطَنْدَ سُكٜىٰ عَكُدُ سُنَ كُمَ ڢُسْكَنْتَرْ ڢِيلِ نَهَيْكَلِ، أَنْكٜىٰٻٜىٰسُ دُواْمِنْ ڢِرِسْتُواْثِے؞ أَ نَنْ ڢِرِسْتُواْثِنْ دَ ذَاسُيِ كُسَدَ يَهْوٜىٰهْ، ذَاسُثِ هَدَايُ مَڢِے ڟَرْكِے وَطَنْدَ عَكَ مِيڧَ؞ أَوُرِنْ ذَاسُ أَجِيٜىٰ كَايَنْ هَدَايُ مَڢِے ڟَرْكِے، وَتُواْ هَدَايَ تَهَڟِ دَ تَوَنْكٜىٰ ذُنُوبِ دَ تَشَاڢٜىٰ لَيْڢِے، غَمَا وُرِنَّنْ مَيْ ڟَرْكِے نٜىٰ؞

¹⁴ سَعَدَّ ڢِرِسْتُواْثِے سُكَ شِغَ وُرِے مَيْ ڟَرْكِے، بَذَاسُ ڢِتَ دَغَ ثِكِنْسَ ذُوَا ڢِيلِنْ دَيَكٜىٰ أَوَجٜىٰ بَ، سَيْ سُنْ تُوٻٜىٰ رِيغُنَنْ حِدِمَرْسُ، غَمَا وَطَنَّنْ رِيغُنَ مَاسُ ڟَرْكِے نٜىٰ؞ ذَاسُ سَا وَطَنْسُ رِيغُنَ كَاڢِنْ سُڢِتَ عِنْدَ سَوْرَنْ مُتَنٜىٰ سُكٜىٰ؞»‏

¹⁵ سَعَدَّ يَغَمَ عَوْنَ غِنٜىٰ غِنٜىٰنْ دَسُكٜىٰ أَ ڢِيلِ نَثِكِ نَهَيْكَلِنْ، سَيْ يَڢِتَرْ دَنِے تَڧُواْڢَرْ غَبَسْ؞ سَيْ يَ عَوْنَ دُكَنْ ڢِيلِنْ دَيَكٜىٰ كٜىٰوَيٜىٰ دَ هَيْكَلِنْ؞

¹⁶ سَيْ يَ عَوْنَ غٜىٰڢٜىٰنْ غَبَسْ دَ سَنْدَنْ أَوُاْ، كَمُ طَرِے بِيَرْ نٜىٰ بِسَغَ أَوُانْ دَ يَيِ؞

¹⁷ يَجُويَ يَكُمَ عَوْنَ غٜىٰڢٜىٰنْ أَرٜىٰوَ دَ سَنْدَنْ أَوُاْ، كَمُ طَرِے بِيَرْ نٜىٰ بِسَغَ أَوُانْ دَ يَيِ؞

¹⁸ يَجُويَ يَكُمَ عَوْنَ غٜىٰڢٜىٰنْ كُدُ دَ سَنْدَنْ أَوُاْ، كَمُ طَرِے بِيَرْ نٜىٰ بِسَغَ أَوُانْ دَ يَيِ؞

¹⁹ يَجُويَ يَكُمَ عَوْنَ غٜىٰڢٜىٰنْ يَمَّ دَ سَنْدَنْ أَوُاْ، كَمُ طَرِے بِيَرْ نٜىٰ بِسَغَ أَوُانْ دَ يَيِ؞

²⁰ تَهَكَ يَ عَوْنَ وُرِنْ عَكُواْوَنٜىٰ غٜىٰڢٜىٰ حُطُ؞ ڢِيلِنَّنْ يَنَدَ كَتَنْ‌غَ عَكٜىٰوَيٜىٰ، ڟَوُانْتَ كَمُ طَرِے بِيَرْ نٜىٰ، ڢَاطِنْتَ كُمَ كَمُ طَرِے بِيَرْ نٜىٰ، دُواْمِنْ أَ رَبَ أَبِنْدَ عَكَ كٜىٰٻٜىٰ دَ ڟَرْكِے دَ أَبِنْ بَعَكٜىٰٻٜىٰبَ؞