هِظْڧِيَالْ 4 - أَتَّوْرَتْ دَ أَنَّبَاوَا

ݣُوتَنْثِ يَدَّ ذَاعَكٜىٰوَيٜىٰ عُرُوشَلِيمَ دَ يَاڧِ

¹ ‏«‏يَا كَيْ طَنْ مُتُمْ، سَيْ كَطَوْكِ أَلُّوانْ رُبُوتُو نَلَاكَ، كَأَجِيٜىٰ أَغَبَنْكَ؞ كَظَانَ بِرْنِنْ عُرُوشَلِيمَ عَكَنْسَ؞

² أَ نُونَ يَدَّ ذَاعَ كٜىٰوَيٜىٰ بِرْنِنْ دَ يَاڧِ؞ عَتَادَ أَبُبُوَنْ هَوْرَ كَتَنْ‌غَ دُواْمِنْ يَاڧِ، عَكُمَ تَارَ ڧَسَا دُواْمِنْ أَ هَوْ تَكَتَنْ‌غَرْ بِرْنِنْ، عَكُمَ كٜىٰوَيٜىٰ بِرْنِنْ دَ سَنْسَنِنْ يَاڧِ، عَكُمَ شِرْيَ غُنْ‌غُمٜىٰنْ رُشٜىٰ بَنْ‌غُواْ كٜىٰوَيٜىٰ دَ عِتَ؞

³ سَيْ كَطَوْكِ ڢَلّٜىٰنْ ڧَرْڢٜىٰ، كَشِرْيَ شِ يَذَمَ كَمَرْ كَتَنْ‌غَرْ ڧَرْڢٜىٰ ڟَكَانِنْكَ دَ بِرْنِنْ، سَعَنً كَڢُسْكَنْثٜىٰشِ؞ تَهَكَ ذَيْ ذَمَ كَمَرْ بِرْنِنْ دَ عَكَ كٜىٰوَيٜىٰ دَ يَاڧِ، كَيْ كُمَ كَذَمَ وَنْدَ يَكٜىٰوَيٜىٰتَ دَ يَاڧِ؞ وَنَّنْ ذَيْ ذَمَ عَلَمَ غَ غِدَنْ إِسْرَٰٓءِيلَ؞

⁴ ‏«‏سَيْ كَݣُونْتَ أَغٜىٰڢٜىٰنْ هَغُنْكَ، أَطُواْرَ لَيْڢِنْ غِدَنْ إِسْرَٰٓءِيلَ عَكَنْكَ؞ ذَاكَ طَوْكِ نَوْيِنْ لَيْڢِنْسُ نَيَوَنْ ݣُونَكِنْ دَ ذَاكَ ݣُونْتَ أَغٜىٰڢٜىٰنْ هَغُنْكَ؞

⁵ نِنٜىٰ نَا طُواْرَ مَكَ يَوَنْ ݣُونَكِے بِسَغَ شٜىٰكَرُنْ لَيْڢِنْسُ؞ سَبُواْدَ حَكَ ذَاكَ طَوْكِ ݣُونَ طَرِے عُكُ دَ ثَسَعِنْ كَنَ طَوْكٜىٰ دَ نَوْيِنْ لَيْڢِنْ غِدَنْ إِسْرَٰٓءِيلَ؞

⁶ سَعَدَّ كَثِكَ وَطَنَّنْ ݣُونَكِے، سَيْ كَسَاكٜىٰ ݣُونْتَاوَ، ݣُونْثِيَ تَبِيُ؞ ذَاعَڧَارَ ݣُونَكِے أَرْبَعِنْ كَنَ ݣُونْثٜىٰ أَغٜىٰڢٜىٰنْ دَامَنْكَ، دُواْمِنْ كَطَوْكِ نَوْيِنْ لَيْڢِنْ غِدَنْ يَهُودَ؞ نَطُواْرَ مَكَ رَانَ طَيَ عَبَاكِنْ شٜىٰكَرَا طَيَ؞

⁷ ذَاكَ ڢُسْكَنْثِ عُرُوشَلِيمَ وَدَّ عَكَ كٜىٰوَيٜىٰتَ دَ يَاڧِ؞ دَ حَنُّنْكَ أَشِرْيٜىٰ دُواْمِنْ يَاڧِ، ذَاكَيِ أَنَّبْثِ غَابَادَ بِرْنِنْ؞

⁸ غَاشِ، ذَنْ طَوْرٜىٰكَ دَ إِغِيُواْيِ دُواْمِنْ كَدَ كَجُويَ دَغَ غٜىٰڢٜىٰ طَيَ ذُوَا طَيَ، حَرْ سَيْ كَغَمَ مِصَالِنْ ݣُونَكِنْ دَ ذَاعَ كٜىٰوَيٜىٰ عُرُوشَلِيمَ دَ يَاڧِ؞

⁹ ‏«‏كَكُمَ طَوْكِ أَلْكَمَ دَ حَڟِنْ بَلٜىٰ دَ وَكٜىٰ دَ وَكٜىٰنْ بَرٜىٰوَ دَ غٜىٰرُواْ دَ كُمَ أَلْكَمَرْ دَاجِ، كَهَطَسُ عَثِكِنْ تُكُنْيَ طَيَ كَيِ غُرَاسَ دَسُو؞ شِينٜىٰ ذَاكَيِتَثِ عَݣُونَكِنْنَنْ طَرِے دَ ثَسَعِنْ دَ ذَاكَيِ عَݣُونْثٜىٰ؞

¹⁰ ذَاعَ عَوْنَ عَبِنْثِنْ دَ ذَاكَثِ، نَوْيِنْ عَبِنْثِنْ كُواْوَثٜىٰ رَانَ ذَيْ كَيْ وَجٜىٰنْ غِرَمْ طَرِے بِيُ؞ ذَاكَثِ أَدَيْدَيْ لُواْكَثِنْ دَ عَكَ شِرْيَ نَثِنْ عَبِنْثِ؞

¹¹ ذَاعَكُمَ عَوْنَ ضُوً دَ ذَاكَ شَا، وَجٜىٰنْ رَبِنْ لِتَ كُواْوَنٜىٰ يِنِ؞ ذَاكَشَا ضُوً أَدَيْدَيْ لُواْكَثِنْ دَ عَكَ شِرْيَ؞

¹² ذَاكَ شِرْيَ غُرَاسَرْنَنْ كَمَرْ يَدَّ عَكٜىٰ شِرْيَ غُرَاسَرْ حَڟِنْ بَلٜىٰ كَثِ؞ أَ عِدُوانْ جَمَعَ، ذَاكَ تُواْيَ غُرَاسَرْ دَ وُتَرْ دَ عَكَ هُورَ دَ بُوسَشّٜىٰنْ كَاشِنْ مُتُمْ؞»‏

¹³ سَيْ يَهْوٜىٰهْ يَثٜىٰ ‏«‏تُواْ، حَكَ جَمَعَرْ إِسْرَٰٓءِيلَ ذَاسُثِ عَبِنْثِنْسُ ثِكِنْ ڧَظَنْتَا عَثِكِنْ أَلْعُمَّنْ دَ نَكٜىٰ كَيْسُ؞»‏

¹⁴ سَيْ نَثٜىٰ ‏«‏حَبَ!‏ يَا عُبَنْ‌غِجِ يَهْوٜىٰهْ، بَنْ تَٻَ ڧَظَنْتَرْ دَكَيْنَبَ؞ تُنْدَغَ ڧُرُثِيَتَ حَرْ ذُوَا يَنْذُ، بَنْ تَٻَ ثِنْ مُوشٜىٰ بَ، كُواْ أَبِنْدَ نَمُواْمِنْ دَاجِ سُكَ كَشٜىٰبَ؞ نَامَنْدَ يَضُٻَ مَا بَيْتَٻَ شِغُواْ بَاكِنَبَ؞»‏

¹⁵ سَعَنً يَثٜىٰ مِنِ ‏«‏غَاشِ!‏ ذَنْبَرْكَ كَيِ أَمْڢَانِ دَ بُوسَشّٜىٰنْ كَاشِنْ شَانُو أَمَيْمَكُوانْ بُوسَشّٜىٰنْ كَاشِنْ مُتُمْ، دُواْمِنْ كَتُواْيَ غُرَاسَرْكَ؞»‏

¹⁶ سَيْ يَثٜىٰ مِنِ ‏«‏يَا كَيْ طَنْ مُتُمْ، غَاشِ، ذَنْ يَنْكٜىٰ حَنْيَرْ سَامُنْ عَبِنْثِ دَغَ ثِكِنْ عُرُوشَلِيمَ؞ عَبِنْثِ ذَيْ كَاسَ مُسُ حَرْ مَا سَيْ أَنْعَوْنَ مُسُ سُثِ دَ ڟُواْرُواْ، سُكُمَ عَوْنَ ضُوَ، سُشَا دَ ڢِرْغِتَ؞

¹⁷ سَبُواْدَ رَشِنْ عَبِنْثِ دَ ضُوَ، ذَاسُ دُوبِے جُونَ ثِكِنْ ڢِدَّ ذُوثِيَا، سُيِ تَمُتُوَ أَ حَنْكَلِ سَبُواْدَ لَيْڢِنْسُ؞»‏