هِظْڧِيَالْ 35 - أَتَّوْرَتْ دَ أَنَّبَاوَا

حُكُنْثِنْ اللَّهْ عَكَنْ عٜىٰدُوامْ

¹ يَهْوٜىٰهْ يَايِ مَغَنَ دَنِے ثٜىٰوَ

² ‏«‏يَا كَيْ طَنْ مُتُمْ، سَيْ كَڢُسْكَنْثِ تُدُنْ سٜىٰيِرْ، كَيِ أَنَّبْثِ غَابَادَشِ،

³ كَثٜىٰ مَسَ، ‏«‏ ‏‹‏إِنْجِنِ عُبَنْ‌غِجِ يَهْوٜىٰهْ، غَاشِ، إِنَ غَابَادَكَيْ، تُدُنْ سٜىٰيِرْ، ذَنْ مِيڧَ هَنُّونَ إِنْيِ غَابَادَكَيْ، ذَنْ مَيْدَكَيْ كُڢَيْ، بُوسَشِّيَرْ ڧَسَا مَرَرْ أَمْڢَانِ؞

⁴ ذَنْ هَلَّكَرْ دَ غَرُرُوَنْكَ إِنْ مَيْدَ ڧَسَرْكَ مَرَرْ أَمْڢَانِ؞ سَعَنً ذَاكَ سَنِ ثٜىٰوَ نِنٜىٰ يَهْوٜىٰهْ؞

⁵ ‏«‏ ‏‹‏دَيَكٜىٰ كَرِڧٜىٰ ڧِيَيَّ أَ ذُوثِيَارْكَ عَكَنْ جَمَعَرْ إِسْرَٰٓءِيلَ تُنْدَا، كَكُمَ بَادَسُو دُواْمِنْ عَكَشٜىٰسُ دَ تَكُواْبِے أَ لُواْكَثِنْ مَسِيڢَرْسُ، أَ لُواْكَثِنْ دَ حُكُنْثِنْسُ يَثِكَ،

⁶ سَبُواْدَ حَكَ، حَڧِيڧَ نِے عُبَنْ‌غِجِ يَهْوٜىٰهْ نَا ضَنْڟٜىٰ دَ رَيْنَ ثٜىٰوَ ذَنْسَا أَ ظُبْدَ جِنِنْكَ، جِنِ كُوَ ذَيْ يِتَبِنْكَ؞ تُنْدَ بَكَڧِ ظُبْدَ جِنِ بَ، جِنِ كُوَ ذَيْ يِتَبِنْكَ؞

⁷ ذَنْ مَيْدَ تُدُنْ سٜىٰيِرْ كُڢَيْ، بُوسَشِّيَرْ ڧَسَا مَرَرْ أَمْڢَانِ؞ ذَنْ كُمَ كَوَرْدَ دُكْ مَيْشِغَ دَ ڢِتَ عَثِكِنْكَ؞

⁸ ذَنْ ثِكَ تُدَّنْكَ دَ غَوَوَّكِ؞ وَطَنْدَ ذَاعَ كَشٜىٰ ذَاسُ ڢَطِ عَكَنْ تُدَّنْكَ دَ ݣُورُرُوَنْكَ دَ ثِكِنْ دُكَنْ مَٻُٻُّغَرْ ضُوَنْكَ؞

⁹ ذَنْ مَيْدَكَيْ كُڢَيْ نَدِنْدِنْدِنْ، بَا وَنْدَ ذَيْ ڧَارَ ذَمَ عَثِكِنْ غَرُرُوَنْكَ؞ سَعَنً ذَاكَ سَنِ ثٜىٰوَ نِنٜىٰ يَهْوٜىٰهْ؞

¹⁰ ‏«‏ ‏‹‏دَيَكٜىٰ كَثٜىٰ ‏«‏وَطَنَّنْ أَلْعُمَّ بِيُ، ڧَسَرْ إِسْرَٰٓءِيلَ دَ تَ يَهُودَ ذَاسُ ذَمَ نَوَ، ذَنْ مَلَّكٜىٰسُ،»‏ كَكُمَ ثٜىٰ حَكَ كُواْدَيَكٜىٰ نِے يَهْوٜىٰهْ إِنَانَنْ عَثِكِنْسُ،

¹¹ سَبُواْدَ حَكَ، حَڧِيڧَ نِے عُبَنْ‌غِجِ يَهْوٜىٰهْ نَا ضَنْڟٜىٰ دَ رَيْنَ ثٜىٰوَ ذَنْ سَاكَ مَكَ بِسَغَ ڢُشِے دَ كِيشِ دَ ڧِيَيَّرْدَ كَنُونَ مُسُ؞ نِے كُوَ ذَنْ سَنَرْ دَكَيْنَ أَغَرٜىٰسُ، سَعَدَّ نَحُكُنْتَكَ؞

¹² ذَاكَ سَنِ ثٜىٰوَ نِے يَهْوٜىٰهْ، نَجِ دُكَنْ مَغَنْ‌غَنُنْ ذَاغِنْدَ كَيِ وَ تُدَّنْ إِسْرَٰٓءِيلَ، لُواْكَثِنْدَ كَثٜىٰ ‏«‏أَيْ، أَنْمَيْدَسُو كُڢَيْ، بُوسَشِّيَرْ ڧَسَا مَرَرْ أَمْڢَانِ، أَنْبَامُسُ مُثِنْيٜىٰ!‏»‏

¹³ تَهَكَ كَا طَوْكَكَ كَنْكَ كَنَ غَابَادَنِے دَ مَغَنَرْ بَاكِنْكَ، كَيِ تَيِنْ مَغَنْ‌غَنُ دَيَوَ عَكَيْنَ، نِے كُوَ نَجِ؞

¹⁴ تُواْ، إِنْجِنِ عُبَنْ‌غِجِ يَهْوٜىٰهْ، سَعَدَّ ذَنْ مَيْدَكَيْ كُڢَيْ، بُوسَشِّيَرْ ڧَسَا مَرَرْ أَمْڢَانِ، دُكَنْ دُونِيَا ذَاتَيِ ڢَضٍ ثِكِ؞

¹⁵ كَمَرْ يَدَّ كَيِ ڢَضٍ ثِكِ عَكَنْ غَادُواْنَ غِدَنْ إِسْرَٰٓءِيلَ سَعَدَّ تَذَمَ كُڢَيْ، بُوسَشِّيَ ڧَسَا مَرَرْ أَمْڢَانِ، حَكَ ذَنْيِ دَكَيْ؞ حَكَ مَا كَيْ تُدُنْ سٜىٰيِرْ، دُكَنْ عٜىٰدُوامْ، ذَاكَ ذَمَ كُڢَيْ، بُوسَشِّيَرْ ڧَسَا مَرَرْ أَمْڢَانِ؞ سَعَنً مُتَنٜىٰ ذَاسُ سَنِ ثٜىٰوَ نِنٜىٰ يَهْوٜىٰهْ؞›‏ »‏