هِظْڧِيَالْ 3 - أَتَّوْرَتْ دَ أَنَّبَاوَا

¹ سَيْ يَيِ مِنِ مَغَنَ ثٜىٰوَ ‏«‏يَا كَيْ طَنْ مُتُمْ، ثِ أَبِنْدَ عَكَبَاكَ؞ ثِ وَنَّنْ نَطَطّٜىٰنْ لِتَّڢِ، كَتَڢِے، كَيِ مَغَنَ دَ غِدَنْ إِسْرَٰٓءِيلَ؞»‏

² نَاكُوَ بُوطٜىٰ بَاكِنَ، سَيْ يَبَانِ نَطَطّٜىٰنْ لِتَّڢِنْ إِنْثِ؞

³ سَيْ يَثٜىٰ مِنِ ‏«‏يَا كَيْ طَنْ مُتُمْ، ثِ نَطَطّٜىٰنْ لِتَّڢِنَّنْ وَنْدَ نَبَاكَ، كَثِكَ ثِكِنْكَ دَشِ؞»‏ سَيْ نَثِ لِتَّڢِنْ، عَبَاكِنَ كُوَ يَنَدَ ذَاڧِ كَمَرْ ظُمَ؞

⁴ يَكُمَ ثٜىٰمِنِ ‏«‏يَا كَيْ طَنْ مُتُمْ، تَڢِے وُرِنْ غِدَنْ إِسْرَٰٓءِيلَ كَڢَطَا مُسُ مَغَنَاتَ؞

⁵ غَمَا بَعَ عَيْكٜىٰكَ أَوُرِنْ وَتَ ڧَبِيلَ مَاسُ مَغَنَ دَ هَرْشٜىٰنْ دَ بَكَ غَانٜىٰبَ، كُواْ مَاسُ نَوْيِنْ هَرْشٜىٰنْ مَغَنَ وَنْدَ بَكَ ڢَهِمْتَ بَ، عَمَّا ذُوَاغَ غِدَنْ إِسْرَٰٓءِيلَ نٜىٰ؞

⁶ عِ، بَعَ عَيْكٜىٰكَ وُرِنْ أَلْعُمَّنْ دَيَوَ مَاسُ مَغَنَ دَ هَرْشٜىٰنْ دَ بَكَ غَانٜىٰبَ، كُواْ مَاسُ نَوْيِنْ هَرْشٜىٰنْ مَغَنَ وَنْدَ بَكَ ڢَهِمْتَبَ؞ حَڧِيڧَ دَاعَثٜىٰ نَا عَيْكٜىٰكَ وُرِنْ إِرِنْ مُتَنٜىٰنَّنْ دَ ذَاسُجِيكَ؞

⁷ عَمَّا غِدَنْ إِسْرَٰٓءِيلَ بَاسُدَ نِيَّ سُجِيكَ، غَمَا بَاسُدَ نِيَّ سُجِنِ، سَبُواْدَ دُكَنْ غِدَنْ إِسْرَٰٓءِيلَ جَمَعَ ثٜىٰ مَيْ تَوْرِنْ كَيْ، مَيْ تَوْرِنْ ذُوثِيَا كُمَ؞

⁸ غَاشِ، نَا مَيْدَ كَنْكَ مَيْ تَوْرِ كَمَرْ نَاسُ، ذُوثِيَارْكَ كُمَ مَيْ تَوْرِ كَمَرْ تَاسُ؞

⁹ نَا مَيْدَ كَنْكَ كَمَرْ بَڧِنْ دُوڟٜىٰ مَيْ ڧَرْڢِے، حَرْ مَا دَ تَوْرِ ڢِيٜىٰدَ وَنَّنْ؞ كَدَ كَجِڟُواْرُوانْسُ كُواْ كَڢِرْغِتَ سَبُواْدَ إِرِنْ كَلُّوانْ دَ ذَاسُيِ مَكَ، غَمَا سُو یَنْ تَاوَيٜىٰنٜىٰ؞»‏

¹⁰ يَكُمَ ثٜىٰ مِنِ ‏«‏يَا كَيْ طَنْ مُتُمْ، دُكَنْ مَغَنَاتَ وَدَّ نَكٜىٰ ڢَطَا مَكَ، كَكَسَ كُنّٜىٰ كَكُمَ كَرْٻَ أَ ذُوثِيَارْكَ؞

¹¹ سَعَنً، تَڢِے وُرِنْ جَمَعَرْكَ، مُتَنٜىٰنْ دَسُكٜىٰ ثِكِنْ بَوْتَا، كَثٜىٰ مُسُ، ‏‹‏غَا أَبِنْدَ عُبَنْ‌غِجِ يَهْوٜىٰهْ يَڢَطَا،›‏ كُواْ سُجِ كُواْ سُڧِ؞»‏

¹² سَعَنً رُوحُ يَطَغَنِ، كُمَ يَايِنْ دَ ڧُنْشِنْ حَصْكٜىٰنْ طَوْكَكَرْ يَهْوٜىٰهْ يَتَاشِ دَغَ وُرِنْسَ، سَيْ نَجِ ڧَارَ عَبَايَنَ، ڧَارَ مَيْ رُورِ إِرِ تَرَوَرْ ڧَسَا،

¹³ وَتُواْ ڧَارَرْ ڢِكَڢِكَنْ حَلِتُّنَّنْ سَعَدَّ سُكٜىٰ غُواْغٜىٰ جُونَ دَ كُمَ ڧَارَرْ ڧَڢَاڢُنْ إِرِ تَكٜىٰكٜىٰ وَطَنْدَ سُكٜىٰ أَغٜىٰڢٜىٰ دَ غٜىٰڢٜىٰنْ حَلِتُّنْ، ڧَارَ مَيْ رُورِ إِرِ تَرَوَرْ ڧَسَا؞

¹⁴ سَيْ رُوحٌ يَطَغَنِ يَكُمَ تَڢِے دَنِے؞ نَكُوَ تَڢِے دَ ٻَثِنْ رَيْ إِنَ كُمَ جِنْ ذَاڢِ أَ رُوحُنَ، يَايِنْ دَ إِيكُوانْ حَنُّنْ يَهْوٜىٰهْ يَنَ عَكَيْنَ دَ ڧَرْڢِے؞

¹⁵ نَذُواْ وُرِنْ جَمَعَرْ وَطَنْدَ سُكٜىٰ ثِكِنْ بَوْتَا، وَطَنْدَ سُكٜىٰ دَ ذَمَ عَبَاكِنْ كُواْغِنْ كٜىٰبَرْ أَ تٜىٰلْ أَبِبْ؞ ݣُونَكِے بَݣَويْ إِنَ ظَوْنٜىٰ عَثِكِنْسُ، نَرَسَ أَبِنْ ڢَطَا؞

كِرَنْ هِظْڧِيَالْ نَعَيْكِنْ مَيْ ڟَرُواْ

¹⁶ عَڧَرْشٜىٰنْ ݣُونَكِے بَݣَويْ طِنْ، سَيْ يَهْوٜىٰهْ يَيِمَغَنَ دَنِے يَثٜىٰ،

¹⁷ ‏«‏يَا كَيْ طَنْ مُتُمْ، نَامَيْشٜىٰكَ مَيْ ڟَرُوانْ غِدَنْ إِسْرَٰٓءِيلَ؞ دُكْ سَعَدَّ كَجِ مَغَنَ تَڢِتُواْ دَغَ بَاكِنَ، سَيْكَجَا مُسُ كُنّٜىٰ أَمَدَدِنَ؞

¹⁸ عِدَنْ نَثٜىٰ وَمُوغُ، ‏‹‏حَڧِيڧَ ذَاكَ مُتُ،›‏ كَيْ كُوَ بَكَجَاوَ مُوغُنْ كُنّٜىٰ بَ، بَكَكُمَيِ مَغَنَ دُواْمِنْ كَغَرْغَطٜىٰشِ يَبَرْ مُوغُوَرْ حَنْيَرْسَ دُواْمِنْ يَثٜىٰثِ رَنْسَبَ، مُوغُنْ مُتُمِنَّنْ ذَيْ مُتُ سَبُواْدَ لَيْڢِنْسَ، عَمَّا ذَنْ نٜىٰمِ أَلْحَكِنْ جِنِنْسَ دَغَ حَنُّنْكَ؞

¹⁹ عَمَّا عِدَنْ كَاجَاوَ مُوغُنْ كُنّٜىٰ، شِيكُوَ بَيْ جُويَا دَغَ مُغُنْتَارْسَ، كُواْ دَغَ مُوغُوَرْ حَنْيَرْسَبَ، ذَيْ مُتُ سَبُواْدَ لَيْڢِنْسَ، عَمَّا كَيْ كَا كُٻُتَرْدَ رَنْكَ؞

²⁰ ‏«‏عِدَنْ كُمَ مَيْ أَدَلْثِے يَجُويَ دَغَ أَدَلْثِنْسَ يَكُمَ عَيْكَتَ رَشِنْ غَسْكِيَ، نِے كُوَ نَا سَا أَبِنْ سَا تُنْتُٻٜىٰ أَغَبَنْسَ، ذَيْ مُتُ؞ ذَيْ مُتُ سَبُواْدَ ذُنُوبِنْسَ؞ أَيُّكَنْ أَدَلْثِنْ دَ يَيِ، بَذَاعَ تُنَ بَ، عَمَّا سَبُواْدَ بَكَجَا مَسَ كُنّٜىٰ بَ، ذَنْ نٜىٰمِ أَلْحَكِنْ جِنِنْسَ دَغَ حَنُّنْكَ؞

²¹ عَمَّا عِدَنْ كَاجَاوَ مَيْ أَدَلْثِنْ كُنّٜىٰ ثٜىٰوَ كَدَ يَيِ ذُنُوبِ، شِے مَيْ أَدَلْثِے كُوَ بَيْيِ ذُنُوبِ بَ، حَڧِيڧَ ذَيْ رَايُ، سَبُواْدَ يَكَسَ كُنّٜىٰ غَ غَرْغَطِنْدَ كَيِ مَسَ، كَيْ كُوَ كَا كُٻُتَرْدَ رَنْكَ؞»‏

كِرَنْ هِظْڧِيَالْ نَذَمَنْ بَاوَ مَيْ شَنْ وَهَلَ

²² أَنَانً سَيْ إِيكُوانْ حَنُّنْ يَهْوٜىٰهْ يَذُواْ عَكَيْنَ أَوُرِنْ، يَكُوَثٜىٰ مِنِ ‏«‏تَاشِ، كَتَڢِے ثِكِنْ ݣُورِ، ثَنْ ڢَا ذَنْيِ مَغَنَ دَكَيْ؞»‏

²³ سَيْ نَتَاشِ نَتَڢِے ݣُورِنْ، سَيْغَا ڧُنْشِنْ حَصْكٜىٰنْ طَوْكَكَرْ يَهْوٜىٰهْ يأَنَانً ڟَيٜىٰ أَوُرِنْ، كَمَرْ ڧُنْشِنْ حَصْكٜىٰنْ طَوْكَكَرْدَ نَغَنِ أَدَا عَبَاكِنْ كُواْغِنْ كٜىٰبَرْ؞ سَيْنَڢَاطِ دَ ڢُسْكَتَ حَرْ ڧَسَا؞

²⁴ رُوحُ كُوَ يَشِغَ ثِكِنَ، يَتَادَنِ ڟَيٜىٰ؞ سَيْ يَيِ مَغَنَ دَنِے يَثٜىٰ ‏«‏تَڢِے، كَشِغَ طَاكِنْكَ كَكُلّٜىٰ كَنْكَ عَثِكِ؞

²⁵ يَا كَيْ طَنْ مُتُمْ، ذَاعَ طَوْرٜىٰكَ دَ إِغِيُواْيِ دُواْمِنْ كَدَ كَڢِتَ ذُوَا ثِكِنْ مُتَنٜىٰ؞

²⁶ نِے كُوَ ذَنْسَا هَرْشٜىٰنْكَ يَمَنّٜىٰ عَبَاكِنْكَ، دُواْمِنْ كَكَاسَ يِنْ مَغَنَ؞ بَذَاكَ عِيَ ڟَاوَتَا مُسُبَ، غَمَا سُو یَنْ تَاوَيٜىٰنٜىٰ؞

²⁷ عَمَّا سَعَدَّ نَيِ مَغَنَ دَكَيْ، ذَنْ بُوطٜىٰ بَاكِنْكَ، ذَاكَثٜىٰ مُسُ، ‏‹‏إِنْجِنِ عُبَنْ‌غِجِ يَهْوٜىٰهْ؞›‏ بَرِ وَنْدَ ذَيْجِے، يَجِ، بَرِ كُمَ وَنْدَ ذَيْڧِے، يَڧِ، غَمَا سُو یَنْ تَاوَيٜىٰنٜىٰ؞»‏