هِظْڧِيَالْ 29 - أَتَّوْرَتْ دَ أَنَّبَاوَا

أَنَّبْثِ غَابَدَ مَصَرْ

¹ أَ رَانَ تَغُواْمَشَا بِيُ غَ وَتَ نَغُواْمَ أَ شٜىٰكَرَا تَغُواْمَ، يَهْوٜىٰهْ يَايِ مَغَنَ دَنِے ثٜىٰوَ

² ‏«‏يَا كَيْ طَنْ مُتُمْ، كَڢُسْكَنْثِ ڢِرْعَوْنَ سَرْكِنْ مَصَرْ، كَيِ أَنَّبْثِ غَابَادَشِ دَ دُكَنْ مَصَرْ؞

³ كَثٜىٰ، ‏«‏ ‏‹‏إِنْجِنِ عُبَنْ‌غِجِ يَهْوٜىٰهْ، إِنَ غَابَادَكَيْ سَرْكِے ڢِرْعَوْنَ نَ مَصَرْ، كَيْ مُوغُنْ دُواْدُواْ مَيْ صِڢَّرْ مَثِيجِنَّنْ، مَيْ ݣُونْثِيَ أَڟَكِيَرْ حَنْيَرْ ضُوَيٜىٰ، كَنَ ثٜىٰوَ ‏«‏أَيْ، كُواْغِنْ نِلُ نَوَنٜىٰ، نِے نَا يِشِ دُواْمِنْ كَيْنَ؞»‏

⁴ ذَنْسَا ڧُوغِيُواْيِ عَڧَشِنْ بَاكِنْكَ، إِنْسَا كِيڢَيٜىٰنْ كُواْغُنَنْكَ سُمَنّٜىٰ عَڧٜىٰغٜىٰنْ جِكِنْكَ؞ ذَنْ جَٰوُاْكَ دَغَ كُواْغُنَنْكَ، دُكْ دَ كِيڢَيٜىٰنْ كُواْغُنَنْكَ، وَطَنْدَ سُكَ مَنّٜىٰ عَڧٜىٰغٜىٰنْ جِكِنْكَ؞

⁵ ذَنْ جٜىٰڢَرْ دَكَيْ عَثِكِنْ دَاجِ، كَيْ دَ دُكَنْ كِيڢَيٜىٰنْ كُواْغُنَنْكَ؞ ذَاعَبَرْكَ أَ ڢِيلِ، بَذَاعَ عِيَ تَتَّرَكَ أَبِنّٜىٰبَ؞ غَ نَمُواْمِنْ دَاجِ دَ ڟُنْڟَيٜىٰنْ سَرَرِنْ سَمَ نَبَادَكَيْ كَذَمَ عَبِنْثِنْسُ؞

⁶ تَهَكَ دُكَنْ مَذَوْنَنْ مَصَرْ ذَاسُ سَنِ ثٜىٰوَ نِنٜىٰ يَهْوٜىٰهْ؞ كَيْ دَ مُتَنٜىٰنْكَ، بَكُ تَيْمَكِ غِدَنْ إِسْرَٰٓءِيلَ بَ، كُنْ ذَمَ مَرَرْ أَمْڢَانِ كَمَرْ سَنْدَنْ ثِيَوَرْ إِوَ،

⁷ وَنْدَ إِنْ أَنْكَامَكَ دَ حَنُّ، سَيْ كَكَرْيٜىٰ، كَيِ مُسُ رَوْنِ عَكَڢَطُنْسُ؞ سَعَدَّ سُكَ جِنْ‌غِنَ عَكَنْكَ، ذَاكَ كَرْيٜىٰ، كَسَا ڧَڢَاڢُنْسُ سُكَاسَ ڟَيَاوَا؞

⁸ ‏«‏ ‏‹‏سَبُواْدَ حَكَ، إِنْجِنِ عُبَنْ‌غِجِ يَهْوٜىٰهْ، ذَنْ كَٰوُاْ تَكُواْبِے عَكَنْكَ، إِنْ كَوَرْدَ یَنْ أَدَمْ دَ دَبُّواْبِے دَغَ غَرٜىٰكَ؞

⁹ ڧَسَرْ مَصَرْ ذَاتَ ذَمَ كُڢَيْ مَرَرْ أَمْڢَانِ؞ سَعَنً ذَاسُ سَنِ ثٜىٰوَ نِنٜىٰ يَهْوٜىٰهْ؞ ‏«‏ ‏‹‏سَبُواْدَ كَثٜىٰ ‏«‏أَيْ، كُواْغِنْ نِلُ نَوَنٜىٰ، نِے نَا يِشِ دُواْمِنْ كَيْنَ،»‏

¹⁰ إِنَ غَابَادَكَيْ دَ كُواْغِنْكَ؞ ذَنْ مَيْدَ ڧَسَرْ مَصَرْ كُڢَيْ مَرَرْ أَمْڢَانِ، تُنْدَغَ يَنْكِنْ مِغْدُوالْ ذُوَا بِرْنِنْ أَسْوَنْ، حَرْ ذُوَا إِيَاكَرْ إِتِيُواْڢِيَ؞

¹¹ ذَاعَيِ شٜىٰكَرَا أَرْبَعِنْ، بَابُ ڧَڢَرْ مُتُمْ كُواْ تَدَبَّرْ دَ ذَاتَ رَڟٜىٰ ثِكِنْتَ، بَ كُمَ وَنْدَ ذَيْ ذَوْنَ عَثِكِنْتَ؞

¹² ذَنْ مَيْدَ ڧَسَرْ مَصَرْ كُڢَيْ ڢِيٜىٰدَ سَوْرَنْ ڧَسَاشٜىٰنْ دَسُكٜىٰ كُڢَيْ؞ بِرَنٜىٰنْتَ ذَاسُ ذَمَ كُڢَيْ ڢِيٜىٰدَ سَوْرَنْ بِرَنٜىٰنْ دَسُكٜىٰ كُڢَيْ حَرْ شٜىٰكَرَا أَرْبَعِنْ؞ ذَنْ وَرْوَاڟَرْدَ مُتَنٜىٰنْ مَصَرْ عَثِكِنْ سَوْرَنْ أَلْعُمَّيْ، إِنْ رَرَّبَسُ كُواْعِنَ عَثِكِنْ ڧَسَاشٜىٰنْ دُونِيَا؞

¹³ ‏«‏ ‏‹‏بَنْدَ حَكَ، إِنْجِنِ عُبَنْ‌غِجِ يَهْوٜىٰهْ، عَڧَرْشٜىٰنْ شٜىٰكَرَا أَرْبَعِنْ ذَنْ سَاكٜىٰ تَتَّارَ مُتَنٜىٰنْ مَصَرْ دَغَ ثِكِنْ ڧَبِيلُ عِنْدَ دَا نَوَرْوَاڟَرْ دَسُو؞

¹⁴ ذَنْ مَيَرْوَ مَصَرْ أَلْبَرْكُنْتَ، إِنْكُواْمُواْ دَسُو ڧَسَرْ ڢَتْرُواسْ، ڧَسَرْسُ تَعَّيْنِحِ؞ أَوُرِنْ نٜىٰ ذَاسُ ذَمَ مُلْكِ مَرَرْ ڧَرْڢِے؞

¹⁵ مُلْكِنْسُ ذَيْ كَسَنْثٜىٰ مَرَرْ ڧَرْڢِے ڢِيٜىٰدَ سَوْرَنْ مُلْكُواْكِ؞ بَذَيْسَاكٜىٰ طَوْكَكَ كَنْسَ عَكَنْ سَوْرَنْ أَلْعُمَّيْبَ؞ ذَنْ رَغٜىٰسُ، حَرْ بَذَاسُ سَاكٜىٰيِنْ مُلْكِ عَكَنْ أَلْعُمَّيْبَ؞

¹⁶ مُلْكٍ مَصَرْ بَذَيْڧَارَ ذَمَ أَبِنْ دُواْغَضَ غَ غِدَنْ إِسْرَٰٓءِيلَ بَ؞ إِسْرَٰٓءِيلَاوَا ذَاسُ تُنَ دَ لَيْڢِنْسُ نَدَا، يَدَّ سُكَ جُويَا غَ مَصَرْ دُواْمِنْ نٜىٰمَنْ تَيْمَكُواْ؞ سَعَنً ذَاسُ سَنِ ثٜىٰوَ نِنٜىٰ عُبَنْ‌غِجِ يَهْوٜىٰهْ؞›‏ »‏

بَابِيلَ ذَاتَثِ مَصَرْ دَ يَاڧِ

¹⁷ أَنَانً أَوَتَنْ ڢَرْكُواْ نَشٜىٰكَرَا تَعَشِرِنْ دَ بَݣَويْ، سَيْ يَهْوٜىٰهْ يَيِ مَغَنَ دَنِے ثٜىٰوَ

¹⁸ ‏«‏يَا كَيْ طَنْ مُتُمْ، سَرْكِے نٜىٰبُكَدْنٜىٰزَّرْ نَ بَابِيلَ يَسَا ضُنْدُنَارْسَ سُكَيِ ڧُواْڧَرِ ڨُورَيْ دُواْمِنْ يِنْ غَابَادَ يَنْكِنْ تَيَ؞ حَرْ كُواْوَنٜىٰ كَيْ يَكُواْطٜىٰ، كُواْوَثٜىٰ كَڢَطَ كُمَ تَيِ ثِيوُاْ؞ عَمَّا دُكْدَهَكَ، كُواْ شِ، كُواْ سُواْجُواْجِنْسَ بَسُ سَامِ وَنِ أَبُ دُواْمِنْ عَبِيَ مُسُ وَهَلَرْ دَسُكَشَا تَيِنْ يَاڧِ دَ تَيَ بَ؞

¹⁹ سَبُواْدَ حَكَ، إِنْجِنِ عُبَنْ‌غِجِ يَهْوٜىٰهْ، ذَنْبَا سَرْكِے نٜىٰبُكَدْنٜىٰزَّرْ نَ بَابِيلَ ڧَسَرْ مَصَرْ، ذَيْ ݣُوشِ أَرْزِڧِنْتَ، يَلَلَتَرْدَ عِتَ، يَكُمَ ڨُوثٜىٰ أَبِنْدَ تَكٜىٰدَشِ؞ تَهَكَ ذَيْسَامِ أَبِنْدَ ذَيْبِيَ سُواْجُواْجِنْسَ وَهَلَرْ دَسُكَشَا؞

²⁰ نَا بَاشِ ڧَسَرْ مَصَرْ تَذَمَ حَكِّنْ وَهَلَرْسُ وَدَّ سُكَشَا، غَمَا سُنْيِ مِنِ عَيْكِ؞ نِے عُبَنْ‌غِجِ يَهْوٜىٰهْ نَا ڢَطَا؞

²¹ ‏«‏أَ رَانَرْ نَنْ ذَنْ مَيَرْوَ غِدَنْ إِسْرَٰٓءِيلَ ڧَرْڢِنْسُ؞ كَيْ هِظْڧِيَالْ كُوَ ذَنْ نُونَ عَثِكِنْسُ أَ ڢِيلِ ثٜىٰوَ نِے نَا بُوطٜىٰ بَاكِنْكَ؞ سَعَنً ذَاسُ سَنِ ثٜىٰوَ نِنٜىٰ يَهْوٜىٰهْ؞»‏