هِظْڧِيَالْ 28 - أَتَّوْرَتْ دَ أَنَّبَاوَا

أَنَّبْثِ غَابَادَ سَرْكِنْ تَيَ

¹ يَهْوٜىٰهْ يَايِ مَغَنَ دَنِے ثٜىٰوَ

² ‏«‏يَا كَيْ طَنْ مُتُمْ، كَڢَطَا وَ سَرْكِنْ تَيَ، كَثٜىٰ، ‏«‏ ‏‹‏إِنْجِنِ عُبَنْ‌غِجِ يَهْوٜىٰهْ، يَا سَرْكِنْ تَيَ، كَيِ غِرْمَنْ كَيْ حَرْ كَثٜىٰ، ‏«‏نِے وَنِ اللَّهْ نٜىٰ، إِنَ كُمَ ظَوْنٜىٰ عَكَنْ كُجٜىٰرَرْ مُلْكِ؞ كَمَرْ وَنِ اللَّهْ، نَكٜىٰ ظَوْنٜىٰ أَڟَكِيَرْ تٜىٰكُ؞»‏ عَمَّا دُكْدَهَكَ، كَيْ مُتُمْ نٜىٰ كَوَيْ، بَوَنِ اللَّهْ بَ، كُواْدَيَكٜىٰ كَطَوْكِ كَنْكَ كَيْ مَيْ حِكِمَ نٜىٰ كَمَرْ اللَّهْ؞

³ لَلَّيْ كَمْ كَڢِے دَانِيٜىٰلْ حِكِمَ، بَ أَسِيرِنْ دَيَكٜىٰ عَٻُواْيٜىٰ أَغَرٜىٰكَ!‏

⁴ تَوُرِنْ حِكِمَرْكَ دَ غَانٜىٰوَرْكَ كَتَارَ وَكَنْكَ أَرْزِڧِ، كَتَتَّارَ ظِينَارِيَ دَ أَظُرْڢَا عَثِكِنْ طَكُنَنْ أَجِيَرْكَ؞

⁵ تَوُرِنْ يَوَنْ حِكِمَرْكَ عَثِكِنْ كَاسُوَنْثِ، كَڧَارَ أَرْزِڧِنْكَ، حَرْ كَنَ بُغَ ڧِرْجِ عَكَنْ أَرْزِڧِنْكَ؞

⁶ ‏«‏ ‏‹‏حَڧِيڧَ، إِنْجِنِ عُبَنْ‌غِجِ يَهْوٜىٰهْ، دَيَكٜىٰ كَا طَوْكِ كَنْكَ كَيْ مَيْ حِكِمَ نٜىٰ كَمَرْ اللَّهْ،

⁷ تُواْ، غَاشِ، ذَنْ كَٰوُاْ بَاڧِ مَاسُ غَابَادَكَيْ، أَلْعُمَّ مَرَرْ تَوْسَيِ ڢِيٜىٰدَ سَوْرَنْ أَلْعُمَّيْ؞ ذَاسُ ذَارٜىٰ تَكُبَنْسُ سُيِ غَابَادَ إِرِنْ ݣَكْݣَوَرْ حِكِمَرْكَ، سُكُمَ لَلَتَرْدَ دَرَجَرْكَ؞

⁸ ذَاسُ غَنْ‌غَرَرْ دَكَيْ حَرْ رَامِنْ مَتَتُّو، ثَنْ ثِكِنْ ڟَكِيَرْ تٜىٰكُ، ذَاكَيِ مُتُوَرْ وَطَنْدَ عَكَ كَشٜىٰ؞

⁹ كُواْ أَغَبَنْ وَطَنْدَ سُكَ كَشٜىٰكَ، ذَاكَثٜىٰ ‏«‏نِے وَنِ اللَّهْ نٜىٰ»‏؟ أَغَبَنْ وَطَنْدَ سُكَ كَشٜىٰكَ، سَعَدَّ عَكَ تَبَّتَا كَيْ مُتُمْ نٜىٰ بَ اللَّهْ بَ، حَرْ يَنْذُ ذَاكَثٜىٰ ‏«‏نِے اللَّهْ نٜىٰ»‏؟

¹⁰ تَهَنُّنْ بَاڧِ، ذَاكَيِ مُتُوَ إِرِنْ تَكَرٜىٰ؞ غَمَا نِے نَا يِمَغَنَ!‏ نِے عُبَنْ‌غِجِ يَهْوٜىٰهْ نَا ڢَطَا؞›‏ »‏

وَاڧَرْ مَكُواْكِ دُواْمِنْ سَرْكِنْ تَيَ

¹¹ يَهْوٜىٰهْ يَايِ مَغَنَ دَنِے ثٜىٰوَ

¹² ‏«‏يَا كَيْ طَنْ مُتُمْ، تَادَ مَكُواْكِ دُواْمِنْ سَرْكِنْ تَيَ، كَثٜىٰ مَسَ، ‏«‏ ‏‹‏إِنْجِنِ عُبَنْ‌غِجِ يَهْوٜىٰهْ، كَيْ ذُواْبٜىٰ نَهَاتِمِ نٜىٰ ثِكَكّٜىٰ ثِكٜىٰ دَ حِكِمَ، ثِكَكّٜىٰ كُمَ ثِكِنْ ݣَوْ؞

¹³ كَنَ ثِكِنْ عَيْدَنْ غُواْنَرْ اللَّهْ، كُواْوَنٜىٰ إِرِنْ دُوڟٜىٰ مَيْ دَرَجَ يَذَمَ كَايَنْ أَدُوانْكَ؞ دُووَڟُنْ كَرْنٜىٰلِيَنْ دَ كِرِسُواْلَتْ دَ عُواْنِسْ، دَ بٜىٰرِلْ دَ دَيْمُوانْ دَ يَسْڢَ، دَ سَڢَّيَ دَ تُواْڢَسْ دَ كُمَ ظُمُرُّدُ؞ أَنْ سَسَّڧَسُ أَنْكٜىٰوَيَسُ دَ أَدُوانْ ظِينَارِيَ مَڢِے ݣَوْ؞ أَ رَانَرْ دَ عَكَ حَلِثّٜىٰكَ نٜىٰ أَنْشِرْيَ سُثِكَكُّ؞

¹⁴ نَشَاڢٜىٰكَ، نَكُمَ كٜىٰٻٜىٰكَ، نَكُمَ مَيْدَكَيْ مَلاَىِٕكَ مَيْ ڟَرُواْ؞ نَسَا كَذَوْنَ عَبَبَّنْ تُدُ مَيْ ڟَرْكِے نَ اللَّهْ، كَنَ تَڢِيَ أَڟَكِيَرْ دُووَڟُنْ وُتَا؞

¹⁵ تُنْدَغَ رَانَرْ دَ عَكَ حَلِثّٜىٰكَ كَيِ تَڢِيَرْكَ ثِكِنْ غَسْكِيَ، حَرْ سَيْ رَانَرْ دَ عَكَ سَامِ لَيْڢِے عَثِكِنْكَ؞

¹⁶ عَثِكِنْ يَوَنْ كَاسُوَنْثِنْكَ، كَا ثِكَ دَ تَادَ حَنْكَلِ كَا كُمَيِ ذُنُوبِ؞ سَبُواْدَ حَكَ نَكَوَرْ دَكَيْ دَغَ بَبَّنْ تُدُنْ اللَّهْ كَمَرْ أَبِنْ ڧَظَنْتَا؞ يَا كَيْ مَلاَىِٕكَ مَيْ ڟَرُواْ، نَكَوَرْ دَكَيْ دَغَ ڟَكِيَرْ دُووَڟُنْ وُتَا؞

¹⁷ سَبُواْدَ ݣَنْكَ كَيِ غِرْمَنْكَيْ، كَلَلَتَرْدَ حِكِمَرْكَ تَوُرِنْ سُوانْ نُونَ دَرَجَرْكَ؞ دُواْمِنْ وَنَّنْ نَجٜىٰڢَرْ دَكَيْ ذُوَا ڧَسَا، نَتُواْنَ أَسِيرِنْكَ أَغَبَنْ سَرَاكُنَ، دُواْمِنْ كَذَمَ مُسُ أَبِنْ كَلُّواْ؞

¹⁸ تَوُرِنْ يَوَنْ لَيْڢُواْڢِنْكَ، تَوُرِنْ رَشِنْ غَسْكِيَ عَكَاسُوَنْثِنْكَ، كَيِ بَنْظَ دَ وُرَارٜىٰ مَاسُ ڟَرْكِے؞ دُواْمِنْ حَكَ نَكُنَّ وُتَا عَثِكِنْكَ، وُتَرْ تَثِنْيٜىٰكَ، نَامَيْدَكَيْ تُواْكَ عَڧَسَا، أَعِدُوانْ دُكَنْ وَنْدَ يَغَنْكَ؞

¹⁹ دُكَنْ وَطَنْدَ سُكَ سَنْكَ عَثِكِنْ ڧَبِيلُ، سُنْ رَسَ أَبِنْ ڢَطَا سَبُواْدَ ڧَرْشٜىٰنْكَ؞ ڧَرْشٜىٰنْكَ يَذَمَ أَبِنْ ڟُواْرُواْ، بَكُوَ ذَاكَ ڧَارَ كَسَنْثٜىٰوَبَ حَرْ أَبَدَا؞›‏ »‏

أَنَّبْثِ غَابَادَ سِدُوانْ

²⁰ يَهْوٜىٰهْ يَايِ مَغَنَ دَنِے ثٜىٰوَ

²¹ ‏«‏يَا كَيْ طَنْ مُتُمْ، كَڢُسْكَنْثِ سِدُوانْ، كَيِ أَنَّبْثِ غَابَادَ عِتَ؞

²² كَثٜىٰ، ‏«‏ ‏‹‏إِنْجِنِ عُبَنْ‌غِجِ يَهْوٜىٰهْ، غَاشِ، إِنَغَابَادَكٜىٰ، يَا سِدُوانْ، عَمَّا ذَنْ سَامِ طَوْكَكَ عَثِكِنْكِ؞ ذَاسُ سَنِ ثٜىٰوَ نِنٜىٰ يَهْوٜىٰهْ، سَعَدَّ نَعَيْكَ حُكُنْثِ عَثِكِنْكِ، نَبَيَّنَ ڟَرْكِنَ كُمَ عَثِكِنْكِ؞

²³ ذَنْ عَيْكَ دَ بَلَعِ عَثِكِنْكِ، دَ جِنِ عَتِيتُنَنْكِ؞ وَطَنْدَ تَكُواْبِے يَثِسُ، ذَاسُ ڢَاطِ أَڟَكِيَرْكِ، تَكُواْبِے ذَيْ يِغَابَادَكٜىٰ عَتَكُواْوَنٜىٰ غٜىٰڢٜىٰ؞ سَعَنً ذَاسُ سَنِ ثٜىٰوَ نِنٜىٰ يَهْوٜىٰهْ؞›‏ »‏

أَلْبَرْكَ تَنَنْ غَبَ دُواْمِنْ إِسْرَٰٓءِيلَ

²⁴ ‏«‏ ‏‹‏بَايَنْ وَنَّنْ كُوَ، بَذَاعَ سَامِ وَتَ ڧَيَرْ دَ ذَاتَ سُواْكِ غِدَنْ إِسْرَٰٓءِيلَ بَ؞ بَذَاعَ كُمَ سَامِ وَتَ ڧَيَ دَغَ مَڨُوبْتَنْسُ، وَطَنْدَ سُكَ وُلَڧَنْتَسُ أَدَا بَ؞ سَعَنً نٜىٰ ذَاسُ سَنِ ثٜىٰوَ نِنٜىٰ عُبَنْ‌غِجِ يَهْوٜىٰهْ؞

²⁵ ‏«‏ ‏‹‏إِنْجِنِ عُبَنْ‌غِجِ يَهْوٜىٰهْ، سَعَدَّ نَتَتَّارَ غِدَنْ إِسْرَٰٓءِيلَ دَغَ ثِكِنْ ڧَبِيلُ عِنْدَ نَوَاڟَرْدَسُو، نَكُمَ بَيَّنَ ڟَرْكِنَ عَثِكِنْسُ أَعِدُوانْ أَلْعُمَّيْ، سَعَنً ذَاسُ ذَوْنَ عَڧَسَرْسُ وَدَّ نَبَا بَاوَنَ يَعْڧُوبَ؞

²⁶ ذَاسُ ذَوْنَ لَاڢِيَ عَثِكِنْتَ، ذَاسُ غِنَا غِدَاجٜىٰ، سُيِ شُوكٜىٰ شُوكٜىٰنْ غُواْنَكِنْ إِنَبِے؞ ذَاسُ ذَوْنَ لَاڢِيَ سَعَدَّ نَحُكُنْتَ دُكَنْ مَڨُوبْتَنْ دَ سُكَ وُلَڧَنْتَسُ أَدَا؞ سَعَنً ذَاسُسَنِ ثٜىٰوَ نِنٜىٰ يَهْوٜىٰهْ اللَّهْ نْسُ؞›‏ »‏