هِظْڧِيَالْ 27 - أَتَّوْرَتْ دَ أَنَّبَاوَا

وَاڧَرْ مَكُواْكِ دُواْمِنْ تَيَ

¹ يَهْوٜىٰهْ يَايِ مَغَنَ دَنِے ثٜىٰوَ

² ‏«‏يَنْذُ، يَا كَيْ طَنْ مُتُمْ، سَيْ كَتَادَ وَاڧَرْ مَكُواْكِ دُواْمِنْ تَيَ؞

³ كَثٜىٰ وَ تَيَ، ‏«‏ ‏‹‏يَا كٜىٰ وَدَّ كِكٜىٰ ذَمَ عَبَاكِنْ تٜىٰكُ، كٜىٰ دَ كِكٜىٰيِنْ كَاسُوَنْثِ دَ ڧَبِيلُ عَڟِبِرَيْ دَيَوَ، كِجِ أَبِنْدَ نِے عُبَنْ‌غِجِ يَهْوٜىٰهْ ذَنْ ڢَطَا؞ يَا كٜىٰ تَيَ، كِنْثٜىٰ، ‏«‏نِے ݣَكْݣَاوَا ثٜىٰ ثِكَكِّيَ كُمَ؞»‏

⁴ إِيَاكَرْكِ أَڟَكِيَرْ تٜىٰكُنَ سُكٜىٰ، مَاسُ غِنَكِ سُنْ سَا ݣَنْكِ يَذَمَ ثِكَكّٜىٰ؞

⁵ سُنْيِ دُكَنْ كَتَكَنْكِ دَغَ إِتَاثٜىٰنْ ڢِرْ دَغَ سٜىٰنِرْ؞ سُنْ سَارٜىٰ إِتَاثٜىٰنْ سٜىٰدَ دَغَ لٜىٰبَنُوانْ دُواْمِنْ سُيِ مِكِ بَبَّنْ إِتَاثٜىٰ نَرَاتَيَ إِغِيُواْيِنْ ذَنٜىٰنْ جِضْغٍ ضُوَ؞

⁶ دَغَ عِتَتُوَنْ بَشَنْ مَاسُ ڧَرْڢِے، سُكَيِ مِكِ إِتَاثٜىٰنْ تُوڧَ جِضْغٍ؞ سُنْيِ دَٻٜىٰنْ جِضْغٍ يَيِ سُمُلْ دَغَ إِتَاثٜىٰ دَغَ بَاكِنْ تٜىٰكُنْ ڟِبِرِنْ كِتِّمْ؞ عَكَيِ أَدُوانْ ثِكِنْكِ دَ هَڧُواْرِنْ غِيوَ؞

⁷ ذَنٜىٰنْ لِيلِنْ مَيْ أَدُوانْ سَاڧَ مَيْݣَوْ دَغَ مَصَرْ يَذَمَ مِكِ ذَنٜىٰنْ جِضْغٍ ضُوَ، يَكُمَ ذَمَ مِكِ تُوتَ؞ أَنْيِ مِكِ رُمْڢَ دَ ذَنٜىٰ مَيْ كَلَرْ بُلَ دَ تَجَرْ غَرُورَا دَغَ ڟِبِرِنْ سَيِڢُرُسْ؞

⁸ مَذَوْنَنْ سِدُوانْ دَ أَرْوَدْ سُونٜىٰ مَاسُ تُوڧِنْكِ؞ مَاسُ حِكِمَ نَ ظٜىٰمٜىٰرْ سُنَ ثِكِنْكِ، سُونٜىٰ مَاسُ جَغُواْرَنْكِ؞

⁹ دَتَّاوَنْ غٜىٰبَلْ دَ ڠُونَيٜىٰنْ عَيْكِنْ حَنُّ كُمَ سُنَ ثِكِنْكِ، سُونٜىٰ مَاسُ ڠَرَ وُرَارٜىٰنْ دَ كَتَكَنْ جِضْغٍ سُكَ حَطُ؞ دُكَنْ جِضَاغٜىٰنْ ضُوَ تَرٜىٰدَ مَاسُ تُوڧِنْسُ سُنْ ذُواْ وُرِنْكِ دُواْمِنْ يِنْ كَاسُوَنْثِ؞

¹⁰ مُتَنٜىٰنْ ڢَٰشِيَ دَ نَ لُدْ دَ نَ ڢُتْ، سُواْجُواْجِنْكِ نٜىٰ مَاسُ عِيَ يَاڧِ، مَاسُ رَاتَيَ غَرْكُوُاْيِ دَ هُولَرْ يَاڧِ عَثِكِنْكِ، مَاسُ سَامُواْ مِكِ طَوْكَكَ؞

¹¹ مُتَنٜىٰنْ أَرْوَدْ دَ هٜىٰلٜىٰكْ، سُنَ كٜىٰوَيٜىٰ كَنْ كَتَنْ‌غَرْكِ؞ مُتَنٜىٰنْ غَمَدْ سُنَ كَنْ غِنٜىٰ غِنٜىٰنْكِ مَاسُ ڟَيِ؞ سُنْ رَاتَيَ غَرْكُوُاْيِنْسُ عَكَنْ كَتَنْ‌غَرْكِ؞ سُونٜىٰ سُكَسَامُواْ مِكِ ثِكَكِّيَرْ ݣَوْ؞

¹² ‏«‏ ‏‹‏مُتَنٜىٰنْ سِڢٜىٰنْ سُنْيِ كَاسُوَنْثِ دَكٜىٰ، سَبُواْدَ يَوَنْ أَرْزِڧِنْكِ نَكُواْوَنٜىٰ إِرِ، سُنْ سَيَرْ دَ أَظُرْڢَا دَ بَڧِنْ ڧَرْڢٜىٰ دَ كُظَ دَ دَرْمَ دُواْمِنْ سَامُنْ كَايَنْكِ؞

¹³ مُتَنٜىٰنْ يَوَنْ دَ نَ تُبَلْ دَ نَ مٜىٰشٜىٰكْ سُنَ كَاسُوَنْثِ دَكٜىٰ؞ سُنْ سَيَرْ دَ یَنْ أَدَمْ دَ كَايَنْ تَغُلَّ دُواْمِنْ سَامُنْ كَايَنْكِ؞

¹⁴ مُتَنٜىٰنْ بٜىٰتْ تُواْغَرْمَ كُمَ سُنَ سَيَرْ دَ دَوَكِ دَ دَوَكِنْ يَاڧِ دَ جَاكُنَنْ دُواْكِ دُواْمِنْ سَامُنْ كَايَنْكِ؞

¹⁵ مُتَنٜىٰنْ رُواْدٜىٰسْ سُنَيِنْ كَاسُوَنْثِ دَكٜىٰ؞ يَنْكُنَ مَاسُيَوَ نَبَاكِنْ تٜىٰكُ سُنْ ذَمَ أَبُواْكَنْ كَاسُوَرْكِ تَمُسَمَّنْ؞ سُنْ سَيَرْ دَ هَڧُواْرِنْ غِيوَ دَ إِتَاثٜىٰنْ عٜىٰبُواْنِ دُواْمِنْ سَامُنْ كَايَنْكِ؞

¹⁶ مُتَنٜىٰنْ سُورِيَ كُمَ أَبُواْكَنْ كَاسُوَنْثِنْكِ ثٜىٰ سَبُواْدَ يَوَنْ كَايَنْكِ؞ سُنْ ذُواْ سُنْ سَيَرْ دَ كَايَنْسُ، وَتُواْ يَدِنْ جَرْ غَرُورَا دَ كَايَنْ أَدُوانْ سَاڧَ دَ لِيلِنْ مَيْݣَوْ دَ ڧَسُسُوَنْ حَلِتُّنْ ضُوَ دَ دُوَڟُو مَاسُ دَرَجَ إِرِنَّكِرِسُواْلَتْ دَ أَغَتْ دُواْمِنْ سَامُنْ كَايَنْكِ؞

¹⁷ مُتَنٜىٰنْ يَهُودَ دَ نَ إِسْرَٰٓءِيلَ سُكَيِ كَاسُوَنْثِ دَكٜىٰ؞ سُكَ سَيَرْ دَ أَلْكَمَ دَغَ يَنْكِنْ مِنِّتْ دَ ٻَوْرٜىٰ دَ ظُمَ دَ مَنْ ظَيْتُنْ دَ غَنْيٜىٰ مَيْ ڧَنْشِ نَمَاغَنِ؞

¹⁸ مُتَنٜىٰنْ دِمَشْڧُ سُنْيِ كَاسُوَنْثِ دَكٜىٰ سَبُواْدَ يَوَنْ كَايَنْ كَاسُوَنْثِنْكِ دَ يَوَنْ أَرْزِڧِنْكِ نَعَبُبُوَ إِرِ إِرِ؞ سُنْ سَيَرْ دَ ضُوً إِنَبِے نَ هٜىٰلْبُوانْ دَ نَڢَضٍ عُلُ دُواْمِنْ سَامُنْ كَايَنْكِ؞

¹⁹ دَ غَرْوَرْ ضُوً إِنَبِے دَغَ عُظَلْ سُكَذُواْ يِنْ كَاسُوَنْثِ دَكٜىٰ، سُكَذُواْ سُنْ سَيَرْ دَ ڧَرْڢٜىٰنْ دَ أَنْتَاثٜىٰ دَ إِتَاثٜىٰنْ كَسِّيَ مَيْ ڧَنْشِ دَ كَايَنْ يَجِ دُواْمِنْ سَامُنْ كَايَنْكِ؞

²⁰ مُتَنٜىٰنْ دٜىٰدَنْ سُنْيِ كَاسُوَنْثِ دَكٜىٰ، سُنْ كَٰوُاْ ذَنُّوَنْ ذَمَ عَكَنْ دَوَكِ؞

²¹ مُتَنٜىٰنْ أَرَبِيَ دَ سَرَاكُنَنْ كٜىٰدَرْ سُونٜىٰ سُنْ ڢِے سَيَرْ مِكِ دَ یَنْ رَغُنَ دَ رَغُنَ دَ أَوَكِ دُواْمِنْ سَامُنْ كَايَنْكِ؞

²² یَنْ كَاسُوَنْثِ دَغَ شٜىٰبَ دَ رَعَمَ سُكَيِ كَاسُوَنْثِ دَكٜىٰ؞ سُكَ سَيَرْ دَ كَايَنْ يَجِ مَڢِے ݣَوْ دَ دُوَڟُو مَاسُ دَرَجَ إِرِ إِرِ دَ ظِينَارِيَ دُواْمِنْ سَامُنْ كَايَنْكِ؞

²³ مُتَنٜىٰنْ بِرَنٜىٰنْ هَرَنْ دَ كَنّٜىٰ دَ عَيْدَنْ دَ یَنْ كَاسُوَنْثِنْ شٜىٰبَ دَ أَشُّرْ دَ كِلْمَدْ سُنْيِ كَاسُوَنْثِ دَكٜىٰ؞

²⁴ وَطَنَّنْ سُنْ سَيَرْ مِكِ دَ رِيغُنَ مَاسُ دَرَجَ، رِيغُنَنْ كَلَرْ بُلَ مَيْ أَدُوانْ سَاڧَ مَاسُ ڟَادَ دَ كَڢٜىٰتْ مَاسُ كَلَكَلَ وَطَنْدَ عَكَ سَاڧَ دَ ظَرٜىٰ مَيْݣَوْ أَنْكُمَيِ دَڧَرْڢِے سُواْسَيْ دُواْمِنْ سَامُنْ كَايَنْكِ؞

²⁵ مَنْيَنْ جِضَاغٜىٰنْ ضُوَنٜىٰ مَاسُ كَيْ دَ كَٰوُاْ كَايَنْ كَاسُوَنْثِنْكِ؞ ‏«‏ ‏‹‏تَهَكَ كِنْ ذَمَ كَمَرْ جِضْغِ ثِكَكّٜىٰ، جِضْغِ مَيْ دَرَجَ أَڟَكِيَرْ بَبَّرْ تٜىٰكُ؞

²⁶ مَاسُ تُوڧِنْكِ سُنْ كَيْكِ ثِكِنْ ڟَكِيَرْ بَبَّرْ تٜىٰكُ، إِسْكَرْ غَبَسْ تَڢَرْڢَشٜىٰكِ أَڟَكِيَرْ تٜىٰكُنَ؞

²⁷ أَرْزِڧِنْكِ دَ كَايَنْكِ دَ كَايَنْ كَاسُوَنْثِنْكِ، دَ مَاسُ تُوڧِنْ جِضَاغٜىٰنْكِ دَ مَاسُ جَغُواْرَنْكِ، مَاسُ ڠَرَنْ جِضْغِ دَ یَنْ كَاسُوَنْثِنْكِ، دَ دُكَنْ سُواْجُواْجِنْكِ مَاسُ عِيَ يَاڧِ عَثِكِنْكِ دُكْ سُنْ نُڟٜىٰ أَڟَكِيَرْ تٜىٰكُنَ، أَ رَانَرْ هَلَّكَرْكِ؞

²⁸ دَجِنْ ڧَارَرْ كُوكَنْ مَاسُ جَغُواْرَنْكِ، ڧَوْيُكَنْكِ عَبَاكِنْ تٜىٰكُ سُنْ ڢِرْغِتَ؞

²⁹ دُكَنْ مَاسُ تُوڧِنْ جِضَاغٜىٰ، دَ مَاسُ عَيْكِنْ جِضْغٍ ضُوَ، دَ مَاسُ جَغُواْرَنْ جِضَاغٜىٰنْ ضُوَ دُكْ سُنْ بَرْ جِضَاغٜىٰنْسُ، سُنْ ڟَيَ عَبَاكِنْ تٜىٰكُ؞

³⁰ سُنَ تَادَ مُرْيَ سُنَ إِيهُ عَكَنْكِ، سُنَيِنْ كُوكَا مَيْ ذَاڢِ، سُنَ سَا ڧُورَا عَكَوُنَنْسُ سَبُواْدَ بَڧِنْ ثِكِنْسُ، سُنَيِنْ بِرْغِمَ عَثِكِنْ تُواْكَ؞

³¹ سَبُواْدَ كٜىٰ، سُنْيِ أَسْكٜىٰنْ كَوُنَنْسُ، سُنْ سَا رِيغُنَ نَنُونَ بَڧِنْ ثِكِ، سُنْيِ كُوكَا مَيْ ذَاڢِ دُواْمِنْكِ، سُنْيِ مَكُواْكِ دُواْمِنْكِ؞

³² عَثِكِنْ كُوكَنْسُ سُنْ تَادَ وَاڧَرْ مَكُواْكِ دُواْمِنْكِ، سُنَ ثٜىٰوَ ‏«‏يَا كٜىٰ تَيَ، وَثٜىٰثٜىٰ أَنْتَٻَ هَلَّكَرْ دَ عِتَ كَمَرْ كٜىٰ، وَدَّ عَكَ كَوَرْ شِضُ أَڟَكِيَرْ تٜىٰكُ؟

³³ سَعَدَّ كَايَنْ كَاسُوَنْثِنْكِ سُكَ تَڢِے كَنْ تٜىٰكُ، كِنْ ڧُواْسَرْدَ ڧَبِيلُ دَيَوَ؞ دَ يَوَنْ أَرْزِڧِنْكِ دَ كَاسُوَنْثِنْكِ، كِنْ سَا سَرَاكُنَنْ دُونِيَا سُنْيِ أَرْزِڧِ؞

³⁴ يَنْذُ، تٜىٰكُنَ سُنْ ڢَرْڢَشٜىٰكِ، كِنْ غَنْ‌غَرَ ذُوَا ثِكِنْ ظُرْڢَڢَّنْ ضُوَ؞ دُكَنْ كَايَنْ كَاسُوَنْثِنْكِ دَ مَعَيْكَتَنْكِ نَاجِضَاغٜىٰنْ ضُوَ سُنْ نُڟٜىٰ تَرٜىٰدَكٜىٰ؞

³⁵ دُكَنْ مَذَوْنَنْ يَنْكُنَنْ بَاكِنْ تٜىٰكُ، سُنْ رَسَ أَبِنْ ڢَطَا سَبُواْدَ أَبِنْدَ يَسَامٜىٰكِ؞ سَرَاكُنَنْسُ سُنْ ڟُواْرَتَ ڨُورَيْ، ڢُسْكُواْكِنْسُ سُنْ بُوشٜىٰ سَبُواْدَ ڟُواْرُواْ؞

³⁶ یَنْ كَاسُوَنْثِ عَثِكِنْ ڧَبِيلُ سُنْيِ مِكِ بَعَ، ڧَرْشٜىٰنْكِ يَذَمَ أَبِنْ ڟُواْرُواْ، بَذَاكِ ڧَارَ كَسَنْثٜىٰوَبَ حَرْ أَبَدَا؞»‏ ›‏ »‏