هِظْڧِيَالْ 25 - أَتَّوْرَتْ دَ أَنَّبَاوَا

أَنَّبْثِ غَابَدَ أَمُّوانْ

¹ يَهْوٜىٰهْ يَايِ مَغَنَ دَنِے ثٜىٰوَ

² ‏«‏يَا كَيْ طَنْ مُتُمْ، سَيْ كَڢُسْكَنْثِ أَمُّواْنَاوَا، كَيِ أَنَّبْثِ غَابَادَسُو؞

³ كَثٜىٰمُسُ سُكَسَ كُنّٜىٰ غَ مَغَنَرْ عُبَنْ‌غِجِ يَهْوٜىٰهْ؞ كَثٜىٰمُسُ، ‏‹‏إِنْجِنِ عُبَنْ‌غِجِ يَهْوٜىٰهْ، أَ لُواْكَثِنْ دَ عَكَيِ بَنْظَ دَ وُرِنْ ذَمَنَ مَيْ ڟَرْكِے، عَكَ مَيْدَ ڧَسَرْ إِسْرَٰٓءِيلَ كُڢَيْ، عَكَ كُمَ كَيْ غِدَنْ يَهُودَ بَوْتَا، أَ لُواْكَثِنْ نٜىٰ كُكَثٜىٰ ‏«‏مَادَلَّ!‏»‏

⁴ سَبُواْدَ حَكَ، غَاشِ، ذَنْ بَاشٜىٰكُ أَ حَنُّنْ مُتَنٜىٰنْ غَبَسْ سُمَلَّكٜىٰكُ؞ ذَاسُ كَڢَ تٜىٰنْتُنَنْسُ عَثِكِنْكُ، سُذَوْنَ عَثِكِنْكُ، سُثِ أَمْڢَانِنْ غُواْنَكِنْكُ، سُكُمَ شَا مَدَرَرْكُ؞

⁵ ذَنْ مَيْدَ بَبَّنْ بِرْنِنْكُ رَبَّهْ وُرِنْ كِيوُانْ رَاڧُمَ، إِنْكُمَ مَيْدَ ڧَسَرْكُ تَ أَمُّوانْ وُرِنْ هُوتُنْ غَرْكٜىٰنْ تُمَكِ دَ أَوَكِ؞ سَعَنً ذَاكُ سَنِ ثٜىٰوَ نِنٜىٰ يَهْوٜىٰهْ؞

⁶ ‏«‏ ‏‹‏حَڧِيڧَ، إِنْجِنِ عُبَنْ‌غِجِ يَهْوٜىٰهْ، تُنْدَيَكٜىٰ كُكَ تَڢَ حَنُّ، كُكَ كُمَ تَاكَ ضَوَ دَ ڧَڢَاڢُنْكُ، كُنَڢَارِنْ ثِكِ دُواْمِنْ كُنُونَ دُكَنْ ڧِيَيَّرْ ذُوثِيَارْكُ غَ ڧَسَرْ إِسْرَٰٓءِيلَ،

⁷ تُواْ، غَاشِ، نَا مِيڧَ هَنُّونَ مَيْ إِيكُواْ نَغَابَادَكُو؞ ذَنْ بَاشٜىٰكُ أَ حَنُّنْ أَلْعُمَّيْ، كُذَمَ كَمَرْ كَايَنْ دَ عَكَ ݣُوشٜىٰ عَيَاڧِ؞ ذَنْ كَوَرْ دَكُو دَغَ ڧَبِيلُ، ذَنْسَا أَ هَلَّكَ ڧَسَرْكُ أَ شَارٜىٰ سُونَنْكُ دَغَ ثِكِنْ ڧَبِيلُ؞ ذَاكُ كُوَ سَنِ ثٜىٰوَ نِنٜىٰ يَهْوٜىٰهْ؞›‏ »‏

أَنَّبْثِ غَابَادَ مُواْوَبْ

⁸ ‏«‏إِنْجِنِ عُبَنْ‌غِجِ يَهْوٜىٰهْ، سَبُواْدَكُو مُتَنٜىٰنْ مُواْوَبْ دَ نَ سٜىٰيِرْ كُكَثٜىٰ غِدَنْ يَهُودَ كَمَرْ دُكَنْ سَوْرَنْ أَلْعُمَّيْ نٜىٰ،

⁹ تُواْ، غَاشِ ذَنْ بُوطٜىٰ ڧُواْڢُواْڢِنْ دُكَنْ غَرُضُوً مُواْوَبْ حَرْ ذُوَا إِيَاكَرْ ڧَسَرْتَ؞ غَرُرُوَنَّنْ سُونٜىٰ دَرَجَرْتَ، وَتُواْ بٜىٰتْ يٜىٰشِمُواتْ دَ بَعَلْ مٜىٰيُوانْ دَ كُمَ كِرِيَتَيِمْ؞

¹⁰ ذَنْ بَاشٜىٰتَ تَرٜىٰدَ أَمُّواْنَاوَا سُذَمَ مَلَّكَرْ مُتَنٜىٰنْ غَبَسْ؞ تَهَكَ، بَذَاعَ ڧَارَ تُنَاوَا دَ أَمُّواْنَاوَا كُمَ عَثِكِنْ أَلْعُمَّيْبَ؞

¹¹ ذَنْ كُمَ حُكُنْتَ مُواْوَبْ؞ سَعَنً ذَاسُ سَنِ ثٜىٰوَ نِنٜىٰ يَهْوٜىٰهْ؞»‏

أَنَّبْثِ غَابَادَ عٜىٰدُوامْ

¹² ‏«‏إِنْجِنِ عُبَنْ‌غِجِ يَهْوٜىٰهْ، سَبُواْدَ عٜىٰدُوامْ تَيِ رَامُوَا عَكَنْ غِدَنْ يَهُودَ، تَكُمَيِ بَبَّنْ لَيْڢِے تَوُرِنْ يِنْ وَنَّنْ رَامُوَا عَكَنْسُ،

¹³ تُواْ، إِنْجِنِ عُبَنْ‌غِجِ يَهْوٜىٰهْ، غَاشِ، ذَنْ مِيڧَ هَنُّونَ مَيْ إِيكُواْ نَغَابَادَ عٜىٰدُوامْ؞ ذَنْ كَوَرْدَ مُتَنٜىٰنْتَ دَ دَبُّواْبِنْتَ، إِنْكُمَ مَيْدَ عِتَ كُڢَيْ؞ دَغَ غَرِنْ تٜىٰمَنْ حَرْ ذُوَا غَرِنْ دٜىٰدَنْ، ذَاسُ مُتُ تَوُرِنْ تَكُواْبِنْ يَاڧِ؞

¹⁴ ذَنْ مِيڧَ هَنُّونَ إِنْيِ رَامُوَا عَكَنْ عٜىٰدُوامْ تَوُرِنْ مُتَنٜىٰنَ إِسْرَٰٓءِيلَ؞ ذَاسُ حُكُنْتَ عٜىٰدُوامْ بِسَغَ ڢُشِنَ دَ ذَاڢِنْ ڢُشِنْ دَ نَكٜىٰيِ عَكَنْسُ؞ عٜىٰدُواْمَاوَا كُوَ ذَاسُ سَنْ إِرِنْ رَامُوَرْدَ نَيِ؞ نِے عُبَنْ‌غِجِ يَهْوٜىٰهْ نَا ڢَطَا؞»‏

أَنَّبْثِ غَابَادَ ڢِلِسْتِيَ

¹⁵ ‏«‏إِنْجِنِ عُبَنْ‌غِجِ يَهْوٜىٰهْ، سَبُواْدَ ڢِلِسْتِيَاوَا سُنْ نَاثٜىٰ غَ يِنْ غَابَادَ غِدَنْ يَهُودَ، سُنْيِ رَامُوَا، سُنْ كُمَيِ هَلَّكَ دَ ڧِيَيَّرْ ذُوثِيَارْسُ،

¹⁶ تُواْ، إِنْجِنِ عُبَنْ‌غِجِ يَهْوٜىٰهْ، غَاشِ، ذَنْ مِيڧَ هَنُّونَ مَيْ إِيكُواْ إِنْيِ غَابَادَ ڢِلِسْتِيَاوَا؞ ذَنْ كَوَرْدَ كٜىٰرٜىٰتِيَاوَا، إِنْكُمَ هَلَّكَرْ دَ ضَغُواْوَرْ مُتَنٜىٰنْ دَسُكٜىٰ ذَمَ عَبَاكِنْ تٜىٰكُ؞

¹⁷ ذَنْيِ مُسُ بَبَّرْ رَامُوَا دَ حُكُنْثِ مَيْ ڟَنَنِ؞ سَعَدَّ نَيِ وَنَّنْ رَامُوَا عَكَنْسُ، ذَاسُ سَنِ ثٜىٰوَ نِنٜىٰ يَهْوٜىٰهْ؞»‏