هِظْڧِيَالْ 21 - أَتَّوْرَتْ دَ أَنَّبَاوَا

تَكُواْبِنْ حُكُنْثِ نَ اللَّهْ

¹ سَيْ يَهْوٜىٰهْ يَيِ مَغَنَ دَنِے ثٜىٰوَ

² ‏«‏يَا كَيْ طَنْ مُتُمْ، كَڢُسْكَنْثِ عُرُوشَلِيمَ، كَيِ أَنَّبْثِ غَابَادَ وُرَارٜىٰنْسُ نَسُجَّدَ، كَكُمَيِ أَنَّبْثِ غَابَادَ ڧَسَرْ إِسْرَٰٓءِيلَ؞

³ كَڢَطَا وَڧَسَرْ إِسْرَٰٓءِيلَ، ‏‹‏إِنْجِنِ يَهْوٜىٰهْ، إِنَ غَابَادَكٜىٰ؞ ذَنْ ذَارٜىٰ تَكُواْبِنَ دَغَ ثِكِنْ غِدَنْسَ، إِنْ كَوَرْدَ مَاسُ أَدَلْثِے دَ مُوغَيٜىٰ دَغَ ثِكِنْكِ؞

⁴ دَيَكٜىٰ ذَنْ كَوَرْدَ مَاسُ أَدَلْثِے دَ مُوغَيٜىٰ دَغَ ثِكِنْكِ، تَكُواْبِنَ ذَيْڢِتَ دَغَ غِدَنْسَ يَيِ غَابَادَ كُواْوَ دَغَ يَنْكِنْ كُدُ ذُوَا يَنْكِنْ أَرٜىٰوَ؞

⁵ دُكَنْ مُتَنٜىٰ ذَاسُ سَنِ ثٜىٰوَ نِے يَهْوٜىٰهْ نٜىٰ، نَظَارٜىٰ تَكُواْبِنَ دَغَ غِدَنْسَ، بَكُوَ ذَنْ سَاكٜىٰ مَيْدَشِ أَغِدَنْسَبَ؞›‏

⁶ ‏«‏سَبُواْدَ حَكَ، يَا كَيْ طَنْ مُتُمْ، يِمَكُواْكِ!‏ أَ عِدُوانْسُ، يِنِيشِ دَ أَجِيَرْ ذُوثِيَا دَ بَڧِنْ ثِكِ مَيْ ذَاڢِ؞

⁷ سَعَدَّ سُكَثٜىٰ، ‏‹‏دُوانْمٜىٰ كَكٜىٰ مَكُواْكِ؟›‏ سَيْ كَثٜىٰ، ‏‹‏سَبُواْدَ لَابَرِنْ أَبِنْدَ يَكٜىٰ ذُوَا نٜىٰ؞ ذُوثِيَارْ كُواْوَ ذَاتَ نَرْكٜىٰ، حَنُّنْ كُواْوَ ذَيْ مُتُ، رُوحٌ كُواْوَ كُمَ ذَيْ سُومَ، ڠُوِوُاْيِنْ كُواْوَ ذَاسُيِ سَنْيِ كَمَرْ ضُوَ؞›‏ غَاشِ، أَبِنْ يَنَ ذُوَا، ذَيْ تَبَّتَا؞ نِے عُبَنْ‌غِجِ يَهْوٜىٰهْ نَا ڢَطَا؞»‏

⁸ يَهْوٜىٰهْ يَايِ مَغَنَ دَنِے ثٜىٰوَ

⁹ ‏«‏يَا كَيْ طَنْ مُتُمْ، كَيِ أَنَّبْثِ كَثٜىٰ، ‏«‏ ‏‹‏إِنْجِنِ يَهْوٜىٰهْ، تَكُواْبِے، تَكُواْبِنْ دَ عَكَ وَاسَ، عَكَ كُمَ غُواْغٜىٰ!‏

¹⁰ أَنْ وَاسَشِ دُواْمِنْ كِسَا، أَنْ‌غُواْغٜىٰشِ يَنَ ڨَلْڨَلِ كَمَرْ وَلْڧِيَ؞ يَيَ ذَامُجِے دَاطِنْ وَنَّنْ؟ تَكُواْبِنَّنْ، بَذَاعَ ڟَيْ دَشِيبَ، يَارِغَا يَسَارٜىٰ سَنْدَنْ مُلْكِ مَيْ ڧَرْڢِے!‏

¹¹ أَنْ بَادَ تَكُواْبِنْ أَغُواْغٜىٰشِ، دُواْمِنْ أَ رِڧٜىٰشِ غَمْ أَهَنُّ؞ أَنْ وَاسَ تَكُواْبِنْ، أَنْ‌غُواْغٜىٰشِ، دُواْمِنْ أَ سَاشِ أَ حَنُّنْ مَيْ كِسَا؞

¹² يِكُوكَا، كَتَادَ إِيهُ، يَا كَيْ طَنْ مُتُمْ، غَمَا تَكُواْبِنْ يَنَ غَابَادَ مُتَنٜىٰنَنٜىٰ، يَنَ كُمَ غَابَادَ دُكَنْ سَرَاكُنَنْ إِسْرَٰٓءِيلَ نٜىٰ؞ أَنْ بَادَسُو غَ تَكُواْبِے، دَسُو دَ مُتَنٜىٰنَ؞ أَيَّ!‏ سَا حَنُّ عَكَيْ سَبُواْدَ بَڧِنْ ثِكِ؞

¹³ ‏«‏ ‏‹‏حَڧِيڧَ، ڠُوجِ ذَيْظُواْوَ مُتَنٜىٰنَ؞ أَݣَويْ وَنْدَ ذَيْ ڟَيْ دَ شِينٜىٰ؟ نِے عُبَنْ‌غِجِ يَهْوٜىٰهْ نَا ڢَطَا؞›‏

¹⁴ ‏«‏كَيْ كُمَ، يَا كَيْ طَنْ مُتُمْ، كَيِ أَنَّبْثِ، كَبُغَ حَنُّوَنْكَ؞ كَكَطَ تَكُواْبِے سَوْ بِيُ، حَرْ مَا سَوْ عُكُ، تَكُواْبِے نٜىٰ دُواْمِنْ كِسَا؞ تَكُواْبِے نٜىٰ نَكَشٜىٰ كَشٜىٰ دَيَوَ، كُمَ يَنَ كٜىٰوَيٜىٰ دَسُو؞

¹⁵ تَكُواْبِنْ ذَيْسَا ذُوثِيَارْسُ سُنَرْكٜىٰ، دَ ڟُواْرُواْ دَيَوَ كُمَ ذَاسُيِ تَڢَاطُوَ؞ عَبَاكِنْ دُكَنْ ڧُواْڢُواْڢِنْسُ نَكَكَّڢَ تَكُواْبِے؞ أَهَ!‏ أَنْيِشِ دُواْمِنْ يَيِ وَلْڧِيَ، أَنْوَاسَ شِ دُواْمِنْ كَشٜىٰ كَشٜىٰ؞

¹⁶ كَيْ هَرِ عَتَدَمَ!‏ كَيْ هَرِ عَتَهَغُ!‏ دُكْ عِنْدَ بَاكِنْكَ يَجُويَ، كَسَارٜىٰ؞

¹⁷ نِے مَا ذَنْ بُغَ حَنُّوَنَ، ڢُشِنَ كُوَ يَثِكَ حَرْ يَهُوثٜىٰ؞ نِے يَهْوٜىٰهْ نَا ڢَطَا؞»‏

تَكُواْبِے غَابَادَ سَرْكِنْ بَابِيلَ

¹⁸ يَهْوٜىٰهْ يَايِ مَغَنَ دَنِے ثٜىٰوَ

¹⁹ ‏«‏يَا كَيْ طَنْ مُتُمْ، سَيْ كَظَانَ هَنْيُواْيِ بِيُ سُذَمَ عَلَمَ عِنْدَ تَكُواْبِنْ سَرْكِنْ بَابِيلَ ذَيْبِے، دُكَنْسُ ذَاسُ ڢِتُواْ دَغَ ڧَسَا طَيَ؞ سَعَنً كَكَڢَ عَلَمَ عَكَنْ مَرَرَّبَرْ حَنْيَ، عَلَمَرْ دَ ذَاتَ نُونَ حَنْيَ ذُوَا ثِكِنْ بِرْنِ؞

²⁰ سَيْ كَنُونَ حَنْيَ طَيَ دُواْمِنْ تَكُواْبِے ذُوَا رَبَّهْ تَ أَمُّواْنَاوَا، طَيَ كُمَ ذُوَا عُرُوشَلِيمَ، بِرْنِ مَيْ كَتَنْ‌غَ، ثِكِنْ ڧَسَرْ يَهُودَ؞

²¹ غَمَا سَرْكِنْ بَابِيلَ يَڟَيَ عَكَنْ مَرَرَّبَرْ حَنْيَ، أَ عِنْدَ هَنْيُواْيِ بِيُ سُكَ حَطُ، دُواْمِنْ يَيِ دُوبَا؞ يَنَ غِرْغِظَ كِبِيُواْيِ، يَنَ نٜىٰمَنْ شَوَرَا دَغَ غُمَكَ، يَنَ دُوبَانْ هَنْتَ؞

²² أَ حَنُّنْ دَامَنْسَ، دُوبَانْ يَنُونَ بِرْنِنْ عُرُوشَلِيمَ دَ يَدَّ ذَيْ كَڢَ غُنْ‌غُمٜىٰنْ رُشٜىٰ كَتَنْ‌غَ دُواْمِنْ عَثِ بِرْنِنْ دَ يَاڧِ؞ دُوبَنْ كُمَ يَنُونَ يَدَّ ذَاعَيِ كِرَرِنْ يَاڧِ دُواْمِنْ كَشٜىٰ كَشٜىٰ دَ يَدَّ ذَاعَ كَٰوُاْ غُنْ‌غُمٜىٰنْ رُشٜىٰ كَتَنْ‌غَ دُواْمِنْ أَ رُشٜىٰ ڧُواْڢُواْڢِنْ غَرِنْ دَ يَدَّ ذَاعَ تَارَ ڧَسَا دُواْمِنْ أَ هَوْ تَكَتَنْ‌غَ دُواْمِنْ يَاڧِ؞

²³ عَمَّا أَغَنِنْ مُتَنٜىٰنْ عُرُوشَلِيمَ دُوبَانْ ڧَضْيَا نٜىٰ، غَمَا سُنْ رِغَا سُنْيِ وَسَرْكِنْ بَابِيلَ ضَنْڟُوَارْ أَمِنْثِ؞ عَمَّا وَنَّنْ ذَيْ تُنَ مُسُ دَ لَيْڢِنْسُ، وَنْدَ ذَيْسَا عَكَامَسُ؞

²⁴ إِنْجِنِ عُبَنْ‌غِجِ يَهْوٜىٰهْ، ‏‹‏حَڧِيڧَ، كُنْ سَا عَتُنَ دَ لَيْڢُواْڢِنْكُ، كُنْ كُمَسَا ذُنُبَنْكُ نَغَنْ‌غَنْثِ سُكَ تُواْنُ، ذُنُبَنْكُ كُمَ سُكَ بَيَّنَ؞ تُنْدَ كُنْ سَا نَتُنَ دَ وَطَنَّنْ لَيْڢُواْڢِنْكُ دُكَ، تُواْ دَ حَنُّ ذَاعَ كَمَكُ عَكَيْكُ بَوْتَا؞

²⁵ ‏«‏ ‏‹‏تُواْ غَمٜىٰدَ كَيْ، يَا كَيْ مَيْ بَنْ ڨَمَ، مُوغُنْ سَرْكِنْ إِسْرَٰٓءِيلَ، رَانَرْكَ تَذُواْ؞ ݣُونَكِنْ حُكُنْثِنْكَ سُنْ ذُواْ غَ ڧَرْشٜىٰ؞

²⁶ إِنْجِنِ عُبَنْ‌غِجِ يَهْوٜىٰهْ، ثِرٜىٰ هُولَرْ مُلْكِنْكَ كَتُوٻٜىٰ ضَوَنِنْكَ!‏ أَبُبُوَ بَذَاسُ كَسَنْثٜىٰ كَمَرْ يَدَّ سُكٜىٰبَ؞ أَ طَوْكَكَ أَبِنْدَ عَكَ ڧَسْڧَنْتَرْ، عَكُمَ ڧَسْڧَنْتَرْدَ أَبِنْدَ عَكَ غِرْمَمَ؞

²⁷ هَلَّكَ، هَلَّكَ، ذَنْسَا بِرْنِنْ يَهَلَّكَ!‏ وَنَّنْ بَذَيْ ڢَرُبَ سَيْ لُواْكَثِنْ دَ مَيْ حَكِّنْ شَرِيعَ يَذُواْ، شِينٜىٰ ذَنْبَاشِ؞›‏ »‏

تَكُواْبِے غَابَادَ أَمُّوانْ

²⁸ ‏«‏كَيْ كُمَ، يَا كَيْ طَنْ مُتُمْ، كَيِ أَنَّبْثِ كَثٜىٰ، ‏‹‏إِنْجِ أَبِنْدَ عُبَنْ‌غِجِ يَهْوٜىٰهْ يَڢَطَا غَمٜىٰدَ أَمُّواْنَاوَا دَ ذَاغِنْ دَ سُكَيِ وَمُتَنٜىٰنَ، ‏«‏ ‏‹‏تَكُواْبِے، تَكُواْبِے، أَنْظَارٜىٰ تَكُواْبِے دُواْمِنْ كِسَا!‏ أَنْ غُواْغٜىٰ تَكُواْبِنْ دُواْمِنْ يَثِ يَيِ ڨَلْڨَلِ كَمَرْ وَلْڧِيَ!‏

²⁹ دُكْ دَ رُعُيَرْ ڧَضْيَارْ دَ عَكَيِ غَمٜىٰ دَكُو، دَ دُوبَانْ ڧَضْيَارْ دَ عَكَيِ غَمٜىٰ دَكُو، ذَاعَ سَا تَكُواْبِے أَوُيَنْ مَاسُ بَنْ ڨَمَ دَ مُوغَيٜىٰ، غَمَا غَ وَطَنَّنْ رَانَرْسُ تَذُواْ، لُواْكَثِنْ حُكُنْثِنْسُ يَيِ؞

³⁰ تَكُواْبِے، كَكُواْمَ غِدَنْكَ؞ أَوُرِنْ دَ عَكَ حَلِثّٜىٰكَ، عَثِكِنْ عَيْنِحِنْ ڧَسَرْكَ، أَوُرِنْ ذَنْ شَرْعَنْتَكَ؞

³¹ ذَنْ ظُبَ ڢُشِنَ عَكَنْكَ، إِنْ هُورَ ذَاڢِنْ وُتَرْ ڢُشِنَ عَكَنْكَ؞ ذَنْ بَادَكَيْ أَ حَنُّنْ مَرَسَ تُنَانِ، ڠُونَيٜىٰ مَاسُ عِيَ هَلَّكَرْوَ؞

³² ذَاكَ ذَمَ إِتَاثٜىٰنْ وُتَا، ذَاعَ ظُبَرْدَ جِنِنْكَ عَڧَسَرْكَ، بَذَاعَ ڧَارَ تُنَاوَا دَكَيْ بَ، غَمَا نِے يَهْوٜىٰهْ نَا ڢَطَا؞›‏ »‏