هِظْڧِيَالْ 20 - أَتَّوْرَتْ دَ أَنَّبَاوَا

إِسْرَٰٓءِيلَ سُنْثِيغَبَ دَ يِنْ تَاوَيٜىٰ

¹ أَنَانً أَ رَانَ تَغُواْمَ تَوَتَنْ بِيَرْ أَ شٜىٰكَرَا تَبَݣَويْ، سَيْ وَطَنْسُ دَتَّاوَنْ إِسْرَٰٓءِيلَ سُكَذُواْ دُواْمِنْ سُنٜىٰمِ نُڢِنْ يَهْوٜىٰهْ؞ سُكَ ذَوْنَ أَغَبَنَ؞

² سَيْ يَهْوٜىٰهْ يَيِ مَغَنَ دَنِے ثٜىٰوَ

³ ‏«‏يَا كَيْ طَنْ مُتُمْ، كَيِ مَغَنَ دَ دَتَّاوَنْ إِسْرَٰٓءِيلَ، كَثٜىٰ مُسُ، ‏‹‏إِنْجِنِ عُبَنْ‌غِجِ يَهْوٜىٰهْ، دُوانْمٜىٰ كُكٜىٰ ذُوَا وُرِينَ؟ دُوانْ كُنٜىٰمِ شَوَرَا دَغَ غَرٜىٰنِنٜىٰ؟ نَا ضَنْڟٜىٰ دَ رَيْنَ، بَذَنْ تَٻَ يَرْدَ كُنٜىٰمِ شَوَرَا دَغَ غَرٜىٰنِبَ؞ نِے عُبَنْ‌غِجِ يَهْوٜىٰهْ نَا ڢَطَا؞›‏

⁴ ‏«‏كَيْ سَيْ كَيِمُسُ شَرِيعَ، يَا كَيْ طَنْ مُتُمْ!‏ كَيِمُسُ شَرِيعَ؞ سَيْ كَسَنَرْ مُسُ دَ أَيُّكَنْسُ نَبَنْ ڨَمَ وَطَنْدَ كَاكَنِّنْسُ سُكَيِ؞

⁵ سَيْ كَثٜىٰ مُسُ، ‏‹‏إِنْجِنِ عُبَنْ‌غِجِ يَهْوٜىٰهْ، أَ رَانَرْدَ نَذَاٻِ إِسْرَٰٓءِيلَ، نَيِ ضَنْڟُوَا غَ ذُرِيَرْ غِدَنْ يَعْڧُوبَ، نَطَغَ هَنُّونَ نَا ضَنْڟٜىٰ مُسُ ثٜىٰوَ ‏«‏نِنٜىٰ يَهْوٜىٰهْ اللَّهْ نْكُ؞»‏ نَكُمَ بَيَّنَ كَيْنَ غَرٜىٰسُ عَڧَسَرْ مَصَرْ؞

⁶ أَ رَانَرْ نَنْ نَيِمُسُ ضَنْڟُوَا ثٜىٰوَ ذَنْ ڢِتُواْ دَسُو دَغَ ڧَسَرْ مَصَرْ، إِنْ كَٰوُاْسُ ثِكِنْ ڧَسَرْدَ نَذَاٻَا مُسُ، ڧَسَاثٜىٰ مَيْ أَمْڢَانِ، ڧَسَرْ دَتَڢِے دُكَنْ ڧَسَاشٜىٰ أَلْبَرْكَ؞

⁷ سَيْ نَثٜىٰمُسُ ‏«‏كُواْوَنّٜىٰنْكُ يَكَوَرْدَ أَبُبُوَنْ ڧَظَنْتَا نَشَعَوَرْ عِدَنُونْسَ، كَدَ وَنِ يَڧَظَنْتَرْدَ كَنْسَ دَ غُمَكَنْ مَصَرْ؞ نِنٜىٰ يَهْوٜىٰهْ اللَّهْ نْكُ؞»‏

⁸ ‏«‏ ‏‹‏عَمَّا سُكَ تَيَرْ مِنِ، بَسُ دَامُ سُجِنِبَ؞ بَسُ كَوَرْدَ أَبُبُوَنْ ڧَظَنْتَا نَشَعَوَرْ عِدَنُونْسُبَ، بَسُ كُوَ رَبُ دَ غُمَكَنْ مَصَرْ بَ؞ ‏«‏ ‏‹‏سَيْ نَيِ تُنَانِ ثٜىٰوَ ذَنْ ظُبَ مُسُ ذَاڢِنْ ڢُشِنَ، إِنْ غَمَ ڢُشِنَ عَكَنْسُ تُنْ سُنَ عَڧَسَرْ مَصَرْ؞

⁹ عَمَّا دُواْمِنْ أَغِرْمَمَ سُونَنَ بَنْ يِوَنَّنْبَ، دُواْمِنْ كَدَ عَيِبَنْظَ دَ سُونَنَ أَعِدُوانْ أَلْعُمَّيْ عِنْدَ جَمَعَتَ سُكٜىٰ ظَوْنٜىٰ؞ غَمَا أَعِدُوانْ أَلْعُمَّيْ نَبَيَّنَ كَيْنَ أَغَرٜىٰسُ، يَايِنْ دَ نَكٜىٰ ڢِتُواْ دَ جَمَعَتَ دَغَ ڧَسَرْ مَصَرْ؞

¹⁰ ‏«‏ ‏‹‏سَبُواْدَ حَكَ، نَڢِتَرْ دَسُو دَغَ ڧَسَرْ مَصَرْ، نَكَٰوُاْسُ ثِكِنْ دَاجِ؞

¹¹ نَبَاسُ ڧَٰعِدُواْدِنَ، نَكُمَ كُواْيَ مُسُ عُمَرْنَيْنَ، وَطَنْدَ عِدَنْ مُتُمْ يَكِيَايٜىٰسُ، ذَيْ رَايُ؞

¹² بَنْدَ حَكَمَا، نَبَاسُ رَانَرْ هُوتُ تَمَكُواْ تَاوَ، تَذَمَ عَلَمَ ڟَكَانِينَ دَسُو دُواْمِنْ سُسَنِ ثٜىٰوَ نِے يَهْوٜىٰهْ نٜىٰ وَنْدَ يَڟَرْكَكٜىٰسُ؞

¹³ عَمَّا غِدَنْ إِسْرَٰٓءِيلَ سُكَ تَيَرْ مِنِ أَدَاجِ؞ بَ سُيِ تَڢِيَ بِسَغَ ڧَٰعِدُواْدِنَ بَ، سُكَڧِ عُمَرْنَيْنَ، وَطَنْدَ عِدَنْ مُتُمْ يَكِيَايٜىٰسُ ذَيْ رَايُ؞ سُكَيِ بَنْظَ دَ رَانَرْ هُوتُ تَمَكُواْ تَاوَ ڨُورَيْ؞ ‏«‏ ‏‹‏سَيْ نَيِ تُنَانِ ثٜىٰوَ ذَنْ ظُبَ ڢُشِنَ عَكَنْسُ عَثِكِنْ دَاجِ، دُواْمِنْ إِنْ كَوَرْ دَسُو غَبَاطَيَ؞

¹⁴ عَمَّا دُواْمِنْ أَغِرْمَمَ سُونَنَ بَنْ يِوَنَّنْبَ، دُواْمِنْ كَدَ عَيِ بَنْظَ دَ سُونَنَ أَعِدُوانْ أَلْعُمَّيْ، وَطَنْدَ نَڢِتَرْدَ جَمَعَتَ أَعِدُوانْسُ؞

¹⁵ نَا كُمَ ضَنْڟٜىٰ مُسُ عَثِكِنْ دَاجِ، ثٜىٰوَ بَذَنْ كَيْسُ ثِكِنْ ڧَسَرْدَ نَبَاسُبَ، ڧَسَا مَيْ أَمْڢَانِ، وَتُواْ ڧَسَرْدَ تَڢِے دُكَنْ ڧَسَاشٜىٰ أَلْبَرْكَ؞

¹⁶ نَيِهَكَ سَبُواْدَ سُنْڧِے عُمَرْنَيْنَ، بَسُ كُمَيِ تَڢِيَ عَثِكِنْ ڧَٰعِدُواْدِنَبَ، سُكَيِ بَنْظَ دَ رَانَرْ هُوتُ تَمَكُواْ تَاوَ، غَمَا ذُوثِيَارْسُ تَڢِے سُوانْ غُمَكَنْسُ؞

¹⁷ دُكْدَهَكَ، نَدُوبٜىٰسُ دَ عِدُوانْ تَوْسَيِ، بَنْ كَوَرْ دَسُو غَبَاطَيَ عَثِكِنْ دَاجِبَ؞

¹⁸ ‏«‏ ‏‹‏سَيْ نَثٜىٰ وَیَیَنْسُ عَثِكِنْ دَاجِ ‏«‏كَدَ كُيِ تَڢِيَ بِسَغَ ڧَٰعِدُواْدِنْ إِيَايٜىٰنْكُ، كُواْ كُكِيَايٜىٰ عُمَرْنَنْسُ، كَدَ كُمَ كُڧَظَنْتَرْدَ كَنْكُ دَ غُمَكَنْسُ؞

¹⁹ نِے يَهْوٜىٰهْ نٜىٰ اللَّهْ نْكُ، كُيِ تَڢِيَ بِسَغَ ڧَٰعِدُواْدِنَ، كُلُورَ دُواْمِنْ كُكِيَايٜىٰ عُمَرْنَيْنَ؞

²⁰ كُكِيَايٜىٰ رَانَرْ هُوتُ تَمَكُواْ تَاوَ دَ ڟَرْكِے، تَذَمَ عَلَمَ ڟَكَانِينَ دَكُو، دُواْمِنْ كُسَنِ ثٜىٰوَ نِے يَهْوٜىٰهْ نٜىٰ اللَّهْ نْكُ؞»‏

²¹ ‏«‏ ‏‹‏عَمَّا یَیَنْسُ سُكَ تَيَرْ مِنِ، بَسُيِ تَڢِيَ بِسَغَ ڧَٰعِدُواْدِنَبَ، بَسُ لُورَ سُكِيَايٜىٰ عُمَرْنَيْنَبَ، وَطَنْدَ عِدَنْ مُتُمْ يَكِيَايٜىٰسُ، ذَيْ رَايُ؞ سُكَيِ بَنْظَ دَ رَانَرْ هُوتُ تَمَكُواْ تَاوَ؞ ‏«‏ ‏‹‏سَيْ نَيِ تُنَانِ ثٜىٰوَ ذَنْ ظُبَ ذَاڢِنْ ڢُشِنَ عَكَنْسُ، إِنْ غَمَ ڢُشِنَ عَكَنْسُ عَثِكِنْ دَاجِ؞

²² عَمَّا نَجَنْيٜىٰ هَنُّونَ، دُواْمِنْ أَغِرْمَمَ سُونَنَ، دُواْمِنْ كَدَ عَيِبَنْظَ دَ سُونَنَ أَعِدُوانْ أَلْعُمَّيْ، وَطَنْدَ أَعِدُوانْسُ نَڢِتَرْدَ جَمَعَتَ إِسْرَٰٓءِيلَ؞

²³ دُكْدَهَكَ نَا ضَنْڟٜىٰ مُسُ أَدَاجِ ثٜىٰوَ ذَنْ وَاڟَرْ دَسُو عَثِكِنْ أَلْعُمَّيْ إِنْكُمَ بَظَسُ كُواْعِنَ عَثِكِنْ ڧَسَاشٜىٰ،

²⁴ سَبُواْدَ بَسُ كِيَايٜىٰ عُمَرْنَيْنَبَ، عَمَّا سُنْڧِے سُيِ تَڢِيَ بِسَغَ ڧَٰعِدُواْدِنَ، سُكَ كُمَيِ بَنْظَ دَ رَانَرْ هُوتُ تَمَكُواْ تَاوَ وَدَّ نَثٜىٰ سُكِيَايٜىٰ، حَنْكَلِنْسُ يَكُواْمَ غَ غُمَكَنْ كَاكَنِّنْسُ؞

²⁵ بَنْدَ حَكَمَا نَبَادَسُ غَ ڧَٰعِدُواْدِ مَرَسَ أَمْڢَانِ دَ عُمَرْنَنْ دَ بَذَاسُ عِيَ رَايُ تَوُرِنْسُبَ؞

²⁶ نِے نَبَرْسُ سُڧَظَنْتَرْ دَكَنْسُ تَوُرِنْ ݣَوْتَنْسُ نَمِيڧَ یَیَنْسُ نَڢَارِ هَدَايُ؞ نَيِهَكَ دَ نُڢِ دُواْمِنْ إِنْسَاسُ سُضِكِثِے ثِكِنْ كُنْيَا، دُواْمِنْ سُسَنِ ثٜىٰوَ نِنٜىٰ يَهْوٜىٰهْ؞›‏

²⁷ ‏«‏سَبُواْدَ حَكَ، يَا كَيْ طَنْ مُتُمْ، سَيْ كَيِمَغَنَ دَ غِدَنْ إِسْرَٰٓءِيلَ، كَثٜىٰ، ‏‹‏إِنْجِنِ عُبَنْ‌غِجِ يَهْوٜىٰهْ، حَكَمَا كَاكَنِّنْكُ سُكَ سَٻَ مِنِ تَوُرِنْ ڧِنْ أَمِنْثٜىٰوَ دَنِے؞

²⁸ غَمَا سَعَدَّ نَكَٰوُاْسُ ثِكِنْ ڧَسَرْدَ نَرَنْڟٜىٰ ذَنْبَاسُ، سَعَدَّ سُكَغَ وَنِ تُدُ كُواْ إِتَاثٜىٰ مَيْ غَنْيٜىٰ، أَوُرِنْ نٜىٰ ذَاسُ مِيڧَ هَدَايُنْسُ؞ حَكَ كُوَ سُكَتَادَ ڢُشِنَ تَوُرِنْ هَدَايُنْسُ؞ أَوُرِنْ نٜىٰ سُكَ مِيڧَ هَدَايُنْسُ نَتُرَارٜىٰ مَيْ ڧَنْشِ دَ نَأَبِنْ شَا؞

²⁹ سَيْ نَثٜىٰمُسُ ‏«‏مٜىٰنٜىٰنٜىٰ مَعَنَرْ هَوْرَاوَرْكُ ذُوَا وُرِنْ سُجَّدَرْ نَنْ عَكَنْ تُدُ؟»‏ هَرْوَيَوْ كُوَ أَنَثٜىٰ دَشِ وُرِنْ سُجَّدَ عَكَنْ تُدُ؞›‏ »‏

اللَّهْ ذَيْ سَابُنْتَا إِسْرَٰٓءِيلَ

³⁰ ‏«‏سَبُواْدَ حَكَ كَثٜىٰ وَغِدَنْ إِسْرَٰٓءِيلَ، ‏‹‏إِنْجِنِ عُبَنْ‌غِجِ يَهْوٜىٰهْ، كُواْ ذَاكُ ڧَظَنْتَرْدَ كَنْكُ كَمَرْ يَدَّ كَاكَنِّنْكُ سُكَيِ؟ ذَاكُبِے أَبُبُوَنْ ڧَظَنْتَا وَطَنْدَ سُكَيِ؟

³¹ هَرْوَيَوْ كُنَ مِيڧَ ݣَوْتَنْكُ، كُنَسَا یَیَنْكُ سُكَبِے تَثِكِنْ وُتَا؞ تَهَكَ كُكَ ڧَظَنْتَرْدَ كَنْكُ تَوُرِنْ دُكَنْ غُمَكَنْكُ؞ أَغَنِنْكُ ذَاكُذُواْ كُنٜىٰمِ شَوَرَا دَغَ غَرٜىٰنِ، يَا كُو غِدَنْ إِسْرَٰٓءِيلَ؟ حَڧِيڧَ، نَا ضَنْڟٜىٰ دَ رَيْنَ بَذَنْ تَٻَ يَرْدَ كُنٜىٰمِ شَوَرَا دَغَ غَرٜىٰنِبَ؞ نِے يَهْوٜىٰهْ نَا ڢَطَا؞

³² ‏«‏ ‏‹‏تُنَانِنْ دَ كُكٜىٰيِ أَ ذُوثِيَارْكُ ثٜىٰوَ ‏«‏بَرِ مُذَمَ كَمَرْ سَوْرَنْ أَلْعُمَّيْ دَ سَوْرَنْ ظُرِيُواْيِنْ ڧَسَاشٜىٰ مَاسُ بَوْتَاوَ إِتَاثٜىٰ دَ دُوڟٜىٰ،»‏ وَنَّنْ بَذَيْ تَٻَ ڢَرُوَبَ؞

³³ حَڧِيڧَ، نَا ضَنْڟٜىٰ دَ رَيْنَ، إِنْجِنِ عُبَنْ‌غِجِ يَهْوٜىٰهْ، لَلَّيْ ذَنْيِ مُلْكِ عَكَنْكُ دَ حَنُّ مَيْ إِيكُواْ دَ يِنْ مَنْيَنْ أَيُّكَ نَبَنْ مَامَاكِ، تَرٜىٰدَ ذَاڢِنْ ڢُشِے؞

³⁴ دَهَنُّ مَيْ إِيكُواْ دَ يِنْ مَنْيَنْ أَيُّكَ نَبَنْ مَامَاكِ تَرٜىٰدَ ڢُشِے ذَنْ ڢِتَرْ دَكُو دَغَ ثِكِنْ ڧَبِيلُ، إِنْ تَتَّارُواْكُ دَغَ ثِكِنْ ڧَسَاشٜىٰ عِنْدَ نَوَاڟَرْ دَكُو؞

³⁵ ذَنْ كَٰوُاْكُ عَثِكِنْ دَاجِنْ ڧَبِيلُ؞ ثَنْ ذَنْ سَدُ دَكُو ڢُسْكَ دَ ڢُسْكَ، نِے كُوَ إِنْ شَرْعَنْتَكُ؞

³⁶ كَمَرْ يَدَّ نَشَرْعَنْتَ كَاكَنِّنْكُ أَدَاجِنْ ڧَسَرْ مَصَرْ، حَكَ ذَنْ شَرْعَنْتَكُ؞ نِے عُبَنْ‌غِجِ يَهْوٜىٰهْ نَا ڢَطَا؞

³⁷ ذَنْسَا كُواْوَنّٜىٰنْكُ يَبِے تَڧَرْڧَشِنْ سَنْدَنْ مَكِيَايِ، ذَنْ كُمَ كَٰوُاْكُ ثِكِنْ ڧَٰعِدَرْ يَرْجٜىٰجٜىٰنِيَرْدَ نَيِ دَكُو؞

³⁸ ذَنْ ڢِڢِّتَرْدَ یَنْ تَاوَيٜىٰ دَغَ ثِكِنْكُ دَ وَطَنْدَ سُكَيِ مِنِ ذُنُوبِنْ غَنْ‌غَنْثِ؞ ذَنْ ڢِتَرْ دَسُو دَغَ ڧَسَرْدَ سُكٜىٰ ذَمَنْ بَاڧِ، عَمَّا بَذَاسُ شِغَ ڧَسَرْ إِسْرَٰٓءِيلَ بَ؞ ذَاكُ كُوَ سَنِ ثٜىٰوَ نِنٜىٰ يَهْوٜىٰهْ؞

³⁹ ‏«‏ ‏‹‏إِنْجِنِ عُبَنْ‌غِجِ يَهْوٜىٰهْ، يَا كُو غِدَنْ إِسْرَٰٓءِيلَ، كُتَڢِے كُبَوْتَا وَغُمَكَنْكُ، كُواْوَنّٜىٰنْكُ يَثِيغَبَ، عِدَنْ بَذَاكُ كَسَ كُنّٜىٰ غَرٜىٰنِبَ؞ عَمَّا بَذَاكُ ڧَارَ يِنْ بَنْظَ دَ سُونَنَ مَيْ ڟَرْكِے تَوُرِنْ مِيڧَ ݣَوْتَنْكُ دَ كُمَ بِنْ غُمَكَنْكُبَ؞

⁴⁰ ‏«‏ ‏‹‏غَمَا إِنْجِنِ عُبَنْ‌غِجِ يَهْوٜىٰهْ، عَكَنْ تُدُنَ مَيْ ڟَرْكِے كَطَيْ ذَاكُ بَوْتَا مِنِ؞ عَثَنْ كَنْ تُدُ مَيْ ڟَيِ نَ إِسْرَٰٓءِيلَ، عَثَنْ ڧَسَرْ نٜىٰ دُكَنْ غِدَنْ إِسْرَٰٓءِيلَ ذَاسُ بَوْتَا مِنِ؞ عَثَنْ نٜىٰ ذَنْ كَرْٻٜىٰسُ، عَثَنْ نٜىٰ كُمَ ذَنْ نٜىٰمِ بَيٜىٰ بَيٜىٰنْكُ دَ ݣَوْتَنْكُ مَڢِے ݣَوْ، تَرٜىٰدَ دُكَنْ هَدَايُنْكُ مَاسُ ڟَرْكِے؞

⁴¹ سَعَدَّ نَڢِتُواْ دَكُو دَغَ ثِكِنْ ڧَبِيلُ، نَكُمَ تَتَّرَاكُ دَغَ ڧَسَاشٜىٰ عِنْدَ نَوَاڟَرْ دَكُو، ذَنْجِے دَاطِنْكُ كَمَرْ ڧَنْشِنْ تُرَارٜىٰ مَيْ دَاطِے نَهَدَايُ؞ ذَنْ نُونَ ڟَرْكِنَ عَثِكِنْكُ أَعِدُوانْ أَلْعُمَّيْ؞

⁴² ذَاكُ سَنِ ثٜىٰوَ نِنٜىٰ يَهْوٜىٰهْ، سَعَدَّ نَكَٰوُاْكُ ثِكِنْ ڧَسَرْ إِسْرَٰٓءِيلَ، ڧَسَرْدَ نَرَنْڟٜىٰ ذَنْبَا كَاكَنِّنْكُ؞

⁴³ ثَنْ ذَاكُ تُنَ دَ أَيُّكَنْكُ دَ دُكَنْ أَبُبُوَنْ دَ كُكَيِ وَطَنْدَ كُكَ ڧَظَنْتَرْدَ كَنْكُ دَسُو؞ ذَاكُيِ ڨَمَرْ كَنْكُ سَبُواْدَ دُكَنْ مُوغَيٜىٰنْ أَبُبُوَنْ دَ كُكَيِ؞

⁴⁴ ذَاكُ سَنِ ثٜىٰوَ نِنٜىٰ يَهْوٜىٰهْ، سَعَدَّ نَيِمُكُ حَكَ دُواْمِنْ أَغِرْمَمَ سُونَنَ، بَسَبُواْدَ مُوغَيٜىٰنْ أَيُّكَنْكُبَ، كُواْ أَيُّكَنْكُ نَڧَظَنْتَبَ، يَا كُو غِدَنْ إِسْرَٰٓءِيلَ؞ نِے عُبَنْ‌غِجِ يَهْوٜىٰهْ نَا ڢَطَا؞›‏ »‏

أَنَّبْثِ غَابَادَ نٜىٰغٜىٰبْ عَكُدُ

⁴⁵ سَيْ يَهْوٜىٰهْ يَيِ مَغَنَ دَنِے ثٜىٰوَ

⁴⁶ ‏«‏يَا كَيْ طَنْ مُتُمْ، كَڢُسْكَنْثِ كُدُ، كَيِ أَنَّبْثِ نَغَابَادَ يَنْكِنْ كُدُ، كَيِ أَنَّبْثِ غَابَادَ ڧَسَرْ كُرْمِ أَ نٜىٰغٜىٰبْ؞

⁴⁷ كَثٜىٰ وَكُرْمِنْ نٜىٰغٜىٰبْ، ‏‹‏جِمَغَنَرْ يَهْوٜىٰهْ؞ إِنْجِنِ عُبَنْ‌غِجِ يَهْوٜىٰهْ، ذَنْ كُنَّ وُتَا عَثِكِنْكَ، وُتَرْ ذَاتَ ثِنْيٜىٰ كُواْوَنٜىٰ طَنْيٜىٰنْ إِتَاثٜىٰ دَ كُواْوَنٜىٰ بُوسَشّٜىٰنْ إِتَاثٜىٰ عَثِكِنْكَ؞ بَذَاعَ كَشٜىٰ وُتَرْ نَنْ دَتَكٜىٰثِبَ؞ وُتَا مَيْثِ ذَاتَ تَٻَ دُكَنْ أَبِنْدَ تَسَامُ تُنْدَغَ كُدُ حَرْ ذُوَا أَرٜىٰوَ؞

⁴⁸ دُكَنْ مَاسُ رَيْ ذَاسُ سَنِ ثٜىٰوَ نِے يَهْوٜىٰهْ نٜىٰ نَكُنَّ وُتَرْ، بَاوَنْدَ ذَيْكَشٜىٰتَ؞›‏ »‏

⁴⁹ سَيْ نَثٜىٰ ‏«‏يَا عُبَنْ‌غِجِ يَهْوٜىٰهْ!‏ سُنَيِنْ مَغَنَرْ رٜىٰنِ غَمٜىٰدَنِ ثٜىٰوَ ‏‹‏شِے يَثِكَ مَغَنَ دَ كُويْݣُويُواْ نٜىٰ!‏›‏ »‏