هِظْڧِيَالْ 2 - أَتَّوْرَتْ دَ أَنَّبَاوَا

كِرَنْ هِظْڧِيَالْ

¹ سَيْ مُرْيَرْدَ نَجِ تَثٜىٰمِنِ ‏«‏يَا كَيْ طَنْ مُتُمْ، تَاشِ ڟَيٜىٰ، ذَنْيِ مَغَنَ دَكَيْ؞»‏

² سَعَدَّ يَيِ مَغَنَ دَنِے، رُوحُ كُوَ يَشِغُواْ ثِكِنَ، يَتَادَ نِے ڟَيٜىٰ، سَيْ نَجِ مُرْيَرْسَ تَنَ مَغَنَ دَنِے؞

³ تَا ثٜىٰمِنِ ‏«‏طَنْ مُتُمْ، نَا عَيْكٜىٰكَ ذُوَا وُرِنْ جَمَعَرْ إِسْرَٰٓءِيلَ، أَلْعُمَّ مَيْ تَيَرْوَ وَدَّ تَتَيَرْ مِنِ؞ سُو دَ كَاكَنِّنْسُ سُنْيِ تَيِ مِنِ ذُنُوبِنْ غَنْ‌غَنْثِ هَرْوَيَوْ؞

⁴ ذُرِيَرْ نَنْ ذُرِيَثٜىٰ مَيْ تَوْرِنْ كَيْ، مَيْ تَوْرِنْ ذُوثِيَا كُمَ؞ غَاشِ كُوَ نَعَيْكٜىٰكَ وُرِنْسُ، سَيْ كَڢَطَا مُسُ، ‏‹‏غَا أَبِنْدَ عُبَنْ‌غِجِ يَهْوٜىٰهْ يَڢَطَا؞›‏

⁵ كُواْ سُجِ كُواْ سُڧِ، تُنْدَ سُو یَنْ تَاوَيٜىٰنٜىٰ، ذَاسُ سَنِ ثٜىٰوَ أَݣَويْ أَنَّبِے عَثِكِنْسُ؞

⁶ ‏«‏كَيْ كُمَ، يَا كَيْ طَنْ مُتُمْ، كَدَ كَجِڟُواْرُوانْسُ، كَدَ كُمَ كَجِڟُواْرُوانْ مَغَنْ‌غَنُنْسُ، كُواْدَيَكٜىٰ ڧَيُواْيِ دَ وُتَا وُتَا نٜىٰ سُنْ كٜىٰوَيٜىٰكَ، كُمَ كَنَ ظَوْنٜىٰ عَثِكِنْ كُنَمَيْ؞ كَدَ كَجِڟُواْرُوانْ مَغَنْ‌غَنُنْسُ، كَدَ كُمَ كَڢِرْغِتَ سَبُواْدَ إِرِنْ كَلُّوانْ دَ ذَاسُيِ مَكَ، غَمَا سُو یَنْ تَاوَيٜىٰ نٜىٰ؞

⁷ ذَاكَ ڢَطَا مُسُ مَغَنَاتَ، كُواْ سُجِ، كُواْ سُڧِ، تُنْدَيَكٜىٰ سُو یَنْ تَاوَيٜىٰنٜىٰ؞

⁸ ‏«‏عَمَّا كَيْ، يَا طَنْ مُتُمْ، جِ أَبِنْدَ نَكٜىٰ ڢَطَا مَكَ؞ كَدَ كَذَمَ طَنْ تَاوَيٜىٰ كَمَرْ یَنْ تَاوَيٜىٰنَّنْ؞ سَيْ كَبُوطٜىٰ بَاكِنْكَ، كَثِ أَبِنْدَ نَكٜىٰ بَاكَ؞»‏

⁹ إِنَ كَلُّواْ، سَيْغَا حَنُّ يَنَ مِيڧُواْ مِنِ نَطَطّٜىٰنْ لِتَّڢِ؞

¹⁰ سَيْ يَبُوطٜىٰ نَطَطّٜىٰنْ لِتَّڢِنْ أَغَبَنَ، لِتَّڢِنْ يَنَدَ رُبُوتُو ثِكِ دَ وَجٜىٰ؞ أَبِنْ دَ عَكَ رُبُوتَ سَيْ مَغَنْ‌غَنُنْ مَكُواْكِ دَ بَڧِنْ ثِكِ دَ مَسِيڢَ؞