هِظْڧِيَالْ 19 - أَتَّوْرَتْ دَ أَنَّبَاوَا

وَاڧَرْ مَكُواْكِ دُواْمِنْ شُوغَبَنِّنْ إِسْرَٰٓءِيلَ

¹ ‏«‏عَمَّا كَيْ، سَيْ كَتَادَ وَاڧَرْ مَكُواْكِ دُواْمِنْ شُوغَبَنِّنْ إِسْرَٰٓءِيلَ،

² كَثٜىٰ، ‏«‏ ‏‹‏مَامَرْكَ ظَكَنْيَ ثٜىٰ عَثِكِنْ ذَاكُواْكِ!‏ عَثِكِنْ ذَاكُواْكِ مَاسُ ڧَرْڢِے، تَݣُونْتَ تَيِ رٜىٰنُوانْ یَیَنْتَ؞

³ تَا غُواْيِ طَيَ دَغَ ثِكِنْ یَیَنْتَ، يَذَمَ ذَاكِ مَيْ ڧَرْڢِے؞ يَكُواْيِ يِنْ ڢَرَوْتَ دَ يَيَّاغٜىٰ دَبَّ، يَثِنْيٜىٰ مُتَنٜىٰ؞

⁴ أَلْعُمَّيْ كُوَ سُكَجِ لَابَرِنْسَ، سُكَ كَامَ شِ ثِكِنْ رَامِنْ دَ سُكَ حَڧَ؞ دَ ڧُوغِيُواْيِ سُكَ جَا شِ ذُوَا ڧَسَرْ مَصَرْ؞

⁵ ‏«‏ ‏‹‏دَ تَغَ جِضَانْتَ دُواْمِنْسَ عَبَنْظَنٜىٰ، سَيْ تَڢِدَّ ذُوثِيَا؞ تَا سَاكٜىٰ طَوْكِ طَيَ دَغَ ثِكِنْ یَیَنْتَ، تَغُواْيٜىٰشِ يَذَمَ ذَاكِ مَيْ ڧَرْڢِے؞

⁶ يَيِ تَيَٰوُاْ عَثِكِنْ ذَاكُواْكِ، يَذَمَ ذَاكِ مَيْ ڧَرْڢِے؞ يَكُواْيِ يِنْ ڢَرَوْتَ دَ يَيَّاغٜىٰ دَبَّ، يَثِنْيٜىٰ مُتَنٜىٰ؞

⁷ يَلَلَتَرْدَ وُرِنْ ٻُيَنْسُ، يَمَيْدَ بِرَنٜىٰنْسُ كُڢَيْ؞ ڧَسَرْ كُواْعِنَ دَ دُكَنْ مُتَنٜىٰنْتَ سُنْ ڟُواْرَتَ دَ جِنْ رُورِنْسَ؞

⁸ أَلْعُمَّيْ كُوَ سُكَيِ شِرِ، شِرِنْ غَابَادَشِ تَكُواْوَنٜىٰ غٜىٰڢٜىٰ، سُكَ كَڢَ مَسَ تَرْكُواْ، سُكَ كَامَ شِ عَثِكِنْ تَرْكُوانْسُ؞

⁹ دَڧُوغِيُواْيِ سُكَ كَامَشِ، سُكَسَاشِ ثِكِنْ كٜىٰجِنْ ڧَرْڢٜىٰ، عَكَ كَيْشِ وُرِنْ سَرْكِنْ بَابِيلَ؞ سُكَسَاشِ عَكُرْكُكُ، دُواْمِنْ كَدَ عَڧَارَ جِنْ رُورِنْسَ عَكَنْ تُدَّنْ إِسْرَٰٓءِيلَ؞

¹⁰ ‏«‏ ‏‹‏مَامَرْكَ تَنَ كَمَ دَ إِتَاثٜىٰنْ إِنَبِے، وَنْدَ عَكَ دَسَ عَبَاكِنْ ضُوَ، يَحَيْڢِ یَیَ دَيَوَ عَكَنْ رَسَّنْسَ، يَيَلْوَتَ سَبُواْدَ إِسَشّٜىٰنْ ضُوَ؞

¹¹ رَسَّنْسَ مَاسُ ڧَرْڢِے نٜىٰ، حَرْ سُكَ ثَنْثَنْثِ ذَمَنْ سَنْدَنْ مُلْكِ؞ ڟَيِنْسَ يَيِ سَمَ ڢِيٜىٰدَ نَسَوْرَنْ عِتَتُوَ، أَنَ عِيَ غَنِنْ يَوَنْ رَسَّنْسَ دَغَ نٜىٰسَ؞

¹² عَمَّا عَكَ تُمْٻُكٜىٰ إِتَاثٜىٰنَّنْ دَ ڢُشِے، عَكَ جٜىٰڢَرْ دَشِ حَرْ ڧَسَا؞ إِسْكَرْ غَبَسْ تَبُوسَرْ دَشِ، یَیَنْسَ كُمَ عَكَ كَكَّٻٜىٰ؞ رَسَّنَّنْ مَاسُ ڧَرْڢِے سُنْ بُوشٜىٰ، وُتَا كُمَ تَثِنْيٜىٰسُ؞

¹³ يَنْذُ أَنْدَسَ إِتَاثٜىٰنَّنْ أَدَاجِ، عَثِكِنْ بُوسَشِّيَرْ ڧَسَا مَيْ جِنْ ڧِشِنْ ضُوَ؞

¹⁴ وُتَا تَڢِتُواْ دَغَ جِكِنْسَ تَثِ رَسَّنْسَ حَرْ ذُوَا یَیَنْسَ؞ يَنْذُ بَذَاعَ سَامِ رٜىٰشٜىٰ مَيْ ڧَرْڢِبَ، بَا وَنِ رٜىٰشٜىٰ، كُواْ طَيَ، وَنْدَ يَثَنْثَنْثِ يِنْ سَنْدَنْ مُلْكِ؞›‏ ‏«‏وَنَّنْ وَاڧَرْ مَكُواْكِثٜىٰ، أَنَ أَمْڢَانِ دَ عِتَ مَكُواْكِ؞»‏