هِظْڧِيَالْ 18 - أَتَّوْرَتْ دَ أَنَّبَاوَا

ذُنُوبِنْ مُتُمْ حَكِّنْسَ نٜىٰ

¹ يَهْوٜىٰهْ يَايِ مَغَنَ دَنِے ثٜىٰوَ

² ‏«‏مٜىٰكُكٜىٰ نُڢِ دَ ڢَطِنْ كَرِنْ مَغَنَرْ نَنْ غَمٜىٰدَ ڧَسَرْ إِسْرَٰٓءِيلَ ثٜىٰوَ ‏«‏ ‏‹‏إِيَايٜىٰ سُنْثِ یَیَنْ إِنَبِے مَاسُ ڟَامِ، عَمَّا هَڧُواْرَنْ یَیَنْ نٜىٰ سُنْ مُتُ›‏؟

³ ‏«‏إِنْجِنِ عُبَنْ‌غِجِ يَهْوٜىٰهْ، حَڧِيڧَ، نَا ضَنْڟٜىٰ دَ رَيْنَ ثٜىٰوَ وَنَّنْ كَرِنْ مَغَنَ بَذَاكُ ڧَارَ أَمْڢَانِ دَ عِتَ عَ إِسْرَٰٓءِيلَ بَ؞

⁴ غَاشِ!‏ دُكَنْ رَايُكَنْ مُتَنٜىٰ نَوَنٜىٰ، رَنْ إِيَايٜىٰ دَ نَیَیَ دُكَ نَوَنٜىٰ؞ مُتُمِنْ دَ يَيِ ذُنُوبِ، شِ ذَيْ مُتُ؞

⁵ ‏«‏غَا إِرِنْ مُتُمِنْ دَ ذَيْ رَايُ؞ ‏«‏مُتُمْ مَيْ أَدَلْثِے وَنْدَ يَعَيْكَتَ غَسْكِيَ يَكُمَيِ أَبِنْدَ يَكٜىٰ دَيْدَيْ؞

⁶ مُتُمِنْ دَ بَايَ ثِنْ عَبِنْثِ أَوُرَارٜىٰنْ سُجَّدَ عَتُدَّيْ، بَايَ كُمَ بَوْتَاوَ غُمَكَنْ غِدَنْ إِسْرَٰٓءِيلَ؞ بَايَ ڧَظَنْتَرْدَ مَاتَرْ مَڨُوبْثِنْسَ، بَايَ كُمَيِنْ كُسَدَ مَثٜىٰ أَ لُواْكَثِنْ غَنِنْ أَلْعَادَرْتَ؞

⁷ بَايَيِ وَوَنِ دَنِّيَ، عَمَّا يَكَنْ مَيَرْوَ مَيْ بَاشِ أَبِنْدَ عَكَ جِنْ‌غِنَرْ دُواْمِنْ كَرْٻَرْ بَاشِ؞ بَايَ يِنْ سَاتَا، عَمَّا يَكَنْ بَا مَاسُ يُنْوَ عَبِنْثِ؞ يَكَنْ كُمَبَا وَطَنْدَ سُكٜىٰ تَڢِيَ ڟِرَرَ رِيغُنَ؞

⁸ بَايَ كَرْٻَرْ ڧَظَامَرْ رِيبَ عَكَنْ بَاشِ، كُواْ يَكَرْٻِ وَنِ ڧَارِ دَغَ رِيبَرْ؞ يَكَنْ جَنْيٜىٰ حَنُّنْسَ دَغَ يِنْ مُغُنْتَا، يَكَنْ كُمَيِ شَرِيعَرْ غَسْكِيَ ڟَكَانِنْ مُتَنٜىٰنْ دَ غَرْدَمَ تَشِغَ ڟَكَانِنْسُ؞

⁹ يَكَنْيِ تَڢِيَ بِسَغَ ڧَٰعِدُواْدِنَ، يَكَنْ كُمَ كِيَايٜىٰ عُمَرْنَيْنَ ثِكِنْ أَمِنْثِ؞ وَنَّنْ مُتُمْ شِينٜىٰ مَيْ أَدَلْثِے؞ حَڧِيڧَ ذَيْ رَايُ؞ نِے عُبَنْ‌غِجِ يَهْوٜىٰهْ نَا ڢَطَا؞

¹⁰ ‏«‏عَمَّا عِدَنْ مُتُمِنْ يَحَيْڢِ طَا وَنْدَ يَذَمَ طَنْ ڢَشِ، كُواْ مَيْ ظُبْدَ جِنِ، كُواْ يَعَيْكَتَ طَيَ دَغَ ثِكِنْ وَطَنَّنْ أَبُبُوَ،

¹¹ كُواْدَيَكٜىٰ بَابَنْسَ بَيْيِ طَيَ دَغَ ثِكِنْسُ بَ، شِ طَنْ ذَيْ مُتُ؞ ‏«‏طَنَّنْ يَكَنْ ثِ عَبِنْثِ أَوُرَارٜىٰنْ سُجَّدَ عَتُدَّيْ؞ يَكَنْ كُمَ ڧَظَنْتَرْدَ مَاتَرْ مَڨُوبْثِنْسَ؞

¹² يَكَنْيِ وَمَتَلَوْتَ دَ مَاسُ بُڧَاتَ دَنِّيَ، يَكَنْيِ سَاتَا، يَكَنْڧِ يَمَيَرْدَ أَبِنْدَ عَكَ جِنْ‌غِنَرْ مَسَ؞ يَكَنْ بَوْتَاوَ غُمَكَ، يَكَنْ كُمَ عَيْكَتَ أَبُبُوَنْ بَنْ ڨَمَ؞

¹³ يَكَنْ كَرْٻِ ڧَظَامَرْ رِيبَ عَكَنْ بَاشِ، يَنَ كَرْٻَرْ ڧَارِ دَغَ رِيبَرْ؞ إِرِنْ وَنَّنْ طَا ذَيْ رَايُ كُوَ؟ حَڧِيڧَ، بَذَيْ رَايُ بَ!‏ غَمَا يَعَيْكَتَ دُكَنْ وَطَنَّنْ أَبُبُوَنْ بَنْ ڨَمَ؞ لَلَّيْ ذَيْ مُتُ، أَلْحَكِنْ جِنِنْسَ كُوَ ذَيْ كَسَنْثٜىٰ عَكَنْسَ؞

¹⁴ ‏«‏عَمَّا عِدَنْ وَنَّنْ طَا يَحَيْڢِ طَا وَنْدَ يَغَ دُكَنْ ذُنُبَنْدَ بَابَنْسَ يَيِ، سَيْ يَجِڟُواْرُواْ، بَيْ عَيْكَتَ إِرِنْ أَبُبُوَنَّنْ بَ، ذَيْ رَايُ؞

¹⁵ ‏«‏بَيْثِ عَبِنْثِ أَوُرَارٜىٰنْ سُجَّدَ عَتُدَّيْ بَ، بَيْ بَوْتَاوَ غُمَكَنْ غِدَنْ إِسْرَٰٓءِيلَ بَ؞ بَيْ ڧَظَنْتَرْدَ مَاتَرْ مَڨُوبْثِنْسَبَ،

¹⁶ بَيْيِ وَوَنِ لَيْڢِے بَ؞ بَيْ كَرْٻِ أَبِنْ جِنْ‌غِنَ بَ، بَيْ كُمَيِ سَاتَا بَ، عَمَّا يَكَنْ بَا مَاسُ يُنْوَ عَبِنْثِ؞ يَكَنْ كُمَبَا وَطَنْدَ سُكٜىٰ تَڢِيَ ڟِرَرَ رِيغُنَ؞

¹⁷ يَكَنْ جَنْيٜىٰ حَنُّنْسَ دَغَ يِنْ مُغُنْتَا؞ بَايَ كَرْٻَرْ ڧَظَامَرْ رِيبَ عَكَنْ بَاشِ، كُواْ يَكَرْٻِ وَنِ ڧَارِ دَغَ رِيبَرْ؞ يَكَنْ كِيَايٜىٰ عُمَرْنَيْنَ، يَكَنْيِ تَڢِيَ بِسَغَ ڧَٰعِدُواْدِنَ؞ وَنَّنْ طَا كُوَ بَذَيْ مُتُ سَبُواْدَ ذُنُبَنْ بَابَنْسَبَ؞ حَڧِيڧَ، طَنَّنْ ذَيْ رَايُ!‏

¹⁸ عَمَّا غَمٜىٰدَ بَابَنْ، سَبُواْدَ يَيِ ثُوتَا، يَيِ وَطَنْعُوَنْسَ سَاتَا، يَكُمَيِ أَبِنْدَ بَيْيِ دَيْدَيْبَ غَ مُتَنٜىٰنْسَ، حَڧِيڧَ، ذَيْ مُتُ سَبُواْدَ لَيْڢِنْسَ!‏

¹⁹ ‏«‏دُكْدَهَكَ كُكَثٜىٰ، ‏‹‏مٜىٰيَسَا طَا بَذَيْ طَوْكِ أَلْحَكِنْ لَيْڢِنْ بَابَنْسَبَ؟›‏ سَعَدَّ طَا يَعَيْكَتَ غَسْكِيَ، يَيِ أَبِنْدَ يَكٜىٰ دَيْدَيْ، يَنَ كُمَ كِيَايٜىٰ دُكَنْ ڧَٰعِدُواْدِنَ، حَڧِيڧَ ذَيْ رَايُ؞

²⁰ دُكْ مُتُمِنْ دَ يَيِ ذُنُوبِ، شِ ذَيْ مُتُ؞ طَا بَذَيْ طَوْكِ أَلْحَكِنْ لَيْڢِنْ بَابَنْسَبَ، حَكَمَا بَابَ بَذَيْ طَوْكِ أَلْحَكِنْ لَيْڢِنْ طَنْسَبَ؞ يِنْ أَدَلْثِے نَمَيْ أَدَلْثِے ذَيْ كَسَنْثٜىٰ عَكَنْسَ، يِنْ مُغُنْتَا نَمُوغُ كُمَ ذَيْ كَسَنْثٜىٰ عَكَنْسَ؞

²¹ ‏«‏عَمَّا عِدَنْ مُوغُنْ مُتُمْ يَجُويَ دَغَ يِنْ دُكَنْ ذُنُبَنْسَ وَنْدَ يَيِ، يَكُمَ كِيَايٜىٰ دُكَنْ ڧَٰعِدُواْدِنَ، يَعَيْكَتَ غَسْكِيَ، يَيِ أَبِنْدَ يَكٜىٰ دَيْدَيْ، حَڧِيڧَ ذَيْ رَايُ، بَذَيْ مُتُبَ؞

²² بَذَاعَ رِڧٜىٰ ذُنُبَنْ غَنْ‌غَنْثِنْ دَ يَيِبَ، ذَيْ رَايُ سَبُواْدَ أَدَلْثِنْ دَ يَيِ؞

²³ نِے إِنَ جِنْ دَاطِنْ مُتُوَرْ مُوغُنٜىٰ؟ إِنْجِنِ عُبَنْ‌غِجِ يَهْوٜىٰهْ، أَيْ، نَا ڠُومَّثٜىٰ يَجُويَ دَغَ يِنْ مُغُنْتَا يَرَايُ!‏

²⁴ ‏«‏عَمَّا عِدَنْ مَيْ أَدَلْثِے يَجُويَ دَغَ يِنْ أَدَلْثِے، يَعَيْكَتَ ذُنُوبِ دَ أَبُبُوَنْ بَنْ ڨَمَ وَطَنْدَ مُوغُ يَكٜىٰ عَيْكَتَاوَا، أَغَنِنْكُ ذَيْ رَايُ؟ أَيْ، بَذَاعَ تُنَ دَ أَيُّكَنْسَ نَأَدَلْثِے وَطَنْدَ دَا يَكٜىٰيِبَ!‏ سَبُواْدَ رَشِنْ أَمِنْثِنْ دَ يَيِ دَ ذُنُوبِنْدَ يَعَيْكَتَ، ذَيْ مُتُ عَثِكِنْسُ؞

²⁵ ‏«‏دُكْدَهَكَ كُكَثٜىٰ، ‏‹‏حَنْيَرْ عُبَنْ‌غِجِ بَدَيْدَيْ بَثٜىٰ؞›‏ يَنْذُ، كُجِ يَا كُو غِدَنْ إِسْرَٰٓءِيلَ، هَنْيُواْيِنَ بَ دَيْدَيْ بَنٜىٰ؟ أَشٜىٰ، هَنْيُواْيِنْكُ نٜىٰ بَدَيْدَيْبَ؞

²⁶ عِدَنْ مُتُمْ مَيْ أَدَلْثِے يَجُويَ دَغَ يِنْ أَدَلْثِنْسَ، بَايَ عَيْكَتَ غَسْكِيَ، حَڧِيڧَ ذَيْ مُتُ سَبُواْدَ رَشِنْ غَسْكِيَرْسَ!‏

²⁷ كُمَ، عِدَنْ مُوغُنْ مُتُمْ يَجُويَ دَغَ يِنْ مُغُنْتَارْسَ وَدَّ يَكٜىٰيِ، يَكُوَ عَيْكَتَ غَسْكِيَ، يَيِ أَبِنْدَ يَكٜىٰ دَيْدَيْ، حَڧِيڧَ، ذَيْ رَايُ!‏

²⁸ سَبُواْدَ يَلُورَ، يَجُويَ دَغَ يِنْ دُكَنْ ذُنُبَنْسَ نَغَنْ‌غَنْثِ وَطَنْدَ يَعَيْكَتَ، حَڧِيڧَ ذَيْ رَايُ، بَذَيْ مُتُ بَ!‏

²⁹ دُكْدَهَكَ غِدَنْ إِسْرَٰٓءِيلَ سُكَثٜىٰ، ‏‹‏حَنْيَرْ عُبَنْ‌غِجِ بَ دَيْدَيْ بَثٜىٰ؞›‏ يَا كُو غِدَنْ إِسْرَٰٓءِيلَ، هَنْيُواْيِنَ بَدَيْدَيْ بَنٜىٰ؟ أَشٜىٰ، هَنْيُواْيِنْكُ نٜىٰ بَدَيْدَيْبَ؞

³⁰ ‏«‏دُواْمِنْ حَكَ، يَا كُو غِدَنْ إِسْرَٰٓءِيلَ، ذَنْ شَرْعَنْتَكُ، كُواْوَ بِسَغَ هَنْيُواْيِنْسَ دَ أَلْعَمُرَنْسَ، إِنْجِنِ عُبَنْ‌غِجِ يَهْوٜىٰهْ؞ كُتُوبَ، كُجُويُواْ دَغَ يِنْ دُكَنْ ذُنُبَنْكُ نَغَنْ‌غَنْثِ، إِنْ بَهَكَبَ، لَيْڢُواْڢِنْكُ ذَاسُ ذَمَ مُكُ أَبِنْ تُنْتُٻٜىٰ؞

³¹ كُكَوَرْدَ دُكَنْ ذُنُبَنْكُ نَغَنْ‌غَنْثِ وَطَنْدَ كُكَيِ مِنِ؞ كُسَامُواْ وَكَنْكُ سَابُوَرْ ذُوثِيَا دَ سَابُوانْ رُوحُ!‏ دُوانْمٜىٰ ذَاكُ مُتُ، يَا كُو غِدَنْ إِسْرَٰٓءِيلَ؟

³² غَمَا نِے بَانَجِنْ دَاطِنْ مُتُوَرْ كُواْوَ، إِنْجِنِ عُبَنْ‌غِجِ يَهْوٜىٰهْ، سَبُواْدَ حَكَ سَيْ كُجُويُواْ غَرٜىٰنِ كُرَايُ؞»‏