هِظْڧِيَالْ 14 - أَتَّوْرَتْ دَ أَنَّبَاوَا

اللَّهْ يَحُكُنْتَ مَاسُ بَوْتَرْ غُمَكَ

¹ أَنَانً سَيْ وَطَنْسُ دَتَّاوَنْ إِسْرَٰٓءِيلَ سُكَذُواْ وُرِينَ، سُكَ ذَوْنَ أَغَبَنَ؞

² سَيْ يَهْوٜىٰهْ يَيِ مَغَنَ دَنِے ثٜىٰوَ

³ ‏«‏يَا كَيْ طَنْ مُتُمْ، وَطَنَّنْ مُتَنٜىٰ سُنْ بَادَ ذُوثِيَارْسُ غَ بَوْتَرْ غُمَكَ، سُنَ مِيڧَ كَيْ غَ أَبِنْ تُنْتُٻٜىٰ وَنْدَ يَسَا سُيِ لَيْڢِے؞ دَيْدَيْ نٜىٰ إِنْ يَرْدَ سُتَمْبَيِ وَنِ أَبُ أَغَرٜىٰنِ؟

⁴ سَبُواْدَ حَكَ، كَڢَطَا مُسُ ثٜىٰوَ ‏‹‏إِنْجِنِ عُبَنْ‌غِجِ يَهْوٜىٰهْ، دُكْ مُتُمِنْ غِدَنْ إِسْرَٰٓءِيلَ وَنْدَ يَكَڢَ ذُوثِيَارْسَ عَكَنْ غُمَكَ، يَكُمَسَا مُغُنْتَا تَذَمَ أَبِنْ تُنْتُٻٜىٰ أَغَبَنْسَ، سَعَنً يَذُواْ وُرِنْ أَنَّبِے، نِے يَهْوٜىٰهْ دَكَيْنَ ذَنْبَاشِ أَمْسَ بِسَغَ يَوَنْ غُمَكَنْسَ؞

⁵ ذَنْيِ حَكَ دُواْمِنْ إِنْ كَامَ ظُكَاتَنْ دُكَنْ مُتَنٜىٰنْ غِدَنْ إِسْرَٰٓءِيلَ وَطَنْدَ سُكَ رَبُ دَنِے سَبُواْدَ غُمَكَنْسُ؞›‏

⁶ ‏«‏سَبُواْدَ حَكَ، كَثٜىٰ وَ غِدَنْ إِسْرَٰٓءِيلَ، ‏‹‏إِنْجِنِ عُبَنْ‌غِجِ يَهْوٜىٰهْ، كُتُوبَ!‏ كُجُويُواْ دَغَ بِنْ غُمَكَنْكُ!‏ كُرَبُ دَ دُكَنْ أَبُبُوَنْ بَنْ ڨَمَرْكُ!‏

⁷ مَيْ يِوُوَ وَنِ مُتُمِنْ غِدَنْ إِسْرَٰٓءِيلَ كُواْ وَنِ بَڧُوانْ دَيَكٜىٰ ذَمَ عَثِكِنْ جَمَعَرْ إِسْرَٰٓءِيلَ ذَيْ رَبُ دَنِے، يَكُمَ بَادَ كَنْسَ غَ بَوْتَرْ غُمَكَ؞ مَيْ يِوُوَ يَكُمَ مِيڧَ كَيْ غَ أَبِنْ تُنْتُٻٜىٰ وَنْدَ يَسَا يَيِ لَيْڢِے، عَمَّا دُكْدَهَكَ يَذُواْ وُرِنْ أَنَّبِے دُواْمِنْ يَنٜىٰمِ نُڢِينَ؞ عِدَنْ وَنِ يَيِ حَكَ ڢَا، نِے يَهْوٜىٰهْ دَكَيْنَ ذَنْ سَاكَ مَسَ!‏

⁸ ذَنْ طَوْرَ ڢُسْكَ تَيِنْ غَابَادَ مُتُمِنْ؞ ذَنْسَا يَذَمَ عَلَمَ دَ أَبِنْ مِصَالِ، إِنْكُمَ كَوَرْ دَشِ دَغَ ثِكِنْ جَمَعَتَ؞ تَهَكَ ذَاكُ سَنِ ثٜىٰوَ نِنٜىٰ يَهْوٜىٰهْ؞

⁹ ‏«‏ ‏‹‏عِدَنْ أَنَّبِنَّنْ يَارُوطٜىٰ حَرْ يَيِ أَنَّبْثِ، نِے يَهْوٜىٰهْ نٜىٰ نَ رُوطِ أَنَّبِنْ؞ ذَنْ مِيڧَ هَنُّونَ نَغَابَادَشِ، إِنْكُمَ هَلَكَاشِ دَغَ ثِكِنْ جَمَعَتَ إِسْرَٰٓءِيلَ؞

¹⁰ ذَاسُ كُوَ طَوْكِ أَلْحَكِنْ لَيْڢِنْسُ، وَتُواْ أَلْحَكِنْ لَيْڢِنْ أَنَّبِنْدَ أَلْحَكِنْ لَيْڢِنْ مَيْ ذُوَا وُرِنْسَ، دُواْمِنْ تَمْبَيَ دُكْ طَيَ نٜىٰ؞

¹¹ ذَنْيِ حَكَ دُواْمِنْ كَدَ غِدَنْ إِسْرَٰٓءِيلَ سُڧَارَ كَوْثٜىٰوَ دَغَ غَرٜىٰنِ، كُواْ سُڧَارَ ڧَظَنْتَرْ دَكَنْسُ دَ ذُنُبَنْ غَنْ‌غَنْثِنْسُ؞ ذَاسُ ذَمَ مُتَنٜىٰنَ، نِے كُمَ إِنْذَمَ اللَّهْ نْسُ؞ نِے عُبَنْ‌غِجِ يَهْوٜىٰهْ نَا ڢَطَا؞›‏ »‏

حُكُنْثِ بَابُ جَنْيٜىٰوَ

¹² يَهْوٜىٰهْ يَايِ مَغَنَ دَنِے ثٜىٰوَ

¹³ ‏«‏يَا كَيْ طَنْ مُتُمْ، مَيْيِوُوَ وَتَ ڧَسَا تَيِ مِنِ ذُنُوبِ نَرَشِنْ أَمِنْثِ، نِے كُوَ نَا مِيڧَ هَنُّونَ نَغَابَادَ عِتَ، دُواْمِنْ إِنْيَنْكٜىٰ حَنْيَرْتَ تَسَامُنْ عَبِنْثِ، إِنْ عَيْكَ مَتَ يُنْوَ، إِنْكُمَ كَوَرْدَ مُتَنٜىٰ دَ دَبُّواْبِنْتَ؞

¹⁴ كُواْ دَ مُتُمْ عُكُنَّنْ نُوحُ دَ دَانِيٜىٰلْ دَ أَيُوبَ سُنَ ثِكِنْتَ، بَذَاسُ كُٻُتَرْدَ ڧَسَرْ بَ؞ ذَاسُ ڟِيرَا دَ رَايُكَنْسُنٜىٰ كَطَيْ سَبُواْدَ أَدَلْثِنْسُ؞ نِے عُبَنْ‌غِجِ يَهْوٜىٰهْ نَا ڢَطَا؞

¹⁵ مَيْ يِوُوَ ذَنْ عَيْكِ نَمُواْمِنْ دَاجِ سُكَكَّشٜىٰ مُتَنٜىٰنْ ڧَسَرْ، حَرْ سُمَيْدَ عِتَ كُڢَيْ يَدَّ بَاوَنْدَ ذَيْ عِيَبِے تَڧَسَرْ سَبُواْدَ ڟُواْرُوانْ نَمُواْمِنْ دَاجِ؞

¹⁶ إِنْجِنِ عُبَنْ‌غِجِ يَهْوٜىٰهْ، حَڧِيڧَ نَا ضَنْڟٜىٰ دَ رَيْنَ ثٜىٰوَ كُواْ دَ مُتُمْ عُكُنَّنْ سُنَ ثِكِ، بَذَاسُ كُٻُتَرْدَ یَیَنْسُ مَظَا كُواْ یَیَنْسُ مَتَبَ، سُونٜىٰ كَطَيْ ذَاسُ ڟِيرَا، عَمَّا ڧَسَرْ ذَاتَ ذَمَ كُڢَيْ؞

¹⁷ مَيْ يِوُوَ ذَنْكَٰوُاْوَ ڧَسَرْ تَكُواْبِے دَ ثٜىٰوَ ‏‹‏بَرِ تَكُواْبِے يَبِے تَڧَسَرْ،›‏ حَرْ نَكَوَرْدَ مُتَنٜىٰ دَ دَبُّواْبِے دَغَ ثِكِنْتَ،

¹⁸ إِنْجِنِ عُبَنْ‌غِجِ يَهْوٜىٰهْ، حَڧِيڧَ نَا ضَنْڟٜىٰ دَ رَيْنَ، كُواْ دَ مُتُمْ عُكُنَّنْ سُنَ ثِكِ، بَذَاسُ كُٻُتَرْدَ یَیَنْسُ مَظَا كُواْ یَیَنْسُ مَتَ بَ، عَمَّا سُونٜىٰ كَطَيْ ذَاسُ ڟِيرَا؞

¹⁹ مَيْ يِوُوَ ذَنْ عَيْكَ دَ بَلَعِ عَثِكِنْ ڧَسَرْ، إِنْكُمَ ظُبَ مَتَ ڢُشِنَ دَ هَلَّكَ حَرْ إِنْ كَوَرْدَ مُتَنٜىٰ دَ دَبُّواْبِے دَغَ ثِكِنْتَ؞

²⁰ إِنْجِنِ عُبَنْ‌غِجِ يَهْوٜىٰهْ، نَا ضَنْڟٜىٰ دَ رَيْنَ ثٜىٰوَ كُواْ دَ نُوحُ دَ دَانِيٜىٰلْ دَ أَيُوبَ سُنَ ثِكِنْتَ، حَڧِيڧَ بَذَاسُ كُٻُتَرْدَ یَیَنْسُ مَظَا، كُواْ یَیَنْسُ مَتَبَ، سُونٜىٰ كَطَيْ ذَاسُ ڟِيرَا دَ رَايُكَنْسُ سَبُواْدَ أَدَلْثِنْسُ؞

²¹ ‏«‏إِنْجِنِ عُبَنْ‌غِجِ يَهْوٜىٰهْ، إِنْ حَكَنٜىٰ، يَيَ وَنِ ذَيْ ڟِيرَا سَعَدَّ نَعَيْكَ وَ عُرُوشَلِيمَ دَ حُكُنْثِنَ غُدَا حُطُ مَاسُ ذَاڢِ، وَتُواْ تَكُواْبِے دَ يُنْوَ دَ نَمُواْمِنْ دَاجِ دَ بَلَعِ، دُواْمِنْ إِنْكَوَرْدَ مُتَنٜىٰ دَ دَبُّواْبِے دَغَ ثِكِنْتَ؞

²² دُكْدَهَكَ، مَيْيِوُوَ وَطَنْسُ ذَاسُ ضَغٜىٰ عَثِكِنْ ڧَسَرْكُ، وَتُواْ یَیَ مَظَا دَ یَیَ مَتَ وَطَنْدَ ذَاعَ ڢِتَرْ دَسُو ذُوَا وُرِنْكُ عَبَوْتَا؞ سَعَدَّ كُكَغَ هَلَيٜىٰنْسُ دَ أَيُّكَنْسُ، ذَاسُذَمَ مُكُ حَنْيَرْ تَعَظِيَّ عَكَنْ مَسِيڢَرْدَ نَكَٰوُاْوَ عُرُوشَلِيمَ؞

²³ ذَاسُذَمَ مُكُ حَنْيَرْ تَعَظِيَّ، سَعَدَّ كُكَغَ هَلَيٜىٰنْسُ دَ أَيُّكَنْسُ؞ ذَاكُسَنِ ثٜىٰوَ مَسِيڢَرْدَ نَكَٰوُاْوَ عُرُوشَلِيمَ، بَنْكَٰوُاْ تَهَكَ كَوَيْبَ؞ نِے عُبَنْ‌غِجِ يَهْوٜىٰهْ نَا ڢَطَا؞»‏