هِظْڧِيَالْ 13 - أَتَّوْرَتْ دَ أَنَّبَاوَا

أَنَّبْثِنْ غَابَادَ أَنَّبَاوَنْ ڧَضْيَا

¹ يَهْوٜىٰهْ يَايِ مَغَنَ دَنِے ثٜىٰوَ

² ‏«‏يَا كَيْ طَنْ مُتُمْ، كَيِ أَنَّبْثِنْ غَابَادَ أَنَّبَاوَنْ إِسْرَٰٓءِيلَ وَطَنْدَ سُكٜىٰ أَنَّبْثِ؞ كَثٜىٰ وَ وَطَنْدَ سُكٜىٰ أَنَّبْثِ بِسَغَ تُنَانِنْ ذُوثِيَارْسُ، كَثٜىٰ، ‏‹‏كُجِ مَغَنَرْ يَهْوٜىٰهْ!‏›‏

³ إِنْجِنِ عُبَنْ‌غِجِ يَهْوٜىٰهْ، كَيْتُوانْ وَوَيٜىٰنْ أَنَّبَاوَا وَطَنْدَ سُكٜىٰبِنْ تُنَانِنْ ذُوثِيَارْسُ، بَسُ كُوَ غَ كُواْمٜىٰبَ!‏

⁴ يَا إِسْرَٰٓءِيلَ، أَنَّبَاوَنْكِ سُنْ ذَمَ مَرَرْ أَمْڢَانِ كَمَرْ كَرْنُكَنْ دَاجِ عَكُڢَيْ؞

⁵ بَسُ هَوْ عِنْدَ كَتَنْ‌غَ تَڟَڟَّٰغَ دُواْمِنْ عَيِ ڠَرَبَ، بَسُ كُوَ شِرْيَ وَ غِدَنْ إِسْرَٰٓءِيلَ كَتَنْ‌غَرْتَ دُواْمِنْ سُكَارٜىٰ كَنْسُ أَ لُواْكَثِنْ يَاڧِ أَ رَانَرْ يَهْوٜىٰهْ بَ؞

⁶ ڧَضْيَا سُكٜىٰ غَنِ، أَنَّبْثِنْ ڧَضْيَا سُكٜىٰيِ ثٜىٰوَ ‏‹‏إِنْجِ يَهْوٜىٰهْ،›‏ كُواْدَيَكٜىٰ يَهْوٜىٰهْ بَيْ عَيْكٜىٰسُ بَ، دُكْدَهَكَ سُنْسَا ذُوثِيَا غَ غَنِنْ ثِكَاوَرْ مَغَنَرْسُ؞

⁷ بَ رُعُيَرْ ڧَضْيَا كُكَ غَنِبَ؟ بَدُوبَانْ أَنَّبْثِنْ ڧَضْيَا كُكَيِ سَعَدَّ كُكَثٜىٰ، ‏‹‏إِنْجِ يَهْوٜىٰهْ،›‏ كُواْدَيَكٜىٰ نِے بَنْ يِمَغَنَبَ؟

⁸ ‏«‏سَبُواْدَ حَكَ، إِنْجِنِ عُبَنْ‌غِجِ يَهْوٜىٰهْ، تُنْدَيَكٜىٰ كُنْيِ مَغَنَرْ ڧَضْيَا كُنْ كُمَ غَا رُعُيَرْ ڧَضْيَا، إِنَ غَابَادَكُو؞ نِے عُبَنْ‌غِجِ يَهْوٜىٰهْ نَا ڢَطَا؞

⁹ هَنُّونَ ذَيْ يِغَابَادَ أَنَّبَاوَنْ دَسُكٜىٰ غَنِنْ رُعُيَرْ ڧَضْيَا، سُكٜىٰيِنْ دُوبَانْ ڧَضْيَا؞ بَذَاسُ كَسَنْثٜىٰ ثِكِنْ تَارُوانْ جَمَعَتَبَ، بَكُوَ ذَاعَ رُبُوتَ سُونَيٜىٰنْسُ عَثِكِنْ لِتَّڢِنْ لِسَّڢِنْ غِدَنْ إِسْرَٰٓءِيلَ بَ، بَذَاسُ شِغَ ڧَسَرْ إِسْرَٰٓءِيلَ بَ؞ تَهَكَ ذَاكُ سَنِ ثٜىٰوَ نِنٜىٰ عُبَنْ‌غِجِ يَهْوٜىٰهْ؞

¹⁰ ذَنْيِ حَكَ، غَمَا سُنْ رُوطِ مُتَنٜىٰنَ سُنَ ثٜىٰوَ ‏‹‏سَلَمَ،›‏ سَعَدَّ بَابُ سَلَمَ؞ سَعَدَّ عَكَ غِنَا كَتَنْ‌غَ مَرَرْ ڧَرْڢِے، سَيْ أَنَّبَاوَنْ سُشَاڢَ دَ ڢَرَرْ ڧَسَا دُواْمِنْ عَڧَارَ مَتَ ڧَرْڢِے؞

¹¹ سَيْ كَڢَطَا وَ وَطَنْدَ سُكَ شَاڢٜىٰ كَتَنْ‌غَرْ دَ ڢَرَرْ ڧَسَا ثٜىٰوَ ذَاتَڢَاطِ؞ ذَاعَيِ ضُوً سَمَ دَ ڧَنْڧَرَ دَ إِسْكَ مَيْ ڧَرْڢِے وَنْدَ ذَيْ رُشٜىٰتَ؞

¹² أَشٜىٰ!‏ سَعَدَّ كَتَنْ‌غَرْ تَڢَاطِ، لَلَّيْ مُتَنٜىٰ ذَاسُيِ تَمْبَيَ سُثٜىٰ، ‏‹‏إِنَا ڢَرَرْ ڧَسَرْدَ عَكَ شَاڢٜىٰ كَتَنْ‌غَرْ دَ عِتَ؟›‏

¹³ ‏«‏إِنْجِنِ عُبَنْ‌غِجِ يَهْوٜىٰهْ، حَڧِيڧَ، عَثِكِنْ ڢُشِنَ، ذَنْسَا إِسْكَ مَيْ ٻَرْنَ تَٻَرْكٜىٰ، ضُوً سَمَ كُمَ يَظُبَ دَ ڧَرْڢِے، مَنْيَنْ ڧَنْڧَرَ كُمَ سُسَوْكَ دَڧَرْڢِے دُواْمِنْ سُهَلَكَاتَ؞

¹⁴ ذَنْ رُشٜىٰ كَتَنْ‌غَرْ نَنْ وَدَّ كُو أَنَّبَاوَنْ ڧَضْيَا كُكَ شَاڢٜىٰتَ دَ ڢَرَرْ ڧَسَا، ذَنْ رُشٜىٰتَ حَرْ ڧَسَا، عَبَرْ تُوشٜىٰنْ أَ ڢِيلِ؞ سَعَدَّ كَتَنْ‌غَرْ تَڢَاطِ ذَاتَ هَلَكَاكُ؞ حَكَ كُوَ ذَاكُ سَنِ ثٜىٰوَ نِنٜىٰ يَهْوٜىٰهْ؞

¹⁵ تَهَكَ ذَنْ ظُبَ ڢُشِنَ عَكَنْ كَتَنْ‌غَرْ دَ كُمَ عَكَنْ وَطَنْدَ سُكَ شَاڢٜىٰتَ دَ ڢَرَرْ ڧَسَا؞ ذَنْ كُمَ ڢَطَا مُكُ ثٜىٰوَ كَتَنْ‌غَرْ تَٻَثٜىٰ دُكْ دَ وَطَنْدَ سُكَ شَاڢٜىٰتَ دَ ڢَرَرْ ڧَسَا،

¹⁶ وَتُواْ أَنَّبَاوَنَّنْ نَ إِسْرَٰٓءِيلَ وَطَنْدَ سُكَيِ أَنَّبْثِ عَكَنْ عُرُوشَلِيمَ، سُكَغَ رُعُيَرْ سَلَمَ دُواْمِنْتَ، سَعَدَّ بَابُ سَلَمَ؞ نِے عُبَنْ‌غِجِ يَهْوٜىٰهْ نَا ڢَطَا؞

¹⁷ ‏«‏كَيْ ڢَا طَنْ مُتُمْ، كَطَوْرَ ڢُسْكَ تَيِنْ غَابَادَ مَتَ مَاسُ يِنْ أَنَّبْثِ بِسَغَ تُنَانِنْ ذُوثِيَارْسُ؞ كَيِ أَنَّبْثِ عَكَنْسُ،

¹⁸ كَثٜىٰ، ‏‹‏إِنْجِنِ عُبَنْ‌غِجِ يَهْوٜىٰهْ؞ كَيْتُوانْكُ!‏ كُو مَاتَانْدَ كُكَ طَوْرَ لَيُ أَ حَنُّوَنْ كُواْوَ، كُنَ شِرْيَ كَايَنْ لُلُّٻِ دُواْمِنْ كُواْوَنٜىٰ مُتُمْ بِسَغَ ڟَيِنْسَ دُواْمِنْ أَ ڢَرَوْثِ رَايُكَنْ مُتَنٜىٰنَ!‏ بَايَنْدَ كُكَ ڢَرَوْثِ رَايُكَنْ مُتَنٜىٰنَ، كُنَ ڟَمَّنِ ذَاكُ كِيَايٜىٰ نَاكُ رَايُكَ؟

¹⁹ ذَاكُيِ بَنْظَ دَ سُونَنَ عَثِكِنْ مُتَنٜىٰنَ دُواْمِنْ كُسَامِ حَڟِنْ بَلٜىٰ كَطَنْ عَتَڢِنْ حَنُّوَنْكُ، كُسَامِ طَنْ غُرَاسَ كَطَنْ؟ تَوُرِنْ ڧَضْيَارْكُ، غَ مُتَنٜىٰنَ وَطَنْدَ سُكَ كَسَ كُنّٜىٰ غَ ڧَضْيَاثٜىٰ ڧَضْيَاثٜىٰنْكُ، كُنَ كَشٜىٰ مُتَنٜىٰنْ دَ بَيْ كَمَاتَ سُمُتُبَ، كُنَ بَرِنْ وَطَنْدَ بَيْ كَمَاتَ سُرَايُبَ؞

²⁰ ‏«‏ ‏‹‏إِنْجِنِ عُبَنْ‌غِجِ يَهْوٜىٰهْ، سَبُواْدَ حَكَ غَاشِ إِنَ غَابَادَ لَيُنْكُ وَطَنْدَ كُكٜىٰ ڢَرَوْثِ رَايُكَ دَسُو؞ ذَنْ كُمَ ڟِنْكٜىٰسُ دَغَ حَنُّوَنْكُ؞ ذَنْ یَنْتَرْدَ رَايُكَنْ وَطَنْدَ كُكٜىٰيِ أَمْڢَانِ دَسُو دُواْمِنْ كُڢَرَوْثِ رَايُكَنْ مُتَنٜىٰنَ كَمَرْ نَڟُنْڟَيٜىٰ؞

²¹ ذَنْ يَيَّاغٜىٰ لُلُّٻِنْكُ، إِنْ كُٻُتَرْدَ مُتَنٜىٰنَ دَغَ حَنُّنْكُ؞ بَذَاسُ ڧَارَ ذَمَ كَمَرْ أَبِنْدَ عَكَ كَامَ ثِكِنْ ڢَرَوْتَبَ؞ تَهَكَ ذَاكُ سَنِ ثٜىٰوَ نِنٜىٰ عُبَنْ‌غِجِ يَهْوٜىٰهْ؞

²² كُنْ ٻَاتَ ذُوثِيَارْ مَاسُ أَدَلْثِے دَ ڧَضْيَا، كُواْدَيَكٜىٰ نِے بَنْٻَاتَ مُسُ ذُوثِيَابَ؞ كُنْ ڧَرْڢَڢَ ڠُوِوُاْيِنْ مُوغَيٜىٰ دُواْمِنْ كَدَ سُجُويَ دَغَ مُغُنْتَارْسُ سُثٜىٰثِ رَنْسُ؞

²³ حَڧِيڧَ بَذَاكُ ڧَارَ غَنِنْ رُعُيَرْكُ تَڧَضْيَا كُواْ كُيِ دُوبَانْ ڧَضْيَابَ؞ ذَنْ كُٻُتَرْدَ مُتَنٜىٰنَ دَغَ حَنُّنْكُ؞ سَعَنً ذَاكُ سَنِ ثٜىٰوَ نِنٜىٰ يَهْوٜىٰهْ؞›‏ »‏