هِظْڧِيَالْ 12 - أَتَّوْرَتْ دَ أَنَّبَاوَا

ݣُوتَنْثِنْ ݣُوشٜىٰوَرْ يَهُودَاوَا ذُوَا بَوْتَا

¹ يَهْوٜىٰهْ يَا يِمَغَنَ دَنِے ثٜىٰوَ

² ‏«‏يَا كَيْ طَنْ مُتُمْ، كَنَ ظَوْنٜىٰ أَڟَكِيَرْ جَمَعَ مَاسُ تَاوَيٜىٰ، وَطَنْدَ سُكٜىٰ دَ إِدَانُنْ غَنِ، عَمَّا بَاسَ غَنِ، سُنَدَ كُنُّوَنْجِ، عَمَّا بَاسَجِ، غَمَا سُو جَمَعَثٜىٰ مَيْ تَاوَيٜىٰ؞

³ ‏«‏دُواْمِنْ وَنَّنْ، يَا كَيْ طَنْ مُتُمْ، سَيْ كَشِرْيَ كَايَنْ ڧَوْرَ، كَڧَوْرَ إِرِ تَتَڢِيَ بَوْتَا، سَيْ كَتَاشِ دَ رَانَ أَعِدُوانْسُ؞ شِرْيَ كَايَنْ ڧَوْرَ إِرِنْ نَتَڢِيَ بَوْتَا أَعِدُوانْسُ؞ وَتَڧِيلَ ذَاسُ غَنِ سُغَانٜىٰ، كُواْدَيَكٜىٰ سُو جَمَعَثٜىٰ مَيْ تَاوَيٜىٰ؞

⁴ ذَاكَ ڢِتَرْدَ كَايَنْكَ نَڧَوْرَ دَ رَانَ أَعِدُوانْسُ، كَمَرْ كَايَنْ تَڢِيَ نَذَمَنْ بَوْتَا؞ كَيْ كَنْكَ كُمَ ذَاكَ ڢِتَ دَ يَمَّ أَعِدُوانْسُ، كَمَرْ يَدَّ مُتَنٜىٰ مَاسُ تَڢِيَ بَوْتَا سُكٜىٰيِ؞

⁵ كَهُودَ رَامِ تَكَتَنْ‌غَ أَعِدُوانْسُ، كَڢِتَرْدَ كَايَنْكَ تَرَامِنْ؞

⁶ أَ عِدُوانْسُ ذَاكَ طَوْكِ كَايَنْ، كَسَا عَكَڢَطَرْكَ، سَعَنً كَبِے ثِكِنْ دُهُ كَتَڢِے دَشِ؞ ذَاكَ رُڢٜىٰ ڢُسْكَرْكَ دُواْمِنْ كَدَ كَغَ ڧَسَرْ، غَمَا نَا مَيْشٜىٰكَ عَلَمَ غَ غِدَنْ إِسْرَٰٓءِيلَ؞»‏

⁷ نَاكُوَيِ يَدَّ عَكَ عُمَرْثٜىٰنِ؞ نَڢِتَرْدَ كَايَانَ دَرَانَ، كَمَرْ كَايَنْ ڧَوْرَ إِرِنَّتَڢِيَ بَوْتَا؞ دَ يَمَّ كُمَ نَهُودَ رَامِ تَثِكِنْ كَتَنْ‌غَرْ دَ حَنُّوَنَ؞ أَ عِدُوانْسُ، نَڢِتَرْدَ كَايَانَ عَثِكِنْ دُهُ، إِنَطَوْكٜىٰ دَشِ عَكَڢَطَتَ؞

⁸ دَ سَڢٜىٰ، يَهْوٜىٰهْ يَا يِمَغَنَ دَنِے ثٜىٰوَ

⁹ ‏«‏يَا كَيْ طَنْ مُتُمْ، غَاشِ، غِدَنْ إِسْرَٰٓءِيلَ یَنْ تَاوَيٜىٰنَّنْ سُنْ تَمْبَيٜىٰكَ، ‏‹‏مٜىٰ كَكٜىٰيِ؟›‏

¹⁰ كَيْ ڢَا، سَيْكَثٜىٰ مُسُ، ‏‹‏إِنْجِنِ عُبَنْ‌غِجِ يَهْوٜىٰهْ، وَنَّنْ سَڧُواْ يَشَاڢِ سَرْكِنْ عُرُوشَلِيمَ دَ دُكَنْ غِدَنْ إِسْرَٰٓءِيلَ وَطَنْدَ سُكٜىٰ ثِكِنْتَ؞›‏

¹¹ كَثٜىٰ مُسُ، ‏‹‏نِے عَلَمَثٜىٰ أَغَرٜىٰكُ؞ كَمَرْ يَدَّ نَيِ، حَكَنَنْ ذَيْ ڢَرُ دَكُو، غَمَا ذَاكُ بَرْ ڧَسَرْكُ، عَكَيْكُ بَوْتَا؞›‏

¹² حَرْ مَا سَرْكِنْسُ ذَيْ طَغَ كَايَنْسَ عَكَڢَطَرْسَ عَثِكِنْ دُهُ تَرٜىٰدَسُو، ذَيْڢِتَ تَ رَامِنْ دَ وَطَنْسُ سُكَ هُودَ تَكَتَنْ‌غَ؞ ذَيْ رُڢٜىٰ ڢُسْكَرْسَ دُواْمِنْ كَدَ يَغَ ڧَسَرْدَ عِدَنُونْسَ؞

¹³ نِے ذَنْ وَاڟَا رَاغَتَ عَكَنْسَ، ذَاعَ كَامَ شِ عَثِكِنْ تَرْكُواْنَ؞ ذَنْ كَيْشِ بَابِيلَ، ڧَسَرْ كَلْدِيَاوَا، دُكْدَهَكَ بَذَيْ غَنْ تَبَ، كُواْدَيَكٜىٰ ذَيْ مُتُ عَثَنْ؞

¹⁴ ذَنْ وَاڟَرْدَ دُكَنْ وَطَنْدَ سُكٜىٰ كٜىٰوَيٜىٰ دَشِ، وَتُواْ مَاسُ تَيْمَكُوانْسَ دَ سُواْجُواْجِنْسَ دُكَ؞ ذَنْ ذَارُواْ تَكُواْبِے إِنْبِيسُ دَشِ؞

¹⁵ ذَاسُ سَنِ ثٜىٰوَ نِنٜىٰ يَهْوٜىٰهْ، سَعَدَّ نَڢِتَرْ دَسُو ثِكِنْ أَلْعُمَّيْ إِنْكُمَ وَاڟَرْ دَسُو ثِكِنْ ڧَسَاشٜىٰ؞

¹⁶ عَمَّا ذَنْبَرْ كَطَنْ دَغَ ثِكِنْسُ سُڟٜىٰرٜىٰوَ تَكُواْبِے دَ يُنْوَ دَ بَلَعِ، دُواْمِنْ سُسَنَرْدَ دُكَنْ أَيُّكَنْسُ نَبَنْ ڨَمَ عَثِكِنْ عِنْدَ سُكَ تَڢِے؞ تَهَكَ ذَاسُ سَنِ ثٜىٰوَ نِنٜىٰ يَهْوٜىٰهْ؞»‏

تَبَّثِنْ حُكُنْثِ

¹⁷ يَهْوٜىٰهْ يَا يِمَغَنَ دَنِے ثٜىٰوَ

¹⁸ ‏«‏يَا كَيْ طَنْ مُتُمْ، كَثِ عَبِنْثِنْكَ دَ ضَوَرْ جِكِے، كَشَا ضُوَنْكَ كَنَ ڢِرْغِتَ دَ ڟُواْرُواْ؞

¹⁹ كَثٜىٰ وَمُتَنٜىٰنْ ڧَسَرْ، ‏‹‏إِنْجِنِ عُبَنْ‌غِجِ يَهْوٜىٰهْ غَمٜىٰدَ مَذَوْنَنْ عُرُوشَلِيمَ وَطَنْدَ سُكٜىٰ عَثِكِنْ ڧَسَرْ إِسْرَٰٓءِيلَ؞ ذَاسُثِ عَبِنْثِنْسُ دَ ضَوَرْ جِكِے، سُكُمَ شَا ضُوَنْسُ دَ ڟُواْرُواْ، غَمَا ذَاعَ ݣُوشٜىٰ دُكَنْ أَبِنْدَ يَكٜىٰ ثِكِنْ ڧَسَرْسُ، سَبُواْدَ تَاشِنْ حَنْكَلِنْ دُكَنْ وَطَنْدَ سُكٜىٰ ظَوْنٜىٰ عَثِكِنْتَ؞

²⁰ بِرَنٜىٰنْ دَ مُتَنٜىٰ سُكٜىٰ ذَمَ عَثِكِنْسُ ذَاسُ ذَمَ كُڢَيْ، ذَاعَ هَلَّكَرْ دَسُو، ڧَسَرْ كُمَ ذَاتَ ذَمَ كُڢَيْ؞ ذَاكُسَنِ ثٜىٰوَ نِنٜىٰ يَهْوٜىٰهْ؞›‏ »‏

²¹ يَهْوٜىٰهْ يَايِ مَغَنَ دَنِے ثٜىٰوَ

²² ‏«‏يَا كَيْ طَنْ مُتُمْ، مٜىٰنٜىٰنٜىٰ مَعَنَرْ وَنَّنْ كَرِنْ مَغَنَرْ دَ عَكٜىٰ ڢَطَا عَڧَسَرْ إِسْرَٰٓءِيلَ ثٜىٰوَ ‏‹‏ݣُونَكِے سُنَ تَوُثٜىٰوَ بَ كُواْ رُعُيَ طَيَ وَدَّ تَثِكَ؟›‏

²³ سَبُواْدَ حَكَ كَڢَطَا مُسُ، كَثٜىٰ، ‏‹‏إِنْجِنِ عُبَنْ‌غِجِ يَهْوٜىٰهْ ذَنْ كَٰوُاْ ڧَرْشٜىٰنْ وَنَّنْ كَرِنْ مَغَنَ، بَذَاسُ ڧَارَ يِنْ أَمْڢَانِ دَ وَنَّنْ كَرِنْ مَغَنَرْ عَ إِسْرَٰٓءِيلَ بَ؞ عَمَّا كَڢَطَا مُسُ ثٜىٰوَ ݣُونَكِے سُنْيِ كُسَ عِنْدَ ذَاعَ تَبَّتَرْ دَ ثِكَاوَرْ كُواْوَثٜىٰ رُعُيَ؞›‏

²⁴ غَمَا بَذَاعَ ڧَارَ يِنْ رُعُيَرْ ڧَضْيَا، كُواْ دُوبَا إِرِنَّرُڢٜىٰ عِدُواْ عَثِكِنْ غِدَنْ إِسْرَٰٓءِيلَ بَ؞

²⁵ غَمَا نِے يَهْوٜىٰهْ ذَنْيِ مَغَنَ، مَغَنَرْ دَ ذَنْ ڢَطَا كُوَ ذَاعَ ثِكَتَ؞ بَذَاتَ سَاكٜىٰ دَطٜىٰوَبَ، عَمَّا عَثِكِنْ ݣُونَكِنْكُ، يَا كُو جَمَعَتَ مَاسُ تَاوَيٜىٰ، ذَنْيِ مَغَنَ إِنْكُمَ ثِكَتَ؞ نِے عُبَنْ‌غِجِ يَهْوٜىٰهْ نَا ڢَطَا؞»‏

²⁶ يَهْوٜىٰهْ يَايِ مَغَنَ دَنِے ثٜىٰوَ

²⁷ ‏«‏يَا كَيْ طَنْ مُتُمْ، غَاشِ، غِدَنْ إِسْرَٰٓءِيلَ سُنَ ثٜىٰوَ ‏‹‏رُعُيَرْ دَ هِظْڧِيَالْ يَكٜىٰ غَنِ تَݣُونَكِے مَاسُ ذُوَا نَنْ غَبَنٜىٰ؞ يَنَ يِنْ أَنَّبْثِ نٜىٰ نَظَامَانِ مَيْ نِيسَ؞›‏

²⁸ سَبُواْدَ حَكَ، كَڢَطَا مُسُ ثٜىٰوَ إِنْجِنِ عُبَنْ‌غِجِ يَهْوٜىٰهْ، مَغَنَاتَ بَذَاتَ سَاكٜىٰ دَطٜىٰوَبَ، عَمَّا مَغَنَرْدَ نَڢَطَا ذَاتَ ثِكَ؞ نِے عُبَنْ‌غِجِ يَهْوٜىٰهْ نَا ڢَطَا؞»‏