هِظْڧِيَالْ 11 - أَتَّوْرَتْ دَ أَنَّبَاوَا

حُكُنْثِ عَكَنْ شُوغَبَنِّنْ إِسْرَٰٓءِيلَ

¹ سَيْ رُوحُ يَطَغَنِ يَكَٰوُاْنِ عَڧُواْڢَرْ غَبَسْ تَغِدَنْ يَهْوٜىٰهْ وَدَّ تَكٜىٰ ڢُسْكَنْتَرْ غَبَسْ؞ عَبَاكِنْ ڧُواْڢَرْ شِغَ سَيْغَا مُتُمْ عَشِرِنْ دَ بِيَرْ؞ عَثِكِنْ وَطَنْدَ نَغَنِ، نَغَ يَعَظَنِيَ طَنْ أَظُّرْ دَ ڢٜىٰلَتِيَ طَنْ بٜىٰنَيَ، شُوغَبَنِّنْ جَمَعَ؞

² سَيْ يَهْوٜىٰهْ يَثٜىٰ مِنِ ‏«‏يَا كَيْ طَنْ مُتُمْ، وَطَنَّنْ سُونٜىٰ مُتَنٜىٰنْ دَسُكٜىٰ ڧُلَّ هَنْيُواْيِنْ مُغُنْتَا، وَطَنْدَ سُكٜىٰ بَادَ مُوغُوَرْ شَوَرَا عَثِكِنْ بِرْنِنَّنْ؞

³ سُونٜىٰ وَطَنْدَ سُكٜىٰثٜىٰوَ ‏‹‏لُواْكَثِنْ غِنَا غِدَاجٜىٰ بَيْيِبَ تُكُنَ؞ وَنَّنْ بِرْنِ تُكُنْيَثٜىٰ، مُو نٜىٰ نَامَنْ؞›‏

⁴ سَبُواْدَ حَكَ، يِ أَنَّبْثِ غَابَادَسُو!‏ يِ أَنَّبْثِ، يَا كَيْ طَنْ مُتُمْ!‏»‏

⁵ سَيْ رُوحٌ يَهْوٜىٰهْ يَسَوْكُواْ عَكَيْنَ، يَثٜىٰ مِنِ إِنْ ڢَطَا مُسُ ‏«‏إِنْجِنِ يَهْوٜىٰهْ، أَبِنْدَ كُكٜىٰيِنْ تُنَانِ عَكَيْ، نَسَنِ، يَا كُو غِدَنْ إِسْرَٰٓءِيلَ، غَمَا نَا سَنْ أَبِنْدَ يَشِغَ ثِكِنْ ذُوثِيَارْكُ؞

⁶ كُنْ كَشٜىٰ مُتَنٜىٰ دَيَوَ عَثِكِنْ بِرْنِنَّنْ، كُنْ ثِكَ تِيتُنَنْ بِرْنِنْ دَ غَوَوَّكِ؞

⁷ سَبُواْدَ حَكَ، إِنْجِنِ عُبَنْ‌غِجِ يَهْوٜىٰهْ، غَوَوَّكِنْ دَ كُكَ شِمْڢِطَا عَثِكِنْ بِرْنِ سُونٜىٰ نَامَنْ، بِرْنِنْ كُمَ شِينٜىٰ تُكُنْيَرْ؞ عَمَّا كُو شُوغَبَنِّ، ذَاعَ ظُبَرْ دَكُو دَغَ ثِكِنْتَ؞

⁸ كُنْجِڟُواْرُوانْ تَكُواْبِے، نِے كُوَ ذَنْ كَٰوُاْ تَكُواْبِے عَكَنْكُ؞ نِے عُبَنْ‌غِجِ يَهْوٜىٰهْ نَا ڢَطَا؞

⁹ ذَنْ ڢِتَرْ دَكُو دَغَ ثِكِنْ بِرْنِنْ، إِنْكُمَ بَادَكُ أَ حَنُّنْ بَاڧِ، إِنْ كُوَيِ مُكُ حُكُنْثِ؞

¹⁰ ذَاعَكَشٜىٰكُ دَ تَكُواْبِے؞ ذَنْ كُمَ حُكُنْتَكُ حَرْ إِيَاكَرْ ڧَسَرْ إِسْرَٰٓءِيلَ، سَعَنً ذَاكُسَنِ ثٜىٰوَ نِنٜىٰ يَهْوٜىٰهْ؞

¹¹ وَنَّنْ بِرْنِ بَذَيْ ذَمَ مُكُ تُكُنْيَ بَ، بَ كُوَ ذَاكُ ذَمَ نَامَ عَثِكِنْسَبَ؞ ذَنْ حُكُنْتَكُ حَرْ إِيَاكَرْ ڧَسَرْ إِسْرَٰٓءِيلَ؞

¹² سَعَنً ذَاكُسَنِ ثٜىٰوَ نِنٜىٰ يَهْوٜىٰهْ وَنْدَ بَكُ كِيَايٜىٰ ڧَٰعِدُواْدِنْسَبَ، بَكُ كُمَيِ تَڢِيَ بِسَغَ شَرِيعَرْسَ تَغَسْكِيَ بَ، أَمَيْمَكُوانْ حَكَ، كُنْ كِيَايٜىٰ عُمَرْنَنْ أَلْعُمَّنْ دَسُكٜىٰ كٜىٰوَيٜىٰ دَكُو؞»‏

¹³ سَعَدَّ نَكٜىٰيِنْ أَنَّبْثِ، بَا لَابَرِ سَيْ ڢٜىٰلَتِيَ طَنْ بٜىٰنَيَ يَڢَاطِ يَمُتُ؞ سَيْ نَڢَاطِ دَ ڢُسْكَتَ حَرْ ڧَسَا، نَتَادَ مُرْيَ دَ ڧَرْڢِے نَثٜىٰ ‏«‏يَا عُبَنْ‌غِجِ يَهْوٜىٰهْ!‏ ذَاكَ كَوَرْدَ ضَغُواْوَرْ مُتَنٜىٰنْ إِسْرَٰٓءِيلَ غَبَاطَيَ كٜىٰنَنْ؟»‏

أَلْڧَوَرِنْ اللَّهْ غَ وَطَنْدَ عَكَ كَيْ بَوْتَا

¹⁴ سَيْ يَهْوٜىٰهْ يَيِ مَغَنَ دَنِے ثٜىٰوَ

¹⁵ ‏«‏يَا كَيْ طَنْ مُتُمْ، یَنْعُوَنْكَ دَ دَنْ‌غِنْكَ دَ دُكَنْ غِدَنْ إِسْرَٰٓءِيلَ، سُونٜىٰ وَطَنْدَ مَذَوْنَنْ عُرُوشَلِيمَ سُكَيِ تَغَيَ مُسُ ثٜىٰوَ ‏‹‏كُنْيِ نِيسَ دَ يَهْوٜىٰهْ، مُونٜىٰ عَكَ بَامُ غَادُوانْ ڧَسَرْ نَنْ؞›‏

¹⁶ سَبُواْدَ حَكَ، سَيْ كَثٜىٰ مُسُ إِنْجِنِ عُبَنْ‌غِجِ يَهْوٜىٰهْ، ‏‹‏كُواْدَيَكٜىٰ نَكَيْسُ دَ نٜىٰسَ ثِكِنْ أَلْعُمَّيْ، نَاكُوَ وَاڟَرْ دَسُو عَثِكِنْ ڧَسَاشٜىٰ، دُكْدَهَكَ أَغَرٜىٰسُ نَذَمَ وُرِے مَيْ ڟَرْكِے نَطَنْ لُواْكَثِ عَثِكِنْ ڧَسَاشٜىٰنْ دَ عَكَ كَيْسُ؞›‏

¹⁷ بَنْدَ حَكَمَا، سَيْ كَثٜىٰمُسُ، ‏‹‏إِنْجِنِ عُبَنْ‌غِجِ يَهْوٜىٰهْ ذَنْ تَتَّارُواْكُ دَغَ ثِكِنْ ڧَبِيلُنْ، إِنْكُمَ تَتَّارُواْكُ دَغَ ڧَسَاشٜىٰنْ دَ عَكَ وَاڟَرْ دَكُو؞ نِے كُوَ ذَنْبَاكُ ڧَسَرْ إِسْرَٰٓءِيلَ؞›‏

¹⁸ سَعَدَّ سُكَ كُواْمَ ڧَسَرْ، ذَاسُ كَوَرْدَ دُكَنْ أَبُبُوَنْ ڧَظَنْتَادَ دُكَنْ أَبُبُوَنْ بَنْ ڨَمَرْ دَسُكٜىٰ ثِكِنْتَ؞

¹⁹ ذَنْبَاسُ ذُوثِيَا طَيَ، إِنْكُمَسَا سَابُوانْ رُوحُ عَثِكِنْسُ؞ ذَنْ كَوَرْدَ ذُوثِيَا مَيْ تَوْرِ تَ دُوڟٜىٰ دَغَ جِكِنْسُ، إِنْبَاسُ ذُوثِيَا مَيْ لَوْشِ،

²⁰ دُواْمِنْ سُيِ تَڢِيَ بِسَغَ ڧَٰعِدُواْدِنَ، سُكِيَايٜىٰ عُمَرْنَيْنَ، سُكُمَ عَيْكَتَاسُ؞ سَعَنً ذَاسُ ذَمَ جَمَعَتَ، نِے كُمَ إِنْ ذَمَ اللَّهْ نْسُ؞

²¹ عَمَّا غَ وَطَنْدَ ذُوثِيَارْسُ تَنَ بِنْ أَبُبُوَنْ ڧَظَنْتَادَ نَبَنْ ڨَمَ، ذَنْ كُواْمُواْ دَ أَلْحَكِنْ أَيُّكَنْسُ عَكَنْسُ؞ نِے عُبَنْ‌غِجِ يَهْوٜىٰهْ نَا ڢَطَا؞»‏

طَوْكَكَرْ يَهْوٜىٰهْ تَا رَبُ دَ عُرُوشَلِيمَ

²² سَعَنً حَلِتُّو مَاسُ ڢِكَڢِكَنَّنْ سُكَتَادَ ڢِكَڢِكَنْسُ سُكَتَاشِ سَمَ تَرٜىٰدَ ڧَڢَاڢُنْ كٜىٰكٜىٰ أَغٜىٰڢٜىٰنْ كُواْوَنٜىٰ طَيَنْسُ؞ ڧُنْشِنْ حَصْكٜىٰنْ طَوْكَكَرْ اللَّهْ نَ إِسْرَٰٓءِيلَ يَنَ بِسَنْسُ؞

²³ سَيْ ڧُنْشِنْ حَصْكٜىٰنْ طَوْكَكَرْ يَهْوٜىٰهْ يَتَاشِ دَغَ ڟَكِيَرْ بِرْنِنْ، يَڟَيَ عَكَنْ تُدُ وَنْدَ يَكٜىٰ تَغَبَسْ دَ بِرْنِنْ؞

²⁴ رُوحٌ كُوَ يَطَوْكٜىٰنِ؞ عَثِكِنْ رُعُيَ رُوحٌ اللَّهْ يَكَيْنِ بَابِيلَ وُرِنْ وَطَنْدَ سُكٜىٰ ذَمَنْ بَوْتَا؞ سَيْ رُعُيَرْدَ نَغَنِ تَرَبُ دَنِے؞

²⁵ نَا كُوَ ڢَطَا وَیَنْ ذَمَنْ بَوْتَا دُكَنْ أَبِنْدَ يَهْوٜىٰهْ يَنُونَ مِنِ؞