هِظْڧِيَالْ 10 - أَتَّوْرَتْ دَ أَنَّبَاوَاطَوْكَكَرْ اللَّهْ تَا رَبُ دَ هَيْكَلِ 1 دَنَ دُوبَ، غَاشِ، عَبِسَ مُرْڢِنْ دَيَكٜىٰ سَمَ دَ كَنْ حَلِتُّو مَاسُ ڢِكَڢِكَيْ، أَݣَويْ وَنِ أَبُ كَمَرْ كُجٜىٰرَرْ مُلْكِ، وَدَّ عَكَيِ دَ دُوڟٜىٰ مَيْ دَرَجَ كَمَرْ نَسَڢَّيَ؞ 2 سَيْ يَهْوٜىٰهْ يَثٜىٰ وَمُتُمِنْ دَيَكٜىٰ سَنْيٜىٰ دَ رِغَرْ لِيلِنْ «شِغَ تَڟَكَانِنْ ڧَڢَاڢُنْ كٜىٰكٜىٰنَّنْ، تَڧَرْڧَشِنْ حَلِتُّو مَاسُ ڢِكَڢِكَيْ؞ كَثِكَ تَڢِنْ حَنُّوَنْكَ دَ غَرْوَشِنْ وُتَا وَدَّ تَكٜىٰ ڟَكَانِنْ حَلِتُّو مَاسُ ڢِكَڢِكَيْ، كَوَاڟَرْدَ غَرْوَشِنْ وُتَا عَبِسَ بِرْنِنْ؞» سَعَدَّ نَكٜىٰ غَنِ، سَيْ يَشِغَ؞ 3 حَلِتُّو مَاسُ ڢِكَڢِكَنَّنْ كُوَ سُنَ ڟَيٜىٰ أَغٜىٰڢٜىٰنْ كُدُ نَغِدَنْ سَعَدَّ مُتُمِنْ يَشِغَ؞ غِرْغِجٜىٰ كُمَ يَثِكَ ڢِيلِ نَثِكِنْ غِدَنْ؞ 4 سَيْ ڧُنْشِنْ حَصْكٜىٰنْ طَوْكَكَرْ يَهْوٜىٰهْ يَتَاشِ دَغَ حَلِتُّو مَاسُ ڢِكَڢِكَيْ ذُوَا بَاكِنْ ڧُواْڢَرْ غِدَنْ؞ غِرْغِجٜىٰنْ كُوَ يَثِكَ غِدَنْ، حَصْكٜىٰنْ طَوْكَكَرْ يَهْوٜىٰهْ يَا ثِكَ ڢِيلِنْ ثِكِنْ غِدَنْ؞ 5 سَيْ عَكَجِ ڧَارَرْ ڢِكَڢِكَنْ حَلِتُّنَّنْ حَرْ ثَنْ ذَوْرٜىٰ نَثِكِنْ غِدَنْ؞ ڧَارَرْ كُوَ كَمَرْ ڧَارَرْ مُرْيَرْ اللَّهْ مَيْ إِيكُواْ دُكَ سَعَدَّ يَكٜىٰ مَغَنَ؞ 6 سَيْ يَهْوٜىٰهْ يَعُمَرْثِ مُتُمِنَّنْ دَيَكٜىٰ سَنْيٜىٰ دَ رِغَرْ لِيلِنْ ثٜىٰوَ «طَوْكِ وُتَا وَدَّ تَكٜىٰ أَڟَكَانِنْ ڧَڢَاڢُنْ كٜىٰكٜىٰنَّنْ مَاسُ جُويَاوَا، تَڧَرْڧَشِنْ حَلِتُّو مَاسُ ڢِكَڢِكَيْ؞» سَيْ يَشِغَ يَڟَيَ أَغٜىٰڢٜىٰنْ ڧَڢَا طَيَ؞ 7 طَيَ دَغَ ثِكِنْ حَلِتُّو مَاسُ ڢِكَڢِكَنَّنْ تَمِيڧَ حَنُّنْتَ تَبَايَ ڟَكَانِنْ حَلِتُّنَّنْ ذُوَا وُرِنْ وُتَرْ دَتَكٜىٰ ڟَكَانِنْسُ؞ سَيْ تَطِبَ وُتَرْ تَظُبَ عَثِكِنْ تَڢِنْ حَنُّوَنْ مُتُمِنَّنْ دَيَكٜىٰ سَنْيٜىٰ دَ رِغَرْ لِيلِنْ، شِيكُوَ يَكَرْٻَ يَڢِتَ؞ 8 حَلِتُّو مَاسُ ڢِكَڢِكَنَّنْ كُوَ سُنَدَ أَبُ كَمَرْ صِڢَّرْ حَنُّنْ مُتُمْ عَڧَرْڧَشِنْ ڢِكَڢِكَنْسُ؞ 9 إِنَ كَلُّواْ، سَيْ نَغَ ڧَڢَاڢُ حُطُ إِرِنَّكٜىٰكٜىٰ أَغٜىٰڢٜىٰنْ حَلِتُّو مَاسُ ڢِكَڢِكَيْ؞ أَݣَويْ ڧَڢَا طَيَ أَغٜىٰڢٜىٰنْ كُواْوَثٜىٰ حَلِتَّ؞ ڧَڢَاڢُنْ كُوَ سُنَ ڨَلِّ كَمَرْ دُوڟٜىٰنَّنْ بٜىٰرِلْ مَيْ دَرَجَ؞ 10 دُكَنْسُ سُنَدَ كَمَنِّنْسُ طَيَ، سَيْ وَنِ أَبُ يَڢِتُواْ كَمَرْ ڧَڢَرْ كٜىٰكٜىٰ يَنَ جُويَاوَا عَثِكِنْ وَتَ ڧَڢَرْ كٜىٰكٜىٰ؞ 11 سَعَدَّ ذَاسُيِ غَبَ، أَدُكْ غٜىٰڢٜىٰ طَيَ عَثِكِنْ ݣُونَ حُطُنْ دَ سُكَ نُڢَ، ذَاسُيِ تَڢِيَ تَرٜىٰ، كُمَ بَاتَرٜىٰدَ جُويَا جِكِنْسُبَ؞ عَمَّا دُكْ عِنْدَ ڧَڢَرْ غَبَ تَنُڢَ، دُكَنْ سَوْرَنْ ذَاسُبِے، بَ سَيْ سُنْ جُويَا بَ؞ 12 دُكَنْ جِكِنْسُ دَ غِدَنْ ڧَڢَاڢُنْسُ دَ وَيُواْيِنْ ڧَڢَاڢُنْ دَ ڢِكَڢِكَنْسُ دَ كُمَ ڧَڢَاڢُنْ كُواْوَنّٜىٰنْسُ، دُكَنْسُ سُنَدَ إِدَانُو عَكٜىٰوَيٜىٰ؞ 13 دَ كُنّٜىٰنَ نَجِ مُرْيَ تَنَ كِرَنْ ڧَڢَاڢُنَّنْ «ڧَڢَاڢُ مَاسُ جُويَاوَا كَمَرْ غُوغُوَ؞» 14 كُواْوَنّٜىٰنْسُ يَنَدَ ڢُسْكَ حُطُ؞ ڢُسْكَ تَڢَرْكُواْ تَحَلِتَّ مَيْ ڢِكَڢِكِثٜىٰ، ڢُسْكَ تَبِيُ تَمُتُمْثٜىٰ، ڢُسْكَ تَ عُكُ تَظَاكِثٜىٰ دَ كُمَ ڢُسْكَ تَهُطُ تَغَغَّڢَثٜىٰ؞ 15 سَيْ حَلِتُّو مَاسُ ڢِكَڢِكَنَّنْ سُكَتَاشِ سَمَ؞ وَطَنَّنْ سُونٜىٰ حَلِتُّو مَاسُ رَيْ وَطَنْدَ نَغَنِ عَبَاكِنْ كُواْغِنْ كٜىٰبَرْ؞ 16 دُكْ سَعَدَّ حَلِتُّنَّنْ مَاسُ رَيْ سُكَ مُواْڟَ، سَيْ ڧَڢَاڢُ كَمَرْ إِرِنَّكٜىٰكٜىٰ وَطَنْدَ سُكٜىٰ أَغٜىٰڢٜىٰنْ كُواْوَنٜىٰ طَيَنْسُ، سُو مَا سُكَنْ مُواْڟَ تَرٜىٰدَسُو؞ سَعَدَّ حَلِتُّنْ سُكَتَادَ ڢِكَڢِكَنْسُ دُواْمِنْ سُتَاشِ دَغَ ڧَسَا، ڧَڢَاڢُ وَطَنْدَ سُكٜىٰ أَغٜىٰڢٜىٰنْسُ سُكَنْ كَسَنْثٜىٰ تَرٜىٰدَسُو؞ 17 سَعَدَّ سُكَ ڟَيَ، سَيْ ڧَڢَاڢُنْ سُو مَا سُڟَيَ؞ سَعَدَّ سُكَتَاشِ سَمَ، سَيْ سُو مَا سُتَاشِ سَمَ تَرٜىٰدَسُو؞ غَمَا رُوحٌ حَلِتُّو مَاسُ ڢِكَڢِكَنَّنْ يَنَ عَثِكِنْ ڧَڢَاڢُنْسُ؞ 18 سَيْ ڧُنْشِنْ حَصْكٜىٰنْ طَوْكَكَرْ يَهْوٜىٰهْ كُوَ يَڢِتَ دَغَ ڧُواْڢَرْ غِدَنْ، يَڟَيَ عَبِسَ حَلِتُّو مَاسُ ڢِكَڢِكَنْ؞ 19 أَ عِدُواْنَ، سَعَدَّ حَلِتُّو مَاسُ ڢِكَڢِكَيْ سُكَ ڢِتَ، سُكَتَادَ ڢِكَڢِكَنْسُ سُكَتَاشِ سَمَ دَغَ ڧَسَا، ڧَڢَاڢُنْ سُنَانَنْ عَكُواْوَنٜىٰ غٜىٰڢٜىٰنْسُ؞ سُكَ ڟَيَ عَڧُواْڢَرْ غَبَسْ نَغِدَنْ يَهْوٜىٰهْ؞ ڧُنْشِنْ حَصْكٜىٰنْ طَوْكَكَرْ اللَّهْ نَ إِسْرَٰٓءِيلَ يَنَ بِسَنْسُ؞ 20 وَطَنَّنْ سُونٜىٰ حَلِتُّو مَاسُ ڢِكَڢِكَنْدَ نَغَنِ عَڧَرْڧَشِنْ اللَّهْ نَ إِسْرَٰٓءِيلَ عَبَاكِنْ كُواْغِنْ كٜىٰبَرْ؞ نَكُمَ سَنِ سُونٜىٰ حَلِتُّو مَاسُ ڢِكَڢِكَيْ؞ 21 كُواْوَنّٜىٰنْسُ يَنَدَ ڢُسْكَ حُطُ دَ ڢِكَڢِكَيْ حُطُ، عَڧَرْڧَشِنْ ڢِكَڢِكَنْسُ سُنَدَ صِڢَّرْ حَنُّوَ كَمَرْ نَ یَنْ أَدَمْ؞ 22 غَمٜىٰ دَ كَمَنِّنْ ڢُسْكُواْكِنْسُ، ڢُسْكُواْكِنْ دَيْدَيْنٜىٰ دَ نَوَطَنْدَ نَغَنِ عَبَاكِنْ كُواْغِنْ كٜىٰبَرْ؞ سُنَ تَڢِيَ تَرٜىٰ كُمَ بَاتَرٜىٰدَ جُويَا جِكِنْسُبَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria